މަގޭ މާއިލް 15

ކޮޓަރިއަށް ރަނގަޅަށް ނަޒަރު ހިންގާލި އިރަށް ޔާއިދުގެ ލޮލުގައި އެންމެ ފުރަތަމަވެސް އަޅައިގަތީ ރީތިވާ މޭޒު މަތީގައި އޮތް ކަޓަރު ތިލައެވެ.

********

ލަސް ހިނގުމެއްގައި ގޮސް ޔާއިދު އެކަޓަރު ތިލަ ނެގިއެވެ. އެ ހިފައިގެން ކުރިންވެސް އިންތަނަށް ޔާއިދު ނިކުތެވެ. ކަޓަރު ތިލަޔަށް ބަލަން އިނުމަށް ފަހު ޔާއިދު އޭނާގެ އަތުގައި ތިލައަޅުވާލިއެވެ. ހަންގަނޑު ތޮރުފަމުން ޔާއިދު އެލިޔަނީ އެހެން ދެވަނަ މީހެއްގެ ނަމެއް ނޫނެވެ. ނޫރާގެ ނަމެވެ.

*********

[އަދިވެސް ބަލަން ހުރީތަ؟ ހަމަ މިހާރު މީގަ ސޮއި ކުރާށޭ!!!] ވިޝާމް އަޑުގެ ނެތްތަނަށް ފެލިގަތެވެ. ކަރުނަވީ ލޮލަކުން މާއިލް ލާރާއާއި ދިމާލަށް ބަލައިލިއެވެ. ދެލޯ މަރާ ތަގުޅި ކޮށްގެން ހުރިގޮތުންވެސް ލާރާ މާއިލްއާއި ދިމާލަށް ބަލައިލަންވެސް ބޭނުން ނުވޭކަން މާއިލްއަށް ދޭހަވިއެވެ. ހިތްމަތީ ހިލަގަނެއް ބާއްވާފައި ތުރުތުރު އަޅާއޮތް އަތުން މާއިލް އެގަނޑުގައި ސޮއިކުރިއެވެ. އެއަށް ފަހު މާއިލް ލާރާއާއި ދިމާލަށް ބަލައިލިއެވެ. އެވަގުތު އެއީ ލާރާވެސް ދެލޯ ހުޅުވާލަމުން މާއިލްއަށް ބަލައިލި ވަގުތެވެ. މާއިލް ލާރާއާއި ދިމާލަށް ބަލަން ހުރީ ޝަކުވާގެ ދެލޮލުންނެވެ. ނަމަވެސް އެއްވިސް އެއްޗެއް ނުބުނެ މާއިލް ހިނގައިގަތެވެ. މާއިލް ދިޔަ މަންޒަރު ބަލަން ހުރެފައި ކުޑަ ކަކޫ މައްޗަށް ތިރިވެ ލާރާ ރޯންފެށިއެވެ. [ލާރާ އެއްޗެހި ބަލާ ދާންވީނުން؟] ލާރާ ކައިރިއަށް އަހިސް ވިޝާމްއަހާލިއެވެ.

[ތިދެމީހުން މަގޭ އެއްޗެހި ގެނެސްދީފާނަންތަ؟ އެގޭ ކުރިމައްޗަށް އަރާނެހާ ހިތްވަރެއް އަހަރެންގެ ހިތަކު ހަށިގަނޑަކުނެތް. އަހަރެން މަންމަ ކައިރިއަށް ގެންގޮސްދީ ޕްލީޒް…] ރޮމުން ރޮމުން ލާރާ ބުންޏެވެ. [އޮފްކޯސް.. ވިޝާމް ދޭބަ އެގެޔަށް ލާރާގެ އެއްޗެހި ގެންނަން އިއްނު ދާނަން ލާރާ ގޮވައިގެން ލާރާގެ ގެއަށް] އީން ބުނެލިއެވެ.

[ދަރިފުޅަށް ހަމަ ޔަގީންތަ؟]ހައިރާންވެ ހުރެ ޖަޒްލާގެ އުނގުގައި ބޯއަޅައިގެން އޮވެ ރޯލަ ރޯލަ އޮތް ލާރާ ގާތު ރައްޒާގު އެއްސެވެ. [އާއެކޭ ބައްޕާ… އަހަރެން.. މާއިލް ގާތުން ވަރިވެސް ވެއްޖައިން.. ފޯމް ފުރައިފިން.. ވިޝާމް މިހާރު ކޯޓަށް ފޯމު ލައިފާނެ..] ރޮމުން ރޮމުން ލާރާ ބުނެލިއެވެ. [އެކަމަކު… މަންމައަޅެ އެއްގޮތަކަށްވެސް ހީނުކުރަން މާއިލް އެފަދަ މީހަކަށް ވެދާނެ ކަމަކަށް..] ޖަޒްލާ ބުނެލިއެވެ. ކުއްލިއަކަށް ލާރާ ޖަޒްލާ އުނގުން ތެދުވިއެވެ. [މީހުސް މަންމަމެންގެ މައްސަލަ.. މަންމަމެންނާ ހުރެ އަހަރެން މިއަދު މި ހިތާމަ މިކުރަނީ.. އެ މާއިލް ޖިންނިއަކަށްވީމަ މަންމަމެއްނަށް ކަމުނުދިޔައީ.. އެކަމަކު އެ މާއިލް އަހަރެންގެ ލޮލުން އެންމެ ކަރުނަތިއްކެއްވެސް ވެއްޓުނަކަ ނުދޭ..  އެކަމަކު މަންމަމެން މަގޭ މާއިލް މަށާ ދުރު ކުރުވީ. ދެން މަށާ މިޖެހުނީ އިންސާނަކާވެސް ނޫން.. މިހުރިހާ ކަމެއްވެސް މިވީ މަންމަމެންނާ ހުރެ..] ބުނަން ބޭނުންވި ހުރިހާ އެއްޗެއް ބުނެލުމަށް ފަހު ލާރާ ދުވެފައިގޮސް ކޮޓަރިއަށްވަނެވެ. [ލާރާ… ދަރިފުޅޫ…] ރޮއިގަންނަމުން ޖަޒްލާ ލާރާ ފަހަތުން ދިޔުމަށް ހިނގައިގަތެވެ. [އިހަށް ބަހައްޓާ… އެމަންޖެއަށް އިހަށް ވަގުތު ކޮޅެއްދީ…] ޖަޒްލާ ގައިގައި ބައްދާލަމުން ރައްޒާގު ބުނެލިއެވެ.

*********

އަތުގައި ބެންޑޭޖު އަޅައިލަމުން ޔާއިދު އަތުގައި ފިރުމާލިއެވެ. މި ލަކުނު މިއީ ޔާއިދު ނޫރާދެކެ އުމުރު ދުހު ލޯބިވާނެކަމަށް އޭނާ އަމިއްލަ ނަފްސަށް ވީ ވައުދުގެ ނިޝާން ކަމުގައި ޔާއިދު ދެކުނެވެ. ކުއްލިއަކަށް ސިހިފައި ޔާއިދު ފަހަތް ބަލައިލީ ދޮރު ހުޅުވާފައި ވައިން ނޫރާ ފެނިފައެވެ. [ޔާދު އިޓްސް ޓައިމް ޓު ޕްލޭ.. ނައު ވީ ހޭވް ދި ބޯލް.. މާއިލް ވިލް ބީ މައިން ސޫން ހެހެ] ނޫރާގެ ލޮލުގައި ވިދަމުން ދިޔައީ ޝައިތާނީ ވިދުމެކެވެ.

(ނުނިމޭ)

މިވާހަކައިގެ ދެންއޮތް އެޕިސޯޑުގެ ލިންކު ކޮމެންޓް ސެކްޝަންގެ ތިރީގައި ވާނެއެވެ.