މަޢާފް ކުރާށެވެ.

އިސްމާޢީލް ޢަލީ ކަނދޮޅުދޫ

އަޚާ ހޯދަން ދިޔައީ އުފެދުނު ގަދަރުޅިގަނޑު ބާލާށެވެ.

ފެންނަން ނެތުމުން ރުޅިގަނޑު ބޭލީ ފާރުގައި ހުރި ގަޑިއަށެވެ.

ބިއްލޫރިތައް އަތަށް ވަދެ އަތް ހަލާކުވީއެވެ.

އަޚާގެ ރީތ އަގުބޮޑު ބޭނުންތެރި ގަޑި ގެއްލުނީއެވެ.

ރުޅިގަދަވީ ސަމާސާ އަކަށް ބުނެވުނު ބަހަކަށެވެ.

މަގޭ އަޚް ފޮންޏޭ ހާދަ ބޮޑަލެވެ.

ރުޅިއަކީ އިންސާނާ ހަލާކު ކުރާ އެއްޗެކެވެ.

ރުޅި މަޑުކަމީ މީހާގެ ބުއްދިވެރި ކަމުގެ ފާހަގައެވެ.

ރުޅި، މީހާ ނިކަމެތިކޮށް ބޭޒާރު ކޮށްލައެވެ.

ރުޅި،ސިކުނޑި ހައިޖާނެއްގެ ތެރެއަށް ފޮނުވާލައެވެ.

ރުޅި ނުރައްކާތެރި ވަބާއެއް ފަދައެވެ.

ޢާއިލާތައް ވިއްސި ވިހާލި ކުރުވައެވެ.

ތިމާގެ ކަމުގެ ގުޅުން ނެތި ކޮށްލައެވެ.

ކަލަ ގޮވުމަށް މަޖްބޫރު ކުރުވައެވެ.

ޒަމާންވީ އެކުވެރިކަމުގެ ފާރު ފުނޑުފުނޑު ކޮށްލައެވެ.

ހުންގާނުން ދޯނި ކޮންތްރޯލް ކުރެވޭހެން ރުޅިވެސް ކޮންޓްރޯލް ކުރެވޭނެއެވެ.

ދޯންޏަށް ހުންގާނު ބޭނުންވާ ފަދައިން ރުޅިއަށް ޙަޤީޤަތް އެނގެންޖެހެއެވެ.

ރުޅިމަތަ ކުރުމުގެ އައްޑަނައަކީ މަޢާފް ކުރުމެވެ.

ރުޅި،އައުމުން އަޢޫޛު ބިއް ﷲ ކިޔާލާށެވެ.