އަފާ (ދެވަނަ ބައި)

… ފުރަތަމަ އަހަރެންގެ ވާޖިބަކަށްވީ ޑިއުޓީއަށް *ސައިން އިން* ވެލުމެވެ. ހާޒިރީގައި ސޮއެ ކުރުމަށްފަހު، ކޮމްޕިއުޓަރު ހުޅުވާ މަސައްކަތައިގެން މަސްޢޫލު ވެއްޖައީމެވެ. ޚަބަރަކަަށްފަހު ޚަބަރެއް ލިޔަމުން ދިޔައީ އެއްވެސް ފޫހިކަމެއް ނެތި، އާދައިގެ މަތިން ވަރަަށް ވެސް ކަމާއި ވެގެންނެވެ. ކަމާއި ކަންފަށާ ޚަބަރު ލިޔަން އިން އަހަރެންނަށް ވަޤުތު ދިޔަގޮތް ވެސް ނޭނގުނެވެ.

މިހާރު ހަވީރު ހަތަރެއް ޖެހީއެވެ. އަހަރެން މަސައްކަތް ކުރަން އޮތް ވަޤުތު ވެސް ހަމަވީއެވެ. *ސައިން އޮފް ވެލީ* މެވެ. ހާޒިރީގައި ސޮއެކޮށް، ބޭރަށް ނުކުންނަށް ދޮރުހުޅުވާލި އިރު ކަމަކު ދާކަށް ނެތެވެ.

މުޅި މަގުމަތީ ފެންބޮޑުވެފައި ވާއިރު، ތުނިތުނިކޮށް ވާރޭ ވެހެމުން ދެއެވެ. ނުތެމި ހިނގާފައި ނުދެވޭނެކަން ޔަޤީން ވުމުން ކާރެއް އަތުއަޅުވާލެވޭތޯ މަސައްކަތް ކުރީމެވެ. އިސާހިތަކު މާއިރުތަކެއް ނުވެ، ނަސީބަކުން ޓެކްސީއެއް އަތު އަޅުވާލަން ކުރި މަސައްކަތް ކާމިޔާބު ވެއްޖެއެވެ.

“ވިލިމާލޭ ފެރީއަށް” އަހަރެން ދާންވީ މަންޒިލް ކާރުގެ ކައްޕިތާނަށް ބުނެދިނީމެވެ. ކުޑަ އިރުކޮޅަކުން ވިލިމާލޭ ޓާމިނަލަށް ދެވުނެވެ. އަގު ދިނުމަށްފަހު ކާރުން ފައިބަައި އަވަސްވެ ގަތީ ފެރީ ޓިކެޓް ނެގުމަށެވެ. ޓިކެޓް ކައުންޓަރުން ޓިކެޓް ނަގައިގެން ދިޔަ ވަޤުތަކީ ކަން ދިމާކުރިގޮތުން ފެރީއަށް މީހުން އެރުވުމަށް ގޭޓް ހުޅުވި ވަޤުތެވެ. އަހަރެން ވެސް އެހެން މީހުންނެކޭ އެއްފަދައިން ފެރީއަށް އަރާ ގޮނޑިއެއްގައި އިށީނދެ ހަމަޖެހިލީމެވެ.

ދުވަހަކީ ވައިބާރު، މޫސުން ގޯސް ދުވަހެކެވެ. ފެރީ ނައްޓާލުމާއި އެކުހެން، އަރިއަރިއަށް ޖެހެން ފެށިއެވެ. ނަގާލާ ރާޅުތައް ބޮޑެއްޗެވެ.

ދެން ފެނުނީ ބައެއް މީހުން ބިރުން ހަޅޭއްލަވާ މަންޒަރެވެ. އެއްބަޔަކު ހޮޑުލާއިރު، ފިރިހެން ވެރިން ދަރިން މަަސަލަސް ކުރުމުގައި އެވެ. ފަޅުވެރިންނާ ބައެއް ދަތުރުވެރިން ހޮޑުލާ މީހުންނަށް އެހީވަމުން ދިޔައެވެ. މާލެއާއި ވިލިމާލޭ ކައިރި ނަމަވެސް، ގަދަކަމުން ފެރީގެ ދުވެލި މަޑެވެ.

ކުއްލިއަކަަށް އަހަރެންގެ ކުރިމަތީ ހުރި ސީޓުގައި އެކަނީމާ އެކަނިން އިން އަންހެން ކުއްޖަކު، ކުޑަދޮރު ހުޅުވާލިއެވެ. އެ އުޅެނީ ހޮޑުލާންކަން އަހަރެންނަށް އެނގުމުން އަވަހަށް ތެދުވެ، އެ ކުއްޖާއަށް އެހީވުމަަށް ދިޔައީމެވެ.

އަހަރެން އެ ކުއްޖާގެ ކޮނޑުގައި ހިފަހައްޓަައިގެން ހުރީ ބޭބެއަކު ކޮއްކޮއަކަށް، އެހީވާ ފަދައިންނެވެ. އެކުއްޖާ ހޮޑުލާ ނިމުނު ކަން ޔަޤީން ވުމުން އަވަހަށް އަހަރެންގެ ދަބަހުން ފެންފުޅިއެއް ނަގާ ދިއްކޮށްލީމެވެ. މި ހުރިހާ ކަމެއް ހިނގި އިރު އަހަންނަށް ނުފެނުނު އޭ މަންޖެގެ މޫނު ފެނުމުން ހީވީ، ފްރިޖަކަށްލާ މީހާ ގަނޑުކޮށްލި ހެނެވެ.

އާއެކެވެ. އެއީ….

– ނުނިމޭ –