Skip to content
އެސްފިޔަ

“އެއްވެސް މީހެއްކައިރީ ނުބުނާތި”

“ނަސީބަކީ ކޮބައިކަން ނުވަތަ އޮންނައެއްޗެއް ކަމެއް އަހަނަކަށް ނޭގެއެވެ. ހަދާންހުންނަން ފެށީއްސުރެ ނަސީބު އަތުގާ ހިފާނެކަމަށް އަތް ދިއްކޮށްލައިގެން ހުރީމެވެ. ކޮންމެ ރެއަކު ނިދަން އޮށޯންނަނީ މާދަމާއަކީ ނަސީބު އަހަރެންގެ އަތުގާހިފާނޭ ދުވަސްކަމުގައި ގަބޫލުކޮށްގެންނެވެ. އަހަރުތައް ފާއިތުވަމުން ދިޔަވަރަކަށް އަހަރެންގެ އުންމީދުގެ ހުޅުކޮޅު ނިވެމުންދިޔައެވެ.

އަހަރެންގެ ބަދުނަސީބު ނިކަން ދެކިބަލާށެވެ. އަހަރެން މިދުނިޔެއަށް ލީ އެންމެ ފުރަތަމަ ނޭވާޔަކީ އަހަރެންގެ މަންމަ މިދުޔެއަށްލީ އެންމެ ފަހުނޭވާއެވެ. އެއީ އަހަރެންގެ ބަދުނަސީބުގެ ފެށުމެވެ. އެކަމުގެ ހިތާމައިގައި ބައްޕަ ގެބިގެންދިޔައެވެ. އެއީ ހުއްޓަސް ނެތްމީހެކޭ އެއްފަދައެވެ. އަހަރެންގެ އުމުރުން 3 އަހަރުވަންދެން އަހަރެންބެލީ އަހަރެންގެ ބޮޑުދައިތައޭ ކިޔާއަޑުއަހަމެވެ. އަހަރެންގެ ބަދުނަސީބު ކަމެއްނޭގެއެވެ. ބޮޑުދައިތަވެސް މިދުނިޔެއާ އަލްވަދާއު ކިޔައިފިއެވެ. އަހަރެން ބަލާނެ އިތުރުމީހަކު ނެތުމުގެ ސަބަބުން ބައްޕަ އެހެން ކައިވެންޏެއްކުރިއެވެ. ދޮންމަންމަ ނަޝީދާއަކީ އަހަރެންގެ މަންމަ ފަރާތުގެ ބޮޑުދައިތައެކެވެ. ދޮންމަންމަ އަހަރެންނަށްކުރި އަނިޔާތައް އަހަރެން ރަނގަޅަށް ހަދާންއެބަހުއްޓެވެ. އަހަރެންނަކީ ސިއްހަތު ރަނގަޅުކުއްޖެކެވެ. އަހަންނަށް ކާންދޭކޮންމެ އެއްޗަކީ އަހަރެން އުފަލާއެކު ކާނެއެއްޗެކެވެ. ނަމަވެސް ………

ވާހަކަ މިހާހިސާބަށް ދިޔައިރު ރާއިފާއަށް ހަމަރަނގަޅަށްވެސް ރޮވިއްޖެއެވެ. އެތައްދުވަހެއްވަންދެން ހިފެހެއްޓިފައިވާ ކަރުނަތައް ރާއިފާގެ ކޯތާފަތްމަތީގައި ރަސްކަން ކުރަމުންދަނީއެވެ. އޭނާއަށް ވަރަށް ހިތްވަރު ކުރެވިއްޖެއެވެ. ކުޑަކުއްޖަކު ފަދައިން ރާއިމްގެ މޭގައި ބޯއަޅާލައިގެން އޮވެ ހިތުގައިވާ ހުރިހާ އުދާސްތައް ބޭރުކުރަންއުޅޭ ކަހަލައެވެ. އަތިރިމަތީގެ މި ހިތްގައިމު މާއުލުން ރާއިފާއަށް ލިބޭ އުފަލެއް ނެތް ކަހަލައެވެ. މި ކާފޫރުހެންހީވާ ދޮންވެލި ތުނޑިއާއި މިއުޒިކެއް ފަދައިން ޖަހާލާ ރާޅުން އޭނާއަށް އުދަގޫވާ ކަހަލައެވެ. އިރުކޮޅަކު ރޯންއޮތުމަށްފަހު އަނެއްކާވެސް ރާއިފާ ވާހަކަ ފެށިއެވެ.

“ދުވަހެއް ދިޔަވަރަކަށް އަހަރެންދިޔައީ ހިކެމުންނެވެ. އުމުރުން 7 އަހަރުވީއިރު އަހަރެން ހިކިތޮޅިއެއްހާ ހިއްކެވެ. ބައްޕަ އަހަރެން ސުކޫލަށްލާން ފޯމުހިފައިގެން އައި ދުވަހަކީ އަހަރެން ވަރަށް ރަނގަޅަށް ހަދާންހުންނަ ދުވަހެކެވެ. ދޮންމަންމަ އެކަމާ ވަރަށް ދެކޮޅުހެދިއެވެ. ދޮންމަންމަ ދެކޭގޮތުގައި އަންހެންކުދިންނަށް ތައުލީމުދިނުމަކީ ބޭކަރުކަމެކެވެ. މީހަކާ އިދެގެން ދިޔައިމަ ކުރި ހަރަދުއެވީ ބޭކާރެވެ. އެއަށްވުރެ ބަދިގޭގެ މަސައްކަތްތައް ދަސްކުރިއްޔާ މާރަނގަޅުވާނެއެވެ. އަހަރެން އެކަމަކާ ޝަކުވާއެއް ނުކުރަމެވެ. ތައުލީމަކީ ކިހާ މުހިންމުއެއްޗެއްކަން އަހަރެންގެ ޅަސިކުޑިއަށް ނުވިސްނުނީތީ ކަންނޭގެއެވެ. އަހަންނާއެކީ ކުޑައިރު ކުޅެންއުޅުނު ކުދިން ސުކޫލަށްދާތަން ދެކެމެވެ. އެއްދުވަހަކު ސުކޫލަށްދާން ބޭނުންވިވަރުން ދޮންމަންމަ ކައިރީ ޝަކުވާކުރީމެވެ. އޭގެ ނަތީޖާ މިއޮތީ ފެންނާށެވެ”.

ވާހަކަ މެދުކެޑުމަށްފަހު ރާއިފާ ލައިގެންހުރި ޓީޝާޓުގެ އަތުކުރި ކަހާލުމަށްފަހު ރާއިމްއަށް ދައްކާލިއެވެ. އަތުގައި ފިހިގެން ލާކަހަލަ ވަރަށްބޮޑު ލަކުނެއް އިނެވެ. ރާއިމްގެ ހިތްތެޅިގެންދިޔައެވެ. ކުރިންދުވަހަކުވެސް އަނިޔާއެއް ލިބިފައިނުވާ ރާއިމްއަށް ތަދު އިހުސާސްކުރެވުނު ކަހަލައެވެ. ފުންނޭވާއެއް ލުމަށްފަހު ރާއިފާ އަނެއްކާވެސް ވާހަކަ ފެށިއެވެ.

“އެއީ އަހަންނަށް ލިބެމުންދިޔަ އަނިޔާތަކުގެ ފެށުމެވެ. އަހަންނަށް ރަނގަޅަކަށް އެއްވެސްކަމެއް ނުކުރެވެއެވެ. ކޮންމެކަމެއް ކުރިޔަސް އޭގެ ހަދިޔާ އަހަންނަށްލިބެއެވެ. ބައެއްފަހަރު އިލޮށިފަތިންނެވެ. ނުނީ ދަނޑިބުރިއަކުންނެވެ. މިފަދައެއްޗެއް އަތުޖެހޭ ހިސާބުގައި ނެތްނަމަ ލައިގެންހުންނަ ފައިވާނުންނެވެ. އަހަންނަށް ކުރެވޭ ކޮންމެކަމަކީ ގޯސް ކަމެއްކަމަށް ދެކެންފެށީމެވެ. ނަތީޖާއެއްގެ ގޮތުން ދުވާލުދާ ހަތަރުދަމު ކޮޓަރި ތަޅުލައިގެން އޮވެވެން ފެށިއެވެ. ކާންވެސް ނުކުންނަނީ ދޮންމަންމަ ނިދައިފިކަން ޔަގީންވުމުންނެވެ. ދޮންމަންމައާ އިންފަހުން ބައްޕަ ގެއަށް އަންނަނީ ވަރަށް ލަހުންނެވެ. އަހަންނަށް ބައްޕަނުފެނި ތިން ހަތަރު މަސް ހިގައިދާނެއެވެ. މި ބީދައިން ދުވަސްތައް ފާއިތުވަމުންގޮސް އަހަންނަށް 8 އަހަރު ފުރުނެވެ. އެއްރެއެއްގެ ދަންވަރު އަހަންނަށް ހޭލެވުނީ މީހަކު އަހަރެންގެ ގައިގައި އަތްހާކާހެން ހީވެގެންނެވެ. ލޯހުޅުވާލުމާއެކު އަހަރެންގެ ދެލޯ ބޮޑުވެގެން ދިޔައެވެ”.

(ނުނިމޭ)

މިވާހަކައިގެ ދެންއޮތް އެޕިސޯޑުގެ ލިންކު ކޮމެންޓް ސެކްޝަންގެ ތިރީގައި ވާނެއެވެ.

Comments (22)

  1. Ryn

    Reethi vaane Kamah unmeedhu kuran ????good luck

    1. Angie
      Ryn

      thanks

  2. jiji

    Feshun v v rythi❤❤❤…hope kuriah huri baithah vec rythi vaane kamah..v interesting???

    1. Angie
      jiji

      thank you

  3. Dhonthy

    V shauguveri vejje vaahaka yah… Avahah dhen oiy bai up kurachchey❤️❤️❤️ Curious vejje hama…

    1. Angie
      Dhonthy

      ya sure, soon

  4. Makku

    Varah reethi… good luck???

    1. Angie
      Makku

      thank you

  5. Luc!f3r

    Arain hunna faivaaneh noontha.. Story is Interesting..

    1. Angie
      Luc!f3r

      ya dho… thanks. baeh rahrashuga migothahves kiyaiulhey..

  6. Ash

    Vv salhi mi part ?? keep it up ??

    1. Angie
      Ash

      thank you

  7. Nana

    Varah salhi…

    1. Angie
      Nana

      thank you

  8. ??

    Story v. Salhi

    1. Angie
      ??

      thank you

  9. Nana

    Next part othi konirakun tha?

    1. Angie
      Nana

      soon

  10. Faari

    Mi varah rovey kahala vaahakaeh.vvvvreethi.

  11. Raaii

    Next episode kiyaahithun keiymadhuvefai

  12. Ham

    V v reethi. When next part

    1. Angie
      Ham

      weekend v ma las v. soon vaane

Comments are closed.