އެސްފިޔަ 
ގެއްލުނު ޕެން ޑްރައިވް
Level 1
ސުކޫލުގައި ވަރަށް ބުރަ ދުވަސް ކޮޅެކެވެ. މެންދުރުގެ ހޫނުގަދަ ވަގުތު އަހަރެން ސުކޫލުން އައިސް،ގެޔަށް ވަދެ ބޫޓު ހަރުގަނޑަށް ލުމަށްފަހު، ވެފައިހުރި ވަރުބައްޔެއްގެ ބޮޑުކަމުން އަވަސްވެގަތީ ކޮޓަރި ހުޅުވުމަށެވެ. މަންމަވެސްވީ ސުކޫލުދަށަށް ކޮއްކޮ ބަލައިގޮސްކަމުން ގޭގައި އެވަގުތު މީހަކު ނެތެވެ.
ކާގެއަށްގޮސް ގޮނޑިއެއް ހިފައިގެން އައިސް އަހަރެން އެއަށް އަރައި ފެންލައިޓުމަތީ އޮތް ތަޅުދަނޑިފަތި ނެގޭތޯ ބެލީމެވެ. ކަންދިމާކުރިގޮތުން އެކަން ވަރަށް ފަސޭހައިން ކާމިޔާބުވިއެވެ. އަހަރެން އަވަސް އަވަހަށް ގޮނޑިން ފައިބައި ދުވެފައިގޮސް ގޮނޑި ކާގެއަށް ލީމެވެ. އޭރުވެސް ކޮނޑުގައި އޮތް ދަބަހާއި ވައަތުގައި ހުރި ފޮތްތަށް ދިޔައީ އަހަންނަށް ބަރުކުރަމުނެވެ. ވަގުތު ބޭކާރުކުރަން ނުހަދައި ދޮރުހުޅުވުމަށްފަހު އެތެރެއަށްވަދެ އެންމެ ފުރަތަމަ ކަމަކަށް ތަޅުދަނޑިފަތި އޮތް ތަނަށް ލީމެވެ. މިއީ އަބަދު ކޮށްކޮށް އަހަންނަށް އާދަވެފައި ހުންނަ ކަމެކެވެ. ތަޅުހުޅުވައި ކޮޓަރިއަށް ވަނުމަށްފަހު އަބަދުވެސް ބޭއިޙްތިޔާރުގައި، އެންމެ ފުރަތަމައަށް ކުރެވޭނެ ކަމަކީ މިއީއެވެ. އަދި ހަމައެހެންމެ ކޮޓަރީގެ ތަޅުންގަނޑު ފުދޭވަރަކަށް އުސްކަމުން އަހަންނަށް އެކަމަށް ގޮނޑިއެއްގެ އެހީއެއްވެސް ބޭނުމެއް ނުވެއެވެ.
އެއަށްފަހު އަތުގައި ހުރި ފޮތްތަކާއި ދަބަސްވެސް މޭޒުމަތީ ބެހެއްޓީމެވެ. އަދި ބުރުގާ ބޭލުމަށްފަހު ލައިގެންހުރި ޔުނީފޯރމާއި އެއްކޮށް އެނދުމައްޗަށް ވެއްޓިގަތީމެވެ. އޭރު މަންމަމެން ވެސް ގެއަށް އައިއްސިއެވެ. އެހެން އޮއްވައިކުއްލިއަކަށް ހަނދާންވީ މިއަދު ސުކޫލުން އަންނަމުން ކުލާސް ކުއްޖަކު ގެނެސްދިން އަހަރެންގެ ޕެން މަތިންނެވެ. އެއީ ކުރީ ދުވަހު މަދަހަތަކެއް އަޅަން އަހަރެން އޭނައަށް ދިން ޕެން އެކެވެ. ޕެން ދިން ވަގުތު ހުރީ މަގުމަތީގައި ކަމުން، އަލުން ދަބަސް ބޭލުމަށްފަހު ލާން މަސައްކަތަށް އަހަރެންއައީ ޕެން އަތުން ހިފައިގެންނެވެ. އެކަމަކު މިހާރު އެޔެއް އަތަކުނެތެވެ. ވަގުތުން އަހަރެން ތެދުވެގެން ދިޔައީ މޭޒު މަތީގައި ޕެން އޮތްތޯ ބަލާށެވެ. ނަމަވެސް މުޅި މޭޒުމަތި ބަލާ ފާސްކުރި އިރުވެސް އެ ޕެންއެއް ނުފެނުނެވެ. އެހެންވެއްޖެނަމަ ޕެން މަގުމައްޗަށް ވެއްޓުނީ ހެއްޔެވެ؟ ނޫނެކެވެ. އެހެންވެގެން ނުވާނެއެވެ.
އެއީ އަހަންނަށް ވަރަށް ވަރުން ލިބުނު އެއްޗެކެވެ.ބައްޕަ އެ ގަނެދެމުންވެސް އެތަށް ފަހަރަކު ޕެން ގެއްލުވާނުލައި ބަލައިގެން ގެންގުޅުމަށް ބުންޏެވެ. އަދި އެ ގެއްލިއްޖެނަމަ އިތުރު ޕެންއެއް ނުގަނެދޭނަމޭވެސް ބުންޏެވެ. އެހެންވެ އަހަރެން ޕެން ގެންގުޅެނީވެސް މަންމަ އަތަށްދީ، ފޮރުވައިގެންނެވެ. އެވަރުންވެސް މިއޮއްވާގޮތެއް ދޯއެވެ. ހައްތަހާވެސް އަހަރެންގެ ފަރުވާކުޑަ ކަމާ ހަނދާން ބަލިކަމެވެ. އެއްފަހަރު މިހާރު ޕެން ޖިންސު ޖީބުގައި އޮއްވާ ދޮވެވެސް ލެވިއްޖެއެވެ. އެދުވަހުވެސް މަންމަ އެވަރަށް އެއްޗިހި ގޮވިއެވެ. އެކަމަކު ނަސީބަކުން ޕެން ހަލާކެއް ނުވެއެވެ. އެހެންވެ ބައްޕަ ކައިރީގައި މަންމަވެސް އެވާހަކައެއް ނުބުނެއެވެ. އަނެއްކޮޅުން ޕެންގައި ވަރަށް މުހިންމު ފައިލްސްތަކާ، ޑޮކިއުމެންޓްސްތައް ވެސް ހުންނާނެއެވެ. ދިވެހި ގަޑިއަށް އެންމެފަހުން ހެދި ޕަވާޕޮއިންޓް ޕްރެޒެންޓޭޝަން ވެސް ވާނީ އޭގައެވެ.
މިހުރިހާކަމެއް ހިތަށް އެރިއެރިހެން އަހަރެން ދިޔައީ ހާސް ވަމުންނެވެ. މިއަދު އަނެއްކާ ޕެން ގެއްލިއްޖެކަން އެނގިއްޖިއްޔާ މަންމަ ވެސް ވަރަށް ރުޅިގަދަ ވާނެއެވެ. އެކަމަކު ނުބުނެއެއް ވެސް ވާކަށް ނެތެވެ. އަހަރެެން ބޭރަށް ގޮސް ހިތްވަރު ކޮށްފައި މަންމަ ކައިރި އެވާހަކަ ބުނީމެވެ. ވަގުތުން މަންމަ އެއްޗިހި ގޮވަން ފަށައިފިއެވެ. އޭރު ކޮއްކޮއާއި އޭނާގެ ރައްޓެހިކުއްޖެއްވެސް އެތާ އިނެވެ. ކޮއްކޮއަށް އެއްޗެއް ވިސްނުނީ ކަންނޭގެއެވެ. މިދިޔަފަހަރުވެސް މަންމަ އެއްޗިހިގޮވިވަރު އޭނައަށް އެނގޭނެ ވިއްޔާއެވެ. އަހަރެން އެހެންބުނިހައިރުން މަގުމަތި ބަލައިލައިފައި އަންނަންމޭ ކިޔައިފައި އޭނާގެ ރަށްޓެހިކުއްޖާއާއި އެއްކޮށް ދިޔައެވެ.
އަހަރެންވެސް ދެން އެތާހުންނަން ނަހަދައި ދިޔައީ ކޮޓަރިއަށް ޔުނިފޯރމް ބަދަލުކޮށްލުމަށެވެ. އޭރުވެސް އަހަރެން ހުރީ ބިރުންނެވެ. މަގުމައްޗަށް އޭތިވެއްޓިއްޖިއްޔާ ލިބޭނެހެން ހީނުވާތީއެވެ. ވާނީވެސް އެހެންނޫން ހެއްޔެވެ؟ މިޒަމާނުގައި އެގޮތަށް ގެއްލޭ އެއްޗެއް ވެރިއަކު އިނގުނަސް މީހުން ހޮވާފައި ނުދެއެވެ. ނަމަވެސް އޭރުވެސް އަހަރެންގެ ހިތުގައި މާތްﷲ އަށް އިތުބާރު އޮތެވެ. އެކަލާނގެ އެއްވެސް އަޅަކަށް ދެރަކަމެއް ނުޖައްސަވާނެއެވެ. އެއްޗިހި ބަދަލުކޮށްގެން ކޮޓަރިތެރޭ އަވަހަށް ޕެން ފެނުމަށް އެދި ދުޢާ ކޮއްލަކޮއްލާ ހުއްޓައި މަންމަ އެތެރެއަށް ވެނެވެ. އަދި މޭޒުމައްޗައް އަހަރެން އެއްލާފައިވާ ދަބަހާއި އުކާލާފައިވާ ފޮތްތައް ރާތި ކުރަންފެށިއެވެ. އެހެންހުރެގެންވެސް އިރުކޮޅުކޮޅުން މަންމަ އަހަރެންގެ ފަރުވާކުޑަކަމާ މެދު އެއްޗެއް ބުނެލައެވެ. އަހަރެންވެސް ދެރަވެފައި އިސްޖަހައިގެނަ އިނީމެވެ.
އިރުކޮޅެއްފަހުން މަންމަ ނިކުމެގެން ދިޔަތަނާ އިވެން ފެށީ ތަޅުދަނޑިފައްޗެއް ކަހަލަ އެއްޗެއްގެ އަޑެވެ. އަހަރެެން ގޮސް ބޭރު ބަލައިލިއިރު މަންމަ ފެންލައިޓުމައްޗަށް ތަޅުދަނޑިފަތި ލައިފައި ގޮނޑިން ފައިބަނީއެވެ. އަހަރެން މަންމަ ކައިރި އެހުމުން މޭޒު މަތީ އޮތް ދަބަހުގެ ދަށުގައި ތަޅުދަނޑިފަތި އޮއްވާ ފެނުމުން ލީކަމުގައި ބުންޏެވެ.
އެކަމަކު އެހެންވާންވީ ކިހިނެއްހެއްޔެވެ. ހަމަ ޔަޤީނުންވެސް އަހަރެން ތަޅުދަނޑިފަތި ފެންލައިޓުމައްޗަށް ލީމެވެ. ދެން އެހެންވިއްޔާ މިވަނީ ކީއްހެއްޔެވެ؟ އަހަރެން ކުޑަ އިރުކޮޅަކު ވިސްނާލީމެވެ. އަދި އަވަސް އަވަހަށް ގޮސް ގޮނޑިއެއް ގެނެސް، އެއަށް އަރައިގެން އަހަރެން ތަޅުދަނޑިފަތި ލީހިސާބުގައި އަތްހާކައިލީމެވެ. އެއަށްފަހު އަހަރެން އަތުގައި ޖެހުނުއެތި ނަގައި ބަލައި ލީމެވެ. އާނއެކެވެ. އަހަންނަށް ހީވީ ހަމަ ރަނގަޅަށެވެ. އެއީ އަހަރެންގެ ޕެން އެވެ. ވެފައިހުރި ވަރުބައްޔެއްގެ ސަބަބުން ޕެންއާއި ތަޅުދަނޑިފަތި އޮޅުނުއިރުވެސް ނޭނގުނީއެވެ. އަދި ފޮތްތަކާއި ދަބަސް ބެހެއްޓިއިރު އެންމެ ފުރަތަމަ އަތުގައި ހުރި ފޮތްތަކާއި ތަޅުދަނޑިފަތި ބާއްވައި އޭގެމަތީގައި ދަބަސް ބެހެއްޓުނީއެވެ. ޕެން ހޯދަން މޭޒުމަތި ބެލި އިރުވެސް، އެންމެ ފަހަރަކުވެސް ދަބަސް ހިއްލައި ނުލަމެވެ.
ވީގޮތް ރަނގަޅަށް ރޭކާލުމާއެކު އަހަރެންގެ މޮޔަކަމާމެދު ހެވެންފެށުނެވެ. އަދި ވަގުތުން ޕެން ފެނުމުން މާތްﷲ އަށް ޝުކުރު އަދާކުރީމެވެ. އަހަރެން އަވަހަށް ގޮސް މަންމައަށް ޕެން ދެއްކީމެވެ. ހަމަ އެވަގުތު ކޮއްކޮމެންވެސް ޕެންއެއް ނުލިބުނޭ ކިޔަމުން ގެޔަށް އައެވެ. އަހަރެން ހެމުން އެމީހުންނަށް ވީގޮތް ކިޔައި ދިނީމެވެ. އެމީހުންނަށްވެސް އެކަންވީ މަޖާކަމަކަށެވެ. އެހެންހުރެފައި ކޮއްކޮ އަހަންނާ ދިމާލަށް ބުންޏެވެ. ދޮންތި އަހަރެމެން ލައްވައި ތިކުރުވީ ބޭކާރު ދަތުރެކެވެ. އަހަރެމެން މިއައީ ސުކޫލާ ހަމައަށްވެސް ގޮއްސައެވެ. އެހައިދުރަށް ދިޔައީމާ މުޅިން ވަރުބަލި ވެއްޖެއެވެ. ކޮއްކޮ އެހެން ބުނުމުން އަހަރެން ބުނީމެވެ. ދޮންތިއަކަށްވެސް އެހެންވާނެކަމެއް ނޭނގޭނެ ނޫންހެއްޔެވެ؟ އެހެންނޫނަސް ތިއީ ބޭކާރުކަމެއް ކަމުގައި ނުދެކޭށެވެ. އިންޝާﷲ.. ކޮންމެވެސް ދުވަހަކުން ތިކަމުގެ ހެޔޮ ބަދަލް ތިދެކުދިންނަށް ލިބޭނެއެވެ.
Comments (44)
Comments are closed.
first
Yes..?
Masha allah. V maja vaahaka eh.. Heehee halaaku vehjje..
??
Jazakallah khairan binth..<3
Salaam…this is my very first story to a site like this..plx comment ur views below..it’ll help me to improve my writing skills..ly all <3
Woww…. vrh reethi… vrh vrh majr…curiously waitinn 4 ur new strii….
Jazakallah khairan <3 <3
aslu hageegatheh tha my?..maasha allah v reethi kiyaidheefa oi goi….. gud luk
Yass!!! Jazakallah khairan
Lol. ??? how old are you? ?
Im a student…adhi 18 nuvey..?
Hehe.. nice.. hope to read anothr story frm u soon.. best of luck???
Jazakallah khairan..in sha allah..I’ll try to write a new story soon..<3
first story tha? Maa shaa allah.. vrh reethi.. hama aslugaves… kunnaa hamayah gossa kan kan falhaa eri hisaabun hama hini aadhevunu.. 🙂 vrh reethi.. Binth hamid ge ehn vaahaka eh avas muthaqbalegga kiyaalan libeyne kamah ummeedhu kuran.. 🙂
adhi kiriyaa Binth hamid ge comment mi fenuny.. first dhw miee.. ekam ves vrh reethi.. maa sha allah.. 🙂
Jazakallah khairan inan.. midhuvas kulhu busy kamun new story eh geneveyne ekey yageen kamaa eku bunaakah neyge..ekam insha allah..1st trm tstah fahu ill try.. <3 ?
Thi hama ahannahves vaavaru…Hehe…first time v dhen OK dw…kuriah oiyythaga reethi vaahaka thakeh genes dheyne kamah ummeedhu kuran…May Allah bless ur work…
*V ma
Jazakallah khairan pinkish pinker <3 <3
Masha allah. V. Nice
Jazakallah khairan..<3
maasha allah binth hamidh…. waitin 4 ur next story… ???
Jazakallah khairan <3 <3
Nice
Kuru vahakaya balaafa v reethi
Jazakallah khairan <3
Varah majaa ?????
jazakallah khairan
Binth in which grade you are studying?
Hehe?
Miden koachen
Just tried to write a funny story..jazakallah khairan story kiyaalaafa comment kollyma..? <3
Maashaalaahu varah reethi
Jazakallah khairan <3
MSA story vvreethi. Binth hamid ge new storyeh kiyaalan libeynekamah ummedhu kuran jazakallh khairan
Jazakallah khairan..in sha allah, ill try <3 <3
Hehe binth u grl or boy?? Anyways v salhi ?
Hehe..Binth kiyaafa kiyaany anhen kudhinnakannu?
Jazakallah khairan <3
Nice and funny .. Hope to see a new story .. Miss you and love you
Jazakallah khairan..miss u n lurv u mre <3 <3 <3
Masha Allah… ??Waiting patiently for your other story..
jazakallah khairan.. In sha allah soon.. <3
not bad
V. FURihama