“ބާޓާ – އެސްފިޔަ ދީނީ ކުރުވާހަކަ މުބާރާތް 1438” އަކީ 1438 ވަނަ އަހަރުގެ ރޯދަ މަހާއި ގުޅުވައިގެން އެސްފިޔަ.ކޮމް އިން ކުރިއަށް ގެންދާ ކުރުވާހަކަ މުބާރާތެކެވެ. މިބުރާތުގެ މަޤްޞަދަކީ ދިވެހި އަދަބިއްޔާތާއި، ދިވެހިބަހުން ކުރުވާހަކަ ލިޔުމަށް މީހުން އިތުރަށް ޝައުޤުވެރި ކުރުވުމާއި، އެރޮނގުން ކުޅަދާނަ ލިޔުންތެރީންތަކެއް އުފެއްދުމާއި، ދިވެހިބަހުން ލިޔެފައިވާ ފެންވަރު ރަނގަޅު ދީނީ ކުރުވާހަކަތަކެއް ދިވެހި ދަރީންނަށް ލިބިދިނުމެވެ. މިމުބާރާތުގެ ވަނަތަކާއި ވަނަ ހޮވޭގޮތްތައް އަދި މުބާރާތުގެ ޤަވާއިދު ތިރީގައި އެވަނީއެވެ.

މިމުބާރާތަށް ވާހަކަ ހުށައެޅުމަށް މި ލިންކް ބޭނުންކުރައްވާ.

އެސްފިޔަ ކުރުވާހަކަ މުބާރާތް 1438ގެ ފޭސްބުކް އިވެންޓް

ވަނަ ހޮވޭ ގޮތް:

މިމުބާރާތުގެ ވަނަ ހޮވުމުގައި ބެލެވޭ ކަންތައްތައް ތިރީގައި މިވަނީއެވެ.

ވާހަކައިގެ މަޤްބޫލްކަން ( %40 )
ޖަޖުންގެ މާރކްސް ( %60 )
ވާހަކައިގެ މަޤްބޫލްކަން ވަޒަން ކުރުމުގައި ބެލެވޭނީ ތިރީގައިވާ ކަންތައްތަކަށެވެ.
* ފޭސްބުކް ލައިކްއާއި ޝެއާރ – (ކޮންމެ ހިއްސާކުރުމަކަށް 2 ޕޮއިންޓް)
ފޭސްބުކް ލައިކްއާއި ޝެއާރކޮށްގެން ޕޮއިންޓް ލިބޭނީ އެސްފިޔަ ވެބްސައިޓް “esfiya.com” ނުވަތަ “އެސްފިޔަ”އިގެ މޮބައިލް އެޕްލިކޭޝަން މެދުވެރިކޮށް ކުރާ ލައިކްއާއި ސެއާރ އަށެވެ.

ހ. މި މުބާރާތަށް އިންސާފުކުރާނީ “އެސްފިޔަ”އިން ކަ ނޑައަޅާ ފަނޑިޔާރުންގެ ކޮމެޓީ އަކުންނެވެ.
ށ. ފަ ނޑިޔާރުންގެ ކޮމިޓީން ނިންމާ ނިންމުމަކީ އެންމެ ފަހުގެ ނިންމުމެވެ.

މުބާރާތުގެ ޤަވާޢިދު

• މިމުބާރާތަށް ވާހަކަ ހުށައެޅުމަށް ހާއްޞަ ކުރެވިފައިވާ ސަފްހާ މެދުވެރިކޮށް ހުށައަޅާފައިވާ ވާހަކައަކަށް ވުން.
• ދީނީގޮތުން އިބްރަތެއް ނުވަތަ އިބުރަތްތަކެއް ހާޞިލްވާ ފަދަ ވާހަކައަކަށް ވުން.
• އެސްފިޔައިގެ އާއްމުގަވާއިދާއި އެއްގޮތަށް ލިޔެފައިވާ ވާހަކައެއް ކަމުގައިވާން ޖެހޭނެއެވެ.
• ހުށައަޅާ ވާހަކަ ވާންވާނީ 1000 (އެއްހާސް) ލަފްޒާ 2500 (ދެހާސް ފަސްސަތޭކަ) ލަފުޒާ ދެމެދުގެ ދިގުމިނެއްގެ ވާހަކައަކަށެވެ.
• ހުށައަޅާ ވާހަކައަކީ ސިލްސިލާ ވާހަކައެއް ކަމުގައި ވެގެން ނުވާނެއެވެ.
• މިމުބާރާތަށް ހުށައަޅާ ވާހަކަ އަކީ މީގެ ކުރިން ޝާއިޢުކުރެވިފައިވާ ވާހަކައަކަށް ވެގެން ނުވާނެއެވެ. އަދި މިމުބާރާތް ނިމުމުގެ ކުރިން، މިމުބާރާތަށް ހުށައަޅާ ވާހަކަ އެހެން އެއްވެސް ތަނެއްގައި ޝާއިޢު ކޮށްގެން ނުވާނެއެވެ.
• ކުރިން ޝާއިޢުކޮށްފައިވާ އެއްޗަކުން ބޮޑުބައެއް ނަގައިގެން ލިޔެފައިނުވާ، އަދި އެހެން މުބާރާތަކަށް ހުށަހަޅައިފައިވާ އެއްޗަކުން ބޮޑުބައެއް ނަގައިގެން ލިޔެފައިނުވާވާހަކައަކަށް ވުން.
• ތިރީގައި މިވާފަދަ ވާހަކައެއް ލިޔެފައި ނުވާ ކުރުވާހަކައަކަށް ވުން.

o އިސްލާމްދީނާއި ދިވެހިރާއްޖޭގެ ޤާނޫނާ ޚިލާފުވާފަދަ ވާހަކަ.
o އަދަބާ ޚިލާފުވާފަދަ ވާހަކަ.
o އެއްވެސް މީހެއްގެ އަބުރާބެހޭ ވާހަކަ.
o ޒާތީގޮތުން މީހެއްގެ ކަރާމާތަށް ގެއްލުން ލިބިދާނޭ ފަދަ ވާހަކަ.
o މުޖުތަމަޢުގެ އަޚްލާޤީ މިންގަނޑުތަކާއި ހަމަތަކާ ޚިލާފުވާފަދަ ވާހަކަ.
o މުޖުތަމަޢުގައި ބައިބައިވުން އުފެދިދާނޭ ފަދަ ވާހަކަ.

• މުބާރާތުގައި ބައިވެރިވާ ވާހަކަ ލިޔުންތެރިން، އެލިޔުންތެރިއެއްގެ ޕްރޮފައިލް ޞަފްހާގައިވާ ގުޅޭނެ ފޯނު ނަމްބަރު ފުރިހަމަ ކުރަން ވާނެއެވެ. މިމަޢުލޫމާތުތަކަކީ އާއްމުކޮށް ޝާއިޢު ކުރެވޭނެ އެއްޗެއް ނޫނެވެ.
• މިމުބާރާތަށް ހުށަހަޅާ ވާހަކަތައް ބޭނުންކުރުމާއި، “އެސްފިޔަ”އިން އަލުން އެއެއްޗެއް ބޭނުން ކުރުމާއި، އެހެންފަރާތްތަކާއި ހިއްސާ ކުރުމާއި، ޕަބްލިޝް ކުރުމުގެ ފުރިހަމަ ބާރާއި ޙައްޤު “އެސްފިޔަ” އަށް ލިބިގެންވެއެވެ.

ވާހަކަ ލިޔުމަށް ހުޅުވާލެވިފައިވާ މުއްދަތު

• ފެށޭ ދުވަސް :27 މެއި 2017
• ނިމޭ ދުވަސް :30 ޖޫން 2017
• ވާހަކަތަކަށް ލައިކްއާއި ޝެއާރ ކުރުމުގެ ސުންގަޑި:
* 05 ޖުލައި 2017ގެ ނިޔަލަށް.

މުބާރާތުގެ ވަނަތަކާއި އިނާމް

1 ވަނަ އިނާމް

4000 ރުފިޔާގެ ފައިސާގެ އިނާމް
ޕޮއިޒް ޕާރފިއުމް އިން ހުށައަޅާ ގިފްޓް ވައުޗަރ
ސައިކޮމް ޓިއުޝަން ސެންޓަރުން ހުށައަޅާ 6 މަސް ދުވަހުގެ ކޯހެއް

2 ވަނަ އިނާމް

2500 ރުފިޔާގެ ފައިސާގެ އިނާމް
ޕޮއިޒް ޕާރފިއުމް އިން ހުށައަޅާ ގިފްޓް ވައުޗަރ

3 ވަނަ އިނާމް

1500 ރުފިޔާގެ ފައިސާގެ އިނާމް
ޕޮއިޒް ޕާރފިއުމް އިން ހުށައަޅާ ގިފްޓް ވައުޗަރ

* މީގެ އިތުރުން މިމުބާރާތުގެ އެންމެހާ ބައިވެރިންނަށް ހަނދާނީ ލިޔުމެއް ދިނުމަށް ހަމަޖެހިފައިވާ ވާހަކަ ދަންނަވަމެވެ. އަދި ވަނަ ތަކަށް ހޮވޭ ވާހަކަތައް ހިމެނޭ މަޖައްލާއެއް ނެރުމަށް ވެސް ވަނީ ހަމަޖެހިފައެވެ.

މިފުރުސަތުގައި އެސްފިޔައިގެ ލިޔުންތެރިންނާއި ކިޔުންތެރިން އެސްފިޔައަށް ދެއްވާ ތަރުހީބަށް ޝުކުރުވެރިވަމެވެ.

 ރަމަޟާން މުބާރިކް..!!!