ޚިޔާލު ތަކުން އެއްކިބާވަމުން، ކުއްލިޔަކަށް އަހަރެން ފައިގާ އަޅާފައިވާ ރަޖާގަނޑު ދުރަށް އެއްލާލަމުން ފާހާނާއަށް ވަނީ އަވަސް އަވަހަށް ރީތިވެލުމުގެ ގޮތުންނެވެ. އަހަރެންގެ ހަރަކާތްތަކުގެ އަވަސްކަމާއެކު ވެވުނުގޮތަކަށް އަހަރެން ރީތި ވެލީމެވެ.
ހިނދުކޮޅެއްތެރޭ އަހަރެން ވަރަށް ބާރަށް ކޮޓަރިން ދުވެފައި ނުކުތީމެވެ. ހަމަ އެ ބާރު މިނުގައި ގޮސް ބެލްކަނިން ތިރިއަށް ބަލާލީމެވެ. ނާސިފް ފެނޭތޯއެވެ. އެހެނަސް ނާސިފް ފެންނާކަށް ނެތެވެ. ފެނުނުހާވެސް އެއްޗަކީ ނާސިފްގެ ކާރު ހަލުވި މިނުގައި ކުރިޔަށް ދުއްވާފައި ގޮސް އޮބާލިތަނެވެ.
“ޒީން… ކިހިނެއްވީ؟ ކީއްތިކުރަނީ؟ ފާހާނައިގަ ހުއްޓަ ދުވާއަޑު އިވިގެން އަހަރެން މިނުކުތީ…” ބެލްކަނިން ޒީން ފެނުނާއެކު ނަތޫ ވާހަކަދެއްކިއެވެ.
“ނަ… ނަތޫ… ނާސިފް… ނާސިފް އެދިޔައީ އަހަރެން… އަހަރެން” ހާސްވެފައިވާ އަހަރެންގެ ދެލޮލުން ކަރުނަހިލެމުން ދިޔަވަރަކަށް އަހަންނަށް ބުނެވުނީ އެވަރަށެވެ.
“ކިހިނެއްވީ؟ ނާސިފް ކީއްކުރީތަ؟ ޒީން ކޮންކަމަކާ ތިރޮނީ؟ އަޅެ ނާސިފް ކީއްހޭ ކުރީ ޒީންއަށް؟” ޒީންގެ ކޮނޑުގައި ހިފާ ބާރަށް ތަޅުވާލަމުން ނަތޫ އަހާލިއެވެ.
“އަހަރެ…އަހަރެން… ވަރި… ވަރިކޮށްފަ… އެދިޔައީ” ކަރުނައިން ބަރުވެފައިވާ ލޮލަކުން ނަތޫއަށް ބަލަމުން އަހަރެން ކިޔައިދިނީމެވެ.
“ޒީން..! ޒީން މޮޔަވީތަ؟ ކޮންއިރަކުތަ ޒީން ނާސިފްގެ މައްޗަށް ހަމްދަރުދީ ވެގެން ތިއުޅެނީ؟ ޒީން އަބަދުވެސް ބޭނުންވީ އިޝާލްއެއްނޫންތަ؟ މިއަދު އިޝާލްއަށްޓަކާ ޒީން މިނިވަންވީމަ ދެން ކޮންކަމަކާ ތިރޮނީ؟ ޒީން!… ޒީން އަނެއްކާ މިހާރު ނާސިފްދެކެ… ލޯބިވަނީތަ؟” ނަތޫގެ ހަރު އަޑުން އަހަންނާ އެތައް ސުވާލެއް ކުރިއެވެ.
ހިތްހަމަ ނުޖެހުމުގެ ރާގެއްގައެވެ. ހީވެއެވެ. ނަތޫގެ ވިސްނުމުގައި މިއަދު އަހަންނަކީ ކުށްވެރިއެކެވެ. އިޝާލްއަށްޓަކާ ވީ ލޯތްބަށް ބޭވަފާތެރިވަމުން ނާސިފް ފަހަތުން ދުވަނީއެވެ.
“އަހަންނަކަށް ނޭނގެ ނަތޫ… ލޯބި ނުވިޔަސް…. އެއީ ގޯސްމީހެއް ނޫނޭ.. އަހަންނަށް ހަމްދަރުދީ ވެވެނީއޭ…. މިއީ ގޯސްކަމެއް ނޫނޭ… ނަތޫ… ނާސިފްއަކީ ވަރަށް…ވަރަށް ރަނގަޅު މީހެއް….. އަހަރެންގެ ހަޔާތުން އެދިޔައީ ވަރަށް ރަނގަޅު މީހެއް… ނަތޫ… އަޅެ ނާސިފަކީ ވަރަށް ރަނގަޅު މީހެކޭ…. އަހަންނަށް އެކަން މިވިސްނުނީ މާފަހުން..” މޮޔަވެފައިވާ މީހެއްފަދައިން އަހަރެން ނަތޫއަށް ކިޔައިދިނީމެވެ.
ބޭއިހްތިޔާރުގައި އަހަންނަށް ރޮވެންފެށިއެވެ. ގިސްލެވެން ފެށިއެވެ. ލޯބިނުވާ މީހަކަށްޓަކައެވެ. ޒީންއެވެ. ތީބޮޑު މޮޔައެއް ނޫންހެއްޔެވެ؟ ލޯތްބެއް އުފެދިފައިނުވާ ނަފްރަތުގެ ހިތެއްގައި އަނދަ އަނދާހުރި އަލިފާނުގެ ބަދަލުގައި މިއަދު ތިވާނީ ކޮންއެއްޗެއްހެއްޔެެވެ؟ ހިތުގައި ރޯވަމުންދިޔަ ހޫނު ގިނީގެ ބަދަލުގައި މިއަދު ފިނިފެނުގެ ކަރުނައެއް ތިލޮލޮން ފައިބާތީ މުޅިދުނިޔެ ޒީންއަށް މަލާމާތް ނުކުރާނެހެއްޔެވެ؟
“ޒީން… ނާސިފަކީ ޒީން ލޯބިވާ މީހެއްވެސް ނޫނެއްނު… ނާސިފްއާހެދި ޒީން ރޮންޏާ… ދެން އިޝާލް ކިހާދެރަވާނެ… ޒީން ހާދަ ފިނޑިޔޭ.. ނާސިފް ދިޔައިމަ ޒީންއަށް ފުރުސަތު ހުޅުވުނީނު؟.. އިޝާލް މިހާރުވެސް ހުންނާނީ ޒީންގެ އިންތިޒާރުގަ.. މިވީހާ ދުވަހުވެސް އޭނަ އެހުންނަނީ ޒީންއަށްޓަކާ މީހަކާވެސް ނީންދެ.. އިޝާލްއެވީ ގުރުބާނީ ޒީން ވިސްނަންޖެހޭނެދޯ؟…. ނަތޫ ކަންބޮޑުވެފައިހުރެ ޒީންއާ ވާހަކަ ދައްކަމުންދިޔައެވެ.
“ނަތޫ… ނަތޫ… އަހަންނަށް ކަމެއްކޮށްދީފާނަންތަ؟ ނަތޫވީނު މެންދުރު މިގެ ނޫން ކޮންމެސް އެހެން ތާކަށް ދާން.. ޕްލީޒް….. ދެން އަހަންނަށް އެންމެރަނގަޅު މިރޭ އަށެއްގެ ފަހުން އައިއްޔާ… ޕްލީޒް… އަޅެ ޕްލީޒް… އަހަރެން ބޭނުންވަނީ އެވަގުތު މިތާ އެކަނި ހުރެލަން.. މިކަން ކޮށްދޭނަންތަ؟” އަވަސް އަވަސް އަރުވާލާފައި އަހަރެން ވާހަކަދެއްކީމެވެ.
“ޒީން… އަނެއްކާ އަނެއް ވާހަކަ… ޒީން ތިހާ ދެރަވެފަ ހުއްޓަ އަހަރެން ހަމަ ދާންވީ؟… މިހާރުވެސް ތިއުޅެނީ މޮޔައެއްހެން… ޒީން އަމިއްލަ ނަފްސަށް ކަމެއް ކޮށްފާނެތީ އަހަރެން ބިރުގަނޭ… އަހަންނަށް ޕްރޮމިސްކުރޭ ގޯސްކަމެއް ނުކުރާނަންކަމަށް.. އޭރުން އަހަރެން ގޮސްފާނަން…” ހާސްވެފައި ހުރި ނަތޫ އަހަންނަށް ގިނަ ޝަރުތުތަކެއް ކުރިއެވެ.
“އާނ.. ގަބޫލުކޮށްބަލަ… އަހަރެން ނޫޅެން އެއްވެސް ގޯސްކަމެއް ކުރާކަށް… އެކަމަކު ހަމަ އަށެއް ޖަހާއިރަށް މިގެއަށް އައިސްދެއްޗެ.. އަހަރެން ހުންނާނަން.” ނަތޫއަށް ޔަގީންކަން ދެމުން އަހަރެން ބުނެލީމެވެ.
ނަޝްފާގެ އިތުރުން ނާސިފްއާ ވަހީދު ފްލައިޓަށް އެރުމަށްޓަކާ ހިނގައިގަތެވެ. އެމީހުން އެކަކު އަނެކަކަށް ވާހަކަދެއްކުން އެއްކޮށް ހުއްޓިފައި ވާކަހަލައެވެ. އުފާވެރިކަމާއި ހިތްހަމަޖެހުން ކިރިޔާވެސް ފެންނަނީ ނާސިފްގެ ފަރާތުންނެވެ.
“ނަޖުމާ!… އަހަރެން މިފުރަނީ އެއްކޮށް ޒީން ކައިރިށް މާލެ ބަދަލުވާން. އަހަރެން އެކޮޅަށް ދިޔައިމަ ނަތޫ މިކޮޅަށް އަންނާނެ. ނަޖުމާ ތިހާ ބަލިވެފަ އޮންނާތީ އަހަންނަށް ވަރަށް އަސަރުކުރޭ. އަހަންނަށް އެނގޭ ނަޖުމާ ދައްކަން ބޭނުން އެއްވެސް ވާހަކައެއް ނަޖުމާއަކަށް ނުދެއްކޭނެކަން. އެކަމަކުވެސް އަހަރެން ވީ ލޯތްބައްޓަކާ ހިތްހެޔޮކުރާތި.” ފަރީދު ވާހަދެއްކީ ނަޖުމާގެ އަތުގައި ހިފާލައިން އިނދެއެވެ.
“ނަޖުމާ.. މިވަގުތު ޖައުފަރުވެސް ރަށުގަ ނެތީމައާއެކީ މިވާހަކަތައް ދައްކަން އަހަންނަށް މިހާ ކައިރިން ފުރުސަތު މިލިބުނީ… އިއްޔެ އަހަރެން ކިޔައިދިނީމެއްނު އަހަންނަށް ނަޖުމާއާ ކައިވެނި ނުކުރެވި ޒީނިޔާއާ ކައިވެނި ކުރަން ޖެހުނު ސަބަބު… ހަގީގަތުގަ ނަޖުމާ ނެތީމަ އަހަރެން ބޭނުންވި ގޮތަށް އަހަރެންގެ ދިރިއުޅުމުގަ ދިރުމެއް ނެތީ… މިއަދުވެސް އަހަރެން މިޖެހުނީ ތިހާލުގަ އޮއްވަ ނަޖުމާ ދޫކޮށްފަ ދާން… ހިތްހެޔޮކުރާތި….. ވަރަށް ލޯތްބާއެކު… ވަރަށް ސަލާމް.” ނަޖުމާގެ އަތުން އަތް ދޫކޮށްލަމުން ފަރީދު ހިނގައިގަތެވެ.
ސިޓިން ރޫމް ފާރުގައި އިން ގަޑީގެ ކަށިތަކަށް ބަލަން ސޯފާއިގާ އަހަރެން އިނީމެވެ. ހިތް ނުތަނަވަސް ވެފައިވާވަރުން ބައެއް ފަހަރަށް އަހަރެންގެ މޭނުބައިކުރާހެން ހީވެއެވެ. އަނެއްބައި ފަހަރަށް ހާސްވެ ބަނޑުކައްކާހެން ހީވެއެވެ. ކޮންމެހެން ވިޔަސް މިއަދު އަހަންނަށް ގޭގެ ވެރިމީހާއާ ބައްދަލުކުރުން މުހިއްމެވެ. އެއީ ކާކުތޯ ބަލަން އަހަރެންގެ ޝައުގުވެރިކަން ހުރިވަރުންނެވެ. ގޭގެ ވެރިމީހާގެ މަގްސަދަކީ ކޮބައިތޯ ބަލަން އަހަރެން ބޭނުމެވެ. އަހަންނަށް މިވަރުގެ ފުރިހަމަ ހިޔާވަހިކަމެއް ދައްކައިދިން މީހަކީ އަހަންނަށް ކިހާމުހިއްމު މީހެއްކަން އެނގެން ޖެހޭނެއެވެ.
ދޮރު ހުޅުވުނު އަޑަށް އަހަރެން ބަލައިލީމެވެ. އެތެރެއަށް. ވަދެގެން އައީ އިޝާލްއެވެ. އިޝާލް ފެނުމާއެކު އަހަރެން ވަރަށް ކަންތައް ބޮޑުވިއެވެ. އެއީ މިގަޑީގައި އެއްވެސް މީހަކު މިތަނަށް އައުމަކީ ނާސިފް ބުނި ފަދައިން އަހަރެންވެސް ބޭނުންވާ ކަމެއްނޫނެވެ.
“އިޝާލް.. މިވަގުތު އިހަށް މިތަނުން ނުކުމެލަންވީނު… އަހަންނަށް އެންމެ ރަނގަޅު މިރޭ އައިމަ.. ޕްލީޒް… މިވަގުތު އަހަރެން ބޭނުމެއް ނޫން މިތަނަށް އިތުރު މީހަކު އަންނާކަށް.” އަހަރެން ބޮޑާ ހާކާފަދަ ގޮތަކަށް ޝަކުވާ ކުރަމުން ބުނެލީމެވެ. އިޝާލް ފޮނުވާލަން ބޭނުންވާތީއެވެ.
“ޒީން… ކިހިނެއްވީ އަހަރެން އައިމަ؟ ކޮންކަމަކާ މާހާސްވެފަ ތިހިރީ؟ ހަމަޖެހިލާފަ ވެގެން އުޅޭގޮތް ބުނެބަލަ؟” އިޝާލް ވާހަކަދެއްކިއެވެ.
“އިޝާލް ޕްލީޒް.. ބަލާބަލަ. މިހާރު ހަތަރެއް ޖަހަން އެންމެ ދެމިނެޓް އެއިނީ.. އަވަހަށް މިތަނުން ނުކުމެބަލަ. އިޝާލް ޕްލީޒް….” ހާސްވެފައިހުރެ އަހަރެން އާދޭސް ކުރަމުން ދިޔައީ އިޝާލް ގޮތްދޫ ނުކުރާން ހުރުމުންނެވެ.
“ހަތަރެއް ޖެހީމަ ކިހިނެއްތަވީ؟ ތިބުނާ ގަޑިޔަށް މިތަނުން އަހަރެން ނުކުންނަން ޖެހޭ ސަބަބެއް އަހަންނަކަށް ނުވިސްނޭ.. ޒީން.. ހަތަރެއް ޖެހީމަ ކިހިނެއްތަވީ؟” އިޝާލްވެސް ގޮތްދޫ ނުކުރާންވެގެން އިތުރަށް ސުވާލުތަކެއް ކުރިއެވެ.
“އިޝާލް! އަހަރެން ބުނިއްޔާ ދާނަންތަ؟” އަހަރެން އަހާލީމެވެ.
“އަހަރެން މިތަނުން ދާންޖެހޭވަރުގެ ސަބަބެއް އޮތިއްޔާ ވަގުތުންވެސް ދާނަން… ގޮސް ޒީން ބުނި އިރަކުން އަންނާނީ.. ދެން ބުނެބަލަ ވެގެން އުޅޭގޮތެއް؟” އިޝާލް އަނެއްކާވެސް ސުވާލު ކުރިއެވެ.
“އިޝާލް އަހަންނަށް ވަގުތެއްނެތް. ހުރިހާ ވާހަކައެއް ފަހުން ބުނާނަން ދެން ނުކުމެބަލަ.. އަހަރެން މިހުރީ….. މިހުރީ މިގޭގެ ވެރިމީހާގެ އިންތިޒާރުގަ…. ދެން މި ބުނީނު… ޕްލީޒް.. އަޅެ އަހަރެން އާދޭސް ކޮށްކޮށްހުއްޓަ އެޖެހީ ހަތަރެއް….. ދެން ނުކުމޭ.” އަހަރެން އެވަރަށް އާދޭސް ކުރުމުންވެސް އިޝާލް ނުކުންނަ ހިޔާލެއް ނުކުރިއެވެ. ވަގުތުން އަހަންނަށް ރުޅިއާދެވުނެވެ.
“ޒީން.. ޒީންގެ އިންތިޒާރަށް ނިމުން ތިއައީ މިގޭގެ ވެރިމީހާ މިތާ ހުއްޓައޭ… އަހަންނޭ މީ މިގޭ ވެރިމީހަކީ..” ހަމަޖެހުމުގެ ނޭވާއެއް ދޫކޮށްލަމުން އިޝާލް ބުނެލިއެވެ.
“އިޝާލް…. ނޫން… އަހަރެން ގަބޫލެއް ނުކުރާނަން.” ދެލޯ ހަނިކޮށްލައިން ހައިރާން ވެފައިހުރެ އަހަންނަށް ބުނެވުނެވެ.
“އެންމެ ރަނގަޅު… ގަބޫލު ކުރާވަރުގެ އެއްޗެއް އަހަރެން ދައްކަފާނަން.” އިޝާލް ޖިންސްގެ ފަހަތު ޖީބުން އެއްޗެއް ނަގަމުން ބުނެލިއެވެ.
އިޝާލް ނެގީ ގަނޑުކޮޅެކެވެ. އަދި އެ ގަނޑުކޮޅު އަހަންނަށް ފެންނަގޮތަށް ދައްކާލިއެވެ.
“ޒީޝަލް ގޭގެ ވެރިމީހާ އިޝާލްއަށް… މިއަދު 4:00 އަށް ގެއަށް ގޮސްދިނުމަށް އެދެން.. ޒީން ހުންނާނީ އިޝާލްގެ އިންތިޒާރުގަ.. އަހަރެން މި ފުރަނީ އިޝާލްއަށްޓަކާ ޒީން ވަރިކޮށްދީފަ…”
-ނުނިމޭ-
މިވާހަކައިގެ ދެންއޮތް އެޕިސޯޑުގެ ލިންކު ކޮމެންޓް ސެކްޝަންގެ ތިރީގައި ވާނެއެވެ.
Other Articles
ދިރުމެއްނެތް ދިރިއުޅުން 47
ކަލާގެ ހިނިތުންވުން 6
18 Comments!
Comments are closed.
Zeen please go to Naasif💔💔💔
Hi Big fan
Dhen mivaahakaiga vaagothei balaalamaa dho.
Anekkaaves next part ah inthizaaru kollaafa.
🤗
Masha Allah ❤️
Vrhh vrh reeeethi💯
Thanks dear…
Ufaavejje 😊
Aww 😍.. Maasha Allah Vv reethi mi part.. Unmeedhu kuran next part vs avahah kiyaalan libeyne kamah ❤️😊
Alhe maa avahee nimeyleh.. Hama Ehaa kiyaalaa hithun kiyaalan fashaairah ihanee nimifa hen heevanee 😩
Next part Vv beynun mihaaru kiyaalan Thursday ge kurin next part upload kohla dheveyne tha.. But shaleen ah vanyaa igey😊
Once again mi Part Vv reethi 💯❤️
Thanks ifoo
Yeah aslu mi part v kuru.
Midhiya dhuvasthakuga shaleen mi ulhunee v ves balikoh. Ehenve kurevunu varakee mee.
So balaanan next part veevarakun dhigukolleveytho.
Okay shaleen next part ge last checking hadhaalaafa Hama hih Hama jeheyvaruveema up kollaanan
In sha allah.
Adhives effaharu nooni ethahfaharaku 👍
Mi part vex varha reethi
Unmeedhu kuran next part kiyaalan libeeney kama
Once again varha reethi mi part vex
Varha furihamaa mi part vex
But zeen go to naasif please
Thanks imko
Shaleen Hama balaanan next part ves up kolleveytho.
Dhen hingaa dho vhk kiyaalamaa zeen Naasif n ishaal……..????
Maasha Allah mi part vx varah varah reethi….. Anehka zeen ah naasif dheke loabi vevuny thr???? Next part konirakun Thursday ga dhw???? Once again maasha Allah mi part vx varah reethi 🤗…
Thanks my girl
Zeen ah mivanee kihineitha dho ????
Next part up kolladheynan shaleen Hama chk kollaafa
In sha Allah
Ehenveema mi vhk nimendhen kiyaalaane kamah ummeedhu kuran.
🙂
alhey haadha curious kohlaafa thi nimaalee. heeves nukuraa gothakah mivani. but vaahaka hama habeys husband ah ves inthizaaru nukurevey varah mi vaahakayah eba kurevey.. i am so in love with this. gsw shaleen.
Nadhaa….
Shaleen hevvaalaifi ingey. 🤭
Ekanu husband ah inthizaaru kuranvaane vaahaka ah inthizaaru kuriyas…
Majaa kujjei thee..
Thanks ingey vhk ehaa kamudhaatheeve.
Dhen wait kollaa Hama vaahakaige part47 v avahah up kolladheynan. In sha Allah…
Thihaa ginain dhen inthizaaru kuran nujeheyvaru kolladheynvee dho..
Ummeedhu kuran vaahakaige EMME FAHU JUMLA ves kiyaalaane kamah.
Yeah..m vhk adhi heekuraagothahves / heenukuramo gothahves nimmaalan jehidhaane.
Ekam ves shaleen Hama bunelan thi dhevvaa support shaleen ah dhevvaane kamah ummeedh kuramey.
I am getting better now in sha allah
Thanks 😍
Vrh vrh vrh reethi mi part vx😍 next part maadhamaa upload kohdheveyne tha?
Konme faharaku vx vrh curious kohlaafa mj ninmaalany👀
Serious koh vx shaleen ge vhk thah v reethi 🥰
Hi
Thanks LIM..
Komme faharakuves curious vaathee maa bodah inthizaaru kuran jehenee dho.. hehe
Nikah bodah Ufaavaavey shaleenge vaahakathah reehchey bunaatheeve.😊
Part47 up kollumaa dheytherey shaleen miadhu v visnaifin.. Gina readers thihen inthizaaruga thibeytheeve..
Ehenveema balamaa maadhamaa ah part47 kiyaalan libeyne kamah.
In sha Allah
Alhe zyn aa eashal aa gulhuvabaa pleasee
Anywaysss vhk Hama obi as always
Hi Shaaaa..
Shaleen chk kolli iruga Mi comments huree pending ga.
Ehenve vaguthun approve kolladheefa mi inee ingey.
Alhey zyn aa eashal aa gulhuvabaa
Pleeasee
Anywaysss vhk Hama obi as always
Thanks Shaaaa..
V ufaavejje vhk kamudhaatheeve. Dhen zeen n ishaal dho…. ???
Balamaahingaa kihineitho mi vanee..
THANKS for waiting dear