ބޭބެ އިންނާ ދައްތައިންނަށް

ބޭބެއިންނާ ދައްތައިންނަށް

ވެދުން ސަލާމް އަށް ފަހު ލިޔަމެއެވެ .

މި ލިޔުން ކޮޅު މި ލިޔަނީ ހުދު އަޅުގަނޑަ ފެނިފައި ހުރި ބައެއް ކަންތައްތުގެ މައްޗައް ބިނާ ކުރެވިގެންނެއެވެ . މި ލިޔުން ކޮޅުގައިވާ ތައްތައް ކޮޅު ބަޔަކަށް ނުވަތަ މީހަކަށް ނިސްބަތް ވާނަމަ އެކަމަށް މާފަށް އެދެމެވެ . ނަމަވެސް މި ލިޔުން މި ލިޔަނީ މި މުޖުތަމައުގައި ހުންނަ ނޭދެވޭ ކަންކަމުގެ މައްޗަށެވެ . އެކަންކަމަށް އަޅުގަނޑު ވަރަށް ވެސް ދެރަ ވަމެވެ .  މި ކަމައިގެން އަޅުގަނޑު އަވަސް ވެ ގަންނާނަމަވެ .

ކޮންމެ ކުއްޖަކުވެސް އުފަން ވަނީ ފިތުރަތުގެ ސާފް ކަން މަތީގައެވެ . އެ ކުއްޖާ ނަސޯރާ އަކަށް ނުވަތަ އެހެން ދީން ތަކަށް ބަދަލުވަނީ އެ ކުދިންގެ މައިންބަފައިންގެ ޒަރިއްޔާއިންނެވެ .  އެ ކުއްޖާ ފުރާ ފުރިހަމެވެ އެކުއްޖާ މުޖުތަމައުގެ ތެރެއަށް ގޮސް ވަދެއެވެ . ސްކޫލް ދައުރު ނިމުމަށް ފަހު ދެން އޮންނަނީ ޒުވާނުންގެ މުުތަމައު އެވެ . އެ ތަނުން އެ ކުއްޖާ އަށް ފެނިގެން ދަނީ އެކި ވައްތަރުގެ މީހުންނެވެ .

އާދެ ! އެއީ މަސްތުވާތަކެތި ބޭނުން ކުރާ މީހުންނާއި އަދި އެހެނިހެން ނުބާ ފާފަތަކަށް އަރައިގަންނަ މީހުންނެވެ . ލޮބުވެތި ދައްތައިން . މިޔަދު ތިޔަ ދައްތައިންނަކީ އާއިލާ އެއްގެ މަސްހޫލިއްޔަތު ނަގަން ޖެހިފައިވާ ބައެކެވެ . ދަރިން ބެލުމާއި ގޭތެރޭގެ މަސައްކަތް ކުރުމުގައި އުޅުމުގައި މަސްހޫލިއްޔަތު ނަގަން ޖެހިފައިވާ ބައެކެވެ . ދަރިން އުޅޭ ނޫޅޭ ގޮތް ބަލަން ޖެހިފައިވާ ބައެކެވެ . ތިޔަ ދައްތައިން ނަހަލާލަށް ބަޑު ބޮޑުވެގެން ތިޔަ ދައްތަ ގެ އަގު ނުވަތަ އެހެން މީހުން ކުރަމުން އަންނަ ގަދަރު ވެއްޔާ މޮޑެލަން ކެރިދާނެ ހެއްޔެވެ ؟ މިސުވާލުގެ ޖަވާބު ވަރަށް ވެސް ރީއްޗެއެވެ . ނޫނެކެވެ .

ނަމަވެސް ބައެއް އަންހެން ކުދިންނަށް ހީވާ ގޮތުގައި ރައްޓެހިވެގެން ( ލޯބިވެރިޔާ ) ގެއްލި ދާނެތީ ކޮންމެ ފަދަ ކަމެއްވެސް ކުރަނާނެއެވެ . މި ކުރެވެނީ ފާފައެއް ކަމެއް ނޭންގެނީ ހެއްޔެވެ ؟ ނުވަތަ އެގިގެން ހުރެ ބޮޑު ފާފަ އަކަށް އަރައިގަންނަނީ ހެއްޔެވެ ؟

މިޔަދުގެ ޒުވާނުން ވަނީ ނުދިޔޭގެ މަސްތު ވެފައެވެ . މިސާލަކަށް ބުނާނަމަ ޑީޖޭ އާއި ޒިނޭ ކުރުމާއި ވައްކައް ކުރުން ވެގެން ދެއެވެ . މިއީ އަޅުގަނޑު ވަރަށް ވެސް ދެރަވާ ކަމެކެވެ . ނަމަވެސް މި ޒުވާނުން ހޭ އަރާނީ ކޮން ކަމެއް ވީމަ ބާއެވެ .

26 ޑިސެމްބަރ 2004 އަކީ މުޅި ދުނިޔެ ސިއްސުވާލި ދުވަހެކެވެ . އެއީ ސުނާމީ އެރި ދުވަހެއެވެ . މި ކުޑަ ޖަޒީރާ ވަންތަ ޤައުމަށް ވެސް ވަނީ މީގެ އަސަރު ކޮށްފައެވެ . ބައެއް ރަށް ރަށުގެ ގެ ތައް ވަނީ ބިމާ ހަމަވެފައެވެ . ބައެއް އާއިލާ ތައް ބިކަވެ ގޮސްފައެވެ . އާއިލާ އެންމެން ކަހަލަ ގޮތަކަށް ވަނީ އެ ބޮޑު ބިޔަ ރާޅުގެ ތެރެއަށް ގެބިގެން މަރުވެގެން ގޮސްފައެވެ ، ނުވަތަ އޮޔާލާ ގޮސްފައެވެ . ކުޑަ ކުދިން ވަނީ އެކުދިން ގެ މަންމައިންނާ ބައްޕައިންނާ ވަކިވެގެން ގޮސްފައެވެ . ލޯބިވާ 2 މަފިރިން ވަނީ ދިރިއުޅުން ބަރުބާދުވެފައެވެ

މީގެއިން ވެސް އަޅުގަނޑުމެން ވެސް ކޮންމެވެސް އެއްޗެއް ނުވަތަ ފިލާވަޅެއް ލިބިގަތުން ރަގަޅު . އެކަމަކު އަހަރުމެންނަށް މިވަނީ އެކަންތައްތަކާ ހަދާނުން ފިލައި ގެން ގޮސްފައެވެ . ސައްތައިން ސައްތަ މުސްލިމް ޤައުމަކަށް ވީ ހިދު އެ ކަންތައް ތައް ވަނީ މުޅިން ވީދި ސުންނާފަރި ވެގެން ގޮސްފައެވެ .

ދެން ބަލާލަމާ ހެއްޔެވެ ؟ ބޭބެ މެން ނަކީ މިޔަދު ކޮންމެވެސް ވަޒީފާ އެއްގައި ބޭރުގައި އުޅެމުން ދާނޭ ބައެކެވެ . ގޭގައި އިންނަ އަނބިމީހާ ގެ ހާލު ވެސް ބަލާލަނީ ކޮން ފިރިންނެއްތޯ ސުވާލު ކުރަން އެބަޖެހޭ . އަނބިމީހާ ގުޅާލާއިރަށް ފިރިމީހާ ބުނަމުން ގެންދަނީ މިގަޑީގައި ވަރަށް ބިޒީ ކަމަށާއި ފަހުން ހަބަރެއް ވާނެ ކަމެވެ . ވަނީ އެ ގޮތެއް ނޫނެއެވެ . ހަލާލު އަނބިމީހާ ގޭގައި ބޭންދުމަށް ފަހު ކޮންމެވެސް ތަނެއްގައި ކޮންމެވެސް ރީތި އަންހެނެއް ފުނުމާ އެކު އެމީހަކާއެކުގައެވެ . ހަލާލު އަނބިމީހާ ޅޮސް އުދޯލީގައި އިދެވެ .

ދެން ބަލާލަމާ ހެއްޔެވެ؟ ރަށް މެދަށް ބަނޑު ބޮޑުވުމުން އެކަން ސިއްރު ކުރަން ދަނީ ބޭރަށެއެވެ . އެ ކުއްޖާ ވައްޓާލުމަށް ފަހު އެބުރި ރަށަށް އާދެއެވެ . އެމީހުން ކުރި ކަންތައް ފަޅާ ނާރާނެ ކަމަށް ހީ ކުރަނީ ހެއްޔެވެ ؟ ކޮންމެވެސް ދުވަހަކުން އެކަން ފަޅާ އަރާނެއެވެ . ކުލަބް ނައިޓް ތަކަށް ގޮސް މަޖާ ކުރުމަކީ ކޮން ކަހަލަ ކަމެއް ކަން އިގޭ ހެއްޔެވެ ؟ ދެ ޖިއްސުން މަސްހުނި ކޮށް ނެށުން މެއެވެ . ބިޔަރާއި އޭތި މީތި ބޮއެގެން މަސްތުގެ ހާލުގައި  ވާއެއް ނުވާއެއް ނޭންގެއެވެ . ކުރެވެނީ ކޮންކެމެއް ނުވަތަ ނުކުރެވެނީ ކޮންކަމެއް ކަމެއްވެސް ނޭންގެއެވެ .

އަޅުގަނޑު މި ލިޔުން ކޮޅު ނިންމާލުމުގެ ކުރިން އެއް ވާހަކައެއް ބުނެލާނަމެވެ . މި ލިޔުން ކޮޅަކީ އަދުގެ ޖީލް އަށް ބިނާ ކުރެވިފައިވާ ލިޔުން ކޮޅެއެވެ . ވަކި މީހަކަށް ނުވަތަ ވަކި ބަޔަކަށް ނިސްބަތް ކުރެވިފާ ވާނަމަ އެކަމަށް މާފް ….. އަޅުގަނޑު ނަޒަރުގައި މީ ވަރަށް ގޯސް ސިފައެކެވެ . ނަމަވެސް އަދުގެ ޖީލް އަށް މިކަން ވެސް ވަނީ ވަރަށް ރީތި ވަރަށް ކުރާ ހިތުން ކުރާ ކަމެއް ގެ ގޮތުގައެވެ . މަގު ފޭރުމާއި ޒިނޭގެ ބައެއް ނުބާ އަމަލު ތައް ކުރުން އެއީ ވަރަށް ސަޅި ކަމެއްގޮތެއެވެ .

މާތް ﷲ މި ޤައުމު ސަލާމަތް ކުރަށް ވާށިއެވެ . މި ނުރައްކާ ވަބާއިން ސަލާމަތް ކުރަށް ވާށިއެވެ . ފާހިޝް އަމަލު ތަކުން ދުރުކުރަށް ވާށިއެވެ . މާތް ﷲ ތިޔަ ބޭފުޅުންނަށް ރަހުމެތް ލައްވާށިއެވެ . އާމީން .