ތިޔަ ލޯބިން ހިތް ފުރިއްޖޭ…. (5)

“އެގެން ބޭނުންތަ…. އެހެންވެއްޖެއްޔާ އަޑުއަހާ…. ޝީ މީންސް ދަ ވޯލްޑް ޓުމީ…. އަހަރެންގެ އުފާ .. ހިހަމަޖެހުން އެއީ… އަހަރެންގެ ދަރިފުޅުގެ މަންމައެއީ.. ގޭގެ ރޫހު އެއީ… އިތައުޓް ހާރ މައި ލައިފް އިޒް އިންކޮމްޕްލީޓް… އައި ލަވް ހާރ… އަހަރެންކައިރީގަ އޭނަނެތް ދިރިއުޅުމެއް އަހަރެން ބޭނުމެއް ނޫން…..ސާފުވެއްޖެ… ” އިޝާ ދެލޯބޮޑުކޮއްގެން ބަލަން ހުއްޓާ ޔުސްރާގެ އަތުގައި ހިފައިގެން ހައިކަލް ފިހާރައިން ނުކުމެގެން ދިޔައީއެވެ.

ގެއާހަމައައް ދެވެންދެން ކާރުގައި ވީ ހިމޭންކަމެވެ. އެއްވެސް އިންޒާރަކާ ނުލާ ވާރޭވެސް އޮއްސާލީއެވަގުތުއެވެ. ކާރުން ބޭރައް ނަޒަރު ހުއްޓާލައިގެން ޔުސްރާއައް އިދެވުނެވެ. އެވަގުތު ސިކުޑީގައި އެބުރެމުން ދިޔައީ ދެންމެ ހައިކަލް ދެއްކި ވާހަކަތަކެވެ. ހައިކަލް އެވަގުތު އެހެންބުނީ އައިސްފައި ހުރި ރުޅީގައި ބާއޭ ނޫނީ އެއީ ހަމަ ހަގީގަތްބާއޭ ހިތައް އެރިއެވެ. ގެއާއި ހަމައާއި ދެވުން އިރުވެސް ޔުސްރާއަށް އެކަން އިހުސާސް ނުވިއެވެ.

“ޔުސްރާ…. ނުފައިބާނަންތަ؟؟” އިރުކޮޅަކު މަޑުން ޔުސްރާއައް ބަލަން އިނުމައްފަހު ހައިކަލް ޔުސްރާއަށް ގޮވާލީ ޔުސްރާ ކާރުން ނުފައިބާ އިނުމުންނެވެ.

ހައިކަލް އާއި ދިމާއަށް ބަލާލުމައްފަހު އަވަސްއަވަހައް ޔުސްރާ ކާރުން ފައިބައިގެން ގޭތެރެއައް ވަދެގެން ދިޔައެވެ. ގޭތެރެއަށް ވަދެވުމާއެކު އަވަސްއަވަހަށް ޔުސްރާ ހިގައިގަތީ ކޮޓަރިއާއި ދިމާލަށެވެ. ނަމަވެސް ޔުސްރާއަށް ދެވުނީ ކޮޓަރީގެ ދޮރާހަމައަށެވެ. ހައިކަލް ޔުސްރާގެ އަތުގައި ހިފާ ހުއްޓުވިއެވެ. އެވަގުތު ޔުސްރާއަށް ހީވީ ހިތުގެ ތެޅުންވެސް ހުއްޓުނުހެންނެވެ.

“ޔުސްރާ … އަހަރެން…. ” ހައިކަލްއަށް ވާހަކަ ދައްކަން އުދަގޫވިއެވެ. ޔުސްރާ މަޑުމަޑުން ޔުއާންއާއި ދިމާއަށް އެބުރުނެވެ. ނަމަވެސް އިސްއުފުލާ ހައިކަލްގެ މޫނައްބަލާކަށް ނުކެރުނެެވެ.

“އައި އޭމްސޮރީ…” ލޯ މަރާލަމުން ހައިކަލް ބުނެލިއެވެ. އެއާއެކު ޔުއްރާގެ އަތުގައި ހިފަހައްޓާފައިވާ އަތްވެސް ދޫކޮއްލިއެވެ. ޔުސްރާގެ ހިތް ކުދިކުދިވިއެވެ. ހިތުގައި ރޯވި އުންމީދުގެ ހުޅުކޮޅުވެސް ނިވުނެވެ. އިސްއުފުލާ ހައިކަލްއާއި ދިމާއައް ބަލާލިއިރު ޔުއާން ހުރީ އޭރުވެސް ލޯމަރާލައިގެންނެވެ.

“ނޫން…. ހައިކް ނުޖެހޭނެ މާފައް އެދޭކައް…. އެއީ މައްސަލައެއް ނޫނެއްނު….. އެވަގުތު ރުޅިއައިމަ އެހެން ބުނެވުނީ…” އަވަސްއަވަހައް ލޮލުންއައި ކަރުނަތައް ފޮހެލަމުން ޔުސްރާ އުޅުނީ ކޮޓަރިއައް ދެމިގަންނާށެވެ.

“ވެއިޓް…. އަސްލުވެސް ނާދޭތަ ރުޅިއެއް… ” ހައިކަލް އަނެއްކާވެސް ޔުސްރާ ހުއްޓުވިއެވެ.

“ނާދެއޭ ރުޅިއެއް… އަހަރެން ކީއްކުރަން ހައިކް ކައިރީގަ ދޮގުހަދަންވީ؟؟؟” ޔުސްރާ ތުންފަތްމައްޗައް މައުނަވީ ހިނިތުން ވުމެއ ވެރިކުރަމުން ހައިކަލްއާއި ކުރިމަތިލިއެވެ.

“ޔޫ އާ ކްރައިން… ވަރައް ހާޓްވެއްޖެ ދޯ…” ޔުސްރާގެ ފެންކަޅިވެފައިވާ ލޯ ފެނުމުން ހައިކްލްއަށް އަމިއްލަ ނަފުސު ކުއްވެރިކުރެވުނެވެ. ހިން ދިރުވާލުމައްވެސް އުދަގޫވިއެވެ. ޔުސްރާއައް ބޭ ހޫރާލެވުނެވެ. އަގައިން ބަހެއް ނުބުނީ އަގަހުޅުވާލާ ތަނުންވެސް ރޮވިދާނެހެން ހީވުމުންނެވެ.

“ފައިން ދެން… އަދެބަލަ ބޭރައް… އަހަރެން ބޭނުން ވާހަކަ ދައްކަން …ޕްލީޒް” މިވަގުތު ޔުސްރާ އެކަނި ދޫކޮލާކައް ހައިކަލްގެ ހިތް އެއްބަސް ނުވިއެވެ.

އެއްވެސް ދެކޮޅުހެދުމެއްނެތި ޔުސްރާ ބޭރައް ނުކުމެ ސޯފާގައި އިށީދެލިއެވެ. ހައިކަލްއައް ހީލެވުނެވެ. މިއަދާ ހަމައައް ހައިކަލް އެއްވެސް ކަމަކަށް ޔުސްރާ ދެކޮޅު ހަދާފައެއް ނެތެވެ.

“އެއްޗެއް އަހާލަންތަ؟؟” ޔުސްރާ ކައިރީގައި އިށީންނަމުން ހައިކަލް އަހާލިއެވެ. ޔުސްރާ ދެންވެސް ޖަވާބުދިނީ އިޝާރާތުންނެވެ.

” މިރޭގަ އަހަރެން އިޝާއާއި ދެއްކިވާހަކަ….” ހައިކަލް ވާހަކަދައްކަން ފެށިއެވެ.

“ޔުއާން ލެޓްސް ނޮޓް…. އެހެން ވާހަކައެއް ދައްކަންވީނު…:” ހައިކަލް ވާހަކަ ދައްކަންފެށުމުން ޔުސްރާއަށް ބުނެވުނެވެ. އެވާހަކަތައް އަލުން އަޑުއެހުން ޔުސްރާއަށް ފަސޭހައެއް ނުވާނެއެވެ.

“އެއީ ހަގީގަތެއް ވެއްޖެއްޔާ….” ސީދާ ޔުސްރާގެ ލޮލައް ބަލަންއިދެ ހައިކަލް އަހާލިއެވެ. ޔުސްރާ އަށް ހައިރާންވެފައި ހައިކަލްއަށް ބަލާލެވުނެވެ.

“ހައިކް …. ޕްލީޒް ތިކަހަލަ ސަމާސާ ….” ޔުސްރާއަށް އިސްޖަހާލެވުނެވެ.

“ނޯ ޔުސްރާ…. އައި އޭމް ނޮޓް…..އެވަގުތު އަހަރެން ދެއްކި ކޮއްމެ ވާހަކައެއް އެއީ އަހަރެންގެ ހިތުގެ އަޑު…. މިހުރިހާ ދުވަހު ހިތުގަ އެކަން ފޮރުވައިގެން އަހަރެން ހުރީ… އެކަމަކު ދެން….” ސޯފާއިން ތެދުވެ ޔުސްރާގެ ކުރިމަތީގައި ހައިކަލް ކަކޫ މައްޗައް ތިރިވިއެވެ.

” އެކަމަކުހައިކަލްް އަހަންނާ ހައިކަލް…” ޔުސްރާއިނީ އިވެމުން ދިޔަ ވާހަކަތައް ގަބޫލުކަރަން ދަތިވެފައެވެ.

“ވަޓް…. އަހަންނަކައް ތިއައްވުރެ ރަނގަޅު ލައިފްް ޕާޓްނާއެއް ނުލިބޭނެ… ހައިއްކޮ އަކައް ތިއައްވުރެ ރަނގަޅު މަންމަ އެއް ނުލިބޭނެ…. އަކަމަކު މިކަމުގަ އެންމެ ފަހު ގޮތް ނިންމާނީ ޔުސްރާ… ޔުސްރާގެ ކޮންމެ ނިންމުނަކަށް އަަހަރެން ރެސްޕްކްޓް ކުރާނަން…. ބްޓަ ރިމެމްބާރ ވަން ތިންގް… އައި ލަވް ޔޫ… އެންޑް އައި މީން އިޓް…” ހައިކަލް ދައްކަން ބޭނުން ވި ހުރިހާ ވާހަކައެއް ދެއްކުމައް ފަހު ތެދުވެގެން ދާން ހިގައިގަތެވެ. ނަަމަވެސް ޔުސްރާގެ އަޑު އިވުމާއެކު ފައިގައި ހީވީ ނުފެންނަ އަތަކުން ހިފެހެއްޓިހެނަނެވެ.

“އަހަރެން ގެ މުޅި ހަޔާތް މިހަރު ދައުރުވަނީ ހައިކް އާއި ހައިއްކޮގެ ވަށާ…. އަހަރެން ގެ މިހާ ތިދެމީހުންނޫން އެތުރު އެއްވެސް މީހެއް ނެތް… ފުރަތަމަ މިގެއައް އައި ދުވަހު ހައިކް އަާއިމެދު ހިތުގަ ހަމްދަރުދީ އުފެދުނު… އެ އިހުސާސް ލޯތްބައް ބަދަލުވީ ކޮންއިރަކު ކަމެއް އަހަންނަކައް ނޭގޭ… ހައިކް ދެރަވެފަ ހުންނަތަން ފެންނަ ކޮންމެފަހަރަކު މިހިތުގަ ހާދަ ވޭނެއް އަޅައޭ…. އެކަމަކު މިހެއްގެ ފިރިއަކަށް އަހަރެން ގެ ހިތް ދެވުނީމަ އެކަން ސިއްރުކުރަން އަހަންނަށް މަޖުބޫރުވީ…… އެހެންނޫނަސް އަހަރެންގެ ސިކުޑި އަހަންނައް ވިސްނާދިނީ އަހަންނާ ހައިކް އާއި އަރާ ހުރި ފަރަގު…. ދުވަހަކުވެސް އަހަރެން ހައިކްއާއި ގުޅުންއެއީ ނުވާނެ ކަމެއްކަން އަހަރެން ހުރީ ގަބޫލުކޮއްގެން… އަަހަރެން ނައް ހައިކްއާއި ނުލާ ދިރި ނޫޅެވޭނެހާވަރައް ހައިކް ދެކެ ލޯބިވެވިފަ ވީއިރުވެސް އެކަން އަހަރެން ސިއްރުކުރިން… އެކަމަކު މިރޭ އިޝާގެ ކުރިމަތީގައި ހައިކް އެގޮތައް ވާހަކަ ދެއްކީމަ އަހަރެންގެ ހިތައް ވަރައް އަސަރުކުރި… އަހަރެން … އަހަރެން ހީކުރީ ހައިކް އައިސްފަ ހުރި ރުޅީގައި ކީ އެއްޗިހިކަމައް އެއީ…. ދެން ގެއައް އައިސް މާފައް އެދުނީ…. ޔެސް ޔޫ ހޭވް ހާޓް މީ… ބަޓް އައި ލްވް ޔޫ… މިދުނިޔޭގައިވާ ހުރިހާއެއްޗަކައްވުރެ ބޮޑައް… ހައިކް ދުވަހަކުވެސް އަހަރެން ދޫކޮއްފަ ނުދައްޗޭ.. އަހަރެން މޮޔަވާނެ…” ޔުސްރާ ގިސްލަމުން ވާހަކަ ދައްކަމުން ދިޔައެވެ. މޫނުމަތީގައި އަތް އަޅާލަމުން ޔުސްރާ އައް ރޯން ފެށުނެވެ.

” ދުވަހަކުވެސް ނުދާނަން….” ޔުސްރާގެ އަތުގަ ހިފާ ނަގަމުން ހައިކަލް ޔުސްރާގައިގަ ބައްދާލިއެވެ. ދެމީހުން އެކަކު އަނެކަކަށް ގެއްލިފައި ތިބީ ދުނިޔޭގައިވާ ހުރުހާކަމެއް ހާދަން ނައްތާލަމުން ނެވެ.

“ބައްޕީ…..” ސިހިފައި ދެމީހުންނައް ދުރައް ދެވުނީ ކައިރިން އިވުނު ހައިޝާގެ އަޑުންނެވެ.

“ޔުސްތާ…. ނިދަން…” ޔުސްރާގެ ފައިގާ ހައިޝާ ބައްދާލިއެވެ.

“ޔުސްތައެއް ނޫން… މަންމި….” ހައިޝާ އުރާލަމުން ޔުސްރާ ގަޔާ ކައިރި ކޮއްލަމުން ހައިކަލް ކޮޓަރިއާއި ދިމާއައް ހިގައިގަތެވެ.

އެމީހުން ދިޔަ ދިމާއަށް ބަލަން ހުރި ޖެނީއައް ހީލެވުނެވެ. އެއްވެސް މީހެއްގެ އެސްފީނާއެއް ހައިކަލް އާއި ޔުސްރާގެ އުފާވެރިކަމައް ނޭޅުމައްއެދި ދުއާކުރެވުނެވެ.