ހިތުގެ ޝަކުވާ… 39

ދެމީހުންވެސް ތިބީ މިވަގުތު އެކަކު އަނެކަކާ ދުރުވާހިތް ނުވެފައެވެ. އެކުގައި ތިބުމުން ލިބޭ ހިތްހަމަޖެހުމުން ހިނދުކޮޅަކަށްވެސް ދުރުވާހިތް ނުވެފައެވެ. އެގޮތުގައި ފަސްވަރަކަށް މިނެޓު ތިބުމަށްފަހު، ރައިޝާއަށް ކުއްލިއަކަށް މާއިޝްއާ ދުރުވެވުނީ އެއްޗެއް ރެއަކާލި ފަދައިންނެވެ. މާއިޝްއާ ދުރުވެލައިފައި ރައިޝާ މާއިޝްގެ ބޮލުން ފެށިގެން ފަޔަށް ނަޒަރެއް ދިނެވެ. ވަގުތުން ދެލޯ ބޮޑުވެ، އަނގަމަތީގައި އަތް އަޅައިލެވުނު އިރު، އެ ދެލޮލުގައި ވިދަން ފެށީ އުފާވެރި ކަމުގެ ކަރުނައެވެ.

“މާއިޝް… މާއިޝްއަށް… ހިނގޭ……” ޤަބޫލު ނުކުރެވިފައި ރައިޝާއަށް ބުނެވުނެވެ. ޤަބޫލު ނުކުރެވިފައި ރައިޝާ އަހައިލި ގޮތުން މާއިޝް ލުއި ހުނުމަކާއެކު އަނެއްކާވެސް ރައިޝާ ގެނެސް ގަޔާ ކައިރި ކޮށްލިއެވެ. އެއާއެކު، ރައިޝާގެ ދެލޯ ފުރި ބަންޑުންވީ އުފާވެރި ކަރުން ތަކުންނެވެ. މާއިޝް ހެޔޮ ހާލުގައި އޭނާގެ ކުރިމަތީގައި ހުރުމުން ހިތަށް ލިބިފައިވަނީ ބަޔާން ކުރަން ދަތި އުފަލާއި، ހިތް ހަމަ ޖެހުމެވެ.

“އެކަމް މާއިޝް ބުނީމެއްނު އޭރު… އޮޕަރޭޝަން ފެއިލް ވީ އޭ..” މާއިޝްއާ ދުރުވެލަމުން ރައިޝާ އަހައިލީ އަދިވެސް ޤަބޫލު ނުކުރެވިފައި ހުރެއެވެ. “އަހަރެން ބޭނުންވީ ރައި ސަރޕްރައިޒް ކޮށްލާށޭ.. ނައު ޑޯންޓް ކްރައި.. އެކަން އެ ދެން ނިމުނީއޭ..” ލޯތްބާއެކު ރައިޝާގެ ކަރުނަތައް ފުހެދެމުން މާއިޝް ހިނިތުންވެލިއެވެ. އެއާއެކު، ރައިޝާއަށް އަނެއްކާވެސް މާއިޝްގެ ގައިގައި ބައްދައިލެވުނެވެ.

ހިނދުކޮޅަކަށްފަހު، ދުރުވެލަމުން ރައިޝާ ރިއާޝްމެންނާ ކުރިމަތި ލިއެވެ. “ދޮންބެމެންނަށް އިނގޭޓަ.. މާއިޝްއަށް ހިނގޭކަން..؟” ރައިޝާ އަހއިލީ އެމީހުން ހައިރާންވެފައި ނެތުމުންނެވެ. “ހަހާ.. މާނާ ބުންޏޭ އަހަރުން ކައިރި.. ދެމް މިހާރު އިރާދަ ކުރެއްވީތީ ހުރިހާ ކަމެއްވެސް އޯކޭ އެއްނު ދެން ނުވިސްނައްޗެ އިނގޭ އެކަމާ..” ރިއާޝްވެސް ރައިޝާގެ ކައިރިއަށް އައިސް ބުނެލީ ރައިޝާއަށް އަދިވެސް ރޮވޭތީއެވެ.

“ނައީ.. ހާދަ ފަލަވެއްޖޭ ދޯ މިހާރު..” އެއް މިޔަކަނިން ލާނެތް ގޮތަކަށް ހީލަމުން މާއިޝް ބުނެލީ ނައިރާ ރުޅި އަންނާނެކަން އެނގިހުރެއެވެ. މާއިޝް އެހެން ބުނި ކަމެއް ނޭނގެއެވެ. ވަގުތުން ނައިރާ އައިސް މާއިޝްގެ ބުރަކަށީގައި ދެތިން ބޮނޑި އެޅިއެވެ. “އޯހ ހެލޯ މިސްޓަރ ފޮނިބޯކިބާ.. އައި ޑިޑިންޓް ގެޓް ފެޓް އޯކޭ..؟ އައި ޖަސްޓް ގޮޓް އަ ލިޓްލް ބިޓް ޗަބިއަރ..” ރުޅީ އައިސް، ލޯ އަޅައިގެން ހުރެ ނައިރާ ބުނެލިއެވެ. “އޯހ.. އަ ލިޓްލް ބިޓް..؟” އަނެއްކާވެސް ސަމާސާ ރާގެއްގައި މާއިޝް އަހައިލީ ނައިރާ އިތުރަށް ރުޅި އަރުވައިލުމަށެވެ. “ދެން ރައީ ބަލާބަ މި މާއިޝްގަނޑެއް..” ތުން އޫކޮށްލަމުން ނައިރާ ކުސްތަޅާލީ ރައިޝާ ކައިރީގައެވެ. “މަވާ ސަލާން..” ރައިޝާ ދެއަތް މައްޗަށް ނަގައި، ހިނިގަނޑެއް ޖަހައިލިއެވެ. “ހަހަ.. އޭ މަޖަލޭ ނައީ.. ބައިދަވޭ، ވެއިޓިން ފޯރ ދެޓް ލިލް ޗޭމްޕް އިނގޭ..” ނައިރާގެ ބަނޑަށް އިޝާރާތް ކޮށްލަމުން މާއިޝް ބުނެލިއެވެ. އެކަހަލަ އެތައް ވާހަކަތަކެއްގައި ތިބެ، އެއާރޕޯޓުން ނުކުމެގެން އައީ އެންމެން އެކީގައެވެ.

***

“މި ހެދުން ކިހިނެއް ވަނީ..؟” ފިޓިން ރޫމްއިން ނުކުމެގެން އައި ރައިޝާ ލައިގެން ހުރި ހުދު ވެޑިން ޑްރެސްއަށް ނައިރާއާއި ރީޝާ އަދި މާނާ ބަލައިލިއެވެ. “ޓޫ ސިމްޕްލް.. ނެކްސްޓް ވަން..” ނައިރާ ބުނެލިއެވެ. “އާހްގްގް.. އިޓްސް ދަ ފިފްތް ވަން ނައު.. ދެން ނުވާނޭ…” ރައިޝާ ކުސް ތަޅާލީ އެއޮށް ބޮޑެތި ބަރު ހެދުންތައް އެތައް ފަހަރަކު ލައިގެން ވެސް ނައިރާއަށް ކަމުދާ އެއްޗެއް ނުފެންނާތީއެވެ. ދެން މާނާ ދިން ހެދުން ހިފައިގެން ގޮސް އަނެއްކާވެސް ފިޓިން ރޫމްއަށް ވަދެފައި ބަދަލު ކޮށްލިއެވެ.

“ޕިސް.. މާ ގޮތް ބޮޑީ.. ނެކްސްޓް ވަން، ހިއަރ ވީ ކަމް!!” މި ހެދުންވެސް ނައިރާއަށް ކަމުދާ ގޮތެއް ނުވިއެވެ. ބިންމަތީގައި ދެފައި ތަޅައިލައިފައި ރައިޝާ އަނެއްކާވެސް ގޮސް ފިޓިން ރޫމްއަށް ވަނީ ނައިރާއާ ދެކޮޅަށް ޒުވާބު ކުރުމަކީ ފޫނެތް ފަޔަށް ފެންފުރުން ކަހަލަ ކަމެއްކަން އެނގޭތީއެވެ.

ދެން ހެދުން ދިނީ ރީޝާއެވެ. އެ ހެދުން ހިފައިގެން އަނެއްކާވެސް ގޮސް ފިޓިން ރޫމްއަށް ވަނެވެ. އިރުކޮޅަކަށްފަހު ނުކުތުމުން އެންމެންގެ ނަޒަރުވެސް ހުއްޓިފައިވީ ރައިޝާއަށެވެ. “އޯ މައި ގޯޑް ރައީ… ދިސް އިޒް ޖަސްޓް ޕަރފެކްޓް.. ދޯ ރީއްތާ..؟” ނައިރާއަށް ކަމުދިޔަ ހެދުމަކާ ދިމާވީތީ ރައިޝާ ހިތާހިތުން ޝުކުރު ކުރިއެވެ. “ހްމްމް.. މީތި ވަރަށް ސަޅި.. ވަޓް ޑޫ ޔޫ ސޭ މާނާ..؟” ރީޝާ ހީލިއެވެ. “އައި ސޭ، ވީ ޝުޑް ގެޓް ދިސް ވަން..” މާނާ ގޮސް ރައިޝާގެ ހެދުމުގެ ފަސްބައި ރަނގަޅު ކޮށްލިއެވެ.

ޚުދު ރައިޝާއަށްވެސް އެ ހެދުން ނުހަނު ކަމުދިޔައެވެ. އެކަމަކު މާއިޝްއަށް ކަމުދާނެ ކަމެއްވެސް، ނުދާނެ ކަމެއްވެސް ނޭނގެއެވެ. ރައިޝާއާއި އެކީ އަންނަން މާއިޝް އެހާ ބޭނުންވެފައި ހުރެވެސް، ނާދެވުނީ މި ނައިރާއާކާ ހަދައެވެ. ކައިވެނީގެ ދުވަހުގެ ކުރިން ނޫނީ ރައިޝާ އެ ހެދުން ލައިގެން ހުއްޓާ ފެނިގެން ނުވާނޭ ކަމަށް ނައިރާ ބުނުމުން މާއިޝްއަށް ޖެހުނީ ހަތިޔާރު ބަހައްޓާށެވެ.

***

“މީތި ކިހިނެއް ވަނީ..؟” ފިޓިން ރޫމްއިން ނުކުތް މާއިޝްއަށް ޔާޝްއާއި ރިއާޝް އަދި އިޒްޔަން ވަރަށް ފުން ނަޒަރެއް ދިނެވެ. “ޕިސް.. ތި ބްރައުން ކުލަ މާ ޑާރކް..” ރިއާޝް ވަގުތުން ފާޑު ކިޔައިލިއެވެ. “ޓްރޫ.. މިހާރު ހީވަނީ ޖަންގްލް ތީމެއްގެ ވެޑިން އެއް ބާއްވަން އުޅޭ ހެން.. ތަންކޮޅެއް އޯޓަމް ވެބަލަ..” އިޒްޔަންއަށް ތާއީދު ކުރަމުން ޔާޝްވެސް ބޯ ޖަހައިލިއެވެ.

“އަޅެ ދެން ތިމީހުންނަށް ކަމުދާ އެއްޗެއް ނުފެނުނެއްނު..” މާ ގިނައިން އެއްޗެހި ވަރުކުރަން ޖެހުމުން މާއިޝް ހުރީ ފޫހި ވެފައެވެ. މި މީހުން އަންހެނުންނަށް ވުރެ ކަންތައް ފަލައެއް ނޫންހެއްޔެވެ. ރައިޝާއަށްވެސް މިވަރަށް ހެދުން ވަރު ކުރަން ޖެހޭނެ ކަމެއް ނޭނގެއެެވެ.

“ބްރޯ.. މީތި މަށަށް ވަރަށް ސަޅި..” މިފަހަރު މާއިޝް ނުކުތުމުން ބުނީ ޔާޝްއެވެ. އެއާ ވިއްދާފައި އިޒްޔަންއާއި ރިއާޝްވެސް ބޯ ޖަހައިލީ ޔާޝްއާއި އެއްބަސްވުމުގެ ގޮތުންނެވެ. “ފައިނަލީ!!” އެންމެ ފަހުން މި މުޞީބާތުން ސަލާމަތް ވެވުމުން މާއިޝްއަސް ހަމަ ޖެހުމުގެ ނޭވާއެއް ދޫކޮށްލެވުނެވެ. “އަވަހަށް ހިނގާ ގެއަށް ދާން..” މާއިޝް ބޭނުންވީ އަވަހަށް ގެއަށް ދާށެވެ. “ޔޯ ޔޯ ބްރޯ. ހާދަ އަވަހަކށް.. ވީ ސްޓިލް ގޮޓަ ޓްރައި އައުޓް ދަ ޝޫޒް..” ރިއާޝްގެ އަނގައިން އެ ލަފްޒު ކޮޅު ނުކުތުމާއި އެކުހެން މާއިޝްއަށް ފުއްވާލެވުނެވެ. “ދެން.. އަޅެ..” މާއިޝްއަށް ދެކޮޅެެއްވެސް ނުހެދުނެވެ. “ދެން އަޅެ އެއް ކިޔާނެ ކަމެއް ނެތް.. އަވަސްސްސް.. އޮފް ވީ ގޯ!!”

***

މާއިޝްގެ އޮޕަރޭޝަންއަށް ފަހު ދެ ހަފްތާއެއްހާ ދުވަސް ވީތަނާހެން ރައިޝާއާއި މާއިޝް ރަން ކިޔެވެ. ދެ ދުވަހެއްގެ ތެރޭގައި އެ ދެމީހުންގެ ކައިވެނި ކުރެވޭ އިރު، މިހާރު ވަމުން އެ ދަނީ އެކަމުގެ ތައްޔާރީ ތަކެވެ. ދެ ދުވަހުގެ ތެރޭގައި އެކަކު އަނެކަކުގެ ޙައްޤަކަށް ވެވޭ އިރު، ދެމީހުންވެސް ތިބީ ނުހަނު އުފާވެފައެވެ. އެ ދެހިތް ދިޔައީ އުފަލުން ނަށަމުންނެވެ.

***

“ދަރިފުޅާ ރިއާޝް.. ސްޓޭޖްކޮޅު ރަނގަޅުތޯ ބަލައިލަބަލަ.. ޔާޝް.. ދަރިފުޅު ގޮސް އެތަނުގެ ގޮނޑިތައް ރަނގަޅު ކޮށްލަބަލަ..” ރިޔާޒް ބޭނުންވީ ރައިޝާގެ ކައިވެންޏަށް ހުރިހާ ކަމެއްވެސް ފުރިހަމަ ވާށެވެ. އަވަސް އަރުވާލައިގެން ހުރިހާ ކަމެއްވެސް ރަނގަޅުތޯ ބަލަމުން ދިޔައީ އެހެންވެއެވެ.

މާހައުލު ކިތަންމެހާވެސް ރީތިވެފައި ހިތްގައިމެވެ. ކައިވެނި ޕާރޓީ އޮތީ ރިޔާޒްގެ ރިޒޯޓެއްގައެވެ. ކައިވެނީގެ ތީމްއަކަށް “އޯޓަމް” ހަމަޖެއްސީ ރައިޝާއާއި މާއިޝް ބޭނުންވެގެންނެވެ. ހުސްކޮށް އޮތް އެ ބޮޑު ސަރަހައްދުގައި ހުރި ގަސްތައް ރީތިގޮތަކަށް ބަހައްޓާލެވިފައިވާ އިރު، ބިންމަތި އެކީހެން ފޮރުވޭ ވަރަށް ތިރިއަށް ވަނީ ހިކި ފަތް އަޅައިފައެވެ. އަދި ގަސްތަކުގައި ރަތާއި، އޮރެންޖާއި، ރީނދުލާއި ރަން ކުލައިގެ ފެއަރީ ލައިޓްސް އޮޅައިފައި ހުރުމުން ވަރަށް ތަފާތުވެފައި ހިތްގައިމު ކަމަށް ދައްކަމުން ދިޔައެވެ. ކައިވެނީ ކުރެވޭ ދެމަފިރިންނަށް ޚާއްސަކޮށް ހަދައިފައިވާ ވަރަށް ރީތި އުނދޯއްޔެއްވެސް ހުއްތެވެ. އެ އުނދޯލީގެ ވާފަސްތަކުގައިވެސް ފަތް ހަރުކޮށްލައިވާ ގޮތުން މީހަކު އާޝޯޚު ވެދާހާ ވެޔެވެ. މެހެމާނުންނާ ސަލާމްކުރުމަސް ހަދާފައި ހުރި ކުޑަ ސްޓޭޖްކޮޅުގެ ބެކްގްރައުންޑުގައިވެސް ވަނީ ވަރަށް ރީތި “އޯޓަމް” ސްޓައިލެކެވެ. މާހައުލު ކިތަންމެހާވެސް ފުރިހަމައައެވެ. މިއީ އެތައް ވަގުތެއްގެ ބުރަ މަސައްކަތްކަން ޔަޤީނެވެ. ލުއި ވައިރޯޅި ޖެހެމުންދާ އެތަނަށް އަންނަ މެހެމާނުންގެ ހިތް ހަމަ ޖެހޭ ފަދަ މާހައުލަކަށް އެތަން ވަނީ ވެފައެވެ.

“ރީޝާ.. ހުރިހާ އެއްޗެއް ހަމަތަ..؟” ނުހާވެސް ރިޔާޒް އެކޭ އެއްފަދައެވެ. ހީވަނީ ގަޔަށް ހިނި އަރައިގެން އުޅޭ ހެންނެވެ. “މަންމާ.. ހުރިހާ އެއްޗެއް ހަމައޭ.. އެހާ ހާސް ނުވެބަ..” ރީޝާ ބުނެލީ ނުހާ މާ އަވަސްއަރުވާލައިގެން އުޅޭތީއެވެ. “ކޮބާ.. ގަޑި ޖެހެން ދެން ބާކީ ފަނަރަ މިނެޓު.. މިހާރު ޤާޟީ އަންނާނެ.. ރައިއާ މާއިޝްއާ ގެންނަމާ..” ނައިރާ ފުރަތަމަ އެހީ ރިޔާޒް ކައިރީގައެވެ. ރިޔާޒް އާއެކޭ ބުނުމުން ރިއާޝް އަވަހަށް ގޮސް މާއިޝްގެ ކޮޓަރިއަށް ވަނެވެ.

“މާއިޝް..” ތައްޔާރުވެ ނިމިގެން އެނދުމަތީގައި އިން މާއިޝްގެ މޫނުމަތިން ފެންނަނީ އެއްވެފައިވާ ކުލަވަރުތަކެވެ. ހާސްކަމާއި އުފާވެރިކަންވެސް އެ މޫނުމަތީގައި ވިޔެވެ. “މާއިޝް.. ނަރވަސް..؟” މާއިޝްގެ ކައިރީގައި އިށީނދެލަމުން ރިއާޝް އަހައިލިއެވެ. “ޔާހ.. ޕްރިޓީ މަޗް..” މާއިޝް ޖަވާބުދިނީ ތެދަށެވެ. “ޑޯންޓް ވޮރީ ބްރޯ.. ޔޫ ބޯތް ލަވް އީޗްއަދަރ.. އަހަންނަށް ޔަޤީން މާއިޝްވެސް ރައިއަށް އެއްވެސް ދެރަ ގޮތެއް ނުހަދާނެކަން.. އިޓްސް ނޯރމަލް ޓު ބީ ނަރވަސް އޮން ޔުއަރ ވެޑިންގ ޑޭ.. ސޯ، ޖަސްޓް އެންޖޯއި..” މާއިޝްގެ ބުރަކަށީގައި ޖަހައިލަމުން ރިއާޝް ހިނިތުންވެލިއެވެ. “މާއިޝްވެސް ހިނިތުންވެލަމުން ބޯ ޖަހައިލިއެވެ. “ހިނގާ ނުކުންނަމާ.. ދެން ނެތް މާ ގިނަ ވަގުތެއް..” މާއިޝްގެ ޓައި ރަނގަޅު ކޮށްލަމުން ރިއާޝް ބުނެލިއެވެ. މާއިޝްވެސް ހިނިތުންވަމުން ފުން ނޭވާއެއް ދޫކޮށްލާފައި ރިއާޝްއާއި އެކީ ނުކުތެވެ.

***

“ރައީ.. ހިނގާ ނުކުންނަމާ..” ރައިޝާގެ ބޮލުގައި އަޅާފައި އިން ބޭންޑު ހަރުކޮށްލަމުން ނައިރާ ބުނެލިއެވެ. އޭރު ރައިޝާ ދެއަތް ދެއަތާ މޮޑެން އިނުމުން ނައިރާއަށް ރައިޝާ އޭނީ ހާސްވެފައިކަން އެނގުނެވެ. “ކަމޯން ރައީ.. ތިވަރަށް ހާސްވާކަށް ނުވާނޭ.. ބީ ގްލޭޑް ދެޓް ފައިނަލީ އެވްރީތިންގ އިޒް ފޯލިން އިން ޕްލޭސް..” ނައިރާ ރައިޝާގެ ދެ އަތުގައި ހިފައި، ފިއްތައިލިއެވެ. “ޔޫ ގައިޒް ވިލް ބީ ދަ ކިޔުޓެސްޓް ކަޕްލް އެވަރ..” ރައިޝާގެ ދެ ކޮލުގައި ހިފައިލަމުން ނައިރާ ހީލިއެވެ. “އޯކޭ.. ދެން ހިނގާ އަވަހަށް ދާން.. މިހާރު މާއިޝް ހުންނާނެ، ރައިގެ އިންތިޒާރުގަ.. ހައޭ ޔޫ ލުކް ސޯ ފްރީކިން ގޯރޖަސް ޓުޑޭ.. ހަމަ ޔަޤީނުންވެސް މާއިޝް ހޭ ނެތޭނެ..” ލާނެތް ގޮތަކަށް ހީލަމުން ނައިރާ ބުނެލިއެވެ. އެއާއެކު ރައިޝާގެ ދެކޯ ދިޔައީ ރަތް ވެގެންނެވެ. ގަތް ލަދާއެކު، ނައިރާގެ މުލައްދަނޑީގައި މަޑުމަޑުން ޖަހައިލާފައި ދާން ހިނގާށޭ ބުނެލިއެވެ.

***

ގޮނޑީގައި އިށީނދެގެން އިން މާއިޝްއަށް އިސްއުފުލައިލެވުނީ ގާތުގައި މީހަކު އިށީން ކަމުގެ އިޙްސާސެއް ކުރެވުމުންނެވެ. ކަނާތްފަރާތަށް ބަލައިލެވުނު އިރު ފެނުނު ހިތްގައިމު ސޫރައިން މާއިޝްގެ ހިތް ތެޅިގަތް ގޮތުން ފަޅައިގެން ނުދިޔައީ ކިރިޔާއެވެ. މާ ސާފު ނޫން ހުދު ކުލައެއްގެ ވެޑިން ޑްރެސްއާއި ހަމަ އެ ކުލައިގެ ޝޯލްއެއް އަޅައިފައި އިން އިރު، ރައިޝާގެ ބޮލުގައި މުށިރަތް ކުލައެއްގެ މާތަކަކާއި، ގަދަ ފެހި ކުލައިގެ ފަތް ބޭނުންކޮށްގެން ހަދާފައި އިން ވަރަށް ރީތި ބޭންޑެއް އިނެވެ. އެހެން ދުވަސްދުވަހާ ޚިލާފަށް މިއަދު ރައިޝާގެ މޫނުގައި މޭކަޕްގެ އަސަރު ގަދައެވެ. ނަމަވެސް، ބަލައިލަން ނުހަނު ރީތި ވަރަކަށެވެ. ވަގުތުން މާއިޝްއަށް މާޝާﷲ އޭ ބުނެވުނީ ރައިޝާ މިއަދު ފުރިހަމަ ކަމުންނެވެ. މީހުންގެ އެސްފީނާތަކުން އޭނާގެ ހިތުގެ ރާނީ ރައްކާތެރިކޮށް ދެއްވުމަށް އެދި، އެތައް ފަހަރަކު ދުޢާ ކުރެވުނެވެ.

ރައިޝާގެ ޙާލަކީތޯއެވެ؟ މާއިޝް އޭނޢއާއި ދިމާލަސް ބަލަމުން ދިޔަ ގޮތުން އެ ހިތުގެ ތެޅުން ދިޔައީ އެތައް ގުނައެއް އަވަސް ވަމުންނެވެ. ނަމަވެސް، ދޭތެރެއަކުން ވަށްކަޅިން މާއިޝްއާ ދިމާލަށް ބަލައިލެވެނީ އިޚްތިޔާރަކާ ނުލައެވެ. އެތެރެއިން ހުދު ކުލައިގެ ގަމީހެއް ލާފައި. މަޑު މުށި ކުލައަކަށްދާ ކޯޓު ފަޓުލޫނުގައި ހުރި އިރު މާއިޝް ނުހަނު ހިތްގައިމެވެ. ކޯޓުގެ ޖީބުގައި ޖަހާފައި އިނީ ހަމަ ރައިޝާގެ ބޭންޑާއި، މާ ބޮނޑީޣައި ހުރި ޑިޒައިންގެ މަލެވެ. ބޮލުގެ އިސްތަށިގަނޑު އަރިމަތިން ޓްރިމް ކޮށްލާފައި، ބާކީ ބައި ޖެލް ލައި، ރީތިކޮށް ހަރުކޮށްފައި އެ ހުރީ ރަނގަޅަށް ބެލިއްޔާ ރިއާޝް ވަސްވާސް ދީގެންނެވެ. ނަމަވެސް، މާއިޝް މިއަދު ނުހަނު ރީއްޗެވެ. ނިކަން ފިރިހެންވަންތަ ވެފައި ސްމާރޓެވެ. އެތާ ތިބި އަނަހެން ކުދިންގެ ޢަދަދު ގިނަ ކަމުން ރައިޝާ ފާޑަކަށް ބިރުވެސް ގަތެވެ. ނަމަވެސް، ދެން ހިތް ހަމަ ޖައްސައިލީ އިރުކޮޅެއްގެ ތެރޭގައި މާއިޝް ވާނީ އޭނާގެ ޙައްޤަކަށޭ ހިތަށް އެރުމުންނެވެ.

ދެމީހުން އެއްވެސް ބަހެއް ނުބުނި ކަމުގައި ވިޔަސް، ލޮލުން ދިޔައީ އތައް މެސެޖުތަކެއް ބަދަލު ކުރެވެމުންނެވެ. ދެމީހުންނަށްވެސް ހަމަ ބިމަށް އާދެވުނީ ޤާޒީ ޚުތުބާ ކިޔަން ފެށުމުންނެވެ. ޚުތުބާ ކިޔައި ނިމެންދެންވެސް، ދެމީހުން ތިބީ އިސްދަށަށް ޖަހައިގެން، ކަނުލައި އަޑު އަހާށެވެ.

“އަނބި ޤަބޫލު ކޮށްފިންތަ..؟” ޤާޟީ އަހައިލުމުން މާއިޝް ރައިޝާގެ އަތުގައި ހިފައިލީ މިއީ ތިމަންނަގެ ޙައްޤެކޭ ބުނާ ފަދައަކުންނެވެ. “އަނބި ޤަބޫލު ކޮށްފިން..” ރައިޝާގެ އަތަށް މަޑުމަޑުން ފިތައިލަމުން މާއިޝް ބުނެލިއެވެ. ވަގުތުން ރައިޝާއަށް މާއިޝްއާއި ދިމާލަށް ބަލައިލެވުނީ ލިބުނު ހިތްހަމަޖެހުމެއްގެ ބޮޑުކަމުންނެވެ. ދެމީހުންވެސް އެކަކު އަނެކަކަށް ފުން ނަޒަރެއް ދެމުން ހީލި އިރު، ދެ ހިތުގައިވެސް ވަނީ އެކައްޗެކެވެ. އަބަދުވެސް މި ގުޅުން ފުރިހަމަ ސިއްޙަތާއި އެކު، ދެގޮތެއް ނުވެ ދާއިމަށް އޮތުމެވެ. ވަރަށް ލޯބިވެޔޭ ދެމީހުންވެސް ބުނެލީ ލޮލުންނެވެ. ގުޅުވައިލެވިފައިވާ އެކަކު އަނެކަކުގެ އަތަށް ބާރުކޮށްލީ ދުވަހަކުވެސް ވަކިނުވާނޭ ކަމަށް ވަޢުދު ވަމުންނެވެ.

***

ހަތް އަހަރު ފަސް

***

ނުނިމޭ…

މިވާހަކައިގެ ދެންއޮތް އެޕިސޯޑުގެ ލިންކު ކޮމެންޓް ސެކްޝަންގެ ތިރީގައި ވާނެއެވެ.