ސޫރަ ޓްރެއިލަރ

ވަޔާއެކު އާދަޔާ ޙިލާފު ބާރަކުން ފަޒާގެ ތެރެއައް އަރަމުން ދިޔަ އަޔާނީއަށް އެކަމުގެ ހިލަމެއްވެސް ނުވާ ކަހަލައެވެ. ލޯމެރިފައިވާ އަޔާނީ ބެހެއްޓުނީ ހަނދު މަތީގައެވެ. އެއާއެކު އޭނާގެ ފައިން ވާގިދޫވެގެން ވެއްޓުނެވެ. ހީވާ ގޮތުން އޭނާގެ ހަށިގަނޑުގައި ހުރި އާދަޔާޙިލާފު ބާރު ކެނޑުނީއެވެ. ********************************************

” މަންމާ…ކޮބާ ޔާނީ” ފުޓުބޯޅަ ކުޅެނިންމާފައި ގެއަށް ވަދެގެން އައި އީތަން އޭނާ މަންމަ ރާނިޔާ ކުރެން އެއްސެވެ. *******************************************

” މަންމަ އަކަށް ނޭނގޭ.. އެ މަންޖެ ގެއްލިގެން އުޅޭ ވާހަކަ މުޅި ރަށުތެރެއަށް ފެތުރިއްޖެ… ބައެއް މީހުން އޭނާ ހޯދަން ނިކުމެވެސް އެބައުޅޭ.. ނީލާ ބައްޕަވެސްވީ އެއިން ބަޔަކާ އެކީގަ” ނައުފާ ދިން ޙަބަރަކުން ނީލާގެ ވަށައިގެންވާ މުޅި ދުނިޔެ އެނބުރިގަތެވެ.

*******************************************

ފޯނާ ކުޅެމުން ބަދިގެ ތެރެއަށް ވަދެގެން އައި އަޔާނީއަކަށް ބިންމަތީގައި ދެމެމުން ދިޔަ ލޭގެ ކޯރެއް ނުފެނުނެވެ. އޭނާގެ ނަޒަރު ވަނީ ފޯނަށް ގޮސް ހުސްވެފައެވެ. ލޭތައް މައްޗައް އެރި ކައްސާލަން ދިޔަ ވަގުތު ނެފެންނަ ރޫޙާނީ ބާރަކުން އޭނާ ހިފާއްޓައި ކޮޅަށް ބެހެއްޓިއެވެ. ހިނގައިދިޔަ ރޫޙާނީ ކަންތަކަށް އަޔާނީގެ ސަމާލުކަން ނުދެވުނީ ކުރިމަތިން ފެންނަމުން ދިޔަ މަންޒަރުގެ ސަބަބުންނެވެ. ބަދިގެ މޭޒު ދަށުގައި ލެއިން ތަތްތެޅިފައި އޮތް މީހާ ފެނިފައި އަޑުގެ ނެތްތަނަށް އޭނާ ހަޅޭއްލަވައިގަތެވެ. ********************************************

އަދީލުބެ އަލިފާންގަނޑެއް ރޯކުރުމަށްފަހު ކިޔެވެލި ކިޔަވަން ފެއްޓިއެވެ. އޭނާގެ އަމުރަށް ގަސްދޮށުގައި ތިބި ހަތް ފިރިހެނުންވެސް ކިޔަވަން ފެއްޓިއެވެ. ކުއްލިއަކަށެވެ. އަލިފާންގަނޑު ނިވުނެވެ. ހަމަ އެސިކުންތު ކޮޅު ތެރޭގައި ގޭތެރެއިން ބިއްލޫރި ތަށިތަކެއް ތަޅައިގެން ދިޔަ އަޑު އިވުނެވެ. ލޯމަރައިގެން ކިޔެވެލި ކިޔަވަން އިން އަދީލުބެވެސް ސިހިފައި ގޭތެރެއައް ބަލާލިއެވެ. އޭނާގެ ލޮލުގައި އަޅައިގަތީ ދޮރުމަތީގައި ހުއްޓިލައިގެން ހުރި އީތަންއެވެ.” މި ހިނގަމުންދާ ރޫޙާނީ ކަންތައްތަކާ އީތަންއާ ހުރީ ކޮން ގުޅުމެއްބާ؟” އަދީލުބެ އަމިއްލަ ނަފްސާ ސުވާލުކޮށްލިއެވެ. **********************************************

ފޮޓޯއިން ފެންނަމުން ދިޔައީ ފުރާވަރު އުމުރުގެ ދެކުދިންނެވެ. ގެއެއްގެ ފާރުބުރިމަތީ އިށީނދެގެން އައިސްކުރީމް ބޯން ތިބި އިރު ދެކުދިންގެ މޫނުމަތީގައިވެސް ނުފިލާ ހިނިތުންވުމެއް ރަސްކަންކުރަމުން ދިޔައެވެ. ފޮޓޯގަނޑަށް ބަލަހައްޓައިގެން އޮތްއިރު އަޔާނީގެ ހިޔާލުތައް މާޒީގެ ފުން ކަނޑަކަށް ގެނބިގެން ދިޔައެވެ.****************************************

މަޑުމަޑުން އެސްފިޔަ ތަޅުވާލުމަށްފަހު ލޯހުޅުވާލި އަޔާނީ ، އޭނާގެ ވަށައިގެންވާ މާހައުލަށް ނަޒަރު ހިނގާލިއެވެ. އެއާއެކު އޭނާގެ ހިތުގައި ބިރުވެރި ކަމުގެ ރާޅުބާންޏެއް ދަތުރު ކޮށްލިއެވެ. ދެފައިމައްޗައް ކޮޅަށް ތެދުވެ ކުރިއަށް ހިނގައިގަތީ ދާނެ ވަކި މިސްރާބެއް ނެތިއެވެ. ހިމޭންވެފައިވާ މާހައުލުގައި ބިރުން ތެޅިފޮޅެމުން ދިޔަ އަޔާނީގެ ހިތުގަ ތެޅުމުގެ އަޑު ފިޔަވައި އިތުރު އަޑެއް ނީވެއެވެ. އޭނާގެ ދެފައިވެސް ދިޔައީ ތުރުތުރު އަޅަމުންނެވެ. އެހެންނަމަވެސް އަޔާނީގެ ލަސްފިޔަވަޅުތަކަށް ހުއްޓުމެއް ގެނުވީ އޭނާ ކުރިމަތިން ފާޅުވި ސޫރައެވެ.

އަޅުަގަނޑުގެ ފުރަތަމަ ވާހަކަ ވަރަށް އަަވަހަށް އަންނަނީ !!!

12 އޭޕްރިލް 2018 އަށް އިންތިޒާރު ކޮށްލައްވާ!