“ޒީންގެ ބައްޕަ ފަރީދުތަ ތިހެންބުނީ؟” ނަތޫ ސުވާލުކޮށްލީ ދެބުމައަށް ގޮތެއް ހަދާލަމުންނެވެ. ޝައްކުގެ ބެލުމަކުންނެވެ. ޒީންގެ ޖަވާބަކަށް ނުހަނު އިންތިޒާރު ކުރަމުންނެވެ.
“އާން… އެކަމު އަހަރެން އަދި މިވާހަކަ ބައްޕައާ ދައްކާނަން. އަހަރެން ހީކުރީ ބައްޕަ އަހަރެންދެކެ އެވާ ލޯތްބަކީ އަހަރެންގެ ހުރިހާ އުފަލަކައްޓަކާވެސް ވާލޯތްބެއްކަމަށް. ނަތޫ… އަހަރެންގެ މަންމަމެނާ ކުރިމަތިލާން އަހަންނަށް އަދިވެސް ވަގުތު ބޭނުންވޭ.” އަހަރެން ނަތޫއަށް ބަލައިލީ ފެންކަޅިވެފައިވާ ލޮލަކާއެކުއެވެ.
ނަތޫގެ ޝައްކު ފިލީއެވެ. ފަރީދާއި ޒީނިޔާއާ ދެމީހުން ޒީންއަށް މިދައްކަނީ ކޮންކަހަލަ މުސްތަގްބަލެއްހެއްޔެވެ؟ ޒީންއަށް ކުރިމަތިލާން ޖެހެނީ އެވަރުގެ ކޮން މަޖްބޫރުކަމަކާހެއްޔެވެ؟ އަދިވެސް ޒީންއަށް އޭނާގެ އަސްލު ބައްޕައަކީ ކާކުކަން ބުނެނުދޭންވީ ކޮން ސަބަބަކާ ލައިގެންހެއްޔެވެ؟ ނަތޫގެ ހިތައް އަރާފައިބަމުން ދިޔައީ ވިސްނުންތެރި ސުވާލުތަކެވެ. ނަމަވެސް ނަތޫގެ ބުއްދިއަށް ނުވިސްނެނީ މިސުވާލު ތަކުގެ ޖަވާބެވެ.
ނަތޫއަށް ޔަގީންވާ ކަމަކީ އިޝާލްއަށްޓަކާ ޒީންގެ ހިތުގައި ވަނީ ތެދުވެރި ސާފު ލޯބިކަމެވެ. ޒީން އެހެން މީހުންގެ ކުރިމަތީގައި އިޝާލްގެ ހިތް ލަދުގަންނަވަނީ ޒީންއަށް މަޖްބޫރުވާތީކަން ނަތޫއަށް ޔަގީންވެއްޖެއެވެ.
“ޒީން.. ވަރަށް ބޮޑަށް މާފަށް އެދެމުން އަހަރެން ބޭނުން ވާހަކައެއް ބުނަން. މިއަދު އިޝާލްގެ އުފަންދުވަސްވީމަ އެގޭ ކުރިމަތީ އޮންނަ އަތިރިމަތީ އިޝާލް މަންމަމެން ކްލާސް ކުދިންނަށް ކެއުމެއް ދެނީ. އެހެންވެ ޒީންވެސް ދާންވާނެ ނޫންހޭ ބުނަން އަސްލު ކޮންމެހެން މިގަޑީގަ އަހަރެން މިއައީވެސް މިގެއަށް. ދަންޏާ ބުނޭ… އަހަރެން އަންނާނަން ރެޑީވެގެން ބަލާ.” ނަތޫ ބުނެލީ އުންމީދު ގެއްލިފައިވާ މީހެއްފަދައިންނެވެ.
“މަންމާ!.. ދެންތި ކީއްކުރަން ކޮންމެހެން ކައްކާ ކެއްކުމެއް. އަހަރެން ބޭނުމެއްނޫން. އުފަންދުވަސް ފާހަގަ ކުރާކަށް. އެހެން ނޫނަސް ތީ މީސްމީހުން ކޮށްއުޅޭ ކަންކަމެއްވެސް ނޫން. ތިކަހަލަ ކަންކަން ކޮށްއުޅެނީ މާލޭގަ. މަންމަ ތިއުޅެނީ މިރަށަށް ތިކަން ތައާރަފްކުރަން. އެކަމު އަހަރެން ބޭނުމެއް ނޫން.” ޖޯލިފަތީގައި އޮވެ އިޝާލް އޭނާގެ މަންމައާ ވާހަކަ ދެއްކީ ކުރިމަތިން ހެލެމުންދާ ގަސްތަކަށް ބަލަން އޮވެއެވެ.
“އަނހަ!! މިހާރު ކިހިނެއްތިވީ؟ ދަރިފުޅު އޮތީ މީގެ ދުވަސްކޮޅެއް ކުރިން މަންމަކައިރި ބުނެފަދޯ މިކަން ކޮށްދޭށޭ. ކައްކައިގެން ކްލާސް ކުދިންނާއެކު މަޖާކޮށްލަން ބޭނުމޭ ބުނީމެއްނު. އަދި މަންމަ މީހުންނަނީ ވަރަށް އިންތިޒާރުގަ މަންމަ ކައިރި ބުނަންވެފަ އޮތް ވާހަކައެއް އެބައޮތޭ ބުނީމާވެސް.” ސަހީމާ ބުނީ މީގެކުރިން އިޝާލް ބުނެފައިވާ ބަސްތަކެވެ.
“ނަތޫ… އަހަންނެއް ނުދާނަން. މިހާރުވެސް ހިތަށްއަރާ އަހަންނަކީ ކުށެއް ކުރެވިފަހުރި މީހެއްބާއޭ. ދުނިޔެއަށް އައީވެސް ކުށެއް ކޮށްގެން ބާއޭ… ތިތަނަށް ދާން އަހަރެންގެ މައިންބަފައިން ގަބޫލުވެސްނުވާނެ. އެކަމު ނަތޫމެންނަށް ވަރަށް އުފާވެރި މަޖާރެއަކަށް އެދެން.” އަހަރެންގެ ހިތާއި ދެކޮޅަށް ގޮތްނިންމީމެވެ.
“އެންމެރަނގަޅު… އެކަމަކު ތިވާހަކަތައް ކިޔައިދިނީމަ ވަރަށް އުފާވެއްޖެ. އަހަރެން ދެން ދަނީ.” ނަތޫ ދިޔައީއެވެ.
ރޭގަނޑުގެ ހަމަހިމޭން ވަގުތެވެ. ކައްކާ ނިމެމުން ދިޔަ ވަރަކަށް ކޮންމެ ކުއްޖަކުވެސް ތައްޓަށް ކާއެއްޗެހި އަޅައިން އަތިރިމަތީގެ ޖޯލިފައްޗަށް ނުކުތެވެ. އެހެން ނަމަވެސް ހުރިހާ ކުދިން ދައްކަނީ ޒީން ނާންނަ ވާހަކައެވެ. އަދި އިޝާލް ނުފެންނަ ވާހަކައެވެ. ކޮންމެ ކުއްޖަކުވެސް އެ ޝަކުވާ ކުރުމުން ސަހީމާގެ އެދުމަށް ހާލިދުވެސް އިޝާލް ކޮބައިތޯ ބަލައިލިއެވެ. ވާނީވެސް އެހެންނެވެ. ޒީން ނެތް ތަނެއްގައި ކްލާސް ކުދިންނަކީ އިޝާލްއަށް ނެތްބައެކެވެ. އެއީ އިޝާލް ދެކޭ ގޮތެވެ.
ދެހަފްތާ ވެގެން ދިޔައިރުވެސް އަހަރެން އިޝާލްއާ ވާހަކައެއް ނުދައްކަމެވެ. ކްލާހުންވެސް ފެންނަކަމަކަށް ނުހަދަމެވެ. އިޝާލްގެ އާދޭސްތަކަށް ބީރުކަންފަތް ދިނީމެވެ. މަގުމަތިން ދިމާވެދާނެތީ އަހަރެން ގެއިން ނުކުމެއުޅުން މަދުކުރީމެވެ. ލޯބީގައި އިޝާލްފަދަ ތެދުވެރި ވަފާތެރިއަކު ލިބުމުން ވެސް އަހަރެން ކަންތައްކުރި ގޮތަކީ މިއީއެވެ. އަހަރެން އިޝާލްއަށް ބޭވަފާތެރިވީ އޭނާގެ ވަފާތެރިކަމުގެ އަގުވަޒަން ކުރުމަށް ދެކޮޅު ހަދަމުންނެވެ.
ޗުއްޓީ ދުވަސްކޮޅު ފެށުނީއެވެ. ރަށުން ފުރައިގެން ދިޔަ މީހުންގެ ބަދަލުގައި ރަށަށް އައިސް ޖަމާވާ މީހުން ވަކި މަދެއް ނޫނެވެ. ނަތޫވެސް ކޮންމެސް ރަށަކަށް ދިޔުމަށްޓަކައި އޭނާގެ އާއިލާއާއެކު ފުރީ އަހަންނަށް އިތުރު އެކަނިވެރިކަމެއް އިހްސާސް ކުރުވަމުންނެވެ. މިޗިއްޓީގައި ހަމަޖެހުމެއް ނުލިބޭ ހަމައެކަނި ހިތަކީ އެހިތަށް ނުތަނަވަސްކަން ވެރިވަމުންދާ ޒީންގެ ހިތެވެ. ފަޅުނުފިލާ ގެއަކީ ޒީން ދިރިއުޅެމުންދާ އެކުޑަކުޑަ ގެއެވެ. ކަރުނަ ނުހިކޭ ލޮލަކީ ދޭތެރެއަކުން ތެމެމުންދާ ޒީންގެ ދެލޮލެވެ.
އިޝާލްގެ އަޒުމަކީ އަދި އުންމީދަކީވެސް އެންމެ ފަހުފަހަރެއްގެ ގޮތުގައި ނަމަވެސް ޒީންއާ ބައްދަލުވެލާނޭ ފުރުސަތެއް ހޯދުމެވެ. ޒީންގެ ހާލަތު ދެނެގަތުމަށްޓަކައެވެ. ނިކަނެތިން އަތްދިއްކޮށް ސަލާންޖަހަނީ ކޮންމެސް މިންވަރަކަށް ފައިސާއެއް ހޯދުމަށެވެ. އެހެނަސް މިއަދު މާލީގޮތުން ތަނަވަސްކަން ލިބިފައިވާ އިޝާލް ސަލާން ޖަހަމުންއެދަނީ
ހަމަ އެންމެ ހިތެއްގައިވާ ލޯބީގެ މުއްސަނދިކަމަށް އެދިއެވެ..
ވޭތުވަމުންދިޔަ ދުވަސްތަކުން ރެއެކެވެ. އަހަރެން އޮތީ ކޮޓަރީގައި ވާހަކަފޮތެއް ކިޔާށެވެ. ހަމަހިމޭން ގޭތެރޭގައި އެވަގުތު މަންމައާއި ބައްޕަވެސް ނެތެވެ. ގޭގައި ހަމައެކަނި ރަނިކަން ކުރަމުންދިޔަ އަހަރެން ކުއްލިޔަކަށް ސިއްސައިންދިޔައެވެ. ކިޔަމުންދިޔަ ފޮތްވެސް މަޑުމަޑުން ބާއްވާލަމުން އަހަރެން ތެދުވީމެވެ. އިވެމުންދިޔަ އަޑު ދެނެގަތުމަށްޓަކައެވެ. އެއީ އަހަރެން ދަންނަ އަޑެއް ނޫނެވެ. އެހެންނަމަވެސް އެއީ ފިރިހެނެއްގެ އަޑުކަން އަހަންނަށް ޔަގީނެވެ. އަހަރެން ކޮޓަރިން ނުކުންނަމުން ހިނގައިގަތީ ގޭގެ ބޮޑު ދޮރާ ދިމާލަށެވެ.
“އައްސަލާމު ޢަލައިކުމް” ސަލާމްގެ އަޑު ތަކުރާރު ކުރަމުން ދިޔަމީހާ އިންތިޒާރު ކުރަމުން ދިޔައީ ޖަވާބަކަށެވެ.
“ވައަލައިކުމުއްސަލާމް” ޖަވާބުދެމުން އަހަރެން އިސްއުފުލާ އެމީހާއަށް ބަލައިލީމެވެ.
ކުރިމަތީގައި ހުރީ ރީތި އިސްކޮޅެއް ލިބިފައިވާ ފިރެހެނެކެވެ. ހެދިހުރި ހަށިގަނޑަކާއި ފުރިހަމަ ރޫފައެއް ލިބިފައިވުމުން އޭނާގެ ހައިބަތު ފާޅުވެއެވެ. އަހަރެން އެއްވަރަކަށްވެސް ނުދަންނަ އެމީހާއާއެކު ގޭގައި އެކަހިރި ވަގުތެއް ހޭދަކުރަން ޖެހުމުން އަހަރެންގެ ހަށިގަނޑުގައި ފާޑެއްގެ ތުރުތުރެއް އަޅަންފެށީ ގައިންފައިވާ ބިރެއްގެ ސަބަބުންނެވެ. އަހަރެން ޖެހިލުންވިއެވެ. ކުރިއަށް އެންމެ ފިޔަވަޅެއްވެސް އަޅަން ނުކެރިފައިހުރި އަހަރެންގެ ހިތުތެރެއިން މަންމައާއި ބައްޕަ އާދޭތޯ އެވަގުތު ދުޢާކުރަމުން ދިޔައީމެވެ.
– ނުނިމެ –
މިވާހަކައިގެ ދެންއޮތް އެޕިސޯޑުގެ ލިންކު ކޮމެންޓް ސެކްޝަންގެ ތިރީގައި ވާނެއެވެ.
8 Comments!
Comments are closed.
I love this story
Did you know I am going to job today
It is my boyfriend job
When Is next part
Thanks imko
Jobah dhaathee v ufaavey.. keep going
Next part fridayga in sha allah
Maybe I can’t read this story from Friday 😭
I am so sorry 😐😞
If I free I will read okay
Hi imko
It doesn’t matter.
Free veema kiyaaliyas emme rangalhu
Can you send me your email address
Sure
[email protected]
Can we best friend 😍
Send me message to Gmail chat