ނަމަވެސް މިއަދު މިވަނީ އެ ރުޅި ލޯތްބަށް ބަދަލުވެފައެވެ. އާނއެކެވެ! ޔުމްނުއަށް އިރުމް ދެކެ ލޯބި ވެވިއްޖެއެވެ. ޔުމްނު ހިތަށްއެރިއެވެ. “ނަފްރަތަކީ ނުވަތަ ރުޅިއަކީ ލޯބީގެ ފެށުމޭ” މީހުންބުނެއުޅެނީ ހަމަތެދެއްވީމަތާއެވެ! ޔުމްނު ގްރޭޑް ދިހައެއް ނިންމާލުމަށްފަހު ރަށަށް އައިސް އެންމެ ފުރަތަމަވެސް ބެލީ އިރުމްއަށް މެސެޖް ކުރެވޭތޯއެވެ. ޔުމްނު އަށް އިރުމްގެ ނަމްބަރ ދިނީ ޔުމްނުގެ ދޮންބެއެވެ. ޔުމްނުއާއި އިރުމްގެ ގުޅުން މަޑުމަޑުން ލޯބީގެ ގުޅުމަށް ބަދަލުވަމުން ދިޔައެވެ. 2016 ވަނަ އަހަރު ޔުމްނު އުޅުނީ ރަށު […]
9 އަހަރު ފަސް ޔުމްނު ގެ އުމުރުން އޭރު ވާނީ 12 އަހަރެވެ. ޔުމްނު އުޅުނީ ގްރޭޑް 6 ގައެވެ. އެއީ 2011 ވަނަ އަހަރެވެ. ޔުމްނުގެ މަންމަ ނޭފަތް އޮޕަރޭޝަން ކުރުމަށްޓަކައި ޔުމްނުގެ ބައްޕަ އެއްބަނޑު ދޮންބޭބެގެ ގޭގައި ޔުމްނު ބެހެއްޓުމަށްފަހު އިންޑިޔާއަށް ދިޔައެވެ. ޔުމްނުވެސް ބޭނުންވީ އެގޭގައި ހުންނާށެވެ. ސަބަބަކީ އެގޭގައި ޔުމްނުއާއި އެއްއުމުރެއްގެ ޔުމްނުއާއި އެއްކުލާހެއްގައި ކިޔަވާ އަންހެން ކުއްޖެއް ހުންނާތީއެވެ. ޔުމްނުއަށްވުރެ 7 މަސް އެކުއްޖާ ބޮޑުވާނެއެވެ. ޔުމްނުއާއި އެކުއްޖާއަކީ ބެސްޓް […]
9 އަހަރު ފަސް ޔުމްނު ގެ އުމުރުން އޭރު ވާނީ 12 އަހަރެވެ. ޔުމްނު އުޅުނީ ގްރޭޑް 6 ގައެވެ. އެއީ 2011 ވަނަ އަހަރެވެ. ޔުމްނުގެ މަންމަ ނޭފަތް އޮޕަރޭޝަން ކުރުމަށްޓަކައި ޔުމްނުގެ ބައްޕަ އެއްބަނޑު ދޮންބޭބެގެ ގޭގައި ޔުމްނު ބެހެއްޓުމަށްފަހު އިންޑިޔާއަށް ދިޔައެވެ. ޔުމްނު ވެސް ބޭނުންވީ އެގޭގައިހުންނާށެެވެ. ސަބަބަކީ އެގޭގައި ޔުމްނުއާއި އެއްއުމުރެއްގެ ޔުމްނުއާއި އެއް ކްލާހެއްގައި އުޅޭ އަންހެންކުއްޖެއް ހުންނާނެއެވެ. އެއީ ޔުމްނުގެ ބެސްޓް ފްރެންޑެވެ. ޔުމްނުގެ ހަގަށްހުންނާނީ ޒިޔަން އެވެ. ޒިޔަން ދާން ބޭނުންވީ ބައްޕަ އެއްބަނޑު ކުޑަބެގެ ގެއަށެވެ. އެހެންކަމުން ޒިޔަން ހުރީ ކުޑަބެ ގޭގައެވެ. ދުވަސްތައް ހަލުވި ކަމާއެކު ހިނގަމުން ދިޔައެވެ. ޔުމްނުގެ ކިޔެވުމަށް ކުއްލިއަކަށް ވަރަށް ބަދަލުތައް އަންނަން ފެށިއެވެ. މީގެކުރިން ޔުމްނުއަކީކިޔެވުމުގައި މުޅި ސްކޫލުންވެސް އެންމެ މޮޅު ދަރިވަރެވެ. ކިޔެވުމުގައި ނޫނަސް ކުޅިވަރު ކުޅުމުންވެސް އެއްވަނައިގައި އުޅެނީ ޔުމްނުއެވެ. ނަމަވެސް 2011 ވަނަ އަހަރު ނިމިގެން ދިޔައީ ޔުމްނުގެ ހިތް ރޮއްވާލައިފައެވެ. ފުރަތަމަ ޓާރމް އަދި ދެވަނަ ޓާރމްގައިވެސް ‘ސީ’ ރިޕޯޓެއް ޔުމްނުއަށް ލިބުމުން ހައިރާންވީ ޔުމްނުގެ އާއިލާ މީހުން އެކަންޏެއް ނޫނެވެ. މުޅި ރަށުރަށްޔިތުންވެސް ތިބީ އެކަމާ ހައިރާންވެ ބުނާނެ އެއްޗެއް ނޭންގިފައެވެ. ޔުމްނުގެ މަންމައާއި ބައްޕަ މިކަމާ ވަރަށް ލަދުގަތެވެ. އަދި ޔުމްނުއާއި ދިމާލަށް ވަރަށް އެއްޗިހިވެސް ކިޔެވެ. ޔުމްނުއަށް ހަމައެކަނި ބުނެވެނީ “ނޫން އަޅުގަނޑު ކިޔެވިން” މިހެން އެކަންޏެވެ. ޔުމްނު ވަރަށް އެކަނިވެރިވިއެވެ. އާއިލާ އެންމެންވެސް ޔުމްނުމަންމަ ނެތުމުން ކިޔަވަން ފަރުވާކުޑަ ކުރީއޭ ކިޔައިގެން ޔުމްނުއަސް ހިތްވަރު ދިނުމުގެ ބަދަލުގައި އެއްޗިހިކީއެވެ. އާއިލާ މީހުންގެ އެއްވެސް ހިތްވަރެއް އެއްވެސް ސަޕޯޓެއް ޔުމްނުއަށް ނުލިބުމުން ޔުމްނު ކިޔެވުންމަތިން ވަރަށް ފޫހިވާންފެށިއެވެ. ރަށުން ގްރޭޑް 10 އަކާއި ހިސާބަށް ނުކިޔެވޭތީ 2012 ވަނަ އަހަރު ގްރޭޑް 7ކަށް ޔުމްނު ކިޔަވަންލީ ނ.ހޮޅުދޫ އަށެވެ. ހޮޅުދޫގައި ޔުމްނު ކިޔަވަން ހުރީ ޔުމްނު ގެ ދޮންބެއާއި އެއްކޮށް ދޮންބެ ކިޔަވަން ހުރި ގޭގައެވެ. ދުވަސްތައް ހިނގަމުން ދިޔައީ ވަރަށްވެސް ހަލުއިކަމާއެކުގައެވެ. ނަމަވެސް ޔުމްނުގެ ކިޔެވުމަށް އެއްވެސް ކުރިއެރުމެއް ނުލިބެއެވެ. ގްރޭޑް 7،8 ހޮޅުދޫގައި ކިޔެވުމަށްފަހު 9 އަދި 10 ކިޔަވަން ޔުމްނު ބަދަލުވީ ނ.މަނަދޫއަށެވެ. ޔުމްނުއަކީ ފިރިހެންކުދިން ހިތްކިޔާ ކަހަލައެތައް ސިފައެއް ލިބިފައި ހުރި އަންހެން ކުއްޖެއްކަމުން، ހޮޅުދޫގައި ޔުމްނު ކިޔަވަން އުޅުންއިރުވެސް އެތައް ފިރިހެންކުދިންނެއް ޔުމްނުއާއި ހެދި ދީވާނާ ވަމުންދިޔައެވެ. އަދި އެތަނުން އެއް ސޮރަކު ވަނީ ޔުމްނުގެ ހިތް އަތުލާފައިވެސް މެއެވެ. ޔުމްނު މަނަދޫއަށް ކިޔަވަން އައިއިރުވެސް ހޮޅުދޫ ސޮރާ އޮތް ގުޅުމަކަށް ބަދަލެއް ނާދެއެވެ. ނަމަވެސް 2014 ވަނަ އަހަރުގެ(9ގެ އަަހަރު) މެދުތެރެއިން އެސޮރު ވަނީއެހާ ދުރުގައި ތިބެގެން ރިލޭޝަން ކުރިއަށް ނުގެންދެވޭނެ ކަމަށްބުނެ ޔުމްނުއާއި ރުޅިވެފައެވެ. ޔުމްނު މިކަމާއި ދެރަވިޔަސް ފަހުން އެހާބޮޑަކަށް އެކަމަކާއި ނުވިސްނައެވެ. މަނަދޫގަައި ކިޔަވަން އުޅުމުގެ ތެރޭގައި ޔުމްނުއާއި އަޅައިގަނެގެން އުޅުން އެރަށުގައި ވަރަށް މަޝްހޫރު ގްރޫޕެއްގައި އުޅުން ވިޝާހް ނަމަކަށް ކިޔާ ސޮރަކު ޔުމްނު ފެންނަ އިރަށް ޔުމްނުއަށް ސިއްރު ސިއްރުން ބަލާ ފަހުން ފަހުން އައިސް ވާހަކަ ދައްކަމުންގޮސް ޔުމްނު އެސޮރުގެ ޖާދޫގައި ރަނގަޅަށް ޖެއްސުވިއެވެ. ޔުމްނުއަށްވަނީ ވިޝާހްދެކެ އިންތިހާޔަށް ލޯބިވެވިފައެވެ. ނަމަވެސް ވިޝާހް ޔުމްނު ބޭނުންކޮއްލީ ކުޅޭ ކުޅޭ ބުދެއްފަދައިންނެވެ. ޔުމްނު ވިޝާހްދެކެ އިންތިހާޔަށްލޯބިވިޔަސްޔުމްނުއަކީ އަހުލާޤް ރަނގަޅު ކުއްޖެއްކަމުން ޔުމްނުގެ އަބުރާއި އިއްޒަތް ވެއްޔާ މޮޑެވޭކަހަލަ އެއްވެސް ކަމެއް ޔުމްނު ވިޝާހްއާއިއެއްކޮށް ނުކުރެއެވެ. މާގިނަ ދުވަސްތަކެއްނުވެ ޔުމްނުއަށް ވިޝާހްގެ ހަޤީގަތް ހާމަވެއްޖެއެވެ. އަދި ވަގުތުން ވިޝާހްއާއި އެއްކޮށް އިތުރަށް އެންމެ ވަގުތުކޮޅަކުވެސް އުޅޭކަށް ބޭނުމެއް ނެތޭ ބުނުމަށްފަހު ވިޝާހްއާއި ޔުމްނު ރުޅިވިއެވެ. ނަމަވެސް އެ އަހަރުގެ ތެރޭގައި އަލުން ކިތޭފަހަރަކު ޔުމްނު ވިޝާހްއާއި ރައްޓެހިވިއެވެ. 2014 ވަނަ އަހަރު ވެސް ނިމިގެން ދިޔައީ ހަމަ މިދިޔަ 2 އަހަރެކޭ އެއްގޮތަށް ޔުމްނުއަށް “ސީ” ގްރޭޑްއެއް ލިބިގެންނެވެ. ޔުމްނު މިހާރު އެކަމަކާއި އެހާ ދެރައެއްނުވެއެވެ. ސަބަބަކީ ޔުމްނު މިހާރު ކިޔެވުންދެކެ އިންތިހާޔަށް ފޫހިވެފައިވާތީއެވެ. 2015 ވަނައަހަރު ފެށުންއިރު ޔުމްނު ހުރީ ސިންގަލް ކޮށެވެ. މިއަހަރު ޔުމްނު ހުރީ އެއްވެސް މީހަކާއި ރައްޓެހިނުވާން ހިތުލައިގެންނެވެ. އަދި މިއަހަރަކީ ޔުމްނުގެ ކިޔެވުމުގެ އެންމެ ފަހު އަހަރުކަމުން ޔުމްނު ބޭނުންވީ މިއަހަރު ވަރަށް ރަނގަޅަށް ކިޔަވައިގެން ރަނގަޅު ނަތީޖާއެއް ހޯދާށެވެ. ނަމަވެސް މިކަންކުރަން ޔުމްނު ހިތުލީ އެހެން ބަޔަކަށްޓަކައެއްނޫނެވެ. ހަމައެކަނި ޔުމްނުއަށް ޓަކައެވެ. 2015 ވަނައަހަރު ޔުމްނުއާއި ކައިނާއާއި އުޅުނީ ވަރަށް ރަހުމަތްތެރިކޮށް އެކުއެކީގައެވެ. ކައިނާއަކީ ކުރިންވެސް ޔުމްނުއާއި އެއް ކްލާހެއްގައި ކިޔެވި ކުއްޖެކެވެ. ނަމަވެސް އޭރު ކައިނާއާއި ޔުމްނު އެހާ ރައްޓިއްސެއް ނުވާނެއެވެ. ދުވަސްތައް މަޑުމަޑުން ފާއިތުވަމުން ދިޔައެވެ. އެއްދުވަހެއްގެ އިރުއޮއްސުން ވަގުތެވެ. ޔުމްނު ވަރަށް ބޮޑަށް ބަނޑަށް ތަދުވެފައި އަކުނިވަޔަށް ދަމާތީ އެނދު ކައިރީ އޮވެގެން އަޑުން އަޑު ނަގާފައި ރޮމުން މަންމަޔަށް ގޮވަމުން ދިޔައެވެ. މިއަޑު ޔުމްނު ކިޔަވަން ހުރިގޭގައި އުޅޭ ބޭބެއަށް އިވިގެން އައިސް ދޮރުހުޅުވާ ބަލާލިއިރު ޔުމްނު އޮތީ ނޫވެފައެވެ. ވަގުތުން އެމްބިއުލެންސަށް ގުޅައިން ޔުމްނު ހޮސްޕިޓަލަށް ގެންދެވުނެވެ. އަދި ޔުމްނުގެ މަންމައަށް މިހަބަރު ލިބުމުން ވަގުތުން ރަށުން ފުރައިން މަނަދޫއަށް އައެވެ. […]
ފަތިހުގެ އިރު އަރަމުންއައި ވަގުތެވެ. ޔުމްނު އިނީ އެރީތި ދޮންވެލިގަނޑު މަތީގައި އެއްވެސް ހިޔާލެއް ފިކުރެއްނެތި އެ ޖާދުވީ ރީތި އިރު އަރަމުންދާ މަންޒަރު ބަލާށެވެ. ފަތިހުގެ އެ ހިތްގައިމު ވަގުތު އެ ރީތި ދޮންވެލިގަނޑު މައްޗަށް ރާޅުތަށް ބީއްސާލާ އަޑު އަހާލުމަކީ މިހާރު ޔުމްނުގެ އާދައެވެ. ޔުމްނުއަކީ ހަންގަނޑުގެ ކުލަ އަލި، އިސްކޮޅުން ކުރު، މަޑު ފިޔާތޮށި ތުންފަތަކާއި މަޑު މުށި ކުލައިގެ ކަޅިއެއް ލިބިފައިވާ މަޑުމައިތިރި، މީހުންނަށް އިހުތިރާމްކުރާ، ހީވާގި، ތެދުވެރި، ދީންވެރި މީހެކެވެ. ޔުމްނުގެ ތުންފަތުގައި މިހާރު އަބަދުވެސް ނުފިލާ ހިނިތުންވުމެއް ވެއެވެ. އެއީ މިހާރު ޔުމްނުގެ ދިރިއުޅުންވަނީ ޔުމްނު ހުވަފެނުންވެސް ނުދެކޭހާ އުޖާލާ ދިރިއުޅުމަކަށް ވެފައެވެ. ޔުމްނުއަށް އެ ގުދުރަތުގެ ރީތި މަންޒަރަށް ބަލަން އިނދެވުނީ ގަޑިން ވީވަރުވެސް ބަލާ ނުލައެވެ. ކުއްލިއަކަށް ޔުމްނު ސިއްސައިގެން ދިޔައީ ފޯން ރިންގްވާން ފެށުމުންނެވެ. ޔުމްނުއަށް ގަޑިން ވީވަރު ފެނުމުން އަނގަ ހާވިއެވެ. އަދި ފޯން ނުނަގައި އަވަހަށް ގެއަށް ދިއުމަށް ދުއްވައިގަތެވެ. ދުވަމުން ދަނިކޮށް އަނެއްކާވެސް ފޯން ރިންގްވާން ފެށިއެވެ. ޔުމްނު ދުވުން މަޑުކޮއްލުމަށްފަހުފޯން ނެގި ގޮތަށް އެކޮޅުން އެއްޗެއް ބުނުމުގެ ކުރިން “މިހާރު މިދަނީ ގެއަށް” މިހެން ބުނުމަށްފަހު ފޯން ކަނޑާލިއެވެ. ޔުމްނު ގެއަށް ދިޔައިރު ޔުމްނުގެ ފިރިމީހާ (އިރުމް)ޔުމްނުގެ އިންތިޒާރުގައި ހުއްޓެވެ. ނަމަވެސް ފިރިމީހާގެ މޫނުމަތިން މިއަދު ޔުމްނުއަށް ފެނިގެން ދިޔައީ ވަރަށް ހާސްވެފައި ހުރި މަންޒަރެވެ. ޔުމްނު ހީކުރީ ޔުމްނު ގެއަށް ނައިސް ލަސްވުމުން ހާސްވެފައި ހުރީ ކަމަށެވެ. މިހެން ހީކޮއްގެން ޔުމްނު އިރުމް ކައިރިއަށް ގޮސް އިރުމް ގައިގައި ބައްދާލުމަށްފަހު ސޮރީ ބުންޔެވެ. އިރުމް ބުންޔެވެ “ކީއްވެ ފުރަތަމަ ގުޅިއިރު ފޯން ނުނެގީ، އިނގޭތަ މިރަށުގައި މިއަދު ވަރަށް ބޮޑު ކަމެއް ހިނގައިފި”. ޔުމްނު އިރުމްއާއި ކުޑަކޮއް ދުރުވެލުމަށްފަހު އެއީ ކޮންކަމެއްހޭ އެހީ އިޝާރާތުންކުޑަކޮއް ބުމައަރުވާލުމަށް ފަހުއެވެ. އިރުމް ޔުމްނު އެއްކޮއް އެތާ ކައިރީ ހުރި ޖޯލީގައި އިށީނުމަށްފަހު މިއަދު ރަށުތެރޭގައި ވެގެން އުޅޭ ކަންތައް ކިޔައިދިނެވެ. ޔުމްނު އިނީބުނާނެ އެއްޗެއް ނޭނގި އަނގަ ހާވެފައެވެ. އަދި އިރުކޮޅެއްފަހުން ހަމައަކަށް އެޅުމަށްފަހު “އެކަހަލަ މީހުންނަކީ ހަމަ ޖަނަވާރުން، ހަމަ މަރަންވީ، އަމިއްލަ އެއްބަނޑު މީހެއްގެ ދަރިއާއި ބެހެން ކެރޭނީ ހާދަ ޖަނަވާރު ވީމައޭ” ޔުމްނުއަށް މިހެން ބުނެ ނިމުން އިރު ރަނގަޅަށްވެސް ރޮވިއްޖެއެވެ. އިރުމް ޔުމްނު ގައިގައި ވަރަށް ލޯބިން ބައްދާލާ ދެން އެކަމާ ނުވިސްނާން ބުންޔެވެ. ޔުމްނު އެ އަންހެން ކުއްޖާއަށް ހިތްވަރު ދިނުމަށާއި އިންސާފް ހޯދައި ދިނުމަށް ހިތާހިތުން ދުޢާކުރިއެވެ. ފޯން އެލާމް ވާންފެށުމުން ޔުމްނުއަށް ހޭލެވުނެވެ. އަދި އަވަސް އަވަހަށް ފިރިމީހާއަށް ނަމާދަށް ދާން ގޮވުމަށްފަހު އަވަހަށް ފާހާނާޔަށް ވަދެ ވުޞޫ ކޮއްލައިގެން ނިކުމެ ފަތިސް ނަމާދުން ދުވަސް ފެށިއެވެ. މިއަދަކީ ޔުމްނުއަށް ވެސް އަދި އިރުމް އަށްވެސް ވަރަށް ހާއްސަ ދުވަހެކެވެ. މިއަދަކީ މި ދެމަފިރިންގެ ކައިވެންޔަށް2 އަހަރު ފުރުނު ދުވަހެވެ. މިއަދު ހުރިހާ ވަގުތެއްގައިވެސް ފިރިމީހާޔަށް އެންމެ މީރު ކާނާ ތައްޔާރުކުރަން ޔުމްނު ހުރީ ހިތު ލައިގެންނެވެ. އެގޮތުން ހެނދުނުގެ ސަޔަށް ޔުމްނު ތައްޔާރުކުރީ އިރުމް އަށް އެންމެ މީރު ފަރުމަހު ކިރުގަރުދިޔައާއި ރޮއްޓެވެ. މިއަދު ޔުމްނުއާއި އިރުމް ތިބީ ދެމީހުން އެކަކު އަނެކަކަށް ސަޕްރައިޒް ދޭން ހިޔާލުކޮއްގެންނެވެ . ދެމީހުން ހެނދުނުގެ ސައިބޮއެ ނިންމާލުމަށްފަހު އިރުމްގެ މަންމަ ކައިރިއަށް ދާން ނިކުތެވެ. އެ ގެއަށް ދާން ދިޔަ މަގުމަތީގައި ރަށުތެރޭގެ 5 ވަރަކަށް ބޮޑެތި މީހުން ގްރޫޕް ހަދާފައި މާ ވަރުގަދަ ވާހަކައެއް ދައްކާހެން ހީވެގެން އެތަނަށް ޔުމްނު އާއި އިރުމް ވެސް ގާތްވެލިއެވެ. އަދި މާފޯރީގައިކީކޭހޭ ތިކިޔަނީ އެހުމުން، އެތަނުން އެކަކު “މިކިޔަނީމިހާރު މިރަށުގައި ސިހުރުހަދާ މީހާ މިރަށުގެ ހުރިހާ ގެއަކަށް ސިހުރު ހަދައޭ. އޭނާ ވީހާވެސް އަވަހަކަށްޕޮލިހަށް ހަވާލުކުރަން ރަށު އެންމެން ވެގެން ނިކުންނަންވީ. އެހެންނޫނީ އަހަރެމެންނާ އަހަރެމެންގެ ދަރިންތައް ހަލާކުވެގެން ހިނގައިދާނެ.” މިހެން ބުނިވަގުތު އެތަނަށްއައި އެހެން މީހަކު “ކަލޭމެން މިހާރު ތިހެން ކިޔާނެކަމެއްނެތް، ކަލޭމެން ކައިރީ ތިހިރަ ޔުމްނު ތިޔައީ އޭނާގެ ސިހުރުން އެކުއްޖާގެ މުޅި ދިރިއުޅުން ހަލާކު ކުރަން އުޅެފައި ހުރި މީހެއް. އޭރު ރަށުތެރޭގައި އެ ނުބައި ސިހުރުވެރިޔާގެ ވާހަކަ ދެއްކީމައި އެކަކަށްވެސް ނުކެރުން އޭނަޔާ ދެކޮޅަށް އަޑު އުފުލާކަށް. އެންމެން ވެސް ޔުމްނުއާއި ޔުމްނުގެ އާއިލާ އެކަނިވެރިކޮއް ބާކީ ކޮއްލީ. އެންމެންވެސް އެ މޮޅު ސިހުރުވެރިޔާ ދެކެ ބިރުން އަނގައިން ބަހެއް ބުނަން ވެސް ނުކެރިފަ ތިބީ. ދެން މިހާރު ކަލޭމެންގެ ގޭގެއަށް ސިހުރު ހަދަން ފެށީމަ ވަކިކޮން އަނގައެއް ތި ތަޅަނީ”. ޔުމްނުއަށްއެވަގުތު އެތާ ހުންނަން ވަރަށް އުނދަގޫވިއެވެ. މިކަން އިރުމް އަށް އެނގުމުން ވަގުތުން ޔުމްނު ގޮވައިން އެތަނުން ދިޔައެވެ.ޔުމްނު އަށް ވަރަށް ފުން އަސަރެއް ކޮއްފިކަން އެނގުމުން އިރުމް ޔުމްނު ގޮވައިގެން މަންމަ ގެއަށް ނުގޮސް އަނބުރާ ގެއަށް ދިޔައެވެ. ޔުމްނުއަށް ގެއަށް ރަނގަޅަށް ނުވަދެވެނިސް އަޑުން އަޑުނަގާފައި ރޯން ފެށުނެވެ. އިރުމް ޔުމްނު ގޮވައިން ގެއަށް ވަދުމަށްފަހު ޔުމްނު ގައިގައި ވަރަށް ލޯބިން ބައްދާލާ ބޮލުގައި ފިރުމަންފެށިއެވެ. އަދި ނުރޮއެ ހުއްޓާލުމަށް އެދި އާދޭސް ކުރިއެވެ. ޔުމްނު ރޯ އަޑު އިވުމަކީ އިރުމްގެ ހިތަށް ވަރަށް ތަދުވާ ކަމެކެވެ. ނަމަވެސް ޔުމްނުގެ ރުއިމަކަށް އެއްވެސް ބަދަލެއް ނާދެއެވެ. މިއަދު ޔުމްނު އެވަނީ ވަރަށް ބޮޑަށްވެސް ހިތުގައި ޖެހިފައެވެ. އެއީ ޔުމްނުއަށް ޔުމްނުގެ މާޒީ ހަނދާން ވުމުންނެވެ. މީގެ 9 އަހަރު ކުރި އިންތިޒާރް ކޮއްލައްވާ………………