ބޭވަފާތެރިޔަކީމޭ 1

މެންދުރުގެ ހޫނުގަދަ ވަގުތެވެ. ހޮސްޕިޓަލުތެރޭގެ އެކިއެކި ހިސާބުގައި މީހުންތަށް ހޭލަމޭލަ ވަމުން ދިޔައެވެ. ހޮސްޕިޓަލު ތެރޭގައި އެއް އަޑުކޮއްލާފައިވީ ކިއު ނަންބަރުތަށް “ބީޕް” ގޮވާއަޑަށެވެ. ހޮސްޕިޓަލުގައި ހީވާގީ ކަމާއި އެކު ތަފާތު ޑަކްޓަރުން މަސައްކަތް ކުރަމުން ދިޔައިރު ޑަކްޓަރު އެލީޝާވެސް ދިޔައީ އޭނާގެ މަސައްކަތްތަށް ފުރިހަމަ ގޮތުގައި ކުރަމުންނެވެ. އެލީޝާއައި ރަށުގައި ހުރި ހަމައެކަނި ސައިކޭޓްރިސްޓް ކަމުން ކޮންމެދުވަހަކުވެސް އެލީޝާއަށް ގިނަގުނަ ޕޭޝަންޓުން ލިބެއެވެ.

ހަމަހިމޭންވެފައިވީ ފަޒާގައި މެންދުރުނަމާދުގެ މޫރިތި ކަލިމަ ތަކުގެ އަޑުއިވިގެންދިޔައެވެ. އެވަގުތު ވެގެން ދިޔައީ އެލީޝާ އެންމެފަހުން ބެލި ޕޭޝަންޓްވެސް ނުކުން ވަގުތަށެވެ. އެހެންކަމުން އިތުރު ޕޭޝަންޓް އަކު ތިންތޯ އެލީޝާ ބަލައިލިއެވެ. އޭރު އަދިއެއް ޕޭޝަންޓް އިނުމުން އެ ޕޭޝަންޓް މަޑުކުރަން ބައިންދާފައި ބްރޭކްއަށް ދާކަށް އެލީޝާއަކަށް ނުކުރެނެވެ. އެހެން ކަމުން އެ ޕޭޝަންޓްގެ ކިޔުނަންބަރަށް ފިއްތާލިއެވެ. ހިނދުކޮޅެއް ފަހުން އެލީޝާ އިން ކޮޓަރިއަށް ޒުވާން ފިރިހެނަކުވަނަވެ. ބައިމަތި ފުޅާ ރީތި ހަށިގަނޑެކެވެ. ކަޅުކަން ގަދަ އިސްތަށިކޮޅު ވަނީ ރީތިގޮތަކަށް ސްޓައިލް ކޮއްލެވިފައެވެ. އެޒުވާނާގެ ހިތްކަތިލެވޭ ފަދަ ހިނިތުންވުމާއި އެކު ތޫނު ދެލޯފެނިފައި ޒުވާން އަންހެން ކުދިން މޮޔަވާވަރުވާނެކަން ގައިމެވެ. ކަޅުކުލައިގެ ގަމީހަކާއި އެކު ކަޅުކުލައިގެ ޖީންސްއެއް ލާފައިހުރި އިރު މަތީ 3 ގޮށް އިނީ ނައްޓާލާފައެވެ. އެލީޝާއާއި ދިމާލަށް އެޒުވާނާ ބަލާލާފައި އެއްލޯ މަރާލީ “ފްލާރޓީ” ގޮތަކަށެވެ.

“އިށީންދޭ” ލުއި ހިނިތުންވުމަކާއި އެކު އެލީޝާ ބުނެލިއެވެ. އަދި އައިޑީކާރޑް އާއި ކިޔު ނަންބަރު ދިނުމަށް އެދުނެވެ.

“ޔޫސުފް ޔޫހާން ޔައީޝް ދެއްތޯ؟ ކިހިނެތްތޯ ވަނީ؟” އިސްޖަހައިގެން އިން ޔޫހާންގާތުގައި އެލީޝާ އެއްސެވެ.

“ޑަކްޓަރު.. އަޅުގަނޑުގެ ހިތަށް ގޮތެއްވަނީ.. ނޭނގެ ވާގޮތެއްވެސް. އަޅުގަނޑަކީވެސް މި ހޮސްޕިޓަލުގައި މަސައްކަތް ކުރަމުން ދާ ކާރޑިއޮލޮޖިސްޓްއެއް. ޑަކްޓަރ. ހިތުގެ ބައްޔާއި އެކު އަންނަ ޕޭޝަންޓްތަށް އަހަރެން ސަލާމަތް ކުރާއިރު އަހަރެންނަކަށް އަހަރެންގެ ހިތަށް ވާގޮތެއްނޭނގޭ. މި ހޮސްޕިޓަލުގައި އުޅޭނެ އެލީޝާ ކިޔާ ޑަކްޓަރެއް. އެލީޝާ ފެންނަ އިރަށް ނޭނގެ ވާގޮތެއްވެސް.. ދެފައި އޮޅެނީ. ހިތްތެޅެނީ. ޑަކްޓަރު އަޅުގަނޑު ކިހިނެތްތޯ ހަދަންވީ؟” ކުޑަ ކުއްޖެއްހެން ޔޫހާން ހުރިހާއެއްޗެއް އެއްފަށަށް އަމުނާލިއެވެ. އެލީޝާ ހީލާފައި ކައިރީގައި އިން ނޯޓް ފޮތުން ގަނޑެއްގައި އެއްޗެއް ލިޔެލާފައި ޔޫހާންގެ ގަމީހުގައި އިން ޖީބަށް ވައްޓާލިއެވެ.

“ދެން އެންމެ ރަނގަޅު ދުރުވިޔަސް އިނގޭތޯ؟” އެލީޝާ ބުނެލިއެވެ. ކައިރީގައި އިން އެލީޝާގެ ކަޅުކުލައިގެ އަތްދަބަސް ނަގާ އެލީޝާ ކުރިއަށް ހިނގައިގަތެވެ. ނަމަވެސް އެލީޝާއަށް ހުއްޓެން މަޖުބޫރުވީ ޔޫހާން އެލީޝާ އަތުގައި ހިފާ ދަމާގެނެސް ޔޫހާން އުނގުގައި ބޭންދުމުންނެވެ.

“ދެން. އަޅެ ހޮސްޕިޓަލޭ މިއީ މީހަކަށް ފެނިދާނެ” ޔޫހާންގެ އަތްދަށުން ސަލާމަތްވާން މަސައްކަތް ކުރަމުން އެލީޝާ ބުނެލިއެވެ.

“ނުކުރާނަން ދުލެއް. ހަމަ ހުވާ ހާދަމިސްވެޔޭ” އެލީޝާ އަޅައިގެން ހުރި ކަޅުކުލައިގެ ޝޯލް މަތިން އެލީޝާގެ ކަންފަތުގައި މަޑުމަޑުން ދަތްއަޅާލަމުން ޔޫހާން ބުނެލިއެވެ.

“ނުވޭ މިސްއެއް. އެހެންވެ އެއްނުން މެރީ ނުކުރަން ތިއުޅެނީ. އަޅެ އަހަރެން ބޭނުންވިއްޔާ ޔޫހާންއަށް މެރީކުރަން” އެލީޝާ ތުންކޮޅުއޫކޮއްލިއެވެ.

“ޕިސް ދެން ނުބުނަމެއްނުން މެރީ ނުކުރާނަމެކޭ؟ އަދި ރައްޓެހިވީފަހުންވެސް މިވީ 2 އަހަރު. އަދި އަވަހެއްނުން؟” ޔޫހާން ބުނެލިއެވެ.

“ހޫމް ދެން ތިވިސްނާވަރަކަށް ވިސަނަބަލަ. އަހަރެން މިދަނީ ނަމާދު ކުރަން ބާއި!” ޔޫހާންގެ އިސްތަށިކޮޅު ހާވާލާފައި އެލީޝާ ނުކުމެގެން ދިޔައެވެ. އެލީޝާ ނުކުންނަންދެން ބަލަން އިނދެފައި ޔޫހާން ޖީބުބަލައިލިއެވެ.

“10 މިނިޓްސް ފަހުން އެބަ އަންނަން ނަމާދުކޮށްލައިގެން. އައީމަ ހިނގާބަ އެލާ ގޮވައިގެން އެލާ ގެޔަށް. މަންމަ ބުނި ޔޫހާން ގޮވައިގެން ގެއަށް އަންނާތީވޭ ކާން. ލަވް ޔޫ” އެލީޝާގެ ނޯޓުގައި އޮތެވެ. އެހެން ކަމުން ޔޫހާން ބޭރަށް ނުކުމެ ޕާރކިންގ ލޮޓްއަށް ދިޔައެވެ. ޔޫހާންގެ އެ ހަރަކާތުންވެސް ޔޫހާންއަކީ ނަމާދަށް ފަރުވާތެރި ޒުވާނެއްނޫންކަން ދޭހަވެއެވެ.

“ލެޓްސް ގޯ” 10 މިނިޓް ފަހުން އެލީޝާ އަހިސް ސައިކަލު ފަހަތަށް އަރާފައި ބުނެލިއެވެ. ޔޫހާން ހިނިތުންވެލާފައި ސައިކަލު ދުއްވާލިއެވެ.

“އަނހާ މިއޮއް އައީނުން ދެކުދިން. އަވަހަށް އާދޭ. ހަމަ މިނިމުނީ ކާންހަދާ. މާޔަން؟ ލީޝާ؟ ކޮބާ އާދޭ އަވަހަށް” ގެއަށް ވަދެގެންއައި އެލީޝާއާއި ޔޫހާން ފެނިފައި އެލީޝާގެ މަންމަ އަނާޝާ ގޮވާލިއެވެ. ލީޝާއަކީ އެލީޝާގެ ދޮންތައެވެ. ލީޝާއަކީ އެލީޝާއާއި އަޅާކިޔާނަމަ ދިމާ އިދިކޮޅެވެ. އެލީޝާއަކީ ދީންވެރި އަޙްލާގު ރަނގަޅުކުއްޖަކަށްވީ އިރު، ލީޝާއަކީ ދީނާ ދުރު އެއްވެސް ނިވާކަމެއް ގެންގުޅޭ ކުއްޖެއްނޫނެވެ. ލީޝާއަކީ ބުރުގާ އަޅައިގެން އުޅޭ ކުއްޖެއްނަމަވެސް ބުރުގާ ނާޅާވެސް ބޭރަށް ދާލެއް މަދެއްނުވާނެއެވެ. ބުރުގާ އެޅިޔަސް މޭމަތި އޮންނާނީ ދިއްލާފައެވެ.

ބަދިގެ ތެރެޔަށް ވަދެވުމާއި އެކުވެސް ޔޫހާން ބަނޑުފުރުނު ފަދައެވެ. ކެރެޓު ބަތާއި އަލުވި ބަތެވެ. ޓޮމާޓޯ ބަތާއި ފްރައިޑް ރައިސްއެވެ. ޕާސްތާއާއި ސްޕެގެޓީއެވެ. ފިހެފައިވީ ކުކުޅާއި ސޮސެޖެވެ. ނޫޑުލީހާއި ޕާޕަރެވެ. ތަފާތުވައްތަރުގެ ޖޫސްވެސް ގިރާލާފައިވެއެވެ.

“ހާދަބައިވަރެއް؟ ޔަގީން މިއަދު މިގެއިން ނުކުންނަ އިރު އަހަރެން ހުންނަނީ 10 ކިލޯ ބަރުވެފަކަން” ޔޫހާން ސަމާސާކޮއްލިއެވެ. އެންމެނަށްވެސް ހެވުނެވެ.

“ކީކޭ މަންމާ؟” ލީޝާ ބަދިގެތެރެޔަށް ވަނީ އެވަގުތެވެ. ޔޫހާންގެ ދެލޯވެސް ހޯދާލީ އެއަޑުގެ ވެރިޔާއެވެ. ކިރިޔާ ފަލަމަސްގަނޑުނިވާވާ ސޯޓުކޮޅުގައި ހުރި އިރު ލީޝާގެ ދޮން ފައި އޮތީ ހާމައަށެވެ. ލައިގެން ހުރި ކުރު ޓީޝާޓު ކޮޅު މެޔަށް ދޫކޮށްހުރި ނަމަވެސް، ބަނޑުއޮތީ ކަޝްފުވެފައެވެ. ލީޝާ ހުރިގޮތް ފެނި އެލީޝާ ހިތްހަމަ ނުޖެހުނެވެ.

ލީޝާއަކީ އަނާޝާއަދި މާޔަންގެ ފުރަތަމަ ދަރިފުޅެވެ. އުމުރުން 33 އަހަރުގެ ލީޝާއަކީ ނާރސިންގ ސްކޫލްއިން މަތީތައުލީމު ހާސިލްކޮއްފައިވީ ނަރުހެކެވެ. ނަމަވެސް ނާރސިންގ ސެފްޓިކެޓާއިއެކުވެސް ލީޝާ ހުންނަނީ ގޭގައެވެ. ވަޒީފާއަށް ދާން އަނާޝާއެދުމުންވެސް ލީޝާގެ ޖަވާބަކަށްވީ “މަންމަމެން ބުނީ ކިޔަވާކަށްނުން؟ އަހަރެން މިހުރީ ކިޔައިވެގެން ދެންއެވީނުން؟” ހަގީގަތުގައި އެލީޝާއާއި މާޔަންގެ ރުފިޔާއިން ހަމަޖެހިލައިގެން އެއާއިލާއަށް އުޅެވޭވަރުވެއެވެ. އެކަން އުޒުރަކަށް ބޭނުންކުރިނަަމަވެސް ހަގީގަތަކީ ލީޝާގެ ހުރި “ކަންނެތް” ކަމެވެ.

“ލީޝް ތިކޮންކަމެއް؟ ބުނިންދޯ މަގޭ ބޯއިފްރެންޑް މިއަދު އަންނާނޭ. ދާންވީ ތަންކޮޅެއް ނިވާވާ އެއްޗެއްލާން. ބުރުގާ އަޅައިގެންއަންނާތި” ލީޝާގެ އަތުގައި ހިފާ ބޭރަށް ނެރެފައި އެލީޝާބުނެލިއެވެ.

“ސޮރީ އެބައުޓް ދެޓް” ޔޫހާން ގާތުގައި އިށީންދެފައި އެލީޝާ ބުނެލިއެވެ. އިޓްސް އޯކޭއޭ ބުނެލިނަމަވެސް ޔޫހާންގެ ދެލޯ ހޯދަމުން ދިޔައީ އެޒުވާން އަންހެން ކުއްޖާއެވެ. އިރުކޮޅެއްފަހުން ލީޝާއައެވެ. ކަޅު ކުލައިގެ ޖީންސްއާއި އެކު ދަނބުކުލައިގެ އަތްދިގު ޓޮޕްކޮޅެއްލާފައި ހުރި އިރު ވަނީ ކަޅު ކުލައިގެ ވައްބުރުގަލެއް އަޅާފައެވެ. އެވަގުތު ލީޝާގެ ލޮލުގައި ޔޫހާން އަޅައިގަތެވެ. އޭރު ޔޫހާންވެސް އިނީ ލީޝާއަށް ބަލަންށެވެ.

ޔޫހާންގެ ކަޅުކަންގަދަ އިސްތަށިކޮޅާއި ތޫނު ދެލޯފެނި ލީޝާ ހިތްއަވަސްވެލިއެވެ. ހިނިތުންވެލުމުން ކޮލަށް އަރާފައި އިން އަޑިކޮޅުފެނި ލީޝާގެ ހަށިގަނޑު ހީލި އަރައިގަތެވެ. އެފަދަ ޒުވާނަކު އެލީޝާކަހަލަ “ގޯންޏަކަށް” ވަދެގެން ހުރި ކުއްޖަކާ ރައްޓެހި ވުމުން ލީޝާ ހައިރާންވިއެވެ. ލީޝާގޮސް އިށީނީ ޔޫހާން ކުރިމަތީގައި އިން ގޮނޑީގައެވެ.

“ކޮބާ ކޮންއިރަކުންތަ ދެކުދިން ކައިވެނި ކުރަންއުޅެނީ؟” ލީޝާގެ ހަރަކާތްތަކަށް ގެއްލިފައި އިން ޔޫހާން ސިހުނީ މާޔަން ވާހަކަދައްކަންފެށުމުންނެވެ.

“އެދޯ؟ އެވާހަކަ ދައްކަން އަޅުގަނޑު ނިންމައިގެން މިއަދު މިހުރީވެސް. އަޅުގަނޑު ބޭނުން އެލާއަށް ކައިވެނި ކުރަން..” އެލީޝާގެ އަތުގައި ހިފާލާފައި ޔޫހާން ބުނެލިއެވެ. ޔޫހާންގެ ވާހަކައިން އެލީޝާގެ ދެލޮލުން ވިދާލީ އުފާވެރިކަމެވެ.

“ބައްޕާ.. އަޅުގަނޑަށް އެލާ ދެއްވަފާނަންތޯ؟ ﷲ އިރާދުކުރެއްވިއްޔާ އަޅުގަނޑު އެލާއަށް ދުވަހަކުވެސް ދެރައެއް ނުދޭނަން. އަޅުގަނޑު އަބަދުވެސް އެލާއަށް ލޯބިދޭނަން” ޔޫހާން އަނެއްކާވެސް ބުނެލިއެވެ. މާޔަން ހިނިތުންވެލިއެވެ.

“ބައްޕަ ދަރިފުޅަށް ވަރަށް އިތުބާރުކުރަން. އެކަމަކުވެސް ބުނެލަން. އެލާ ވަރަށް ރަނގަޅަށް ބަލައްޗޭ. އެލާ ދަރިފުޅުދެކެ ވަރަށް ލޯބިވޭ” މާޔަން ބުނެލިއެވެ.

“ލައްބަ ބައްޕާ” ޔޫހާން ބުނެލިއެވެ. އަތުގައި އޮތް ސަމްސާ ތަށީގައި ބާއްވާފައި ޔޫހާން ޖީބުގައި އޮތް ރިހިކުލައިގެ އަނގޮއްޓިނަގާ އެލީޝާގެ ވާއަތުގައި އަޅުވާލަދިނެވެ. އެލީޝާގެ ދެލޮލުން ވިދާލީ އުފާވެރިކަމުގެ ކަރުނައެވެ. މަންޒަރުބަލަން އިން އަނާޝާއާއި މާޔަންގެ ދެލޮލުންވެސް ފެންނަމުން ދިޔައީ އުފާވެރިކަމެވެ. ނަމަވެސް ލީޝާގެ މޫނުމަތިން އެކަހަލައެއްވެސް އަސަރެއްނުފެނެއެވެ.

ކައިވެނީގެ ވާހަކަތަށް ދެއްކެން ފެށީ އެވަގުތެވެ. ކައިވެނި ލަސްކުރާކަށް އެކަކުވެސް ބޭނުމެއްނޫނެވެ. ކާން އިން ޔޫހާންގެ ސަމާލުކަށް ހޯދުމަށް ލީޝާގެ ފައި ޔޫހާންގެ ފައިގައި ހާކާލިއެވެ. ވަގުތުން ޔޫހާންގެ ސަމާލުކަން ލީޝާއަށް ހުއްޓުނެވެ. ޔޫހާންކައިނިމެންދެން އެކުޅިވަރުގައި ލީޝާއިނެވެ.

ކައިނިމުމުން ޔޫހާން ބޭރަށް ނުކުމެލީ ސިނގިރޭޓެއް ބޯލުމަށެވެ. އޮފީހުން ގުޅުމުން މާޔަންއަށް ދާންޖެހުމުން ޔޫހާން ހުރީ އެކަންޏެވެ. ބޭރުގައި ހުރި އިރު ޔޫހާންގެ ބޮލުގައި އުދުހެމުން ދިޔައީ ލީޝާއެވެ. ހަށިގަނޑަށް ބަލާނަމަ އެލީޝާއަށް ވުރެ ލީޝާ ކިތަންމެ ހާވެސް ރީއްޗެވެ. ލީޝާއަކީ ޔޫހާންއަށްވުރެ ވެސް ބޮޑު ކުއްޖެއްކަމުން ޔޫހާންހުރީ “ކުރާ” ހިތްވެފައެވެ. ފުރަތަމަ ފެނިލުމުންވެސް ޔޫހާންގެ ހިތް މިކުއްޖާ ކަތިލާފައެވެ.

“އަހަރެންމަތިންތަ ތިވިސްނަނީ؟” ފަހަތުން އިވުނީ ލީޝާގެ އަޑެވެ.

(ނުނިމޭ)

މިވާހަކައިގެ ދެންއޮތް އެޕިސޯޑުގެ ލިންކު ކޮމެންޓް ސެކްޝަންގެ ތިރީގައި ވާނެއެވެ.