އުމުރަށް ތިޔަ ނަމުގާ ފިދާވުން އެދެނީ 11

އެތަން ފެނުމުން މެހެރީން ޒަކްވާންގެ އަތުގައި ހިފާދަމާ ކާރިޔަށް ގެނެސް ޒަކްވާންގެ ހަށިގަނޑުގައި ބައްދާލިއެވެ. ޒަކްވާންއަށް ވެސް ބާރަށް ބައްދާލެވުނެވެ. ދެމިހުންނަށް އެހެން އެތަށް އިރަކު ތިބެވުނެވެ. “ޒެކް ހިންގާ ދާން ރޫމަށް ޒިވީ ހޭލަފާނެ ” މެހެރީން ބުނެލިއެވެ. އަދި ޒަކްވާންގެ ކޮލުގައި ބޮސް ދީފައި ދުވެފައި ދިޔައެވެ. މެހެރީންގެ އެ އަމަލުން ޒަކްވާން ހުރީ ބުނާނެ އެއްޗެއްވެސް ނޭގިފައެވެ. ޒަކްވާން ދިޔައީ މެހެރީން ފެންވަރާ ނިމޭނެ ހާއިރުކޮށްފައެވެ. “ޒަކްވާން ފެންވަރާލައިގެން ހުދުކުލައިގެ ތުވާލި އޮޅާލައިގެން ނިކުތް ތަން ފެނުމުން މެހެރިންއަށް ޒަކްވާންގެ އެ ރީތި ހަށިގަނޑަށް ބަލަން ހުރެވުނެވެ. އިރުކޮޅަކުން ނުބަލާކަމަށް ހަދާފައި ބޮލުގައި ހުޅިއެއް ޖަހާލިއެވެ. އެތަން ފެނުމުން ޒަކްވާން އައިސް ހުޅި މޮހެލިއެވެ. ” ރީންގެ އިސްތަށިގަނޑު މިހާރު ހާދާ ލޮތްބޭ ބުނީމެއްނު ފިރިމީހަށް އެކަންޏޭ ރީތިކަން ފެންނަން ބޭނުން ވަނީ ސޯ ހުޅި ނުހަޖާ ބާއްވަބަލަ އަހަރެން ބޭނުން ރީންގެ ރީތިކަން ބަލަން ” މެހެރީން ލަދުން އިސްޖަހާލިއެވެ. ޒަކްވާން މެހެރީންގެ ދަތްދޮޅީގައި ހިފާފައި މެހެރީންގެ އިސް އުފުލުލުމުން މެހެރީން ލަދުން ޒަކްވާންގެ މޭގައި މޫނު ފޮރުވާލިއެވެ. ޒަކްވާން މެހެރީންގެ ގައިގަ ވަރަށް ލޯބިން ބައްދާލިއެވެ. ޒިވީ ރޮއެގަތް އަޑަށް ދެމީހުން ވެސް ދިޔައީ ސިއްސައިގެންނެވެ. މެހެރީން ދުވެފައި ގޮސް ޒިވީ އުރާލައިގެން ގޮސް ފީޑް ކުރަން އިށީނުމުން ޒަކްވާން ގޮސް އެނދުގެ އަނެއް ފަރާތުގައި އޮށޯވެ ނިދާލިއެވެ.

ތިންދުވަސް ވަންދެން ޔޮޓުގައި މަޖާކުރުމަށް ފަހު މާލެ ޒަކްވާން މެން އައެވެ. ނަމަވެސް އެ ދެމީހުންގެ ދޭތެރޭގައި ވީ ދުރު ކަމަށް ބަދަލެއް ނައެވެ. “ޒެކް އަހަރެން ސުވާލެއް ކޮށްލަން ތަ؟ ” ޒަކްވާން ބޯޖަހާލިއެވެ. ” ޒެކް ލޯބިވާ ކުއްޖަކު ހުރޭތަ؟ ” މެހެރީންގެ ސުވާލުން ޒަކްވާން އަށް ކޮޅަށް ތެދުވެވުނެވެ. ނަމަވެސް ޖަވާބެއް ނުދިނެވެ. ” ޒެކް ޖަވާބު ދީ ބަލަ ދޮގު ހަދަން ހިޔާލަށް ވެސް ނުގެންނާތި އަހަރެން ކުރި ރޭ ދުށީމޭ ފޮޓޯ ފްރޭމް ހިފައިގެން ލަވަކިޔަން އިންތަން ” މެހެރީން އަށް ބުނެވުނީ ހަރުކަށި ރާގަކަށެވެ. “ރީން އަށް ފެނުނުތަ ކާކުގެ ފޮޓޯއެއްކަން؟” ޒަކްވާން އަހާލިއެވެ. “ޒެކް އަހަރެން ކުރި ސުވާލުގެ ޖަވާބު ނުދެވިގެން ތި އުޅެނީ ކީއްވެގެން؟ އަހަރެންނަކަށް ނުފެނޭ ފްރޭމްގަ އިން މީހެއް” އެހެން ބުނެވުނު އިރު މެހެރީން ގެ ލޮލުން ކަރުނަ އައެވެ. ދެން ވެސް ޒަކްވާންގެ ފަރާތުން މެހެރީން ބޭނުންވާ ޖަވާބު ނުލިބުނެވެ. ” ޒެކް ޖަވާބު ދީބަލަ؟ ލޯބިވާ ކުއްޖަކު ހުރޭތަ ” މިފަހަރު މެހެރީން ސުވާލު ކުރީ ބާރަށެވެ. ޒަކްވާން ހަމަ އެކަނި ބޯޖަހާލީއެވެ. ” ޒެކް ދެން ކީއްވެ އަހަރެންނާ ކައިވެނި ކުރީ ؟ އަހަރެން ބޭނުން ބަލަން ޒެކް ގެ ލޯބިވެރިޔަކީ ކާކު ތޯ؟ ” މެހެރީން ބުނެލީ ޒަކްވާން އާއި ކާރިއަށް ހުއްޓިފައެވެ. ” ރީން! އަހަރެންގެ ރީން އާ ކައިވެނި ކުރީ އަހަރެން އެގޮތް ބޭނުން ވާތީ އަހަރެންގެ ލޯބިވެރިޔާގެ ފޮޓޯ ދެއްކޭކައް ނެތް” އެހެން ބުނެލާފައި ޒަކްވާން ނިކުމެގެން ދިޔައެވެ.

މެހެރީންދެކެ އެހާ ލޯބިވާއިރުވެސް ޒަކްވާންއަށް ފަސްޖެހެވެނީ އަމަން ރަގަޅުވެގެން އަންނަ ދުވަހަކުން މެހެރީން އަމަން އާ އެކީ ދާން ބޭނުންވެއްޖެ ނަމަ ޒަކްވާންގެ ހިތަށް ލިބޭ ވޭން ކުޑަކުރަން ބޭނުންވާތީއެވެ. ޒިވީ އަކީ އަމަންގެ ދަރި އަކަށް ވީމާ މެހެރީން ޗޫޒް ކުރާނީ އަމަން ވީމައެވެ. ޒަކްވާނަށް ނޭގޭ ހަގީގަތަކީ މެހެރީން ދުވަހަކުވެސް ޒަކްވާން ދޫކޮށް ނުދާނެކަމެވެ.

މެހެރީން ދެރަވާކަށް ބޭނުމެއް ނޫނެވެ. ޒަކްވާން އަކީވެސް ހިއްސުތައް ސަލާމަތުން ހުރި މީހަކަށް ވާތީ އަބަދު އެހެން ނޫޅޭވޭނެކަން އަންގަން މެހެރީން ބޭނުން ވިއެވެ. މެހެރީން ޒަކްވާން އާއި ވާހަކަ ނުދެއްކިޔަސް ޒަކްވާންގެ ހުރިހާ ކަމެއް ބަރާބަރަށް ފުރިހަމައަށް ކޮށްދެމުން ދިޔައެވެ. ޒިވީ ވެސް ބޮޑުވަމުން އައިވަރަކަށް ޒަކްވާން އާއި ދޯޅުވަމުން ދިޔައެވެ. ކުރު ކުރު ސޯޓު ކޮޅުތައް ލައިގެން ވެސް ޒަކްވާންގެ ސަމާލުކަން ލިބޭތޯ މެހެރީން އެތައް މަސައްކަތެއް ކުރިއެވެ. ނަމަވެސް ޒަކްވާން ހުރީ ހަމަ އޭނާގެ ގޮތުގައެވެ. ” ޒެކް ހަމަ އެއްފަހަރު ނަމަވެސް އަހަރެން ނާ ކާރިވާކަށް ތި ހިތެއް ނޭދޭތަ؟ އަހަރެން މީ ޒެކްގެ ހަލާލު އަނބި މީހާ އޭ! އަހަރެން މީ އަންހެނެއް ކަމާ މެދުވެސް މިހާރު ޝައްކު ވޭ! ތި ވަރުގެ ކެތްތެރިކަމެއް ކިހިނެތް ޒެކްއަށް ލިބުނީ؟ ހަމަ ކުޑަ ކުޑަ ޖާގައެއް ވެސް ތި ހިތުން މަށަށް ނެތީ ތަ؟ ” ރޮމުން ރޮމުން މެހެރީން ބުނެލިއެވެ ” ރީން ޕްލީޒް ނޮރޮއެ ހުއްޓާލަ ބަލަ ވަގުތު ޖެހުމުން އަހަރެން ހުރިހާ ވާހަކަ އެއް ބުނާނަން! އަހަރެންނަށް ވެސް މިހެން އުޅެން ފަސޭހައެއް ނޫން! ” ޒަކްވާން ބުނެލިއެވެ. “ޒެކް އެއްފަހަރު ނަމަވެސް ޒެކްގެ ލޯބިވެރިޔާގެ ފޮޓޯ ދައްކަ ބަލަ ” މެހެރީން ބުނެލިއެވެ ” ރީން ކިއްވެގެން ތި އުޅެނީ ނުދެއްކޭނެ އޭ ބުނީމެއްނު ” ޒަކްވާން ބުނެލިއެވެ. ޒަކްވާން އެންމެފަހުން ރޫމުން ނިކުމެގެން ދިޔައެވެ.

ދުވަސް ތައް ފާއިތު ވަމުން ދިޔައެވެ. އެރޭގެ ފަހުން މެހެރިން ހަތިޔާރު ބެހެއްޓިއެވެ. ޒަކްވާންގެ ސަމާލުކަން ހޯދުން ހުއްޓާލިއެވެ. ކޮޓަރީގައިވެސް މިހާރު އުޅެނީ ބުރުގާ އަޅައިގެންނެވެ. ޒަކްވާން ދެއްކި ވާހަކަ އަކަށް ނޫނީ ވާހަކައެއް ނުދައްކައެވެ. މެހެރީންގެ އާއިލާ މީހުންވެސް ދޭތެރެއިން އައިސް މަޖާކޮށް ހަދައެވެ. މެހެރީން އޭނާގެ ހިތާމަތައް އެއްވެސް މީހަކާ ހިއްސާ އެއް ނުކުރެއެވެ. ހިތާމަތައް ފޮރުވާލާފައި ހިނިތުން ވެލައިގެން އުޅެމުން ދިޔައެވެ.

އެލްސާ ތީމް އަށް ލޮނުޒިޔާރަތްކޮޅު ޕާރކްގައި ބޭއްވުމުން ދިޔައީ ޒިވީގެ ފުރަތަމަ އުފަން ދުވަހުގެ ޕާރޓީއެވެ. ޕާރޓީގެ ހުރިހާކަމެއް ކުރީ ޒަކްވާން އާއި މެހެރީން ގުޅިގެންނެވެ. އެދެމީހުންގެ ގުޅުން ކޮންމެ ގޮތަކަށް އޮތަސް ދަރިފުޅުގެ ކަންކަމުގައި ބައިވެރިވީ ގުޅިގެންނެވެ. ޕާރޓީ ނިންމާލާފައި ގެޔަށް ދެވުނު އިރު 8 ޖަހަނީއެވެ. ޒިވީ އާއީ މެހެރީންގެ ހެދުން ބަދަލުކޮށްގެން ވަށް ބުރުގާ ކޮޅެއް އަޅައިގެން އައިސް ސޯފާގައި އިށީނީ ގިފްޓް ކަނޑަން ވެގެންނެވެ. ގޭގޭ ބެލް މީހަކު އަޅާލުމުން މިލީ ގޮސް ދޮރު ހުޅުވާލިއެވެ. ” މެހެރީން އެބަ އުޅޭތަ ؟ އެމިހާ އަހާލުމުން މިލީ އެމީހާ ވެއްދިއެވެ. ވަދެގެން އައި އަމަން ފެނުމުން ޒަކްވާންގެ ހިތުގައި ރިއްސާލިއެވެ. “މެހެރީން އަހަރެން ދަރިފުޅު އުރާލަންތަ؟ ” އަމަން އަހާލުމުން މެހެރީން ދަރިފުޅު ދިއްކޮށްލިއެވެ. އަމަން ޒިވީ އޭނާގެ މެޔާލާ ބޮނޑިކޮށްލިއެވެ. މޫނުގެ އެތަން މިތާނގައި ބޮސް ދިނެވެ. ” މެހެރީން ބޭބީ ހާދަ ލޯތްބޭ ކޮން ނަމެއް ތަ ކިޔަނީ ؟ ” އައިޝަތު ޒިވާ ” ލޯބިން ކިޔަނީ ޒިވީ  މެހެރީން އަމަން އަށް ޖަވާބު ދިނެވެ. ” ޒަކްވާންގެ ނަމާ ގުޅުވާލާފަ ދޯ ބޭބީގެ ނަން ކީ! ވަރަށް ލޯބި ނަންވެސް ބޭބީ ވެސް މެހެރީންވެސް ބުރުގާ އެޅީމަ ވަރަށް ރީތީ” އަމަން ބުނެލިއެވެ. ” އަމަން ހާދަ އަވަހަށް ސަލާމަތް ވީ؟ ” ޒަކްވާން އަހާލިއެވެ. ” އާން އަހަރެންގެ އުޅުން ރަގަޅު ވުމުން ބާކީ ދުވަސް ތަކަށް މާފު ލިބުނީ! ” އަމަން ޖަވާބު ދިނެވެ. ” މެހެރީން އަހަރެން ބޭނުން ރަގަޅު މީހަކަށް ވެގެން ގައުމަށް ފައިދާ ހުރި މިހަކަށް ވާން އެކަމުގައި އަހަރެން ބޭނުން ވާނެ މެހެރީންގެ އެހީ! އަހަރެންނަށް އެހީ ވެދޭނަން ތަ؟ އަލުން އަހަރެންނާ ގުޅޭނަން ތަ؟”

” އަހަރެންނަށް އިނގޭ މާކުރިންވެސް މި ދުވަސް އަންނާނެކަން އެހެންވެ އަހަރެން ރީން އާ ދަރިފުޅު ގެންގުޅުނީ އަމާނަތް ތެރި ކަމާ އެކު އަހަރެންގެ އަންބަކަށް ވިޔަސް ރީން އަމަން އާއެކި ދާން ހުރި ނަމަ އަހަރެން ރީން ދޫކޮށްލާނަން ރީން ތީ މިހާރުން ފެށިގެން” ޒަކްވާންއަށް ބުނެވުނީ އެހާވަރަށެވެ.

-ނުނިމޭ-

މެހެރީން ދާނެ ބާ އަމަން އާ އެކީ؟ އަމަން އަށް ސެކަންޑް ޗާންސެއް ދިނުން ރަގަޅު ބާ؟ ކޮބާ ނަދޫގެ ލޯބި ލޯބި ކިޔުންތެރިންގެ ހިޔާލަކީ….؟
ދެން އިން ޕާރޓް ގެނެސް ދޭނަން އަންގާރަ ދުވަހު.

މިވާހަކައިގެ ދެންއޮތް އެޕިސޯޑުގެ ލިންކު ކޮމެންޓް ސެކްޝަންގެ ތިރީގައި ވާނެއެވެ.