ނާއިންސާފް

މާކާނޑުގެ މެދުގައި އުފެދިފައިވާ ކުޑަކުޑަ ފަޅުރަށަށް އަހަރެން ދިޔައީ އަހަރެންގެ އެންމެ ގާތް އެކުވެރިޔާ ދެކިލުމުގެ ނިޔަތުގައެވެ. ރަށުގެ މަލަމަތިން ފެންނަމުން ދިޔައީ މޫދުއެރި ސަކަރާތްޖަހަމުން ދިޔަ ކުދިބައެކެވެ. އެއީ ދަތުރުގޮސްގެން އުޅޭ ބައެއްކަން އެނގުނީ ޖަހާފައިވާ ފޭލިގެ ތަކުގެ ސަބަބުންނެވެ.

އަހަރެން އަވަސްވެގަތީ އެމީހުންނަށް ފެނުމުގެ ކުރިން އެކުވެރިޔާގެ ގާތަށް ދިޔުމަށްށެވެ. ނަމަވެސް އޭރު މާ ލަސްވެއްޖެ އެވެ.  އަހަރެން ފެނުމުން އެތާ ވެލި ކުޅެން އިން ކުޑަ އަންހެން ކުއްޖާ އޭނާގެ ފައިވާނުން އަހަރެންގެ ގައިގާ ޖެހީއެވެ. އަހަރެން ވެއްޓުނީ ސާފު، ހުދު ކުލައިގެ މަޑު މަޑު ދޮންވެލިގަނޑު މައްޗަށްށެވެ. ނަމަވެސް  އެ ވެލިގަނޑުގެ މަޑުކަމަކުން މިފަހަރު އަހަރެންގެ ނާޒުކު ހަށި ގަނޑަކަށް އެއްވެސް އަރާމެއް ނުލިބުނެވެ.

ހޭވެރިކަން ވީއިރު އަހަރެންނަށް އޮވެވުނީ ވަރަށް ބީރަށްޓެހި މާހައުލެއްގައެވެ. ވަށައިގެން ފެންނަމުންދާ މަންޒަރު ތަކަށް ނަޒަރު ހިންގާލީމެވެ. އަހަރެންނަށް ފެނުނީއަހަރެންނާ ދިމާލަށްް ދުވަމުންއައި ކުޑަކުޑަ ކުއްޖެކެވެ. ރަނގަޅަށް ބަލާލުމުން އެއީ އަހަރެންގެ ގައިގައި ޖެހި ކުއްޖާކަން އަހަންނަށް ޔަގީންވިއެވެ. އެކުޑަކުޑަ އަތުން އަހަރެންގެ ގައިގާ ހިފަހަށްޓާލިލެއް ބާރުކަމުން އަހަރެންގެ ނާޒުކު ހަށިގަނޑަށް ލިބުނުވޭން މިފޮޅުވަތް ކިޔާލުމަކު އިހުސާސެއް ނުކުރެވޭނެކަން ގައިމެވެ.

އަހަރެންގެ ގައިގައި ކޮޅަށް ހުންނާނެހާ ހަކަތަ ނެތުމުން އަހަރެނަށް އޮންނަން ޖެހުނީ ވެއްޓިފައެވެ. އިވުނު ބާރު އަޑުފަށް ގަނޑާއި އެކު އަހަރެންނަށް ތެތްކަމެއް އިހުސާސް ކުރެވުމުން މަތި ބަލާލީމެވެ. ގަޔާދިމާލަށް އޮހެމުންދިޔަ އެތައް ހާސް ފެންތިކިތައް ފެނުމުން ވިއްސާރަ ވެހެނީކަން ޢަހްރެންނަށް އިނގުނެވެ. އަހަރެންގެ އާއިލާ މަތިން ހަނދާންކޮށް ރޯން އޮށްވައި ދުވެފައި ނިކުތް ބޮޑުމީހެއްގެ ފައި ދަށުވެ އަހަރެން ޗިސްޗިސް ވިއެވެ.

އަހަރެންނަކީ ނިކަމެތި ކޮކާލަކީމެވެ. އަހަރެންނަށްއެތައް އަނިޔާއެއް ދީ އަހަރެން މަރާލީ އަޅެ އަހަރެން އެ އިންސާނުންނަށް ކޮން އުނދަގުލެއް ކޮށްގެން ބާވައެވެ؟ އަހަރެންގެ ފަރާތު ލިބުނު ހަމަ އެކަނި އެއްޗަކީ އުފަލާއި ހިތަހަމަ ޖެހުންކަން ޔަގީނެވެ. އަހަރެންފަދަ ރީތި ކޮކާތައް އުދުހިލާފައި އުޅޭތަން ފެނުމުން ކުޑަކުދިންގެ އިތުރުން ޒުވާނުންނާއި އުމުރުން ދުވަސްވީ މީހުންނަށްވެސް ހިތްހަމަ ޖެހުން ލިބޭނެކަން ގައިމެވެ. މިއީ އިންސާފެއް ހެއްޔެވެ؟

***ނިމުނީ***