ޔަނާލް…!! (3)

އެއްއަތުން ދަބަހުގައި ހިފައިގެން އަނެއް އަތް ޖީބަށް ޖަހައިގެން މަޑު ހިނގުމެއްގައި ހިނގައިފައި ގެއަށް ވަންނަން އައި ޒާހިރަށް ހުއްޓެން މަޖުބޫރުވީ ފެނުނު މަންޒަރުއްނެވެ.ބަލަން ހުރެވުނީ ލޮލަށް އއމަންޒަރު ފެނުނަސް ހިތަށްގަބޫލު ނުކުރެވިގެއްނެވެ.ޒީން.. ޒާހިރަށް މަޑުމަޑުން ގޮވާލެވުނެވެ.ނަމަވެސް ފެނުނީ ޒީނިޔާ ފޮށި ހިފައިގެން ގެއިން ނުކުންނަން އައިތަނެވެ.ޒީން ކޮންތާކަށް؟… ޒީނިޔާ އަށް ރީއްޗަށް އެއަޑުއިވުނު ނަމަވެސް، ރަނގަޅަށް ވިސްނާލިނަމަ އެ އަޑުގައިވި ހިތްދަތިކަމާއި ރިހުން އިހުސާސްވީހެވެ.މަންމަމެންގެއަށް.. އެއަޑުގައިވި ރުޅިވެރިކަން އެނގި އިތުރަށް އެއްޗެކޭ ނުބުނެވެނީސް ޒީނިޔާ ދާން ހިނގައިގަތެވެ.
އެކަމުން ޒާހިރުގެ ހިތަށް ބަޔަަންކުރަންދަތި އަސަރެއް ކުރުވިއެވެ. މޭގައި އަތް އަޅުވާލެވުނީ އެހެންވެއެވެ.ލޯ ފޮހެމުން އެތެރެއަށް ވަދެގެން އައި ޒާހިރު އިސްޖަހައިގެން ހުއްޓަސް އެ ކަރުނަތައް ހައްވައަކަށް ސިއްރެއް ނުވިއެވެ.ހއްވައަކީ އޭނާގެ ބައްޕަގެ އިރުއްސުރެން އެގޭގެ މަސައްކަތު މީހެކެވެ.ހައްވަ ހުރީ ކާގޭގައި ފުޅި ތަކަކަށް ފެންއަޅާށެވެ.އޭނާއަކީ ވަރަށް މުރާލި،ހިތްހެޔޮ،ވިސްނުން ތޫނު މީހެކެވެ.ޒާހިރުގެ ހުރިހާ ކަމެއްހެން ބަލަމުން އައީ ހައްވަ އެވެ.އޭނާގެ ހތަށް އަރަމުންދިޔައެވެ. އަނެއްކާ ކިހިނެތްވީބާއެވެ.ޒީނިޔާގެ އެގެއިން އެ ދިޔައީ ވަރަށް ބޮޑުކަމެއް ވީމައެވެ.އަނެއްކާ ކިހިނެއްވީބާއެވެ.ޒާހިރުގެ ހާލުފެނި އެތައް ފަހަރަކު އެހަގީގަތް އޭނާއަށް ކިޔައިދޭންވެސް ހިތަށް އަރައެވެ.ނަމަވެސް އޭނާ އަލިމަނިކުގެ ވަސިއްޔތުގައި ހިފާނެވެ.
ޒާހިރު އޭނާގެ ތަނަވސް ބޮޑު ކޮޓަރީގެ ތެރެއަށް ވަނުމާއެކު،އޭނާޔާ ބައްދަލުކުރީ ހަމަހިމޭންކަމެވެ.ޓައީ ނައްޓާލަމުން ގޮސް އެނދުގައި އުއްޑުން އޮށޯތެވެ.ފަންކާގެ ފިޔަތަކަށް ނަޒަރު ހުއްޓައިލައިގެން އޮތް ޒާހިރުގެ ސިކުނޑި ވަނީ ވަރަށް ބަރުވެފައެވެ.އެސްފިޔަތަކުގައި ފަރުދާވެފައިވާ ކަރުނަތައް އެއްވެސް ހިފެހެއްޓުމެއްނެތި ކޯތާފަތުގާ ފިރުމަމުން ދެއެވެ.ދެ ލޯ މެރެމުންދިޔައިރު މަޑުމަޑު ގިސްލުމެއް ކޮޓަރިތެރެޔަށް ވެރިވެގެންދިޔަ އެވެ.،………..
ވަށައިގެން ވަނީ ވެލީގެ ހަނަފަސް ސަހަރާއެކެވެ. *ބައްޕާ! ދުރުން ކުއްޖެއްގެ އަޑުޖެހުނެވެ. ދުވެފައި 15ވަރަކަށް އަހަރުގެ ކުއްޖަކު އެދިމާޔަށް އަންނަތަން ޒާހިރުއަށް ފެނުނެވެ.*ބައްޕާ!ބައްޕަ ކޮންތާކަށްތަ ދިޔައީ…؟ބައްޕަ ޔަނާލް ދޫކޮއްލާފަ ކޮންތާކަށް ދިޔައީ؟.. އަޅެ އެމީހުން ވަރަށް އަނިޔާ ކުރޭ ވަރަށް ތަޅާ…  ބަލާލަބަލަ އެވަގުތު އެ ކުއްޖާގެ ހަށިގަނޑުގައިވި ޒަޙަމްތަށް އޭނާއަށް ފެނުނެވެ.އެ މައުސޫމް ފުރާނަ  އާދޭސް ކުރަމުންދިޔައީ އޭނާ ސަލާމަތްކޮށްދިނަށެވެ. ނަމަވެސް ޒާހިރު ޖެހިބުދެއްހެން ހުރީ ވާނުވާ ނޭނގިފައެވެ.އައިނައި ތަނެއްނޭނގި ބަޔަކު އައިސް އެކުއްޖާގެ އަތުގައި ހިފާ ދަމަމުން ޒާހިރާ ދުރަށް ގެންދަންފެށިއެވެ.ނޭނގޭ ސަބަބަކާހުރެ ޒާހިރުގެ ދެލޮލުން ކަރުނަ އޮހިގެންދިޔައެވެ.”ޔަނާލް!!”” ހަޅޭއްލަވައިގަނެފައި ވަށައިގެންވާ މާހައުލަށް ބަލާލިއެވެ. ފެނުނީހަމަހިމޭންކަންވެރިވެފައިވާ ކޮޓަރި އެވެ.ދެންމެ ފެނުނީ ހުވަފެނެއްކަން ޔަގީންވީދެނެވެ. އެއީ އަބަދުވެސް ފެންނަ ހުވަފެނެއް ނަމަވެސް އެ ހުވަފެނާ މެދު ވިސްނާލަން ޖެހުނީ މިއަދު އެމީހާގެ ވާހަކަތަކާ އެ ހުވަފެނާ ގުޅުން ހުރީމައެވެ.ޒާހިރަށް އެކަށްޗެއްވެސް ނުވިސްނެއެވެ. ވާނީވެސް އެހެންތާއެވެ.ހުވަފެނުގައި އެކުއްޖާވެސް އޭނާޔާ ވާހަކަދެއްކީ ބައްްޕަ ކިޔައިގެންނެވެ  އެއުމުރުގެ ކުއްޖަކަށް އޭނާގެ ބައްޕަ އޮޅިދާނެހެއްޔެވެ…ހިޔާލުތަކުން ބޯހާސްވާން ފެށުމުންޒާހިރު ނުކުތީ ފެންޑާޔަށެވެ.މަރުފަދަ ހިމޭންކަމުގެ ތެރެއިން އިވެނީ ހަމައެކަނި ފާރުގއި ހުރި ގަޑީގެ އަޑެވެ.ޒާހިރު ގޮސް ކުޑަދޮރުކައިރިޔަށް ހުއްޓުނެވެ.ކުޑަދޮރާ ގާތްވުމުން ހައްވަ ކޮޓަރިން ރޭޑިޔޯގެ އަޑު އިވިގެން ދިޔަ އެވެ.އަނނަނީ ދިވެހި ލަވައެކެވެ. އެވަގުތު ޒާހިުގެ ހިތަށް އެރިއެވެ.ޝާއިރުންވެސް މޮޅީއެވެ. އެ ލަވަ ހީވަނީ އޭނަޔަށް އަމާޒުކޮށް ހަދާފައިން ލަވައެއްބާއެވެ….. .. *އެކަނިވެރިކަން..ވަށައިގެން ފެންނަމުންދޭ.. ހަނދުގެ އަލިކަން ހަނދުވެސް ފަނޑުވަމުނދޭ މާޒީގެ ފުންހަނދާންތައް ގެނުވަމުންދޭ… ހިތިމި އަސަރުން ހިތާމޭ ރޮއްވަމުންދޭ…މާޒީގެ ފުން ހަނދާންތައް ގެނުވަމުންދޭ…………މީ މިހިތުގެ ޝަކުވާއޭ…މާފު ނުކުރާނަން މިތުރާއޭ…ދީފަދިޔައިމާ އަނިޔާއޭ…… ޒީނިޔާ ދިޔުމުން ހަގީގަތުގައިވެސް އޭނާ ހުރީ ވަރަށް ދެރަވެފައެވެ.                    ހިތަށް ހަމަޖެހުމެއް ލިބޭނީ ކޮން ދުވަހަކުންބާއޭ ޒާހިރުގެ ހިތަށް އެރިއެވެ.. އެވަގުތު އޭނާގެ ފޯނު ރިންގްވި އަޑު އިވުނެވެ. ގުޅީ ހޮސްޕިޓަލުންނެވެ.އެކްސިޑެންޓެއްވެ އެމެޖެންސީގައި ކުއްޖަކު ގެނައި ވާހަކައެވެ. ވަގުތުން ޒާހިރު ދިޔައީ ހޮސްޕިޓަލަށެވެ.އެމަޖެންސީ ރޫމްގެ ދޮރު ހުޅުވާލައިފައި ވަން ޒާހިރަށް އެނދުމަތި ކުރެވިފައިވާ މީހާފެނުނެވެ. އެހެންކަމުން ޒާހިރު އޭނާގެ މަސައްކަތފެއްޓިއެވެ.އެ ޒުވާނާގެ ބޮލަށް ވަރަށް ބޮޑަށް އަނިޔާވެފައިވެއެވެ. ޑަކުޓަރުންގެ ހާއްސަ ޓީމެއް ވަށައިލައިގެން ތިބެ ދެގަޑިއިރުގެ އޮޕަރޭށަނެއް ކާމިޔާބު ކުރެވިއްޖެއެވެ. އެ ޒުވާނާގެ ސިކުނޑިން ބޮޑުބައެއް ދުޅަވެފައި ވުމުން ހަނދާނުނވަންީ ބޮޑުބައެއްވަނީ ފޮހެވިފައެވެ. އެރޭ އެކަމުން ނިމިގެން ޒާހިރަށް ގެއަށް އާދެވުނީ ގަޑިން ބަރާބަރު 3.45ހިނގި އިރުއެވެ.     ދުވަހަކަށްވުރެ ދުވަހެއްދާލެއް އަވަސްހެން ހީވެއެވެ.މާޔޫސްކަމުގައިވި ޒާހިރު އިތުރަށް މާޔޫސް ކުރުވީ ފިހިގެން ގެނައި ކުއްޖާ މަރުވި ޙަބަރު ލިބުމުންނެވެ. ތަގުދީރުގައިވާގޮތެއް ބަދަލެއް ނުކުރެވޭނެތާއެވެ.