ކާމިޔާބުވި ލޯބި

އެންމެންވެސް، ލޯބިވެޔޭ ކިޔާފަައި ދެނީ ލަނޑު… ހީވާކަހަލަ ހަޤީޤީ ލޯތްބަކީ އަހަންނަށް، ހައްޤު އެއްޗެއް ނޫނެ…” ތުނޑީގެ އެ ހިތްގައިމު މާހައުލުގައި އަހަރެން އިނީ ރޯލަ ރޯލައެވެ. ކައިރީގައި ޝަފާ އިނީ އަހަރެންގެ ކޮނޑުގައި ބޯއަޅައިގެންނެވެ. “އަހަންނަށް އެހީވޭ ޝަފް…”

އެ ވަޤުތު ޝަފާ ބަޑި ފަޅައިގެން ދިޔައެވެ. “އަހަރެން އަބަދުވެސް ޝާމްއަށް އެހީވާނަން… ޝާމްއަށް އިނގޭތަ އަހަރެން ޝާމްދެކެ ވަރަށް ލޯބިވޭ… މި ހުންނަނީ ބުނާނެ ޗާންސެއް ނުލިބިފަ…” އަހަރެންގެ ލޮލުން ފޭދެމުން ދިޔަ ކަރުނަތަށް ފުހެދެމުން ޝަފާ ބުނެލިއެވެ.

އެރޭ ޝަފާގެ ބައެއް ރަހުމަތްތެރިން އަތިރިމަތީގައި މަސްފިހާތީވެ ޝަފާ ވެސް އެމީހުންނާ ބައިވެރިވާން އެތަނަށް ދިޔައިމެވެ. އޭރެ ޝާމް އެތާ ނެތީމަ އިނދެވުނީ އިންތިޒާރުގައެވެ.

އިރުކޮޅެއް ނުވަނީސް އެކުގައި ތިބި މީހުން ދެބަޔަކަށް ބެހި ލަވަބާޒީ ކުޅެން ފެށިއެވެ. ޖަހާފައި ހުރި އަލިފާން ގަނޑުގެ ދެފަރާތުގައި ދެބައި މީހުން އެތުރި ތިބެ ލަވަބާޒީ ކުރިއަށް ގެންދިޔައެވެ. ލަވަޔަކަށް ފަހު ލަވައެއް ކިޔަމުންދިޔަ އިރުވެސް އަހަރެންނަށް އިނދެވުނީ ޝާމްގެ އިންތިޒާރުގައެވެ.

އަހަރުންނާ އިދިކޮޅު ގުރޫޕަށް ކާފަކުން ލަވައެއް ކިޔަން ޖެހުނު ވަގުތެވެ. އެމީހުންނަށް ލަވައެއް ހަނދާންކުރަން ވަގުތު ކޮޅެއް ނެގިއެވެ. ކުއްލިއަކަށް އެމީހުންގެ ފަހަތުން ކާފަކުން ލަވައެއް ކިޔަމުން ޝާމް އަންނަތަން ފެނުނެވެ.

”ކަލާޔަށް މިހިތް ލޯބިވީތީ ދިނީމޭ ހިމާޔަތް ލިބޭނޭ ކަމަށް ހީކުރީމޭ….”

އަހަރެންގެ މޫނު މައްޗަށް ވެރިވީ ލަދުރަކި ހިނިތުންވުމެކެވެ. ޝާމް އަހަރެންގެ ހިތުގައި އުފެދެމުން ދިޔަ ޝުޢޫރުތައް އޭނަގެ ދުލަށް ގެނައިކަހަލައެވެ. ކުރިއަށް ދިޔަ ލަވަބާޒީގެ ފޯރި ގަދަވެގެންދިޔައެވެ.

ޝާމްގެ ކޮންމެ ލަވައެއް އެއީ އަހަންނަށް ކިޔައިދެމުންދިޔަ ލަވައެއް ހެން ހީވިއެވެ. ޝާމް ކޮޅަށް ތެދުވެ ލަވައެއް ކިޔަން ފެށިއެވެ.
“ތީމަގެ ހިތުގެ ދިރުމޭ އިނގޭ…
ކުރަން ސިފަ ގަލަމަކަށް ނޭނގ…
ތީފަރި ލޯބިވާ މަގޭ…”

އެލަވަ އިވުމުން ވީ ގޮތެއް ވެސް އަހަންނަކަށް ނޭގުނެވެ. އަހަރެން ގަޑުވި ކަހަލައެވެ.
ބުނާނެ އެއްޗެއް ނޭގި ލަދުރަކި ގޮތަކަށް ޝާމް ގައިގައި ބައްދާލެވުނެވެ. އެތާ ތިބި އެންމެންގެ ހުނުމާ ދިމާކުރުމުގެ އަޑު ގަދަވެގެން ދިޔައެވެ.

އަދި ނުނިމޭ…