ތި ލޯބި އެދިގެން (ޓްރެއިލަރ)

ފިނި ފިނި ރޯޅިތަށް ހަށިގަނޑުގައި ބީހިލުމުން ހިތަށް ފިނިކަން ލިއްބައިދެއެވެ. އޭނާގެ އިސްތަށިގަނޑުވެސް ދިޔަ އެވަޔާއެކު މިނިވަންކަމާއެކު ވިހުރެމުންނެވެ. އުފަލުން ހެމުންނެވެ. ނަމަވެސް އެފަދަ މިނިވަންކަމެއް އެ އިސްތަށިގަނޑުގެ ވެރިޔާއަށް ލިބޭނެނަމައެވެ. ބެލްކަނީގެ ރެއިލިންގްގައި އަޔާނީ އަތް އަޅުވާލައިގެން ހުރި އިރު އޭނާގެ ލޮލުން ހުއްޓުމެއް ނެތި ކަރުނަ އޮހެމުން ދިޔައެވެ. މިއަށްވުރެ އުފާވެރި ދުވަހެއް އޭނާގެ ހަޔާތުގައި ދެއްކެވެމުން އެދި ހިތާހިތުން އޭނާއަށް ދުޢާކުރެވެއެވެ. ތަކުރާރު ކޮށެވެ.

“މެޑަމް. ބޮސް ބުނުއްވީ މިރޭ އަށެއް ޖަހާއިރަށް ތައްޔާރު ވައްޗޯ.” ކަރުނަތަށް ފޮހެލަމުން އޭނާގެ ފަހަތުން އިވުނު އަޑުގެ ވެރިޔާ ކަމަށްވާ އެ ގޭގައި ގެންގުޅޭ ބަސްގްލަދޭޝް ނޯކަރަށް އަޔާނީ ބަލާލިއެވެ. “ކޮންތާކަށް ދާން.” އަޔާނީގެ އަޑުވަނީ ކުރަކިވެފައެވެ. އޭނާ ރޮއެފައިކަން އެ އަޑުން ނޯކަރު ރޯޒީއަށްވެސް އިނގުނެވެ. އަޔާނީއާމެދު ރޯޒީ ކިތަންމެހާވެސް ހަމްދަރުދީވެއެވެ. ނަމަވެސް އޭނާއަށް ކުރެވޭނީ ކީއްހެއްޔެވެ. ވަޒީފާގައި އުޅެން ބޭނުމިއްޔާ އޭނާވެސް ޖެހޭނީ މިގޮތުގައި ކުރިޔަށް ދާށެވެ.

” މެޑަމްގެ އެރޭންޖެ މެރިއޭޖް ހަމަޖައްސާ ފިރިހެން ކުއްޖާގެ އާއިލާއާ ބައްދަލު ކުރަން.” ރޯޒީ އިސްޖަހާލީ އޭނާއަށް ބުނެވުނު ބަހުގެ ސަބަބުން އަޔާނީގެ މޫނުމައްޗަށް އަރާ ކުލަވަރު ބަލަން ކެތް ނުވެގެންނެވެ. ރޯޒީގެ ޖަވާބާއެކު އަޔާނީގެ ލޮލަށް ކަރުނަ ބޮނޑިވެގަތެވެ. އޭނާއަށް ކުރަން ޖެހިފައިވާ ހިތާމަތަށް ދެގުނަ އިތުރުވިކަހަލައެވެ.

_______________________________________

ރައްޓެހިންނާއެކު ފުޓު ބޯޅަ ކުޅެން އުޅުމެގެ ތެރޭގައި ނިކްޔަލް އޭނާގެ ކޮޅުފައިން ބޯޅަ ޖަހާލީ ގޯލަށް އަމާޒުކޮށެވެ. ނަމަވެސް އެ ބޯޅަ ވަނީ ގޯލަކަށް ނޫނެވެ. ބިމުން ހަފޫޓު މަތިން އުދުހިފައި ކަހަަލަ ގޮތަކަށް ބޯޅަ ގޮސް ޖެހުނީ އެވަގުތު ދަނޑު ކައިރިން ލާފައި ދިޔަ އަންހެން ކުއްޖާގެ ބޮލުގައެވެ. އެކުއްޖާ ބޮލުގައި ހިފާއްޓާލިއެވެ. އިސްޖަހާލަމުންނެވެ. “އޯ ޝިޓް.” ނިކްޔަލް ދުއްވައިގަތީ ބޯޅ ބަލައި އެ އަންހެން ކުއްޖާއާ ދިމާލަށެވެ. “ސޮރީ.” ބުރުސޫރަ ރީތި އަންހެން ކުއްޖާގެ ފައިދޮށަށް ތިރިވެ ނިކްޔަލް ބޯޅަ ނެގިއެވެ. މޫނުމައްޗަށް ވެއްޓިފައި އޮތް ކުރު އިސްތަށިކޮޅުގެ ސަބަބުންނާއި އެ އަންހެން ކުއްޖާގެ މޫނުމަތީގެ އެއްފަޅީގައި އަޅާފައި އޮތް އަތުގެ ސަބަބުން އެ އަންހެން ކުއްޖާގެ މޫނު ނިކްޔަލްއަށް ފަރުދާވިއެވެ. ނަމަވެސް ނިކްޔަލްގެ އަޑު އިވުމުން އެކުއްޖާ އިސްއުފުލާލިއެވެ.

ހަނދެއް ފަދަ ދޮން މޫނެކެވެ. ގަދަ ފިޔާތޮށި ކުލައިގެ ތުންފަތުގެ ފޮނި ކޮޅު ބޯލަން ނިކްޔަލްގެ ހިތް އެދި ގޮވަން ފެށިއެވެ. ނަމަވެސް ހިތުގެ އެދުން އެއްފަރާތް ކޮށްލީ މަސްލަހަތަށްޓަކައެވެ. މޫނުމައްޗަށް ވެއްޓިފައި ހުރި އިސްތަށި ތަށް އެ އަންހެން ކުއްޖާ އެއްފަރާތް ކޮށްލިއެވެ. އެކުއްޖާ ހިނިތުންވެލިއެވެ. ނިކްޔަލްގެ ހިތް އޭގެ މަގާމުން ދޫވިފަދައެވެ. އެހިތުގައި އައު ވިންދެއް ޖަހާލިއެވެ. ފޮނި މިއުޒިކެއް އެ ހިތުގައި ކުޅެލެވުނު ފަދައެވެ. ފަން އަދި ކުރު މުށިކުލައިގެ އިސްތިށިގަނޑުގެ ވެރިޔާގެ ފައިން ފެށިގެން ބޮލާ ހިސާބަށް ނިކްޔަލް ނަޒަރު ހިނގާލިއެވެ. އޭނާގެ ލޮލުގައި އަޅައިގަތީ އެކުއްޖާގެ ކަރުގައި އަޅާފައި އޮތް ފަށެވެ. “ލިޔާނާ.” ކުދި ކުދި އަކުރުތަކަކުން އެހެން ޖެހިފައިވާ ރިހި ކުލައިގެ ފަށުގައިވާ ނަން ކިޔާލުމުން އެ ރާނީގެ ނަން އޭނާއަށް ޔަގީންވިއެވެ. ހުދު ކުލައިގެ ޓީޝާރަޓަކާއި ނޫކުލައިގެ ޖިންސެއްގައި ހުރި އެ އަންހެން ކުއްޖާ ނިކްޔަލްއަށް ފަސްދީފައި ހިނގައިގަތެވެ. އިޝްގުގައި ޖެހިފައި ނިކްޔަލްއަށް ހުރެވުނީ އެ ފަރި ހިނގުމަށް ބަލަހައްޓައިގެންނެެވެ.

ނިކްޔަލްގެ އަކުވެރި ކުދިންކޮޅު އޭނާ ކުޅެ ނައިސްގެން ލަސްވެގެން ބަލައިލަން ދިޔައިރު ނިކްޔަލް ހުރި ވަށްތަރުފެނުމުން ރަނގަޅު ޕްލޭނެއް ރާވާލިއެވެ. ހިޔާލީ ފޮށާ ކައްކަމުން ދިޔަ ނިކްޔަލްގެ ބޮލަށް އޭނާގެ އެކުވެރިން ފިނި ފެންފުޅިއެއް ވަރާލީ ނިކްޔަލް ސިއްސުވާލަމުންނެވެ.

________________________________________

ބޮޑު ސޯފައިގައި އިށީނދެގެން ނިއްކުރިމަތީގައި އަތް އަޅާލައިގެން އިޝާން އޮތީ އޭނާގެ އަމިއްލަ ދުނިޔޭގައެވެ. ސިޓިންގް ރޫމުގައި ހުރި ބޮޑު ޓީވީއިން އިވެމުން ދިޔަ ލަވައިގެން ސަބަބުން އެހިތުގައި އެޅެމުން ދިޔަ ކޫރުންތަކުގެ އަދަދު އިތުރުވިއެވެ. ހިންދީ ލަވަ “މެއިން ޕިރް ބި ތުމްކޯ ޗާހުންގާ” އެވެ. އެ ލަވައިގައި ކިޔަމުން ދިޔަ ކޮންމެ ބަހެއް ދިޔައީ އިޝާން ހިތުގެ އެންމެ ހިމަ ނާރަށްވެސް އަސަރު ކުރަމުންނެވެ.

ގޭގެ ބޮޑު ދޮރު ހުޅުވުނު އަޑަށް އޭނާ އެދިމާ ބަލާލިއެވެ. ގޭތެރެއަށް ވަދެގެން އައި އޭނާގެ މައިންބަފައިން ފެނުމުން އެ ދެމީހުންނަށް އެއްވެސް އަސަރެއް ނެތް ގޮތަކަށް އޭނާ ބަލާލިއެވެ. ނަމަވެސް މައިންބަފައިންގެ ފަހަތުން ވަދެގެން އައި އަންހެން ކުއްޖާގެ ސަބަބުން އިޝާންއަށް އިންތަނުން ތެދުވެވުނެވެ. އޭނާގެ ދެބުމަ ގޮށްޖެހުނެވެ. އޭނާގެ ކައިވެނި ހަަމަޖެހުނީ މި އަންހެނާއާ ހެއްޔެވެ. އޭނާ މިދުނިޔެއިން އެންމެ ފޫހިވާ އިންސާނާއާ ހެއްޔެވެ. ކުރިއަށް އޮތީ ހަޔާތުގައި ކަނޑަތުއް ކުރަން ޖެހޭ އެންމެ އުނދަގޫ ދުވަސްތަށްކަމަށް އެހިތުގެ ކަނަކުން އިންޒާރު ދިނެވެ.

އިޝާން ފުނުމުން އަޔާނީއަށްވެސް މީ އެކަހަލަ ގޮތެކެވެ. އޭނާ އެންމެ ފޫހިވާ ސޫރަ ދެން އަބަދަށްވެސް އުޅޭނީ އޭނާގެ ކުރިމަތީގައި ހެއްޔެވެ. އަޔާނީ ހިތަށްއެރިއެވެ.

އިންތިޒާރު ކޮށްލައްވާ!!!!!!