ސިއްރުން މިހިތާ ކުޅެނީހޭ (ފުރަތަމަބައި)

ޔާނާ ފާހަނައިން ނިކުމެ ބޮލުގަ އަޅާފަ އޮތް ތުވާލި އެނދުމައްޗަށް އެއްލާލިއެވެ. އެއަށްފަހު ލޯގަނޑު ކުރިމައްޗަށް އަރާ އަމިއްލަ ސޫރައަށް ބަލާލިއެވެ.

ފަޔަށް ބާރު ނޫކުލައިގެ ޖިންސަކާއި ރަތާއި ކަޅު ހުންނަ ފޫކޮޅު ކިރިޔާ ނިވާވާވަރުގެ ޓޮޕް ކޮޅެއް ލާފައި ހުންނައިރު ފެޝަނަށް ލޯބިކުރާ ކަން ދޭހަވެއެވެ..

ފޮނި ގޮތަކަށް ތުން އޫކޮށްލާފައި ޔާނާ އޭނާގެ ފަން އިސްތަށިގަނޑުގައި ފުނާ އަޅަންފެށިއެވެ.

“ދޮންތާ. ޑޭޑް ބުނީ ސައިނުބޮއި ގޮސްގެން ނުވާނޯ. އެންޑް ހީ އިޒް ވެއިޓިންގް ސައިބޯން ވެގެން.” އެ ކޮޓަރިއަށް ވަދެގެން އައި ލާރާ ބުނެލިއެވެ.

“ޔާ ޔާ.. އައި ނޯ. ހިނގާ.. ބައިދަވޭ ހައު އައިމް ލުކިންގް؟” ވަރަށް ފޮނި ގޮތެއް މޫނަށް ހަދާލަމުން ޔާނާ ބުނެލިއެވެ. “ސެކްސީ” ލާރާ ވައި އަޑުން ނަަމަވެސް ބާރަށް ބުނެލީ ހިނިތުންވެ ހުރެއެވެ.

ލާރާ އަކީވެސް އޭނަގެ ދޮންތަ ފަދައިން ފެޝަނަށް ލޯބި ކުރާ މީހެއް ނަމަވެސް ޔާނާ އަށް ވުރެ ލާރާ އަނގަ ގަދައެވެ.

ސައިބޯ މޭޒުމަތީ ޒިޔާދު އިނީ އޭނާގެ ދެކުދިންގެ އިންތިޒާރުގައެވެ. ޒިޔާދުގެ އިންތިޒާރު އެހާދިގެއްނުވިއެވެ. ލާރާ އާއި ޔާނާ ސިޑިން ހިނގާލާފައި އައީ ދުވަސް ގަނޑަކަށް ފަހު ދެއެކުވެރިން ފެނުމުން ވާހަކަ ދައްކާ އުސޫލުން ވާހަކަ ދައްކަމުންނެވެ.

ޒިޔާދުގެ މޫނުމަތީ ދުވެލީ ބަޔާންކުރަންދަތި ހިނިތުންވުމެވެ. އެދެކުދިން އެކީގައި އަބަދުވެސް އުޅޭތީ ޒިޔާދު އުފާވެއެވެ. އެކުދިންގެ މަންމަ ނާހީ ވަނީ ލާރާ އޯ ލެވެލް އަހަރުގަ ކެންސަރުގެ ޝިކާރައަކަށްވެ މި ދުނިޔެއާއި އަލްވަދާއު ކިޔާފައެވެ. އެއަށްފަހު ޒިޔާދު އެއްވެސް އެއްޗެއް އެކުދިންނަށް މަދުވިޔަ ނުދީ ބުނިހާ އެއްޗެއް ހޯދަދެނީ އެކުދިންގެ މަންމަ ގެ ފަޅުކަން އިހުސާސްވެ ނުދިނުމަށްޓަކައެވެ.

ޔާނާ އަށްވުރެ ލާރާ ކުޑަވާނީ އެއްމެ 3 އަހަރެވެ. އުމުރުން 23 އަހަރު ވެފަ ހުރި ޔާނާ މެލޭޝިއާގައި ޑޮކްޓަރީ ކަން ކިޔަވައިގެން މާލެ އައި ފަހުން އަދި މިވީ އެއްމެ މަހެކެވެ. މިހާރު އެއަކީ އޭޑީކޭގައި މީހުންގެ ގަދަރު ލިބިފައިވާ އަންހެނުންގެ ހާއްސަ ޑޮކްޓަރެކެވެ. މިކަމާ އެއްމެ އުފާވަނީ ޒިޔާދު އެވެ.

“ދަރިފުޅު ކޮން ވިސްނުމެއްގަ؟” ޒިޔާދުގެ މަންމަ އާޝިއާ ޒިޔާދުގެ ކޮނޑުގައި އަތްބާއްވާލަމުން ބުނެލިއެވެ. އޭރު ޔާނާމެން ދެމީހުންވެސް ގޮނޑިގައި އިށީންނަނީއެވެ. ޒިޔާދު ދެކޮޅަށް ބޯހޫރުވާލީ ހިނިތުންވެލައިގެންނެވެ. އާޝިއާ އަކީ އުމުރުން 50 ގެ އަހަރު ގުނަމުންދާ ނަމަވެސް ދުޅަހެޔޮ ސިއްހަތެއްގަ ހުރި މީހެކެވެ.

“ތި ކުދިން ފަތިސް ނަމާދުކުރިން؟” އާޝިއާ ޔާނާ އަށާއި ލާރާ އަށް ބަލާލަމުން ކޮންމެ ދުވަހުގަވެސް އެއްމެ ފުރަތަމަ ކުރާ ސުވާލު މިއަދުވެސް ކޮށްލިއެވެ. “ޔެސް މާމާ” ދެމީހުން އެއްފަހަރާ އަތްމައްޗަށް ނަގާލާފައި ބުނެލިއެވެ.

“އެކަމް މާމާ ނަމާދު ކުރަން ހުއްޓަ ހަނދާންވަނީ ކޮލެޖްގަ މިއަދު ކުރާނެ ކަންތައް. އެކީއްވެ؟ ވަރަށް ސަމާލުވެގެން ކުރިޔަސް ވަކި ހިސާބަކުން ކޮންސެންޓްރޭޓް ކަން ގެއްލޭ” ލާރާ މާޔޫސް ކަންމަތީ ބުނެލިއެވެ. ޔާނާ އެއްޗެއް ނުބުނި ކަމުގައި ވިޔަސް އޭނަވެސް އިސްދަށަށް ޖަހާލީ އޭނަ އަށް ވެސް އެހެން ވާތީއެވެ.

އާޝިއާ އެކަމާ އެއްޗެއް ބުނަން އުޅެނިކޮށް އެކަމާ ހުރަސް އެޅުނީ ޒިޔާދުގެ ފޯން ރިންގްވާން ފެށުމުންނެވެ. ޒިޔާދު ވަގުތުން ފޯން ސައިލެންޓަށް ލިއެވެ. “ބައްޕަ ދަނިއްޔޭ. ރަނގަޅަށް ސައިބޮއިގެން ދެކުދިންވެސް ދާތި.” ޒިޔާދު މިހެން ބުނެ އަތް ދޮވެލައިގެން ގޭން ނިކުމެގެން ދިޔައީއެވެ.

“ދެކުދިން މިރޭ އިޝާ ނަމާދުކޮށްގެން މާމަގެ ކޮޓަރިއަށް އަންނާތި” އާޝިއާ ވެސް މިހެން ބުނެ އޭނާގެ ކޮޓަރިއަށް ދިޔައެވެ.

“ހޭއި ކޮއްކޯ. ކޮންކަމެއް މިއަދު ކޮލެޖްގަ ކުރަނީ؟ ނަމާދުގައި ހުއްޓާވެސް އެހެން ހިތަށް އެރީތީ. ހެހެ.” ޔާނާ ސައިފޮދެއް ބޯލަމުން ބުނެލިއެވެ. “މިއުޅެނީ ހޮސްޕިޓަލް އަށް ގޮސް ފުރަތަމަ ފަހަރަށް މީހުންގެ ގަޔަށް އިންޖެކްޝަން ޖަހަން” ލާރާ ފޮނިވެލާފަ ބުނެލިއެވެ. ލާރާ އަކީ ނާރސިންގް ކިޔަވަމުންދާ ކުއްޖެކެވެ. އޭނަގެ ކުޑައިރުންސުރެ ދެކެމުންއައި ހުވަފެނަކީ ވެސް އެއެވެ. ލާރާ އެއްމެ އުފާވަނީ އޭނަގެ ހުވަފެން ހަގީގަތަށް ވުމަށް މާ ގިނަ ދުވަހެއް ދެން ނެތީމައެވެ.

“ހޮސްޕިޓަލް؟” ޔާނާ ބުމަ އަރުވާލިއެވެ. “ޔާ. ކޮލެޖް ކުދިން ދަނީ. ބަޓް ބޭޑް ލަކް. އައިޖީއެމްއެޗް އަށް ދަނީ.” ލާރާ ތުންކޮޅު އޫކޮށްލާފައި ބުނެލިއެވެ. “ތި ކަޑަވީނު. ހެހެ.. ދޮންތަ އަށް ލަސް ވަނީ. ދަނީ. ބާއި. ގަޑި ނުޖެހި ކޮލެގް އަށް ދާތި އެޓްލީސްޓް މިއަދު. ހެހެ.” ޔާނާ މިހެން ބުނެ ދާން ހިނގައިގަތެވެ.

“ތިހެން ނުދެވޭނެ. އަހަރެން ކީކޭ ހީވަނީ؟” ލާރާ ކޮޅަށް ތެދުވެ އެނބުރިލަމުން ބުނެލިއެވެ. ކަޅާހުދުގެ ޓޮޕް ކޮޅަކާ ބާރު ސްކިނީ އެއްލާފައި އޮތް އިރު އެ އެހާ ބުޅި ނޫން އިސްތަށިގަނޑު އޮތީ ފަހަތުން އައްސާލާފައެވެ. “ސެކްސީ” ޔާނާވެސް ކުރިން ލާރާ ބުނިގޮތަށް ވައި އަޑުން ބުނެލިއެވެ. ލާރާ ހީލާފައި ޔާނާގައިގައި ބައްދާލީ ލަވް ޔޫ އޭ ބުނެލަމުންނެވެ.

އެދެކުދިންނަކީ ދޮން މޫނު ކޮޅަކާއި ލޫޅާފަތި ހަށިގަނޑެއް ލިބިފަ ހުންނަ ދެކުދިންނެވެ. ގިނަ މީހުން އެކުދިންގެ ލޯތްބަށް ދީވާނާ ވެފައި ވާއިރުވެސް ޔާނާ އަދި ލާރާ ވެސް އެކަމާ އަޅާނުލަނީ އެކަހަލަ ކަމަކަށް “އިންޓެރެސްޓް” ނުހުންނާތީއެވެ.

*************

“ޔާނާ ހީ އިޒް ހޮޓް” ކެބިންނަށް ވަންނަން ހަދާލީ ޔާނާ ސިއްސައިގެން ދިޔައީ ތެޅެމުން ފޮޅެމުން އައި ލީޒާ މިހެންކިޔާ އޭނާގެ އަތުގަ ހިފެހެއްޓުމުންނެވެ. “ވަޓް. ކާކުތަ؟ ހެހެ. ލީޒް އަށް ހޮޓް ވާނެ އިންޑިއާގެ ކަޅު ކަޅު މީހެއް އަޔަސް” ޔާނާ މަޖާވެލާފަ ބުނެލިއެވެ. “ނޫނޭ ދެން އަސްލުވެސް ހޮޓް. ބުނީމޭނު ނިއު ލެބޯޓަރިއަން އެއް އަންނަވާހަކަ. އޭނަ. އެކަމް އަހަންނަށް ވުރެ ބޮޑަށް އޭނަ ގުޅެނީ ޔާނާ އަށް” ލީޒާވެސް ބުނެލިއެވެ.

“އޯ ޝަޓްއަޕް. ޔޫ ނޯ ދޯ ތިކަހަލަ ކަންކަމާ އިންޓްރެސްޓް ނެތް ކަން” ޔާނާ މިހެން ބުނެ ފޮނިވެލާފަ ބާއި އޭ ކިޔާ ކެބިންއަށް ވަނެވެ.

ޒިޔާދު އިނީ އޭނާގެ އެކުވެރިއެއް ކަމަށްވާ ނާސިހް އާއި އެކީ ކޮފީއެއްގައެވެ. “ހާދަ ދުވަސް ފަހުންނޭ. ކިހިނެއް ގޭ މީހުން. ދަރިން؟” ޒިޔާދު ނާސިހް ކުރެން އަހާލިއެވެ. “ހަމަ ރަގަޅޭ. އިއްޔެ މާލެ މި ބަދަލު ވީ. ލަންކާ ފޫހި ވީމަ. ހެހެ.. ޒިޔާދުގެ ފެމް؟” ނާސިހް މިހެން އެހުމުން ޒިޔާދުވެސް ރަގަޅޭ ބުނެލިއެވެ. އެގޮތަށް އެކި ވާހަކައިގައި ހުރެފަ ނާސިހް ދާން ހިނގައިގަތީ އަދި ދިމާވާނަންކަމަށް ބުނަމުންނެވެ. ނަމަވެސް ވަކި ހިސާބުން ހުއްޓުނީ އެއްޗެއް ހަނދާންވުމުންނެވެ. ނާސިހް އަނެއްކަ ގޮސް ޒިޔާދުގެ ގާތުގައި އިށީއިނެވެ..

“ޒިޔާދު. އަހަރެން ދުވަހަކުވެސް ޒިޔާދު ކޮށްދިން ކަންތައް މަތިން ހަނދާން ނައްޓައެއްނުލާނަން. އަހަރެން ކައިރި ކަމަކު ބޭނުންވިއްޔާ ބުނައްޗޭ. ހެޔޮ ހިތުން ކޮށްދޭނަން” ޒިޔާދު ވަގުތުން ބޯހޫރުވާލިއެވެ. “އެއަކީ އެއްވެސް ކަމެއް ނޫނޭ ކިތެއްފަހަރު ބުނާނީ. ހޫމް ދެން އަހަރެން ކަމަކު ބޭނުން ވިއްޔަ ނުބުނެ ހުންނާނެތަ. ހެހެ” ޒިޔާދު ހެވިލާފަ ބުނެލިއެވެ. “އެކަމްވެސް އަސްލުވެސް އިނގޭ” ނާސިހް ބުނެލިއެވެ. ޒިޔާދު ހިނިތުންވެލާފައި ބޯ ޖަހާލިއެވެ.

“ބާއި” ޔާނާ މިހެން ކިޔާ ގެއަށް ދާން އެނބުރުނު ތަނާ ލައިގަތީ މީހެއްގެ ގައިގައެވެ. “ސޮރީ” ދެމީހުން އެއްފަހަރާ އެހެން ބުނެ ހަތަރު ކަޅި ހަމަކޮށްލިއެވެ. ޔާނާގެ ދުލުން ވާއު އޭ ބުނެލެވުނީ ބޭއިހްތިޔާރުގައެވެ. ހާދަހާ ރީއްޗެވެ. އެ ޒުވާނާ ޔާނާ ބަލަން ހުރުމުން އުނދަގޫ ވެގެން އެތަނުން ދިޔައީއެވެ. ޔާނާ އަށް ހަމަ ބިމަށް އާދެވުނީ އެ ޒުވާނާ އެތަނުން ދިޔައީމައެވެ. “މިކްޔަން” ޔާނާ ފާޑަކަށް މޫނަށް ގޮތެއް ހަދާލީ ލީޒާ އައިސް އެހެން ބުނުމުންނެވެ. “މިކްޔަން އޯލަ؟ މަ މީ ފިރިހެނެއްތަ މިކްޔަން އޭ ތި ކިޔަނީ؟ އެހެންވިއްޔާ ތީ ބަކުރު” ޔާނާ މިހެން ބުނެ ބާރަކަށް ހިނގާލާފައި ހޮސްޕިޓަލުން ނިކުތެވެ.

“ބަކުރޯ. އަހަރެން އަދި އެ ޒުވާނާގެ ނަން ބުނީމަ ވެސް އެދިޔައީ މަށަށް ބަކުރޭ ކިޔާފަ. ދޮން ބަބުރު” ލީޒާ މިހެން ބުނެ ޔާނާ ދިޔަ ދިމާލަށް ބަލާލާފައި ފާޑުފާޑަށް ދޫ ނެރެން ފެށިއެވެ. “ސުބުހާނަ ﷲ. އޯކޭތަ؟” ލީޒާ ކައިރިން ލާފަ ދިޔަ ހަސަން އަށް ލީޒާ ފާޑަކަށް ދޫ ނެރޭތީ ބުނެލެވުނެވެ. ހަސަން ދެކެ ކިތައްމެ ފޫހިވިޔަސް އެހެން ބުނީމަ ލީޒާ ލަދުގަތީ ވަކި ވަރެއް ބަލާފަ އެއް ނޫނެވެ. އެތާ އެއްމެ މިނެޓެއްވެސް މަޑުނުކޮށް އޭނަ ދިޔައީ ވެސް އެހެން ވެގެންނެވެ.

*******

ގެއަށް ވަދެގެން އައި ޔާނާ އަށް ކުއްލިއަކަށް ސިޓިންގްރޫމް ސޯފާ ކައިރިއަށް ދުއްވާގަނެވުނީ އޭނާގެ ލޯބިވާ ކޮއްކޮ ރޯތަން ފެނިފައެވެ.

“ހޭއި ކޮއްކޯ. ކިހިނެއްވީ؟ ނުރޮއިބަލަ” ޔާނާ ހާސްވެހުރެ މިހެން ބުނުމުން ލާރާއަށް ކަރުނާގެ ތެރެއިން ވެސް ހިނިތުންވެވުނެވެ. ޔާނާއަށް އަމިއްލަ މޫނުމަތީ އަތް އަޅާ ލެވުނީ ލާރާ ޓީވީ އާ ދިމާލަށް އިޝާރަތް ކުރުމުންނެވެ. ޓީވީއިން މާ އިމޯޝަނަލް ސީން އެއް ދައްކަނީއޯލައެވެ. ޔާނާ ކައިރީގައި އޮތް ކުޝަން އެއް ލާރާއާ ދިމާލަށް އެއްލާލުމަށްފަހު ބިރުންހަލާކުވެއްޖޭ ކިޔާ ކޮޓަރިއަށް ވަދެ ދޮރުލެއްޕިއެވެ. ލާރާ އަށް ހިނިތުންވެވުނީ އޭނާގެ ދޮންތަ އޭނާދެކެ ލޯބިވާވަރު ފެނިފައެވެ.

ޔާނާ ކޮޓަރިއަށް ވަދެ ނަމާދު ކުރަންހުއްޓާ ހަނދާންވީ އޭނާގެ މާމަ ކައިރިއަށް ދާންޖެހޭ ކަމެވެ. ނަމާދުކޮށް ނިންމައިގެން ލާރާ ގޮވައިގެން ޔާނާ ހިނގައިގަތީ އާޝިއާގެ ކޮޓަރިއަށް ދިޔުމަށެވެ.

*****

ރަސްފަންނުގައި މިކްޔަން އޭނަގެ ލޯބިވެެރިޔާ ނަޝްވާ ކައިރި އިނެވެ. “ކޮންއިރަކުން މެރީ ކުރަން ނަޝް ބޭނުން ވަނީ؟ އަހަރެން ބޭނުމީ ވީހާވެސް އަވަހަށް ކުރަން” މިކްޔަން ނަޝްވާ ކުރެން އަހާލިއެވެ. “އަދި މާ އަވަހޭ. އަދި މެރީވެސް ކުރެވޭނޭ. ހަމަޖެހިބަލަ.” ނަޝްވާގެ ޖަވާބުއިވިފަ މިކްޔަން ހައިރާނެއް ނުވިއެވެ. އެއީ އަބަދުވެސް ދައްކާ ބަހަނާއަކަށް ވާތީއެވެ.

ނަޝްވާ އަކީވެސް ބަލާލަން ހުތުރު މީހެއް ނޫނެވެ. ދޮން މޫނެކެވެ. ބުޅި ބުޅި ކޮނޑު ކިރިޔާ ނިވާވާވަރުގެ އިސްތަށި ގަނޑެކެވެ. އޭނާއަކީ ވެސް ޒަމާނަށް ލޯބިކުރާ ކުއްޖެއް ނަމަވެސް އޭނާ މުޅިންވެސް ލަނީ ދިގުހެދުމެވެ. މިކްޔަން އަށް ކުރު ހެދުން ކަމުނުދާތީއެވެ. މިކްޔަން އޭނާގެ މަޅީގައި ޖައްސައިގެން އަދި ދުވަސް ކޮޅަކަށް ބަހައްޓަން އެބަ ޖެހެއެވެ. އެހެންނޫނީ އޭނާ ބޭނުންވާނެ ކަންތައް ހާސިލްވާނީ ކިހިނެއްހެއްޔެވެ.

“އެކަމް ރައްޓެހިވެގެން އުޅޭތާ މިހާރު އަހަރަކާ ގާތް ވަނީ. އަހަންނަށް 25 އަހަރު ވެއްޖެ. ނަޝްއަށް 23. ދެން ކީއްވެ؟ މިހެން ގިނަދުވަހު އުޅޭކަށް ނުވާނެ” މިކްޔަން ހިތްހަމަނުޖެހުނެވެ. ” މިހެން ތިބުނީ ކިހިނެއް؟ މިއޮއްހުރިހާ ދުވަހު އެންމެ ކުޑަމިނުން ކިސް އެއްވެސް ކޮށްނުލާ” ނަޝްވާ އެއްމެފަހު ޖުމްލަ ބުނެލީ މިކްޔަންގެ ތުންފަތާ އޭނާގެ ތުންފަތް ކައިރިކޮށްލާފައެވެ. މިކްޔަން ދުރުވެލާފަ މުޅިތަނަށް ނަޒަރު ހިންގާލީ މީހަކު ބަލަން ހުރިތޯއެވެ. “އެހެންވެ އޭ ނަޝް ކައިރި މިކިޔަނީ ކައިވެނި ކުރަން އުޅޭށޭ.” މިކްޔަން ހިތްހަމަނުޖެހިފައި ބުނެލިއެވެ.

“އަހަރެމެން ގޯސް ކަމެއް ނުކުރަމޭނު. އަދި ކައިވެނިވެސް ކުރެވޭނެ އޭ ޔަން ގަނޑާ” ނަޝްވާ މިހެން ބުނެ މިކްޔަން ކޮނޑުގައި ބޯއަޅާލިއެވެ. މިކްޔަން ހިނިތުންވެލިއެވެ. “އަހަރެން ވަރަށް އުފާވޭ ނަޝް އަހަންނަށް ޔަން ކިޔާތީ. އެހެން މީހެއް ނުކިޔާނެ އެހެނެއް” “ޔަން” މިކްޔަން މިހެން ބުނުމުން ނަޝްވާ ތުއިވެލާފަ ބުނެލިއެވެ. މިކްޔަން ހިނިތުންވެލާފައި ނަޝްވާ އެ މެޔާލާބޮނޑިކޮށްލިއެވެ.

*****

“މިއޮތީ” އާޝިއާ ކޮންމެ ކުއްޖަކަށް ކުޑަ ފޮތެއް ދިއްކޮށްލިއެވެ. ޔާނާ އަދި ލާރާ ވެސް އެއަށްބަލާލީ ސުވާލުގެ ނަޒަރުކުންނެވެ. “މިއަކީ ނަމާދުގައި ކިޔާ ތަކެތީގެ މާނަ. ވެދާނެ ތިކުދިން ނަމާދުގައި ކިޔަނީ ކޯއްޗެއްކަން ނޭގޭތީ ނަމާދުގައި އެހެން ކަންކަމަށް ވިސްނެނީ ކަމަށް. ތި ކިޔާލީމަ ރަނގަޅު ވެދާނެ. ދެން އެންމެ ރަގަޅު ދިޔަޔަސް” އާޝިއާ އެދެކުދިން ގައިގަ ބައްދާލަމުން އެއްމެ ފަހު ޖުމްލަ ބުނެލިއެވެ. ޔާނާ އަދި ލާރާ އަކީ އާޝިއާގެ ފުރާނައެވެ. ދުވަހަކުވެސް މިދެކުދިންނަށް ދެރަގޮތެއްވާކަން އޭނާ ނޭދެއެވެ.

ދުރުގައި މަންޒަރު ބަލަން ހުރި ޒިޔާދު ހުރީ ހިނިތުންވެލައިގެންނެވެ. އާޝިއާ ނެތްނަމަ އޭނާގެ ދަރިން ހެޔޮ މަގަކަށް އޭނާއަށް ނުގެނެވޭނެ ކަން ޒިޔާދު ގަބޫލުކުރެއެވެ. ހުރިހާ ޝުކުރެއް އޭނާގެ ލޯބިވާ މަންމައަށެވެ.

*****

ހަވީރުގެ ވަގުތެވެ. ޔާނާ ތައްޔާރުވަމުން ދިޔައީ ޔާނާ ކިޔާވަރުން އައިސްކްރީމް ބޯން ދާށެވެ. “ދެން ދޮންތަ ގަނޑު ވަރަށް ލަސް” ޔާނާގެ ކޮޓަރިއަށް ވަދެގެން އައި ލާރާ ޝަކުވާ ކޮށްލިއެވެ. މިއަދު ލާރާ ފެންނަލެއް ވަރަށް ފުރިހަމަ އެވެ. ކަޅުކުލައިގެ ކަކުލާ ހަމައަށް އަންނަ ހެދުމެއް ލާފައި ހުރިއިރު ހެދުމުގެ ދެކޮޅުން ކަކުލުން ފެށިގެން އުނަގަނޑާ ހަމައަށް ފަޅާލެވިފައި ވެއެވެ. ލާފައިހުރި ބާރު ސްކިނީގެ ސަބަބުން އެ ފައިގެ ހިކިކަން އިނގިގެންދެއެވެ. އެ ދިގު އިސްތަށިގަނޑު މިނިވަން ކަންމަތީ ދޫކޮށްލާފައިވާއިރު ކޮށްފައިވާ ގަދަ މޭކަޕްގެ ސަބަބުން އެ ދޮން މޫނު އިތުރަށް ދޮންކުރުވާފައި ވެއެވެ.

ދެން ޔާނާއެވެ. ޔާނާވެސް ހުރީ ހަމަ އެހެންނެވެ. ހެދުން ވެސް އެއްވައްތަރެވެ. ނަމަވެސް ހެދުމުގެ ކުލަ ހުރީ ހުދުކުލައިންނެވެ. އުނަގަނޑާ ހިސާބަށް އަންނަ ފަން އިސްތަށިގަނޑު ފަހަތަށް ދޫކޮށްލެވިފައި ވާއިރު މީހުން ފިދާ ވާނެކަން ޔަގީނެވެ.

ޔާނާގެ އަޅި ކަންގަދަ ލޮލުގެ ބޭރު ކަޅުކުލައިން ފަވާލުމަށް ފަހު އެކި ކޮޅަށް އެނބުރި އަމިއްލަ ސޫރައަށް ބަލާލީ ފޮނިވެފަ ހުރެއެވެ. “ވާއު ދޮނޭ. ތި އަޅި ކުލަ ލޯ ވަރަށް ސަޅި ކޮން އެބަ އިނގޭ” ލާރާ އަށް ނުހުރެވިގެން ބުނެލިއެވެ.

“ހެހެ. ކޮއްކޮގެ އަޅި ކުލައިގެ ދެލޯ ވެސް. ވަރަށް ސަޅި. އިނގޭ ދޯ. މަމް ވެސް ހުންނާނީ އަޅި ކުލަ” ޔާނާ އިސްދަށަށް ޖަހާލީ މަންމަ މަތިން ހަނދާންވުމުންނެވެ. “ދޮންތާ ލެޓްސް ގޯ.” ލާރާ ވާހަކަ އޮޅުވާލާފައި ޔާނާ ގޮވައިގެން ނިކުތެވެ.

“ކޮންތާކަށް ދަރިފުޅު މެން؟” ޒިޔާދު އަހާލިއެވެ. “މި އައިސްކްރީމް ބޯލަން” ޔާނާ ބުނެލިއެވެ. ޒިޔާދު ހިނިތުންވެލާފައި ލަސްނުވެ ގެއަށް އަންނަން ބުނެ އެކުދިން ފޮނުވާލިއެވެ.

ދެ މީހުން ދިޔައީ ރަސްފަންނު އަށެވެ. “ހާދަ މީހުން ގިނައޭ. ދޮންތަ މަޑުކުރޭ. އަހަރެން އަންނާނަން އައިސްކްރީމް ގަނެގެން.” ލާރާ ދެ އުކުޅުގައި އަތްވިއްދާލައިގެން ހުރެ މިހެން ބުނެލިއެވެ. ޔާނާ އެއްބަސްވުމުން ލާރާ އަވަހަށް ހިނގައިގަތީ އައިސްކްރީމް ބޯހިތުން ނުހުރެވޭތީއެވެ.

=ނުނިމޭ=

މިވާހަކައިގެ ދެންއޮތް އެޕިސޯޑުގެ ލިންކު ކޮމެންޓް ސެކްޝަންގެ ތިރީގައި ވާނެއެވެ.