އަހަރޭން….3

ގައިގައި އެއްވެސް ވަރެއްނެތުމުގެ ސަބަބުން އަހަންނައް އޮތީ ހިރިލަން ވެސް ނުކެރިފައެވެ. އަހަންމަދުބެ އޭނާގެ ބޭނުން ފުއްދުމައް ފަހު ކޮޓަރިން އަވަހައް ނިކުމެގެން ދިޔައީ ޒުލްފައްތަ އައް ފެނި ދާނެތީއެވެ.އޭރުވެސް އަހަންނައް ހުއްޓުމެއްނެތި ދިޔައީ ރޮވެމުންނެވެ. އަދި ތިރީގައި އުކާލެވިފައި ވާ އަހަރެން ގެ އަންނައުނު ތައްފެނި އިތުރައް ރޮވޭ ގޮތްވިއެވެ. ހިތާހިތުން ބައްޕަޔާ ދިމާލައް ކުދި ކިޔާލެވުނެވެ. ނަމަވެސް ބައްޕަ ގެ ކުށެއް ވެސް ނެތެން ނޫންހެއްޔެވެ. ބައްޕަ ވެސް ބޭނުން ވީ ރަނގަޅަށް ކިޔަވައި ދިނުމެވެ. އެއްވެސް މީހިކު ކަންތައް މިހެން ހިގައިދާނެ ކަމައް އުންމީދު ކޮއްފަކައެއް ނުވާނެކަން ޔަގީނެވެ. ވާނެ ގޮތެއް މިއޮތީ ވެފައެވެ. ކިތަންމެ ބޭނުން ނުވިޔަސް މިކަން ދިޔައީ ތަކުރާރު ވަމުންނެވެ.

އާދައިގެ މަތިން ދުވަސްތައް ދިޔައީ ފާއިތު ވަމުންނެވެ. ކޮލެޖު ކިޔެވުންފެށި އަހަރެން ކޮލެޖައް ދާންފެށީމެވެ. ބޮޑު ފަތިހާ ހޭލައިގެން ގޭގެ މަސައްކަތްތައް ނިންމާލުމައްފަހު 7 ޖަހާއިރު ގެއިން ނިކުންނަ މީހާ ގެޔައް އާދެވެނީ ހަވީރުއެވެ. މެންދުރު ލިބޭވަގުތުގައި އަހަރެން ގެޔައް އަންނަނީ ހާލަކުން ފަހަރަކުއެވެ.

އޭރު ހަޔާތުގައި ކަންތައްތައް އެއްވެސް ބަދަލެއްނެތި ކުރިޔެކޭ އެއްގޮތައް ހިންގަމުން ދިޔައެވެ. ނަމަވެސް މިހާރު އަހަރެންގެ ހިތް މިހާރު މިވަނީ އަހުސަންއައް މިލްކުކުރެވިފައެވެ. އަހްސަން އަކީ އަހަންނާ އެއް ކުލާހެއްގައި ކިޔަވަމުން އަންނަ ރާއްޖެ ކުއްޖެކެވެ. އަދި އަދައް ދާންދެން ވެސް އަހަރެން އަހޫއަށް އަހަރެންގެ މާޒީ ކިޔާދީފައެއް ނުވާނެއެވެ. ކޮންމެ ފަހަރަކު ކިޔާދޭން އުޅެފައި ވެސް ބަސް ހުއްޓެނީ އޭނާ އަހަރެން އަތުން ބީވެގެން ހިގައި ދާނެތީއެވެ.

ކޮލެޖުގައި އޮންނަ ލަވަ ކިޔާ މުބާރާތުގައި އަހަންނާއި އަހޫ ބައިވެރިވީ އެކީގައެވެ. މިހާހިސާބުން ޒުލްފައްތައައް ވެސް މިކަންތައްގަނޑު އެގިގެން ދިޔައެވެ. އަދި ވަގުތުން ބައްޕަ އައްގުޅާ އެކަން އެންގިއެވެ. އެދުވަހުން އެދުވަހައް އަހަރެންގެ ކައިވެނި ރާވާ ބައްޕަ ގެ ރައްޓެއްސެއް ގެ ދަރިޔަކާ އަހަރެން ދެވަން ބައްޕަ ނިންމިއެވެ. އަދި އިތުރައް ނުކިޔެވޭނެ ކަމައްބުނެ ފޯނު ކަނޑައިލީ އަހަރެންގެ އަގައިގައި ބަސްއޮއްވައެވެ.

އަނެއްދުވަހު ކޮލެޖައް އަހަރެން ދިޔައީ ކޮންމެ ގޮތެއް ވިޔަސް އަހޫ އަށް އަހަރެން ގެ މާޒީ ކިޔައިދީ އަދި ބައްޕަ ގެ އަމުރައް ކިޔަމަން ވާންބޭނުންވާ ވާހަކަ ބުނުމައްށެވެ.