Skip to content
އެސްފިޔަ

އެސް.އެމް.އެސް. (1)

 

” ހަމަ މިހާރު މިގެއިން ނިކުމޭ. ކުރިންވެސް ބުނިންދޯ ދުވަހަކުވެސް މިގެއަށް އައިސްގެން ނުވާނެ. ބުނެފަދޯ އޮންނާނީ ތިމޫނުވެސް ދުވަހަކުވެސް ދެކޭކަށް ބޭނުމެއްނޫނޭ. ތިއަޑުވެސް ދުވަހަކުވެސް އަނހާކަށް ބޭނުމެއްނޫނޭ. މިތަނަށް ވަތްގޮތަކަށް އަވަހަށް ނިކުމެގެންދޭ.” އަތްމަތި ދަތިވެގެން މަހުޖަނެއްކަހަލަ އަހަރެންގެ ބޭބެކައިރިއަށް އެހީއަކަށް އެދި ދިއުމުން ދިންޖަވާބުން އަހަންނަށް ރޮވުނެވެ.

” މިނޫން އެހެން ގޮތެއްނެތިގެން މިއައީ. އެނގޭ ބޭބެ އަބަދުވެސް އަހަންނަށް ނަފްރަތު ކުރާކަން. އެކަމު އެއްބަނޑު ގާތްތިމާގެ ކަމުގެ ގުޅުމަކީ މާތްގުޅުމެއްކަން އެނގޭތީ އެހީއަކަށް އެދިގެން އައީ ދެން މިދަނީ. ވަރަށް ބޮޑަށް ޝުކުރިއްޔާ!” އަހަރެން އެހެން ބުނުމަށްފަހު އެގެއިން ނިކުންނަން ހިނގައިގަތީމެވެ.

” ދެން ދުވަހަކުވެސް ނާންނާތި. ތީކާކުތަ؟ ޔޫ އާރ އަ ބިގް ފެޓް ލޫޒަރ.” ބާރަށް ހިނގިގަނޑެއް ޖަހާލަމުން އަހަރެންގެ ބޭބެ އެހެން ބުނެލިއެވެ.

އަހަރެން އަޅައެއްނުލަމެވެ. ޗުއްޕެކޭވެސް ނުބުނެ އަހަރެން އެގެއިން ނިކުމެގެން އައީއެވެ. މިއަދު އަހަރެންގެ ޙާލަށް ހަމްދަރުދީވާނެ އެއްވެސް މީހަކުނެތެވެ. އެކަމާއި ޝަކުވާއެއްވެސް ނުކުރަމެވެ. އަހަރެން ހީކުރީ އެތަށް ދުވަހެއް ފަހުން ބޭބެ ކައިރިއަށް އައުމުން އަހަންނަށް އެހީވާނެކަމަށެވެ. އެކަމަކު އެހެނެއް ނުވިއެވެ. އަހަރުންނަކީ ކުރިން އެއްތަށި މަތިން ކައި އުޅުނު މީހުންނެވެ. ރަށުގައި އެއްކޮށް މަޖާކުރި ދެބެއިންނެވެ. ބޭބެ ކިޔެވުމަށް މޮޅުކަމުން މަންމަމެން ބޭބޭ މާލެފޮނުވީ ކިޔަވާށެވެ. އެކަން ބޭބެ ވަރަށް މޮޅަށް ކުރިއެވެ. އަހަރެން ކިޔެވުމަށް ދަށް ކަމުން އަހަރެންގެ މައިންބަފައިންގެ ކުރިމަތީގައި އަހަރެންގެ ނަންބަރު އޮންނަނީ ކަޓާފައެވެ.

މިއަދު އަހަރެންގެ ބޭބެއަކީ މަހުޖަނެކެވެ. ތިން ރިސޯޓާއި ބޮޑު ފަސްކުންފުނީގެ ހިއްސާދާރެކެވެ. މައިން ބަފައިން ނިޔާވަންދެން އަހަންނަށް ވަރަށް ކަންތައްތައް ކޮށްދިނެވެ. އެވެސް އެތަށް ވަރަކަށް ގުޅާ އެސް.އެމް.އެސްކޮށް އާދޭސްކުރުމުންނެވެ. ބައެއް ފަހަރު ބައްދަލުކުރަން ދިއުމުން ދެގަޑިއިރު ތިންގަޑިއިރު މަޑުކުރަން ބުނެފައި އެބަހުއްޓެވެ. އަހަރެން އޭނަގެ ގާތަށް ކަމަކު ދެން ނާންނާނެ ވަރަށް އަހަންނަށް ތަކުލީފް ޖައްސާފައި އެބަހުއްޓެވެ. އެހެންވެގެން ފަހުން ބޭބެ ކައިރިއަށް ކަމަކު ނުދަމެވެ.

އެކަމު މިއަދު އަހަރެން ބޭބެކައިރިއަށް ދިޔައީ އެނޫން ގޮތެއްނެތިގެންނެވެ. އަހަންނަކީ އަންބަކާއި 02 ކުދިން ގޮވައިގެން މާލޭގައި ކުއްޔަށް ދިރިއުޅޭ މީހެކެވެ. ކުއްލިއަކަށް ކުޑަ ދަރިފުޅު ވަރަށް ބޮޑަށް ބަލިގެން އެނޫން ގޮތެއް ނެތިގެން ބޭބެ ކައިރިއަށް ދިޔައީ ފައިސާގެ އެހީއެއް ލިބޭނެކަމުގެ އުންމީދުގައެވެ. އެކަމު މިފެނުނީ އެހެން މަންޒަރެކެވެ. އަހަންނަށް ހެވެވެ. އަހަރެންގެ ހިތް ދުވަހަކުވެސް ބޭބެއަކަށް ނުބައެއް ނުވާނެއެވެ. ދުވަހަކުވެސް ބޭބެއަށް ނުނިޔަތްލާ ބަދުދުޢާއެއް ނުކުރާނަމެވެ. ގާތްތިމާގެ ގުޅުމުގެ މާތްކަމާއި މުހިއްމުކަން އަހަންނަށް އެނގެއެވެ. އެކަން މިއަދު ބޭބެއަށް ނޭގުމުން ވަރަށް ދެރަވިއެވެ. މައްސަލައެއްނެތެވެ. އަހަރެން ހިތްވަރު ހޯދާނީ ކެތްތެރިކަމާއި ނަމާދުންނެވެ. އެއީ އަބަދުވެސް އަހަރެން ކުރާކަމެކެވެ. ނޫންނަމަ، މިއަދު އަހަރެން ހުންނާނީ ޖަލުގަ ކަން ނޭނގެއެވެ.

ބޭބެގެ ގަނޑުވަރެއް ކަހަލަ ގޭގެ ލިފްޓު އެންމެ ތިރީ ބުރިއަށް އަންނަންދެން އަހަންނަށް ވިސްނެމުންދަނީ ބޭބެ ބުނިއެއްޗަކާއެވެ. ވަރަށް ދެރަވެސް ވިއެވެ. ހިތުން ރޮވުނެވެ. އެކަމަކު ދެން ދުވަހަކުވެސް ކަމަކު ބޭބެގެ ކައިރިއަކަށް ނުދާނަމެވެ.

މަޑުމަޑުން ގޮސް ސައިކަލަށް އަރާ ސްޓާޓްކޮށްލީމެވެ. ސްޓާޓެއް ނުވިއެވެ. ރަނގަޅަށް ބަލާލިއިރު ޕެޓްރޯލް ހުސްވީއެވެ.

” ޖައްސާލަބަލަ މިކޮޅަށް. މިއުޅެނީ ސައިކަލް ޕެޓްރޯލް ހުސްވެގެން ސްޓާޓް ނުވެގެން.” އަހަރެން އަނާންއަށް ގުޅާފައި ހުރިތަން ބުނެފައި އައުމަށް އެދުނީމެވެ.

” ސައިކަލަށް ޕެޓްރޯލް ނޭނޅޭ ފެންވަރުގެ މީހުން ސައިކަލް ނުދިއްވިއްޔާ ރަނގަޅުވާނީ. ނުދެވޭނެ. ވަރަށް ބިޒީ.” އަނާންގެ ޖަވާބު މުޅިން ގޯހެއް ނޫނެވެ.

ހިތަށް އެރިއެވެ. މުޅިއަކުން ގޯހެއް ނޫނެވެ. އަހަންނަށް އެހީވާން ހުރި މީހާ އެހީ ނުވާއިރު، ދުރުހިލޭ ރައްޓެހިން އަހަންނަށް އެހީ ވާންޖެހޭ ބާވައެވެ. އެހެންވެ މަޑުމަޑުން ހިނގާފައި ޕެޓްރޯލް ޝެޑަށް ގޮސް ހުސް ފުޅިއަކަށް ފެޓްރޯލް އަޅައިގެން އައީއެވެ. އައިސް ސައިކަލަށް ޕެޓްރޯލް އެޅުމަށް ފަހު ގެއާއި ދިމާލަށް މިސްރާބް ޖެހީމެވެ. އަހަރެންގެ ފޯން ރިންގްވާން ފެށީ އެހިސާބުންނެވެ.

” ކޮބާ ލިބުނުތަ އެހީއެއް؟” އަހަރެންގެ އަންހެނުން ލީނާ ސުވާލުކުރިއެވެ.

” ވަރަށް ދެރަ. ނުލިބުނު. މިދަނީ ގެއަށް.” އަހަރެން މަޑުމަޑުން ބުނީމެވެ.

” ދިޔައިރުވެސް ބުނިންދޯ ތިހެނޭ ވާނީ. ތިބޭބެއަކީ ސަލާމްއަށް މާރަނގަޅު މީހަކު ނަމަ އަހަރުމެން މިމާލޭގަ މިހެން ގަނަ ތެޅޭކަށް ނުޖެހޭނެދޯ. އަވަހަށް އާދޭ ގެއަށް.” އަންހެނުން އިނީ ހިތްހަމަ ނުޖެހިފައެވެ.

އަހަރެން ގެއަށް ދިޔައިރު އަންހެނުން އުޅެނީ ކުޑަ ދަރިފުޅު ހޭހަން ކުރެވޭތޯއެވެ. އޭނާ ހުން އައިސްގެން ތެޅި ފޮޅެނީއެވެ. އަހަރެންގެ ހިތަށް ވަރަށް އަސަރުކުރިއެވެ.

” ދެންވެސް ހިނގާބަލަ ހޮސްޕިޓަލަށް.” އަންހެނުން ބާރަށް ބުނެލިއެވެ.

” ހިނގާދާން.” އެހެން ބުނުމަށްފަހު އަހަންނާއި އަންހެނުން ދަރިފުޅު ގޮވައިގެން ދިޔައީ ހޮސްޕިޓަލަށެވެ.

އަހަރެމެން ދިޔައީ އޭޑީކޭއަށެވެ. ނަޞީބަކުން ކުޑަ އިރުކޮޅެއްގެ ތެރޭގައި ޑޮކްޓަރަށް ދައްކާނިމުނެވެ. ޑޮކްޓަރ ބުނީ އެއީ މާބޮޑުކަމެއް ނޫންކަމުގައެވެ. މިދުވަސްވަރު ވަރަށް ގަދަ ހުމެއްއ އުޅޭތީ އެކަމާއި ސަމާލުވެގެން އުޅުމަށް ބުނެލިއެވެ. އަހަރެން ހީކުރީ ދަރިފުޅަށް ޑެންގީ ޖެހުނީ ކަމަށެވެ. އެކަމާއި އަހަރެން ހުރީ ވަރަށް ބިރުންނެވެ. ނަޞީބަކުން އެހެން ނުވުމުން އަހަރެން ވަރަށް ހިތްހަމަޖެހުނެވެ.

” ހާދަ ރަނގަޅޭ ދޯ އަހަރެންގެ އަންހެނުން.” އަހަރެންގެ އަންހެނުން ފަހަށް ފައިސާކޮޅެއް ރައްކާކޮށްފައި ހުރިކަން އެނގުމުން އަހަރެން އެހެން ބުނެލީމެވެ.

” އަހަރެންގެ ފިރިމީހާގެ ބޭބެ އަކީ މަހުޖަނަކަށް ވިޔަސް އަހަރެންގެ ފިރިމީހާއަކީ މާ ފޯރާމީހެއްނޫންކަން ދަނެގެން އަހަރެން އަބަދުވެސް މިއުޅެނީ.” ލީނާ ކުޑަކޮށް ހިނިތުންވަމުން ބުނެލިއެވެ.

އަހަރެމެން ގެއަށް އައިތަނާހެން ކަރަންޓްބިލް އޮތީ އައިސްފައެވެ. މިފަހަރު އޮތީ ކަރަންޓް ކަނޑާލާނެ ކަމުގެ ރެޑްނޯޓިސް ދީފައެވެ. އަނެއްކާ އަހަރެންގެ ބޯ ހާސްވިކަހަލައެވެ. އެކަމަކު ހިތަށް އެރިއެވެ. ކޮންމެވެސް ގޮތެއް އޮންނާނެއެވެ. އަނެއްކޮޅުން ހަފްތާއެއްގެ ތެރޭގައި މުސާރަވެސް ލިބޭނެއެވެ. އެހެންވެ މީހެއްގެ އަތުން ފަހުން ދޭގޮތަށް ފައިސާކޮޅެއް ނަގަން އަހަރެން ނިންމީމެވެ.

ފޯން ނަގާ މީހަކަށް ގުޅާލަން އުޅުނު ތަނާހެން އައީ އެސް.އެމް.އެސް އެކެވެ. އެ. އެސް.އެމް.އެސް ކިޔާ ނިމުނު އިރު އަހަރެންގެ ދެލޯ ފެންކަޅި ވެއްޖެއެވެ.

= ނުނިމޭ=

މިވާހަކައިގެ ދެންއޮތް އެޕިސޯޑުގެ ލިންކު ކޮމެންޓް ސެކްޝަންގެ ތިރީގައި ވާނެއެވެ.

Comments (17)

  1. ALBURNS

    މީ އަޅުގަނޑުގެ ފުރަތަމަ ވާހަކައެކެވެ. ކިޔުންތެރިންނަށް ކަމުދާނެކަމަށް އުންމީދުކުރަމެވެ.

    ޝުކުރިއްޔާ!!!!!!!

  2. Tigrious

    Reethi Ekm Haadha KuRey … Hykuran Nxt Part Dhigukoh Genes Dheyne Kamah

  3. rish

    V reethi avahah 2 vana bai nerey… inthixaaruga mi huree

  4. nukko

    V reethi.. waiting for the next part….

  5. Shabee

    Alburns v salhi… heevanee dhen anna bai v touching vaane hen.. 🙂 good luck

  6. ishy

    Hadi ey hadi ey e dhogeh salhi igey writer.

  7. Shamana

    Reethi… Waiting 4 next part..

  8. stranger

    Abaan koniraku story liyan feshy…. haveys ingey bro… keep it up

  9. liu

    varah interestin…..when next part?

  10. zaf

    daily kh up khdhehchey ingey… story v nice

  11. Ariel

    furatha story ah balaafa ok.

  12. Rish-mee

    Vaahaka dhen goaheh nun salhi…

  13. mizu

    Vaahka v reethi thankolheh avahah next part up kolliyyaa rangalhu ..

  14. bbbb

    (*)

  15. Ni

    Nice.waiting for next part

  16. shaan

    Very interesting . Waiting for the next part

  17. shiyaa

    Very interesting. avahah up kohdheythi ingey…

Comments are closed.