ކަޝްފު

‍‍‍‍‍‍‍‍‍‍‍‍‍‍‍‍‍‍‍ފަތިހުގެ ހޭލެވުމެވެ. ދޫނިތައް ގޮވައިގަތެވެ. އާންމު އަޑުތަކަކުނެއް ނޫނެވެ. އޭގަައި ވަނީ ތަރާނާ އެކެވެ. ހިތްތައް ސުލޫކު ކުރުވަދެއެވެ. ނޭވާތަކުގައި ބަރުކަމެކެވެ. ނިދުމުގައި އާވާރާވެވިފައެވެ. ޤުދުރަތުގެ އަޑަކަށް ސަމާލެއްނެތެވެ. އެބަޔެއްގެ އަމިއްލަ އަޑުތަކެވެ. ބޭނުންވެފައިވި ވަގުތެއްގައި ހަށިތައް ކޮއްޅަށް ޖެހުމަށެވެ. ދުންޔަވީ މަސްއޫލުތަކެވެ. އެކަމެއްގައި ނޫނީ ޝަައުޤު އުފެއްދުމެއް ނެތެވެ. ނުރަނގަޅު ނަޒަރުތައް ބަލައިގަތުމަށް ފަސޭހަވެފައިވީތީ އެވެ. ދުނިޔޭގެ އާދަ އަށް އެކަން ވެފައިވުމުންނެވެ. ޞާލިހެއްހަގައި ވުމީ ޢައިބެކެވެ. ޢީމާނުގައިވި ބަލިކަށިކަމެވެ. އަދި އުނގެނުމަށް ލޯބި ނެތުމެވެ.

‘ތިގޮތަށް އަނދިރި ވަގުތުތަކުގައި ގޮނޑުދޮށަށް ދިއުމީ ރަނގަޅުކަމެއް ނޫން, އަނާ ‘ ބައްޕަ އަހުރެން ގާތު ބުނެތެވެ. ވަޒީފާގެ ބޭރުން ރަށުތެރެއަށް ނުކުމެވޭ ފަހަރަކީ ދުނިޔެ ފަށުވާ ވަގުތެވެ. ކަސްރަތު ކުރުމަށެވެ. ދުވާލެއްގެ ފެށުން އަނދިރިކަމަކުން ބަޔާންކުރުވަނީ ހެއްޔެވެ. ދުޅަހެޔޮކަން ފެނުމީ ނަފުރަތަކީ އެވެ. ނޫނެކެވެ. އެއީ ބައްޕަމެންގެ ބޯދާވި ފިކުރުތަކެވެ. އިރުއޮއްސުމާއި އަލިވިލުމުގައި ވަނީ އެއް އަސަރެކެވެ. އުނގަންނައި ދިނީ ކޮން ފޮތަކުން ބާވައެވެ. ޔަޤީނުން ވެސް ޤަދީމީ ފުލޯކެކެވެ.

………………..

ފަނަރަ މިނެޓެވެ. ހިތުގެ ތެޅުން އުތުރިއަރައިގަތެވެ. ހިއްސުތައް ހޭހަން ކުރެވި, ތަދުގަނޑު ފަތުރުއްވައިފި އެވެ. ހަށި މައިތިރި ކުރުމަށެވެ. ނަމަވެސް ސިކުނޑި ހޭނުވިއްޖެ އެވެ. އެ ނުކުޅެދުމަކުން އަރާމު ފޯރުވެދެއެވެ. އިހުސާސްތަކުގައި ނިކަމެތިވުމެކެވެ. އުސޫލުތައް ބިލާހަށް ވެފައި ވުމުންނެވެ. ނަސްލުތަކުން އެކަހެރި ކުރެވިފައެވެ. މި ހަނދާނުގެ ބާބުތައް ހިތުގައި ބިންވަޅު ނަގުވާފައެވެ. ތަޖުރިބާގެ ކޮށިތަކުން ގިލަމުގެ ފަތްފުށެއް ފަރުދާ ކުރެވުނެވެ. ޝުއޫރުތަކުގައި އަދު ނަން ހުސްވެއްޖެ އެވެ. އެއީ ދާއިމަށް ދެމިގެންވުން އޮތް ތަޅާފޮޅުވުމެކެވެ. އަހުރެންނަށް އެ މާހައުލެއް މަރުހަބާ ކިޔައިފި އެވެ.

…………………….

ފުރާނަ އެއްގެ ހިލަމެއް ނެތެވެ. މަސްނޫއީ ބިނާތަކާއި މައުދަނެވެ. މުއާމަލާތްތަކުން ދުރުހެލިވެއެވެ. ކައިރިވެލުމުން ސިއްސުވާލައެވެ. އަދި އެ ޗާލާކު ކަމުގައި ތަބުދީލުވެތެވެ. ސޫރަތާއި ބައްޓަމެވެ. ސަމައްތުރުގެ އެ ހީލުމަކުން ނަފުސު ފަލީހަތް ކުރުވުމެވެ. ޖަޒުބާތުތައް އެ ހަވާސާ އެއްގައި ބީހިދެއެވެ. އަދި ޖިސްމުގެ ބާރުވެެރިކަން ކިޔެވެއްޔަކުން މޮޑުކުރެވުނެވެ. ޙަޔާތަކީ ޖާދޫ އެކެވެ. ކަންނެއް ކަމެއްގައި ހަރަކާތްތަކެއް ދައްކުވަތެވެ. ހަތުރުގެ ފުރައްސާރައެކެވެ. ފެންވެރެމުން ދިޔައީ ޖައްވުގެ ހަފުސްކަމުންނެވެ. ތަޣައްޔަރުގެ ނީލަ އަކުން އަލި ކަމެއް ފެތުރިވފައިވީ އެ ހިސާބަކުންނެވެ. ހުރިހާ އާލަމެއް ޖަމައުކުރެވުނީ އެ މަޙަލްއަކަށެވެ. ހަޟާރާތާއި ތަނަވަހުގައި ފާހަގަކުރެވިފައެވެ. ތަފާތުވެފައި ޒީލަ ހުއްޓެވެ. ދެކޮޅުހެދުމީ މަރުގެ ތަފާއްޔަކަށްްް ކުރިމަތިލާންޖެހުމެވެ.

އެކަމަކު އެއީ އަހުރެންނެއް ނޫނެވެ. އެ ޝަހުވަތްތަކުން ބަރީއައެވެ. މާޒީގެ ފަޞްލުތައް ނެތިގަންނުވައްޖެ އެވެ. މި ހައްޓެއްގައި އަދު މަޖުބޫރުވެރިކަމެއް ނެތެވެ. އެއީ ނަޖިހެކެވެ. ޖިސްމު އެ ބޭރުކުރެތެވެ. ފޭރާމަކުން ދިފާއުވުމެއް ޤާއިމުކުރުވި އެވެ. އަދިވެސް ހީކުރަނީ މިއީ ހަވާނަފުސު ކަމަށްތޯ އެވެ. ނޫނެކެވެ. ޚިޔާރުގައި ވި ތެދުމަގުގެ ފާލަމެވެ. މަށިތަކެއް ފުނިޖެހި ޚިލާފުތަކެއްގައި ތެދުކުރެވުނު ކޮންކުރީޓުގެ ބާރުވެރިކަމެވެ. މިއީ އުޚުރަތުގެ މަގެވެ. މި ކަޝްފެެެއް ފިލުވޭކަށެއް ނެތެވެ.

(ނިމުނީ)