އެކުވެރިންނެވެ. ތިޔަ އެކުވެރިންނެވެ އެއްގޮތަށް އަހަރެންވެސް ބޮޑުވެގެން އައިދުވަސްވަރު، އަހަރެންގެ ހިތުގައިވެސް ލޯތްބޭ މިކިޔާ ޖަޒްބާތު އުނދުންމަތީ ކެކިހުރި ތެޔޮއެއްޗެއް ފަދައިން ގަޑަގަޑަލާފައި ކެކެން ފަށައިފިއެވެ. އަހަރެން ހަތަރުފަތިން މޮހައިގެ ދިޔަކަހަލައެވެ. ހަތަރެސްފަޔަށް ބާރުލާފައި ރާޑަވެފައިވާ އަސްދޫންޏެއް ފަދައިން ރަށުގެ މަސްއޮޑި އަތިރިމަތީގައި ބާޑީފަށުގައި މުގޯލި އަޅަން ފަށައިފީމެވެ. ބޮޑުމަގު މަތީގަޔާއި ކަންކަންމަތީގައި އަޑަށް ބާރުލައި ހަޅޭއްލައި ކަރުތެރޭން ހަން ދުއްވާލައިފިީމެވެ. އަހަރެންނަށް އެ ޖިންސުއްލަޠީފަކު ދެކެ ލޯބިވެބޭކަހަލަ އޮމާން ފަރި ޕަރީއެއް ފަދަ މަލިކާއަކު ފެނޭތޯ އެތެރޭވަރީގައި ދާބުރިޖަހައި ތަފާތު ކަނޑުއޮޅިތަކަށް ފައްތައި އަދި މަޑިމިޔަރަށްވެސް ދާންފަށައިފީމެވެ. ބުނަން. މިވަރަށް މަސައްކަތް ކުރެވުނުއިރު ނަތީޖާ ދައްކަނީ ހަމަސުމަކުންނެވެ. ލޮލަށް ނިދިނައިސް ، ހިތަށް ހަމަޖެހުން ނުލިބި، ރަށުތެރެ އާވާރާވެގެން އެނބުރެނިކޮށް، އަހަރެންގެ ނަޒަރުގޮސް ހުއްޓުނީ ރަށުގެ އޮއިވަރު ވަނަވަރަކަށެވެ.
ފުރަތަމަވެސް އަހަރެންނަށް ބޭއިޚްތިޔާރުގައި ފައިގެ ބޮޑުވައި އިނގިލި އަނގަޔަށް ލެވުނެވެ. ޔެޅތެޅއޮތް ރޯމަހެއް ފަދައިން އަހަރެންގެ މޭތެރޭގައި މިވާހިތް ނެގިނެގިފައި ޖެހުނެވެ. މި އަންހެންކުއްޖާ ޙާޞިލް ކުރުމަށްޓަކައި ފުން ކަނޑެއްގައި ވަގުތުތައް ހޭދަކުރަން ޖެހުނަސް، އެކަމަށް އަހަރެން ފޫހަޅަން ގަސްތު ކޮށްފީމެވެ. އަހަރެން އަވަސްވެގަތީ އަހަރެންގެ ހިތުގެ ރަނިކަމަނާއަކަށް ހެދުމަށް އަހަރެން މި ގަސްތުކުރާ ކަމަނާއާބެހޭ މަޢުލޫމާތުތައް ހޯދުމަށެވެ. ވަރަށް ނަސީބު ގަދައެވެ.
_ނުނިމޭ_
ލިޔުންތެރިޔާގެ ބަސް: މި ބައިވެސް ކަމުދާނެ ކަމަށާއި އުއްމީދުކުރަން. ވަރަށް އަވަހަށް އަނެއް ބައި ގެނެސްދޭނަން އިންޝާ ﷲ. އަނެއް ބަޔަށް އިންތިޒާރު ކޮށްލައްވާ.
މިވާހަކައިގެ ދެންއޮތް އެޕިސޯޑުގެ ލިންކު ކޮމެންޓް ސެކްޝަންގެ ތިރީގައި ވާނެއެވެ.
Other Articles
ތިޔަ ލޯތްބަށް އެދެމޭ – 14
އާދޭސްކުރާހިތްވޭ ރޮމުން..
One Comment
Comments are closed.
Salaam readers mee alhugadu he vhk first part reethi vaane kamah ummeedhu kuran 2 vana part vex innaane up vefa mihaaru kiyaalahchey love you readers????