Skip to content
އެސްފިޔަ

އީލާމް-02

ބަނދަރުމަތިން ރާފިޔާ ފެނޭތޯ ބަލާލުމަށްފަހު އީލާމް އެއްގަމާއި ދިމާލަށް ހިނގައިގަތީ ބަނދަރާ މާ ދުރުނޫން ހިސާބެއްގަ ރާފިޔާމެން ދިރިއުޅޭ ގެ ހުރީމައެވެ. ރ.މީދޫ އަކީ ކުޑަ ރަށެއްކަމުން އީލާމްއަށް މަގުތަކުގައި ހިނގާލާފައި ގެއަށް ދަާކަށް އެހާ އުނަދަގުލެއްނުވިއެވެ. ގޭ ގޯތިތެރެއަށް ވަދެވުމާއެކު ރާފިޔާ އޮށޯވެލައިގެން އޮތް ޖޯލިން ތެދުވެ އީލާމް ގައިގައި ބައްދާލިއެވެ. އީލާމް އަށް ހިނިތުންވުމެއް ދިނުން ނޫން އެހެންކަމެއް ނުވިއެވެ. އެއޮތް ވުރެން އެ ދެމެދަށް ވެރިވެފައިވާ ދުރުކަން ބޮޑެވެ. އެހާ ގިނަ ދުވަސްކޮށްފައި ރަށަށް އައުމުންވެސް ރާފިޔާގެ ކިބައިން ގާތްކަމެއް ނުފެނުނުތާގައި އޭނާ ބާލާ ބަނދަރަށް ނުދިއުމުން އީލާމްއިނީ ހިތްހަމަނުޖެހިފައެވެ.  ރާފިޔާ އުޅެމުންދަނީ އޭނާގެ ހަގު އަންހެން ދަރިފުޅު އަމާރާ އަދި ފިރިމީހާ ހުސެންއާއި އެއްކޮށް ރަށުގައެވެ. އަމާރާ ލިބުނު ފަހުން ރާފިޔާ އީލާމް އާއި އެއްވެސް ގުޅުމެއް ނުބާއްވާތާ 10 އަހަރުވީއެވެ. ތިން އަހަރުގެ ތަފާތު ދެބެންގެ ހުއްޓަސް އީލާމް އަމާރާއަށް ވުރެ ހަގު ކަމަށް ދައްކައެވެ.  އަމާރާ ލިބުނުތާ ކުރީކޮޅު ރާފިޔާ އީލާމް އާއި ގުޅައިގެން ވާހަކަ ދެއްކިޔަސް ފަހުން ފަހުން އައިސް އީލާމް އަށް ނުގުޅާތާ އީލާމް ގުޅީމަ ވާހަކަވެސް ނުދައްކަނީއެވެ. މަޑު ހިނގުމެއްގައި ހުސެންއަށާއި އަމާރާ އަށް ހިނިތުންވުމެއްދިނުމަށްފަހު އީލާމް މިސްރާބްޖެހީ އޭނާއަށް ހާއްސަ ކުރެވިފައިވާ ކޮޓަރިއަށެވެ. ބައްޕަގެ އެދިލެއްވުމުގެ މަތިން އީލާމް ރަށަށް އަޔަސް އީލާމް ވަނީ އޭނާގެ ވަޒީފާ ދޫކޮށްފައި އަންނަން ޖެހެމުން ނުތަނަވަސްވެފައެވެ.

އަނެއް ދުވަހަށް އިރު އަރައިގެން ދިޔައީ ރާފިޔާ އައިސް އީލާމްއަށް ސައިބޯން ގޮވުމުންނެވެ. އީލާމް އަވަސް އަރުވާލައިފައި ރެޑީވެލައިގެން  ސައިބޯން ނިކުތް އިރު އެންމެން ސައިބޮއި ހަދައިގެން ތެދުވަނީއެވެ. އީލާމް ސައިބޮއެގެން ނިކުތީ ރަށުތެރެ ބަލާލާށެވެ. ގެއާ ދިމާލަށް ކުރިމަތިން އޮތް އަތިރިމަތީގައި އެއްވެސް މީހެއްގެ ހިލަމެއް ނެތެވެ. ފިނިއަށި ހުހަށް ހުރުމުން އީލާމް ގޮސް އިށީނދެލީ އޭނާގެ އަތުގައިވާ ވާހަކަފޮތް ކިޔާލުމުގެ މަގުސަދުގައެވެ.ފަހަތުން އައިސް މީހަކު އޭނާ އާއި ކައިރިއަށް ފުންމާފައި އެރުމުން އީލާމް ނުރުހިފައި ބަލާލީ އެއީ ޝާމް ކަން ނޭނގި ހުރެއެވެ. އީލާމް އަށް ހެވުނެވެ. ސާބަސް ޝާމްއަށް ، އަބަދުވެސް އުޅެނީ ތިހެން ލާނެއް ކޮށްތަ، އީލާމް އިސްނަގައި ވާހަކަ ދެއްކިއެވެ.ޝާމް  އާއެކޭ ބުނުމުގެ ގޮތުން ބޯ ޖަހާލިއެވެ. ” މަންޖެ ހާދަ އެކަންޏޭ މިތާ ތިނީ ، ސަމާސާ ރާގަކަށް ޝާމް ބުނެލިއެވެ. އީލާމް އެހާ  ދުވަސްކޮށްފައި ރަށަށް އައުމުން ، ރަށް ބަލާލަން ދިއުމަށް ޝާމް އެދުނެވެ. އީލާމްވެސް މަޖާވެލާފައި ޝާމް ފަހަތުން ހިނގަމުން އެކި ވާހަކަ ދައްކަމުންދިޔައެވެ. ވަލުތެރޭގައިވާ ތިން ކުރި އިންނަ ރުށް ދައްކަން ޝާމްގެ ފަހަތުން އީލާމް ހިނގަމުންދިޔައިރު ވަލަށް ވަންނަ މަގުގައި ހިކި ކަށިކެޔޮފަތް ގިނަކަމުން އީލާމް އަތުގައި ޝާމް ހިފާލިއެވެ. އަތުގައި ހިފައިގެން ދެމީހުން ހިނގަމުން ދިޔައިރު ޝާމް ވަރަށް ބޮޑު ވާހަކައެއް ބުނަން ބޭނުން ވާ ވާހަކަ ،އިރުއިރުކޮޅުން ބުނެލައެވެ. ނަމަވެސް އީލާމް އަހާ ކޮންމެ ފަހަަރަކު ފަހުން ދޯ އޭ ކިޔާފައި ވާހަކަ އޮޅުވާލައެވެ.

މަދު ދުވަސްކޮޅެއްގެ ތެރޭގައި ދެމީހުންގެ ދެމެދުގައި ވާ ގުޅުން ބަދަހިވެ އީލާމްއަށްވެސް  ރަށުގެ މާހައުލް އާއި މެދު ލޯބި ޖެހެން ފަށައިފިއެވެ. ރާފިޔާގެ އަޅާލުން ކުޑަކަމުން  އީލާމް ކިތަންމެ އިރަކު ބޭރުގަ އުޅުނަސް އެއީ އެހާ ބޮޑު ކަމަކަށް ނުވެއެވެ . ޝާމްއަކީ މީދޫ ކުއްޖަކަށްވިޔަށް އޭނާ ދިރިއުޅެނީ މާލޭގައެވެ. އީލާމްގެ މާ ބޮޑު ކަންތައްތަކެއް ޝާމްއާއި ހިއްސާ ނުކުރިޔަސް އީލާމްއާއި  ޝާމްއާއި ދެމެދު ހާއްސަ ގުޅުމެއް ވަނީ އުފެދިފައެވެ.

ކޮންމެ ރެއަކުވެސް ބޭރަށް ނިކުންނަ ފަދައިން، މިރޭވެސް ގެއާ ދިމާލު އަތިރި މައްޗަށް އީލާމް ނިކުމެލީ ޝާމް އިންތިޒާރުގައި ހުންނާނެ ކަމުގެ އުއްމީދުގައެވެ.ޝާމްގެ ހިލަމެއް ނެތުމުން އީލާމް މިސްރާބް ޖެހީ ފިނިއައްޓާއި ދިމާލަށެވެ. ނަމަވެސް ވެލިގަނޑު މަތިން ހިތެއްގެ ބައްޓަމަށް އުއްބަތި ދިއްލާފައިވުމުން އީލާމަށްވެސް އެދިމާލަށް ހިނގައިގަނެވުނީ ދެންވާން މިއުޅެނީ ކީއްކަން ނޭންގިހުރެއެވެ. އެހިސާބުގައިވެސް މީހެއްގެ ހިލަމެއް ނެތް އިރު އީލާމްއަށް ފަހަތަށް ބަލާލެވުނީ އޭނާއަށް ޝާމް ގޮވާލި އަޑު އިވިގެންނެވެ. އީލާމް ކައިރީ ޝާމް ހުއްޓިގެން ހުރިއިރު އޭނާގެ އެއްކަކޫ ބިންމަތީ ޖައްސާލާފައި ފިނިފެންމާ ދިއްކޮށްލަމުން ބުންޏެވެ. ” އީލާމް ވިލް ޔޫ ބީ މައި ގާރލް  ފްރެންޑް”.

މިވާހަކައިގެ ދެންއޮތް އެޕިސޯޑުގެ ލިންކު ކޮމެންޓް ސެކްޝަންގެ ތިރީގައި ވާނެއެވެ.

Comments (12)

  1. Chakoe

    This is getting more n more interesting.. dhen vaany kihine baa.. 🙂

  2. Alhi

    Varah salhi when is the next part .. Can’t wait .. 🙂

  3. Imtoa?

    me 3rd…varah salhi storie?

  4. Zuam

    Varah reethi. … waiting for the next part. …❤❤❤❤

  5. Shin

    Salhi.. When next part…

  6. ???

    Hmm salhi vvv salhi ??bt haada kurey pls digykolachley ?

  7. Adam

    MAA edhinee jinni kanneyge v salhi vaane hen heevey

  8. Baby

    Xeesh … thankolheh dhigukoh genes dheeba next part. ….. haadha avahakah propose kury..???? salhi ingey…. waitingss…. gud luck xeesh

  9. Love?

    Hahahah r meedhoo aky kuda kuda rashekey??lol …kihaa wareh weematha bodu kamah waany n hiyaalee story eh wiyas hageegathah dhw liyah waany meedhooga thibunaa kashikeyo gasthakeh huri kamehwes neynge???

    1. Xeesh
      Love?

      mee hiyalee vaahakaeh . 🙂

  10. liyuntheriyaa,,

    vaahaka foteh nugendhey…kuhliakah vaahka foteh liyankan engun??????
    Vaahaka eh kamun hurihaa bahehves dhivehibahun liyun eiee varah muhimmu kameh(bunaa bas tah e bunaa gotah ehenbahakun nama komaa koalhi beynun kohfa liyunkamugavias)

    heekuran ragalhu kohllaane kamah..

  11. sandhura virey

    Reethi vaahakaeh , hiyalee vaahaka eh veema thedhu mauloomaathu liyaakah nujehey . when next part

Comments are closed.