މަލާކް…13ވަނަބައި

ފަތިހުގެ ރަންދޯދިތަށް ބިމަށްއެޅެެމުން އަލިކުރަމުން އައިރު ބިންޔާ އަވަދިނެތި އުޅެމުންދިޔައީ އަވަހަށް ނަމާދު ކޮށްލެވޭތޯއެވެ. ރޭގައި އެހާވަރަށް ފޯންއެލާމްކުރުމުން ވެސް ހޭނުލެެވުނީއެވެ. “ބޭބް.. ބޭބް.. އަދިވެސްނުހޭލަނީތަ.. ” ބިންޔާގެ ކޮޓަރީގައި ޓަކިދެމުން ޖަޒްލާންގޮވާލިއެވެ. “ނޫނޭ މިނިކުންނަނީ.. ދެންމެގަ ހޭލެވުނީ.. ” ޖަޒްލާންއަށް ގޮވާލެވުނީ ބިންޔާ ސަލާމްދިންތަނާ އެކުހެން ވުމުން އަވަހަށް ޖަވާބުދިނެވެ. ޖަޒްލާން ހެމުން ހެމުން އަވަހަށްގޮސް ސޯފާގައި އިށީންދެލީ އަދި ނިކުންނަން އިރުނަގާނެކަން އިނގޭތީއެވެ.

ސޯފާގައި ވާހަކަފޮތަކަށް ގެއްލިފައި އިން މިޝާ ސިހުނީ ފަހަތުންއައިސް މަލާކް ކޮއްޓާލުމުންނެވެ. ކިޔަންއިނީ ބިރުވެރި ވާހަކައަކަށްވުމުން ވަގުތުން ފޮތްވެސް ދިޔައީ މާދުރަށް ވިއްސައިގެންނެވެ. އެއާއެކު މަލާކް އަށް ބާރަށް ހޭންފެށުނީ އަބަދު ކަރަންޓްޖެހިގެން އުޅޭހެންނޭ ކިޔާ ކުޑާ އަށް މިފަހަރު އެކަހަލަގޮތެއް ވުމުންނެވެ.

ކޮޓަރިން ނިކުތް ބިންޔާހުރީ ވަރަސް ނަލަހެދިލައިގެން ކަމުން ޖަޒްލާން ވަގުތުން ފޯނުގައި އެތަސްވީރު ރައްކާކޮއްލިއެވެ. “ހިނގާދާން.. ” ބުނެ ދެމީހުން އެކީގައި ބޭތަށް ނިކުތީ އަވަހަށް ގަޑިއަށް ދިއުމަށެވެ. މިއަދަކީ ބިންޔާގެ އެންމެފުރަތަމަ ޓެސްޓް އޮންނަދުވަހަށް ވުމުން ހިތްހަމަޖައްސާލަން ބޭރުން ބްރޭކްފާސްޓް ނަގައިގެން ދާން އެމީހުންކުރިންވަނީ ރާވާފައެވެ.

މަލާކް ބަނޑުގައި އަތްއަޅައިގެން އޮވެ ހޭތަންފެނުމުން މިޝާވެސް މަލާކްއާއި ބައިވެރިވެ ހޭންފެށީ ވީގޮތް ރަނގަޅަށް ފަހުމްވުމުންނެވެ. އެވަގުތު ކޮޓަރީގައިއުޅެފައި ނިކުތް މައިޝާއަށްވެސް އެވާހަކަ ކިޔާދީފައި ތިން ކިދިން އެކީގައި އެސަކަރާތުގައި ބައިވެރިވިިއެވެ. “އައްސަލާމްއަލައިކުމް.” ތިންކުދިންގެ ސަކަރާތްޖެހުމަށް ހުއްޓުމެއް އައީ މީހަކު ސަލާމްގޮވާލި އަޑުއިވުމުންނެވެ. “ވައަލައިކުމް ސަލާމް އަހަށް ބޭބެތޯ އަވަހަށް ދުރުވޭ އެތެރެއަށް.. އަޅުގަނޑު އެބައަންނަން ބައްޕައަށް ގޯވާލާފަ.. “ދޮރުމަތީގައި ހިނިތުން ވުމަކާއެކުގައި ހުރި ސަމީހުފެނުމާއެކު މައިޝާ އަވަހަށް ވާހަކަ ދެއްކިއެވެ. ސަމީހުފެނުމާއެކު މަލާކް އަށް އެހެންފަހަރުތަކާ ހިލާފަށް މިފަހަރު ލަދުވެތިކަން އިހްސާސްކުރެވުމުން އިސްޖަހާލާ ދެއަތް ދެއަތާ މޮޑެވެން ފެށުނީ އެއްވެސް އިހްތިޔާރަކާއި ނުލައެވެ. މިމަންޒަރު ފެނި މިޝާ އެތެރެ އެތެރެން ހީލަ ހީލާއިނީ ވާނުވާއެނގުމުންނެވެ. “މަލްކޮ.. ދޭބަލަ ބައްޕަ ދުރުވަން ވާއިރަށް ބޭބެއަށް ފިނިއެއްޗެއް ގެނެސްދޭން.. ކުޑާއެބައަންނަން ކޮޓަރިއަށް ވަދެލާފަ.. ” މިޝާ ހަމަ ގަސްދުގަ މަލާކްއާއި އެކަން ހަވާލުކުރީ ފޮޓޮއެއް ނަގާ ޝަމާލްއަށް ފޮނުވާލަން ބޭނުންް ވެފަ ހުރީމައެވެ. ޝަމާލް ވަނީ އަރޫން އާއި މަލާކްގެ ވާހަކަ މިޝާއާއި ހިއްސާކޮށް އެއްކަމެއް އަދި އެހެން މީހަކަށް ނޭންގުމަށް އަންގާފައެވެ. މަލާކްއަށްވެސް އެކަން ނޭންގޭގޮތަށެވެ.

އާދައިގެމަތިން ދުވަސްތަށް އަމާާންކަމާއި އޮމާންކަން މަތީގައި ހިންގަމުންގޮސް މަލާކްގެ އޯލެވެލްފެށުމާއެކު ކުރިއަށް ވުރެ ބުރަވެ ލިބޭވަގުތުކޮޅު ކުޑަވާންފެށިއެވެ. އަރޫން ގުޅާލާގިނަފަހަރު މާހިލްއާއެކުގައި ކިޔަވަނީކަމަށް ލިބޭ ޖަވާބު އިތުރުވަމުންދެއެވެ. ކިތަންމެ އެއްޗެއް ހިތަށްއެރިޔަސް އެއްޗެކޭނުބުނެވޭތޯ އަރޫންބަލަނީ މަލާކްއަށް މިދުވަސްކޮޅު މުހިތްމުވާނެކަން އެނގޭތީއެވެ. ވުމާއެކު ހިތުގައިވާ ހުރިހާ ޝަކުވާތަކެއް ހިންދާލަނީ އެކަން ހިތަށް ގެންނަމުންނެވެ. ހަމައެގޮތަށް ކުރިޔަށް އޮތްހަފްތާގައި އަރޫންމެންވެސް ޓެސްޓަށް ދާންޖެހޭތީ ވެސް މެއެވެ.

3މަސްފަސް..

ހުރިހާމީހުންގެ މޫނުމަތިންވެސް ފެންނަމުންދިޔައީ އުފާވެރިކަމެވެ. “ދެން މިއިއުލާންކޮށްލަނީ އެއްވަނަދަރަޖައިގައި ފާސްވެފައިވާ ދަރިވަރުންގެ ނަންތަށް.. މިދަރިވަރުވަނީ ނޭޝަނަލް ޓޮޕްޓެންގެ އިތުރުން ބިޒްނަސް ސްޓަޑީޒް, އިންގްލިޝް އޭޒް އަ ސެކަންޑްލޭންގްއޭޖް އިން ދުނިޔޭއިން އެއްވަނަ އަދި މެތެމެޓިކްސް., އެކައުންޓް އިންވެސް އޭ ސްޓަރ ހޯދާފައި.. އައިޝަތު މަލާކް.. ” ނަން އިއުލާން ކޮށްލުމާއެކު މަލާކްއަށް ހުރެވުންތަންވެސް ނޭންގުނެވެ. އުފަލުން ގޮސް މުޅިމީހާ ހުރީ ފިނިވެފައެވެ. ނަމަވެސް މަލާކް މާމަތިން ފާސްވުމުން މާހިލްގެ މޫނުމަތި ބަނަވެގެން ދިޔައެވެ. ހުރިހާދުވަހު އެކީގައި ކިޔެވުމުން ލިބުނުމޮޅެއްނެތެވެ. މާހިލްއަށް ލިބުނީ ޓޮޕްޓެންގެ ދެވަނައެވެ. ހިތުގައިވީ ހަސަދައާއި ރުޅީގެ އަލިފާންގަނޑު މިރޭ އިިތުރުވުން ނޫންގޮތެއްނުވީއެވެ. ސްޓޭޖްގައި ފަހްރުވެރިކަމާއެކު ހިނިތުންވެގެން ބަލަން ހުރި މަލާކް އަށް އެތަށް ބައެއްގެ ހެޔޮދުއާއާއި ހިނިތުންވުން ރައްދުވަމުންދާއިރު ޖަލްސާގައި މަލާކްގެ އެކާމިޔާބީއަށް ހަސަދަވެރި ވެފައިވާ ދެމީހަކުވެސް ވިއެވެ. މަލާކްއަށް ބިޒްނަސް އިން ދުނިޔޭގެ އެއްވަނަ ލިބިމުން ސްކޯލަޝިޕްއެއްގައި ކިޔަވަންދިއުމުހެ ފުރިސަތު ލިބުންވީ އޭނާއަށް ލިބުން އެންމެ ބޮޑުހަދިޔާއަށެވެ. ނަމަވެސް ދާންއޮތީ އާއިލާއާއި ލޯބިވާ އަރޫން އާއިވެސް ދުުރަށެވެ.

މިވާހަކައިގެ ދެންއޮތް އެޕިސޯޑުގެ ލިންކު ކޮމެންޓް ސެކްޝަންގެ ތިރީގައި ވާނެއެވެ.