ނާއިންސާފު (ޓްރެއިލަރ)

“މާޒް، ހާދަ ދުވަހެއް ކޮށްލާފަ؟ ކައި ކައިރިއަށް ޖައްސާލާފަ ދޯ؟” މެނޫ ދިއްކޮށްލަމުން އަހަރެންނާއި ދިމާއަށް ޝީން ހިނިތުންވެލިއެވެ. އަހަރެންވެސް ހިނިތުންވުމަކުން ފުއްދާލީމެވެ.

………..

“ސްޕައި” އޭ ބުނުމުން ނަމުގައި އެއީ ވަރަށް މަޖާ ކަމެކޭ ހީވެދާނެއެވެ. އެއީ މުޅިން ދޮގު ހީއެއްވެސް ނޫނެވެ. ނަމަވެސް….

“ބްރޯ ކެތްލަވާބަލަ. ޔަނާ… ހާދަ ސަޅި ބިޓެކޭ” އަހަރެން މަޑުމަޑުން ރުކާންގެ ކޮނޑުގައި ޖަހާލީމެވެ. ކަލެއަށް ރަނގަޅުވާނޭ ބުނާފަދައަކުންނެވެ.

“ކައެ ތީ ކާކުތަ ރީތި ހަޑި ބިޓުން ކިޔަން.” ބަދަލުގައި ރުކާންވެސް އަހަރެންނާއި ދިމާކޮށްލިއެވެ.

………..

އެ ކަޅު ރޭގަނޑު، ހޫރު ޕަރީއެއް ފަދަ އެ އަންހެން ކުއްޖާ އެކަނި މައި އެކަނި، އިންއިރު، މަޑުމަޑުން އޭނާގެ ގިސްލުމުގެ އަޑު އިވެމުން ދިޔައެވެ. އަހަރެންގެ ހިތް އެވަގުތު އެދެމުން ދިޔައީ، އޭނާ ކައިރިއަށް ގޮސް ވީ ގޮތް އަހާލުމަށެވެ. ނަމަވެސް……..

“ލުވެއިޒް… މަށަށް ނުގުޅަބަލަ. ލުވެއިޒް ވޮރީ ވާން މަ މީ ޝާނާއެއް ނޫނެއްނު.. މަ ބޭނުން ގޮތަކަށް މަ އުޅޭނީ..”

ލުވެއިޒްގެ އަނދިރި ފަރާތެއް އޮވެފާނެއެކޭ އަހަރެން ދުވަހަކުވެސް ހިތަކަށް ނާރައެވެ ނަމަވެސް މިވީ ކިހިނެއް ހެއްޔެވެ.

“ޒިން، މިއޮތް ފަތިހު ކީތްކޮށްލަން ތި ވަޑައިގަތީ؟” ލުވެއިޒް އަހާލިއެވެ.

“ހަމަ ލޯބިވާ ދެކިލަން” ލުވެއިޒްގެ ދެ އަތުގައި ހިފަމުން އަހަރެން ރަނޑު ގޮތަކަށް  ބުނެލީމެވެ.

“އަސްލު އެމަންޖެ ކައިރިއަށް.” ސިޑިން ފައިބައިގެން އައި އަންހެން ކުއްޖާއަށް އިޝާރާތް ކޮތް ރުކާން ބުނެލިއެވެ. އަހަރެން ހީކުރި ކުލަވަރެއް ލުވެއިޒްގެ މޫނަކުން ނުފެނުނެވެ.

އެލީޒާ އަކީ ލުވެއިޒްގެ ކޮއްކޮއެވެ. އަހަރެންނާއި އެއް ޢުމުރެކެވެ. މީހުން ހިތްކިޔާނެ ހުރިހާ ސިފައެއް ލިބިފައިވާ ރީތިކަމުގެ ނަމޫނާއެކެވެ.އަހަރެންގެ އެންމެ ގާތް އެކުވެރިޔާގެ ކޮއްކޮއަށް ވުރެ ބޮޑަށް އަހަރެންގެ، އެކުވެރިޔެކެވެ. ނަމަވެސް މާޒީގައެވެ.

“މަ ހީކުރީ ތީ ލުވެއިޒް ގެ ވަގު ބިޓެއް ކަމަށް.. އާނ ދެން ދަންވަރު ގަޑީ ގުޅާނީ ޖީއެފް އަކަށްނު.” އަހަރެން އެހެން ބުނެލުމާއިއެކު ސުވާލު ގެ ނަޒަރަކުން އެލީނާ އާއި ލުވެއިޒް އަހަރެންނަށް ބަލައިލިއެވެ.

……..

ސިއްސައިގެން ދިޔަ ވަރުން، ވެއްޓެން ދިޔަ އީން، އަހަރެންގެ އަތުން ހިފާއްޓަފައި އޮތް އިރު، އަހަރެމެންނަށް ތިބެވުނީ، ފުދޭވަރަކަށް ކައިރީގައެވެ. ވަގުތުން އީންގެ ދޮން މޫނު ރަތްވެގެން ދިޔައެވެ.

“އެއްވެސް މީހެއް ކައިރީ ނުބުނާތި. ލުވެއިޒް ކައިރީގަވެސް.” އަހަރެން އެހެންބުނުމުން، މަޑުމަޑުން އީން ހޫމްއަޅުވާލިއެވެ.

…………

“ނުވެސް އެނގުނު ދޯ… އިނގޭ ޒިން އަށް ނޭންގޭނެކަންވެސް. ޒިންވެސް ހާދަ ތަފާތޭ. މިހާރު މާ ހޮޓު ވައްތަރު ޖަހަނީ.” ފެންނަލެއް ތަފާތަކަސް، އިބާނާގެ ސަކަ މިޒާޖަށް ކުޑަވެސް ބަދަލެއްނާދެއެވެ.

“މަ މީ އަބަދުވެސް ހޮޓު މީހެއްނު.”

……….

ތިޔަ ރީތި އަޑުން، ބުނެލަ ބަހުން،

ހިތުގެ ހިނގުން، ބާރު ވަނީ.

ތިޔަ ކަރުނަތަކުން، ލިބެ ވޭންތަކަކުން،

އަހަރެން، ނިމި މިދަނީ.

ސިއްރު ކުރާ ތިޔަ، މާޒީ

ނިމިގެން ގޮސްފައި ނޫންހެ ވަނީ؟

………….

ވިސްނޭ ޢުމުރަށް އެޅި ފަހުން، އެފަދަ އިޝާރާތެއް އެ ކުރީ، އިބާނާއެވެ. ނަމަވެސް، ހިތް ހަޤީގަތުގައި ހަމަޖެހެނީ ދަންވަރުއެވެ. އެއީ ވާހަކަ ދެއްކޭ މީހާގެ ސަބަބުން ކަމެއް ނުވަތަ، ގަޑީގެ ސަބަބުން ކަމެއްވެސް ނޭންގެއެވެ. ނަމަވެސް، ލޮއިތްބާއި ބެހޭގޮތުން ވިސްނާލާ ކޮންމެ ފަހަރަކުވެސް ހިތަށް އަންނަނީ، މާޒީއެވެ. މާޒީގައި ކަންތައް ވެގެން ދިޔަ ގޮތެވެ.

………….

ނުކުރިޔަކަސް މަށަށް މަޢާފް،

ތިޔަކަރުނަ ތަކުގެ އަސާސް،

ބުނެދޭށޭ ބަހުން ސާފު،

ހޯދައިދޭނަން އިންސާފް.

…………

“ޒިން!!!” އަހަރެންގެ އަތުގައި ހިފައި ނަގަމުން ރުކާން ވަރަށް ބާރަށް ހަޅޭއް ލަވައިގަތެވެ.