ﷲ ހެއްދެވި ހުރިހާ އެއްޗެއްގައި ވެސް މަޤްޞަދެއްވާނަމަ އޭނަ ދުނިޔޭގައި އެއްވެސް މަޤްޞަދެއް ނެތި މިހިރީ ކީއްވެ ހެއްޔެވެ؟ އެ ސުވާލު އަޒާންގެ ހިތަށް ފުރަތަމަ ފަހަރަށް ވެރިވިއެވެ. ހަމަ އެއާއެކު އެ މަޤްޞަދަކީ ކޮބައިތޯ ވެސް އޭނަގެ ހިތަށްއެރިއެވެ. ފުން ވިސްނުމެއްގެ ތެރެއަށް އަޒާން ގެއްލެން އުޅެނިކޮށް އޭނަގެ ކޮޓަރީގައި މީހަކު ޓަކި ދިން އަޑު އިވުނެވެ. ހިސާބެއްގެ ޙައިރާންކަމަކާއެކީ އަޒާނަށް އެ ދޮރާއި ދިމާލަށް ބަލާލެވުނީ އެއީ އައިމަންކަން ޔަޤީންވުމުންނެވެ. އައިމަން ދެވަނަ ފަހަރަށް އޭނަ ހޯދަން އައުމަކީ ވަރަށް ނުވާކަމެކެވެ. ބޮޑު ކަމެއްވިއްޔޭ ހިތައި އަޒާން ގޮސް އެ ދޮރު ހުޅުވާލިއެވެ.
“ފޯ ޔޫ.” ދޮރުމަތީގައި ހުރި އައިމަން އަޒާނަށް ދިއްކޮށްލީ ލަންބާލެވިފައި އޮތް ބާ ގަނޑެކެވެ. އެ ގަނޑުގައި އެއްޗެއް ލިޔެވިފައިވިކަން ބޭރުފުށުން ވެސް އަޒާނަށް ނަގައިގަނެވުނެވެ. އަޒާން އަޖާއިބުވެފައިހުރެ އެ ގަނޑު ހޯދި ތަނާހެން އައިމަން ތުން ފިއްތާލަމުން ދާން ހިނގައިގަތެވެ. އަޒާން އޭނައަށް ބަލަން ހުރެ ދޮރު ލައްޕާލަމުން ގޮސް އެނދުމަތީގައި އިށީނެވެ. އެއަށްފަހު ލަސްލަހުން އެ ގަނޑު ހުޅުވާލިއެވެ. އެއާއެކު އޭނަގެ މުޅި ގައިން ހީބިހި ނަގައިގެން ދިޔައެވެ. މި ހުރިހާ ދުވަހު އޭނަ އެ އެއްޗެހިން “ފިލަމުން” ދިޔަ ޤުރުއާނުގެ އާޔަތްތައް ނުހަނު ގާތުން އޭނައަށް ފެނިގެން ދިޔުމުންނެވެ. އާދައިގެ މަތިން އަޒާނަށް އެ ގަނޑު ލައްޕާލެވެން އުޅުނެވެ. މިއީ އޭނައަށް އެކަނި ކުރެވޭނެ ކަމެއް ނޫންކަމަށް އޭނަގެ ހިތް ބުނަން ފެށީތީވެއެވެ. ނަމަވެސް މިއަދު ހުދާއާއި އޭނައާއި ދެމެދު ކަންތައް ވީގޮތް ހަނދާންވެފައި އޭނަ ކައިރިއަށް ދެން އަންނާނީ ކާކުތޯ އަޒާންގެ ހިތަށްއެރިއެވެ. ހަމަ އެއާއެކު އޭނައަށް އެ ޞަފްޙާއާއި ދިމާލަށް ނަޒަރު ހުއްޓާލެވުނެވެ. މި އާޔަތްތަކުން އޭނަގެ ޙަޔާތަށް ކޮންމެ ފަދަ ބަދަލެއް އަޔަސް އެ ހިތްވަރާއެކީ އެ ބަދަލާއި ކުރިމަތިލާން ޢަޒުމް ކަނޑައަޅަމުން އަޒާން އޭތި ކިޔަން ފެށިއެވެ. ފުރަތަމަ ފެނުނު އާޔަތުން ވެސް ހިތްތަކަށް ހަމަޖެހުން ލިބޭނީ ﷲ ގެ ހަނދުމައިންކަން އެނގުމުން އަޒާންގެ މެއަށް ގޮތެއްވިއެވެ. އެހެނަސް އެއާއިމެދު ވިސްނަން ފެށުމުން އޭނަ ހިސާބަކަށް ޙައިރާންވިއެވެ. އައިމަން ފަދައިން އޭނައަށް ވެސް “ﷲ ހަނދުމަކުރުން” ސިފަވެގެން ދިޔައީ ހަމައެކަނި ދުލުން ކިޔޭ ކިޔުންތަކެއްގެ ގޮތުގައެވެ. އެހެނަސް އެއީ ހަނދުމަކުރުންތޯ އަޒާންގެ ހިތަށްއެރިއެވެ. ދުލުން އެއްޗެއް ކިޔުނަސް ހަނދުމަ ނުކުރެވި ހިނގައިދާނެ ނޫންހެއްޔެވެ؟ ދުލުން އެ ކިޔުންތައް ކިޔޭއިރު އޭގެ މާނަތަކާމެދު ވިސްނެންޖެހޭތާއެވެ. އެ ހިނދު ނަމާދަށްފަހު ކިޔޭ ބައެއް ޒިކުރުތައް ހަނދާންކޮށް އޭގެ މާނަތަކަކީ ކޮބައިތޯ އަޒާންގެ ހިތަށްއެރިއެވެ. އެ ވަގުތުން ވަގުތަށް ވެސް މާނަތައް ދެނެގަންނަން ބޭނުންވިއެއްކަމަކު އެ ޞަފްޙާއިން އެހެނިހެން ދިގު އާޔަތްތައް ފެނިފައި އަޒާން އެ އާޔަތްތައް ކިޔަން ފެށިއެވެ. އެއީ އާލު އިމްރާން ސޫރަތުގެ އާޔަތްތަކެވެ. ހިތާހިތުން އާޔަތްތައް ކިޔާލުމަށްފަހު އަޒާން މާނަވެސް ކިޔަންފެށިއެވެ. އެއާއެކު އޭނައަށް ނޭނގި އޭނަގެ ލޮލަށް ކަރުނަތައް ޖަމާވާންފެށިއެވެ. އޭނައަށް ހީވީ އެ އާޔަތްތަކުން ސިފަކުރެވެމުން ދަނީ ހަމަ އޭނަ ހެންނެވެ. އެ އާޔަތްތަކުން އެ ވާހަކަ ދައްކާ ފަރާތަކީ ދެންމެ އޭނަ ކުރިހާ ޚިޔާލުތައް ދެނެވޮޑިގެންވާ ފަރާތްކަން ޔަޤީންވީ ހިނދު އޭނަގެ ލޮލަށް ޖަމާވި ކަރުނަތައް ފައިބަން ފެށިއެވެ. އެ ފަރާތަށް އޭނަގެ އެ ޚިޔާލުތައް ސިއްރު ނުވިނަމަ އެ ފަރާތަށް އޭނަގެ އެއްވެސް އެހެން ޢަމަލެއް ސިއްރު ކުރެވިފައި ނުވާނޭކަން ޔަޤީންވީ ހިނދު އޭނައަށް ގިސްލެވެން ފެށިއެވެ. އެ އާޔަތްތަކުގެ ތަރުޖަމާ ކިޔައި ނިމުނުއިރު އަޒާނަށް ރަނގަޅަށް ރޮވެން ފެށިއެވެ. އޭނަ މި ހުރިހާ ދުވަހު މި އާޔަތްތަކާއި ދުރުގައިވީ ކީއްވެތޯ ބުނެ އޭނަގެ ހިތް ޝަކުވާ ކުރަން ފެށިއެވެ. އޭނަ މި އާޔަތްތަކާއި ހަމައަށް ދިޔުމަށް ކޮންމެވެސް އަންހެން ކުއްޖެއްގެ އެހީ ބޭނުންވާނެކަމަށް އޭނަ ހީކުރީ ފަހެ ކީއްވެހެއްޔެވެ؟ މިއީ އޭނަގެ ވެރި ރަސްކަލާނގެ ގެ ބަސްފުޅެވެ. އޭނައަށް ބޭނުންވާނެ އެހީއެއް އެކަލާނގެ ޙަޟްރަތުން ލިބޭނެ ނޫންހެއްޔެވެ؟ ހިތަށް ވެރިވަމުން ދިޔަ ޚިޔާލުތަކުން އަޒާނަށް ހުއްޓުމެއްނެތި ރޮވެމުން ދިޔައެވެ. އޭނަގެ ކަރުނަތަކުން އޭނަގެ އަތުގައި އޮތް ޞަފްޙާގެ ދެލި ވެސް ފޭދެން ފެށިއެވެ.
ޢަޞްރު ނަމާދަށް ބަންގި ގޮވަން ފެށީ އަޒާން އެހެން އިންދައެވެ. ހަމަ އެއާއެކު އޭނައަށް ރުއިން ހުއްޓާލެވުނެވެ. އަދި އާ ޢަޒުމަކާއެކީ ކޮޅަށް ތެދުވެ ވުޟޫކުރަން ދިޔައެވެ. ގެއަށް ނަމާދު ކުރަން ހިތަށް އެރުމުން ވެސް އޭނަ ޚިޔާލު ބަދަލުކޮށްފައި އަވަސް ފިޔަވަޅުތަކެއްގައި ގޭގެ ކައިރީގައި ހުރި މިސްކިތަށް ދިޔައެވެ. ތަކުބީރު ކިޔައި ހަޝަމް ބަނީއްސުރެ ހުއްޓުމެއްނެތި އަޒާނަށް ﷲ މަތިން ހަނދުމަކުރެވެމުން ދިޔައެވެ. އޭނައަށް ހިތާހިތުން ﷲ އާއި ވާހަކަ ދެކެވެމުން ދިޔައެވެ. އެ އާޔަތްތަކުގައި ވީ ފަދައިން ހަމަކަށަވަރުން ވެސް އެކަލާނގެ ނަރަކަ ވައްދަވައިފި މީހަކީ އެކަލާނގެ ނިކަމެތި ކުރެއްވި މީހެއްކަން އަޒާނަށް ތަކުރާރުކޮށް އަމިއްލަ ނަފްސުގާތު ބުނެވެމުން ދިޔައެވެ. މި ވޭތުވެ ދިޔަ ދުވަސްތަކުގައި ﷲ އަށް އުރެދުމަށް އޭނައަށް ކުރެވުނުހާ ކަންތަކުން އޭނައަށް މި ދުނިޔޭގައި ވެސް ނިކަމެތިކަމެއް ނޫނީ ނުލިބޭކަން އެނގުންވީ ހިނދު އަނެއްކާވެސް އަޒާނަށް ރޮވެން ފެށިއެވެ. އޭނައަށް ކުރެވުނު ކަންތައް ހަނދާންވެފައި އޭނައަށް އަމިއްލަ ނަފްސު ކުށްވެރިކޮށް އިންތިހާއަށް ލަދުވެތިވެވުނެވެ. އޭނަގެ އެ ފާފަތައް ފުއްސަވައިދެއްވުމަށް އެދި އޭނައަށް ދުޢާކުރެވުނީ ގިސްލަމުން ދިޔަ ޙާލުގައެވެ. އެހެނަސް ސަލާން ދިން ހިނދު އޭނަގެ ހިތަށް ވެރިވީ އާދަޔާ ޚިލާފު ހަމަޖެހުމެކެވެ. އެކަމާމެދު ޙައިރާންވީ ހިނދު އިންތިހާއަށް އުފާވެސްވިއެވެ.
އެދުވަހު ޖަމާޢަތުގެ ފުރަތަމަ ސަފުގައި ކުރި އެ ނަމާދުވެގެން ދިޔައީ އަޒާންގެ ޙަޔާތް ބަދަލުކޮށްލި ނަމާދަކަށެވެ. އެ ނަމާދުން ގެއަށް އައިސް އޭނަ ލަސްތަކެއް ނުކޮށް އޭނަ ގޯސްކޮށް ކޮށްފައި ހުރި ހުރިހާ ކަމެއް އިޞްލާޙުކުރަން ފެށިއެވެ. އެންމެ ފުރަތަމަ ކަމަކަށް ވެސް ފޭސްބުކަށް އޭނަ ލާފައި ހުރި ފޮޓޯ ރިމޫވްކޮށްލީ އެ ޢަމަލަށްޓަކައި އަމިއްލަ ނަފްސަށް މަލާމާތް ކުރަމުންނެވެ. އެއަށްފަހު ހުދާއާއި ހުދާގެ އެކުވެރިންނާއި ދެންވެސް އޭނަގެ ފްރެންޑް ލިސްޓުގައި ތިބި ލަދުކުޑަ ކަންތައް ޙިއްޞާކުރާ ހުރިހާ އެންމެން އަންފްރެންޑް ކުރިއެވެ. އެކަން ކުރެވުމުން ލިބުނު ހިތްހަމަޖެހުމާއެކީ އޭނަ ވަގުތުން ޤުރުއާނުގެ ތަރުޖަމާއެއް ސާޗްކޮށްލަމުން ސައިޓެއް ހުޅުވާލިއެވެ. އެއަށްފަހު އެންމެ ކޮޅުން ފެށިގެން އެ ތަރުޖަމާ ކިޔަން ފެށީ ކިޔާ ހިތުންނެވެ. ފާތިޙާ ސޫރަތުގައި ހިދާޔަތް ދެއްކެވުމަށް އޮތް ދުޢާ ފެނިފައި އޭނައަށް ހިތާހިތުން އޭނައަށް މި ފޮތުން ހިދާޔަތް ދެއްކެވުމަށް އެދި ދުޢާކުރެވުނެވެ. އޭނަގެ ވެރިރަސްކަލާނގެ ރުހުން ލިބޭނެ ފަދަ މަގެއް ދެއްކެވުމަށް އެދި ދުޢާ ކުރެވުނެވެ. އެ ދުޢާތަކާއެކީ އޭނަ ކުރިއަށް ކިޔަން ފެށީ އިތުރު ޖޯޝަކާއި އެކީގައެވެ.
ޤުރުއާން އުނގެނެން ފެށިތާ މާ ގިނަ ދުވަހެއްނުވެ އޭގެ އަސަރުތައް އަޒާންގެ ބޭރުފުށުން ފެންނަން ފެށިއެވެ. ހަމަ އެކަނި ތަރުޖަމާއިން ވެސް އޭނައަށް މި ދީނާއި މެދު އެނގެމުން ދިޔަ ވާހަކަތައް އޭނައަށް އައިމަނާއި ޙިއްޞާ ކުރެވެމުން ދިޔައެވެ. އަދި އައިމަން ގާތު ވެސް ނަމާދަށް ދާން އެދެވެން ފެށިއެވެ. އައިމަން ގަދަހަދަން އުޅުނަސް އަޒާން އޭނަ ދަމައިގެން ވެސް ނަމާދަށް ދާންފެށީ ބޭބެގެ ބަސްއަހަންވާނެކަމަށް ސަމާސާއެއްގެ ގޮތުގައި ބުނަމުންނެވެ. އައިމަން ނަމާދަށް ދަމުން ދިޔައީ އެ “ސަމާސާ”ގައި ބައިވެރިވުމަށެވެ. އެއްރެއަކު އަޒާން އޭނަ ކައިރީގައި ނަމާދަށް ހުރެ ރޯކަން އެނގުމުން އައިމަން އޭނައަށްޓަކައި ޙަމްދަރުދީވެ ވާހަކަ ދެއްކިއެވެ.
“ޑޫޑް އައިމް ސޮރީ.” މިސްކިތުން ނިކުންނަމުން އަޒާންގެ ކޮނޑުގައި އަތް އަޅާލަމުން އައިމަން ބުނެލިއެވެ.
“ކިހިނެއްވީ؟” އަޒާނަށް އަހާލެވުނެވެ. އައިމަން މާޔޫސީ ގޮތަކަށް ފުން ނޭވައެއް ދޫކޮށްލުމުން އަޒާން އިތުރަށް ޙައިރާންވިއެވެ.
“އަދިވެސް މިސްވޭދޯ ހުދާމަތިން؟ އައި ނޯ…..އެހެންވެ ދޯ ދެންމެ ރޮވުނީ؟” އައިމަން އެއްދިމާލަކަށް ނަޒަރު ހުއްޓައިގެން ހުރެ ބުނެލިއެވެ. އެއާއެކު އަޒާންގެ ކޮންޓްރޯލް ކުރެވުނު ހުނުމެއްގެ އަޑު އިވިފައި އައިމަނަށް އެދިމާލަށް ބަލާލެވުނެވެ. އަޒާނަށް އަނެއްކާވެސް އިޚްތިޔާރެއްނެތި ހީލެވުނީ އައިމަނަށް ހީވާ ހީވުމަކީ ޙަޤީޤަތާއި ކިހާ ދުރު ހީވުމެއްކަން އެނގުންވުމުންނެވެ. އޭނައަށް ދެންމެ ރޮވުނީ ކޮންމެވެސް ފިލްމެއްގައި ވާނެ ފަދައިން އަންހެން ކުއްޖެއްގެ ސަބަބުންނެއްނޫނެވެ. އޭނަގެ ޙަޔާތް އެއަށްވުރެ ފުރިހަމަވެފައި އުފާވެރިއެވެ. އޭނައަށް ރޮވުނީ ﷲ ތައްޔާރުކުރެއްވި ސުވަރުގޭގެ ވާހަކަތައް ދެންމެ އިވުނު އާޔަތްތަކުން އިވިގެން ދިޔުމުންނެވެ. އޭނަ މަސައްކަތް ކުރަމުން މިދަނީ އެ ނިމުމެއްނެތް އުފާވެރިކަމާއި ހަމައަށް ދިޔުމަށެވެ. ވީއިރު މިއަދު އޭނަ ހިތާމަކުރަންވީ ކަމެއް އެބައޮތް ހެއްޔެވެ؟ ހިތަށް ލިބުނު ހިތްހަމަޖެހުމާއެކީ އަޒާން އައިމަންގެ ކޮނޑުން އަތް ވައްޓާލަމުން ހިނިތުންވުމަކާއެކީ ބޯހޫރުވާލީ އައިމަނަށް ޖަވާބު ދިނުމަށެވެ.
ޙަޔާތް ބަދަލުވި ދުވަހުން ފެށިގެން އަޒާން ދެތިން ދުވަސްވަންދެން ސްކޫލަކަށް ނުދެއެވެ. ސްކޫލަށް ނު ދިޔައީ ވެސް ސާޖިދުމެންނާއި ކުރިމަތިލާން ޖެހިދާނެތީވެއެވެ. އެހެނަސް ޤުރުއާނުގެ އަލީގައި އޭނަ ﷲ ނޫން އެހެން އެއްވެސް ފަރާތަކަށް ބިރުގަންނަން ނުޖެހޭކަން ޔަޤީންވީ ހިނދު އޭނައަށް ދުވަހަކުވެސް ނުލިބޭފަދަ ހިތްވަރެއް ލިބުނެވެ. އެކަން އުނގެނުމަށްފަހު އޭނަ ސްކޫލަށް ދިޔައީ ކެރިގެންނެވެ. އިންޓަވަލް ގަޑީގައި ކޮރިޑޯ ތެރެއިން ސާޖިދުމެން ފެނިފައި އަޒާންގެ މެއަށް ފިނިވިއެވެ. އެމީހުން އޭނައަށް ކޮށްފާނެ އަނިޔާއަކަށް އޭނަ ހިސާބަކަށް ޖެހިލުންވިއެވެ. އެހެނަސް އޭނަގެ ރައްކާތެރިއަކީ ﷲ ކަން ހަނދުމަކޮށް އޭނަ ސާބިތުކަމާއެކީ ހިނގަމުން ދިޔައެވެ. އަޒާން ހީކުރި ގޮތާއި ޚިލާފަށް ސާޖިދު އޭނައާއި ހަމަކޮށްފައި އޭނައަށް އަނިޔާއެއް ނުކުރެއެވެ. ނަމަވެސް އޭނައާއި ދިމާލަށް ހުތުރު ބަސްތަކެއް ކިޔާލާފައި އޭނަ ފަހަނަޅައި ދިޔައެވެ. އެ ހިނދު ވެސް އަޒާނަށް ހިނިތުންވެލެވުނީ ނޭނގޭ ސަބަބަކާހުރެ އެ ބަސްތަކުން އޭނަގެ ހިތަށް އުނދަގޫ ނުވުމުންނެވެ. އުނދަގޫވާންވީ ފަހެ ކީއްވެ ހެއްޔެވެ؟ މީހަކު ބުނާ ބަހަކުން އޭނައަށް ﷲ ދެއްވާފައިވި ޤަދަރެއް ނުގެއްލޭނެއެވެ. ވީއިރު އެކަމާމެދު އޭނަ ކަންބޮޑުވާންވީ ކީއްވެ ހެއްޔެވެ؟ ހިތަށް ވެރިވި އެ ސުވާލުން އެކަނިހުރެ ވެސް އަޒާނަށް ހީލެވުނެވެ.
ﷲ ގެ ހަނދުމައިން އޭނައަށް ލިބެމުން ދިޔަ ހިތްވަރުން އޭނަ މިވާހަކަތައް އެހެން މީހުންނާއި ވެސް ޙިއްސާކުރަން އިންތިހާއަށް ބޭނުންވިއެވެ. އޭނައަށް ކިޔަވައި ދެމުންދާ މުސްލިމް ނޫން މުދައްރިސުންނަށް ވެސް މުސްލިމް ޒުވާނެއްގެ ފުރިހަމަ މިސާލު ދައްކަން ބޭނުންވިއެވެ. އެކަމަށްޓަކައި އޭނަގެ ފިލާވަޅުތައް ބަރާބަރަށް ނިންމައި ސްކޫލްގައި ވެސް ނަމާދު ވަގުތު ޖެހުމުން ކައިރީގައި ހުރި މިސްކިތަށް ނަމާދަށް ދާން ފެށިއެވެ. ނަމާދަށްދާ ކޮންމެ ފަހަރަކު މިސްކިތުން މަދުން ނޫނީ އޭނަގެ ޢުމުރުގެ ކުދިން ނުފެންނަ ގޮތުން އަޒާންގެ ހިތަށް އުނދަގޫވަމުން ދިޔައެވެ. އެކަން ބަދަލުކުރުމުގެ ރޫޙެއް އޭނަގެ ހިތުގައި އުފެދެން ފެށިއެވެ.
“އިޓްސް ޖަސްޓް ސޯ ފްރަސްޓްރޭޓިންގް! އަސްލު އަހަރުމެންނަށް ނޭނގެނީ މި ދީން ކިހާ ޕަވާރފުލް ކަން. އެންމެނަށް ވެސް ރިލޭޓް ވާ ކަހަލަ ގޮތަކަށް އެޑްވައިސް ދިނީމަ ރަނގަޅުވާނެހެން އަހަންނަށް ހީވަނީ. އިން ޝާ ﷲ….” އެއްދުވަހު ކިޔަވާ ކޮޓަރީގައި އިނދެ އަޒާން އައިމަނާއި ވާހަކަ ދެއްކިއެވެ.
“ވޮހް! އިން ޝާ ﷲ؟ ސީރިއަސްލީ ޑޫޑް؟ ދެން އަވަހަށް ތުނބުޅި ދިގުކުރޭ! މާ ލަސްވެސްވެއްޖެ މިހާރު.” އައިމަން ފޯނާއި ކުޅެމުން މަލާމާތުގެ ރާގަކަށް ބުނެލިއެވެ. އެ ހިނދު އަޒާންގެ ހިތްދަތިވިއެވެ. އެހެނަސް ގަދަކަމުން ހިނިތުންވެލީ އޭނަ ހިތްވަރު ކޮށްގެން ނޫނީ އެހެން މީހަކަށް ރަނގަޅު ބަހެއް ފޯރުކޮށްނުދެވޭނެކަން އެނގުންވީތީވެއެވެ. އޭނަ އެއްޗެކޭ ބުނަން އުޅުނުތަނާހެން އައިމަން ދެންވެސް ވާހަކަ ދެއްކިއެވެ.
“ޒާން ތިއުޅެނީ މަންސޫރުބެ ގޮތަށްވާން ކަމަށްވަންޏާ ލެޓް މީ ޓެލް ޔޫ. ޔޫ ސީރިއަސްލީ ޑޯންޓް ނޯ ހިމް. އޯ މައި ގޯޑް!” އައިމަން އިންތިހާ ދަރަޖައިގެ ނުރުހުންތެރިކަމާއެކީ ބުނެލިއެވެ. އެއާއެކު އަޒާންގެ ދެބުމަ ކައިރިވިއެވެ. މަންސޫރުބެއާއިމެދު އޭނައަށް ވިސްނެން ފެށިއެވެ. މަންސޫރުބެ އޭނަ މިހާތަނަށް ދިމާވި ހުރިހާ ޢިލްމުވެރިންނާއި ހާދަ ތަފާތެވެ. ޓީވީއިންނާއި ޔޫޓިއުބްއިންނާއި ރަށުގެ މިސްކިތްތަކުން ފެންނަ އެފަދަ ހުރިހާ ޢިލްމުވެރިންނަކީ އޭނަގެ ހިތުގައި ޚާއްޞަ ޤަދަރެއް ދެވިފައިވާ ބައެކެވެ. އެއީ އެމީހުންގެ ފަރާތުން އޭނައަށް ﷲ އާއި އެކަލާނގެ ދީނާއިމެދު ގިނަ ކަންތައް އުނގެނި އޭނަގެ އީމާންތެރިކަން ވަރުގަދަ ވެފައިވާތީވެއެވެ. އަދި އެމީހުންގެ ކިބައިން ފެނުނު ހިތް މަޑުކަމާއި އެކުވެރިކަމެއްގެ ސަބަބުންނެވެ. ﷲ އަށް ބިރުވެތިވާ މީހުންނަކީ ޢިލްމުގެ އަހުލުވެރިންކަން ޤުރުއާނުގެ އާޔަތަކުން ވެސް އެނގުނުފަހުން އެ ޢިލްމު ލިބިފައިވާ މީހުންނަށްޓަކައި އަޒާންގެ ހިތުގައި އޮތް އިޙްތިރާމް ވަނީ އުފުލިގެން ގޮސްފައެވެ. ނަމަވެސް މަންސޫރުބެގެ ފަރާތުން ފެންނަމުން މިދަނީ އެފަދަ ޢިލްމުވެރިއެއްގެ ކިބައިން ފެންނާނެ ސިފަތަކެއްނޫނެވެ. އެއީ ކީއްވެ ހެއްޔެވެ؟ އޭގެ ފަހަތުގައި ސިއްރެއްވާނެކަން ޔަޤީނެވެ. ކޮންމެއަކަސް އަޒާން އައިމަނާއި އައިމަންފަދަ އެހެން ކުދިން ޢިލްމުވެރިންނާމެދު ދެކޭ ގޮތް ބަދަލުކުރަން ބޭނުންވިއެވެ. އޭނަ ސްކޫލްގައި އުޅޭ ބައެއް އެކުވެރިންނަށް ނަޞޭޙަތްތެރިވާން އުޅުމުން އެމީހުން ގިނަފަހަރު މަންސޫރުބެ ގެ މިސާލު ގެނެސް އެ ނަޞޭޙަތުގެ މަތިން ހަނދާން ނައްތާލައެވެ. އެހެންކަމުން މުޅި ސްކޫލަށް އަޑު އިވޭ ގޮތަށް އެކަމާއި ބެހޭ ގޮތުން ސްޕީޗެއް ދޭން އަޒާން ނިންމިއެވެ.
ޙަޔާތުގައި ވެސް ފުރަތަމަ ފަހަރަށް އެސަމްބްލީގައި ވާހަކައެއް ދައްކަން އަޒާން މައިކު ކުރިމައްޗަށް ހުއްޓުނީ ހިސާބެއްގެ ނުތަނަވަސްކަމަކާ އެކީގައެވެ. އެހެނަސް އޭނަ އެ ނުތަނަވަސްކަން ފިލުވާލީ ﷲ ރުހިވޮޑިގެންވާ ކަމެއް ކުރުމަށްޓަކައި ޖެހިލުންވާކަށް ނުޖެހޭކަން ހަނދާންކުރަމުންނެވެ. އަދި ސާބިތުކަމާއެކީ އެންމެންގެ ކުރިމަތީގައި ބިސްމި އާއި އެކީ ޞަލަވާތް ކިޔެވިއެވެ. އެކި މޫނުތަކުގެ މަތިން ޙައިރާންކަން ފެންނަން ފެށިއެއްކަމަކު އަޒާން ދެންވެސް ޖެހިލުމެއްނެތި ޠާހާ ސޫރަތުގައި ވާ މޫސާ ޢަލައިހިއްސަލާމްގެ ދުޢާއިން ވާގި ހޯދަމުން އޭނަގެ ވާހަކަ ފެށިއެވެ. އޭނަ ވާހަކަ ފެށީ ދުރުދުރުންނެވެ. އޭނަގެ އެކުވެރިންނާއި ގުޅޭ ކަހަލަ މިސާލަކުންނެވެ. ދީނީ ޢިލްމުވެރިއަކަށް އެމީހުންގެ ހިތުގައި ނަފްރަތެއް އުފެދެން ފެށޭ ސަބަބުތަކަށް އަލި އަޅުވަމުންނެވެ. އެންމެންގެ ޝައުޤުވެރިކަން އޭނައަށް ލިބުމުން އަޒާން އޭނަ ފާޅުކުރަން އުޅޭ ޚިޔާލުތައް ފާޅުކުރިއެވެ. އެންމެ މީހެއްގެ އުޅުމުގެ ސަބަބުން އެންމެންގެ ގޮތް ނޭނގޭނެކަމަށް ބުނަމުންނެވެ. އަދި އެ އެންމެ މީހެއްގެ ވެސް އުޅުން ކޮންމެ ގޮތަކަށް ހުއްޓަސް މުސްލިމުންގެ ގޮތުގައި އަހަރުމެން އެކަކު އަނެކަކާމެދު ރަނގަޅަށް ވިސްނަންޖެހޭ ކަމަށް ބުނަމުންނެވެ. އަދި އެކަކު އަނެކަކަށް ނަޞޭޙަތްދީ އެކަކު އަނެކަކަށް އެހީތެރިވާ ބަޔަކަށް އަހަރުމެން ވާންޖެހޭ ކަމަށްވެސް އަޒާން ބުންޏެވެ. އޭނަ ވާހަކަ ނިންމާލީ އަހަރުމެންގެ ދީނަކީ ހަމައެކަނި އެންމެ މީހެއްގެ އުޅުމުގެ މައްޗަށް ބިނާވާވަރަށްވުރެ ފުރިހަމަ ދީނެއްކަމަށް ފަޚުރުވެރިކަމާއެކީ ބުނަމުންނެވެ. އޭނަ ހިތުން އޭނަގެ ކުރިމަތީގައި ތިބި މީހުންނަށް ވެސް އެ ފަޚުރުވެރިކަން އިޙްޞާޞް ކުރެވޭނެއެވެ. އެހެނަސް އޭނަ ދައްކާ ކޮންމެ ވާހަކައެއް ފަދައިން މި ވާހަކަ އިވުމުން ވެސް ގިނަ ޢަދަދެއްގެ މޫނުތަކުން ފެންނަމުން ދިޔައީ ފޫހިކަމެވެ. އެހެނަސް ކުރިއާއި ޚިލާފަށް އަޒާން ބަލި ޤަބޫލު ކުރާކަށް ބޭނުމެއް ނުވިއެވެ. އޭނައަށް ހެވާއި ނުބައި ވަކި ކޮށްދިން ދީނަށްޓަކައި މިއަށްވުރެ ފުޅާ ދާއިރާއެއްގައި މަސައްކަތް ކުރަން ބޭނުންވިއެވެ.
ދުވަހުން ދުވަހަކަށް އަޒާންގެ ޙަޔާތަށް އަންނަމުން ދިޔަ ބަދަލުތައްވެގެން ދިޔައީ އޭނަގެ ވަށައިގެން ތިބި މީހުންނަށް ލިބެމުން ދިޔަ ޢިބްރަތްތަކަށެވެ. ފަސް ވަގުތު ފަސް ނަމާދު ކުރަން ފެށިފަހުން އޭނަ ވެފައިވަނީ ޢާއިލާގައި ތިބި އެންމެނަށް ވެސް އެހީތެރިވާ ހީވާގި ޒުވާނަކަށެވެ. ޢާއިލާގެ އެންމެންގެ މަލާމާތްތައް އަމާޒުވިއެއްކަމަކު އަޒާން ޖެހިލުންވުމެއްނެތި ގޭގެ ތެރޭގައި ޤުރުއާން ކިޔެވުމުގައި ދެމިހުރި ގޮތުން އެމީހުން ޖެހުނީ ބަލި ޤަބޫލުކުރާށެވެ. އަޒާން ސްކޫލްގެ ސްޓޫޑެންޓް އެސޯސިއޭޝަންގެ ރައީސަކަށް ވާން އުޅޭ ޚަބަރުވެގެން ދިޔައީ ޚާލިދާއި ހަފްސާއާއި އައިމަން ވެސް އާގަމަ ކުރުވި ޚަބަރަކަށެވެ.
“ވަޓް؟” އެކަމަށްޓަކައި ފޯމް ލީ ވާހަކަ ބުނުމުން އެރޭ ކާ މޭޒުދޮށުގައި އެންމެން އޭނައަށް ބަލަހައްޓައިގެން ތިބެން ފެށުމުން އަޒާން އަހާލިއެވެ.
“ޒާންއަށް ތިކަން ކުރެވޭނެތަ؟” ޚާލިދު އަހާލިއެވެ.
“އިން ޝާ ﷲ.” ފުރިހަމަ ހިނިތުންވުމަކާއެކީ އަޒާން ބުނެލިއެވެ.
“ބްރޯ ކީއްވެ މައިންޑް ޗޭންޖްވީ؟ ކީއްވެ ޕްރެޒިޑެންޓަކަށްވާން ތިއުޅެނީ؟” އައިމަން އަހާލިއެވެ. އަޒާން ލުއި ގޮތަކަށް ހީލިއެވެ. އެއަށްފަހު އޭނައަށް އަމާޒުވާނެ ނަޒަރުތައް އެނގިހުރެ ޤަޞްދުގައި އާޔަތެއް ކިޔާލަދިނެވެ. ޤުރުއާނަކީ އަހަރުމެން އެހާ ގާތްކޮށް ގެންގުޅެން ޖެހޭ އެއްޗެއްކަން އެންގުމަށްޓަކައެވެ. އަދި އެ އާޔަތުން ލިބޭ ފިލާވަޅަކުން އޭނަ ޖަވާބުދިނެވެ.
“އަހަރެން ދިރިއުޅުމުގައި މިހާރު ކުރާ ކޮންމެ ކަމެއް ކުރާ ފަރާތަށްޓަކައި. ﷲ އަށްޓަކައި.” އަޒާން އޭނަގެ ލުއި ހިނިތުންވުމުގައި އިނދެ ބުނެލިއެވެ. އޭގެ ޖަވާބަކަށް އެރޭ އެކަކަށްވެސް އެއްވެސް މަލާމާތެއް ކުރާކަށް ނުކެރުނެވެ. މުޅި ކާގެއަށް ވެރިވީ މަރު ހިމޭންކަމެކެވެ. އެއީ އެތާތިބި އެންމެންގެ ވިސްނުމަށްވެސް ލޮޅުމެއް ގެނައި ވަގުތުކޮޅެކެވެ. އެކަން އެނގި އެ އެންމެންގެ ހިދާޔަތަށްޓަކައި އަޒާނަށް ދުޢާކުރެވުނެވެ.
އެރޭ ނިދަން އޮވެ އާދައިގެ މަތިން އަޒާން އޭނަގެ ދުވަސް ދިޔަގޮތުގެ ހަނދާން އާ ކުރިއެވެ. އަދި އޭނައަށް ގޯސްކޮށް ކުރެވިފައިވާ ކަންތައްތަކަށްޓަކައި ފާފަ ފުއްސެވުމަށް އެދި ދުޢާކުރެވުނެވެ. އޭނަގެ ހަނދާނަށް އައި ކަންތައްތަކުގެ ތެރޭގައި މިއަދު އޭނައަށް ފެނުނު މަންޒަރެއް ވެސްވިއެވެ. އިންޓަވަލް ގަޑީގައި އޭނަގެ ކުލާހުގައި އުޅޭ ޝިޔާއާއި ސްކޫލަށް އަލަށް އައިސްގެން އުޅޭ ޒައިދް ކުލާހުގައި އެކަނި ތިބި މަންޒަރެވެ. ދުރުން ފެނުނު ފެނުމުން އެދެމީހުން ކޮންމެވެސް ކަމަކާ ޖަދަލުކުރަނީހެން އަޒާނަށް ހީވިއެވެ. ނުވީތާކަށް އައިމަން ވެސްވަނީ އެ ޒައިދްގެ ވާހަކަ އޭނަ ކައިރިން އަހާފައެވެ. އޭނައަށް އެ މަންޒަރުގެ ވާހަކަ ފިޔަވައި އެހެން ވާހަކައެއް އައިމަނަށް ކިޔައެއް ނުދެވެއެވެ. ޒައިދްއާއިމެދު އައިމަން ހުރީ ކަންބޮޑުވެފައެވެ. އެއީ ކީއްވެކަމާމެދު އަޒާނަށް އައިމަންގެ ފަރާތުން އެވަގުތު ޖަވާބެއް ނުލިބުނެވެ.
ފިކުރުތަކެއްގެ ތެރެއަށް ގެއްލިފައިވަނިކޮށް އަޒާންގެ ހެޑްބޯޑްމަތިން ގަނޑެއް އުދުހިގެން އައިސް އެނދުމަތީގައި ޖެހުނެވެ. އަޒާން ވަގުތުން އޭތި ނަގައި ބަލާލިއިރު އެއީ އޭނަގެ ހިދާޔަތަށް މެދުވެރިވި އާޔަތްތަކެވެ. އޭތި ފެނުމުން މިފަހަރު އަޒާންގެ ހަނދާނަށް އައީ އައިމަނެވެ. މިއީ އައިމަން ކޮންތަނަކުން ހޯދި އެއްޗެއްކަން އޭނައަށް އަދިވެސް އެނގިފައެއްނުވެއެވެ. ވޭތުވެ ދިޔަ ދުވަސްތަކުގައި އެކިކަންކަމާއެކީ އަވަދިނެތި ވެގެން ދިޔުމުން އެވާހަކަ އަހާލަން ހަނދާންވެސް ނެތުނީއެވެ. ހަމަ ގައިމުވެސް މިއީ އައިމަން ލިޔުނު އެއްޗަކަށް ނުވާނެއެވެ. އެ ޞަފްޙާއާއިމެދު ޙައިރާންވި މިންވަރުން އަޒާން ވަގުތުން އޭނަގެ ފޯނު ނަގައި އައިމަނަށް ގުޅާލިއެވެ.
“ހެލޯ އައްމު………އެއްކަލަ ދުވަހު އައްމު ދިން ގަނޑު އަހަރެން އަތުގަ އަދިވެސް އެބައޮތް. އެއްކަލަ އާޔަތްތައް ހުރި ގަނޑު. އޭތި ބޭނުމެއްނުވޭތަ؟” އައިމަން ޖަވާބު ދިނުމުން އަޒާން އަހާލިއެވެ.
“އޭތި…..ބޭނުން އަސްލު.” އައިމަން ބުނެލިއެވެ.
“އެއީ އަސްލު ކާކު ދިން އެއްޗެއް؟ ރަޝީދައްތަ ދޯ؟ ޑޯންޓް ޓެލް މީ ޔޫ ރޯޓް ދިސް!” އަޒާން ބުންޏެވެ. އެއާއެކު އައިމަން ފުން ނޭވައެއް ދޫކޮށްލިއެވެ. އެއަށްފަހު އަޒާނަށް ހުރިހާ ވާހަކައެއް ކިޔައިދޭންފެށިއެވެ. އެއީ މެހެނާޒްގެ ސިޓީއެއްކަމަށްބުނެ މެހެނާޒްގެ ޙަޤީޤަތް ކިޔައިދިނެވެ. އަދި އޭނައަށް އަނިޔާވެރިވި މީހުންގެ ވާހަކަ ވެސް މެއެވެ. އެ ވާހަކަތައް އަޑުއަހަމުން ދިޔަ އަޒާން ހުރީ ދެލޯ ބޮޑުވެ ގަނޑުވެފައެވެ. އައިމަންގެ ވާހަކަ ނިމުމުން ވެސް އޭނައަށް އިންގޮތަށް އެނދުމަތީގައި އިނދެވުނެވެ.
“ދް…..ދެން ތިއްތިބެއަށް ސިޓީ ދީފިންތަ މިހާރު؟” އަޒާން އަވަސްއަވަހަށް އަހާލިއެވެ.
“ތިއްތިބެ އަދިވެސް ރަށަށްނާދޭ. މާދަމާ އަންނާނެ ވާހަކަ އަޑުއެހިން. އަހަރެން ކެތްނުކުރެވިގެން ސިޓީ ފޮޓޯ ނަގާފަ ވައިބާރވެސް ކުރިން. އެކަމަކު އަދިވެސް ސީން ނާރާ.” އައިމަން ބުނެލިއެވެ.
“ތިކަހަލަ އެއްޗެއް ދިނުން ރަނގަޅީ ވެސް ޕާރސަނަލީ ގޮއްސަ. ހިއެއްނުވޭ ތިއްތިބެ ފަސޭހައިން ތީތި ކިޔާނެހެން ވެސް. އެނގެއެއްނު ތިއްތިބެ މެހެނާޒަށް ނަފްރަތު ކުރާވަރު؟ ހީ ޑަޒްންޓް އިވެން ސޭއި ހާރ ނޭމް!” އަޒާން ބުންޏެވެ.
“ހޫމް……..އަހަންނަށް ފެންނަނީ އަހަރެންގެ ބަދަލުގަ އަޒާން ދާން. އެހެންނޫނީ އަހަންނާ އެކީގަވިޔަސް އަޒާން ދާން. ފަހަރެއްގަ ވެސް އަހަންނަށް ތިއްތިބޭ ކޮންވިންސް ނުކުރެވިދާނެކަމަށްޓަކައި…….” އައިމަން ބުނެލިއެވެ. އަޒާން އައިމަންގެ އެ ވާހަކައާއި އެއްބަސްވިއެވެ.
**
އޭގެ އަނެއްދުވަހުގެ ހަވީރު ވަގުތު އިބްރާހިމް ނާސިރު އިންޓަރނޭޝަނަލް އެއާރޕޯޓުގެ ޑިޕާރޗާގައި އިން ވިސާމްގެ މޫނުމަތީގައިވީ ހިނިތުންވުމެކެވެ. ދޭތެރެ ދޭތެރެއިން ފޯނަށް އަންނަމުން ދިޔަ ޝަފަޤްގެ މެސެޖުތަކުން އެ ހިނިތުންވުންތައް ފުންވަމުން ދިޔައެވެ. އެންމެ ފަހުން ޝަފަޤް ކަމެއް ދިމާވެގެން ދާ ވާހަކަ ބުނެލުމުން ވިސާމް ދެންވެސް އޭނަ ލޯބިވާ ވާހަކަ ބުނެލިއެވެ. ފަހަކަށް އައިސް މިފަދަ ވާހަކަތައް އެދެމެދުގައި ވަނީ ޢާއްމުވެފައެވެ. މި އާދަ އެ ދެމެދުގައި އަށަގެންފައިވަނީ ޝަފަޤް ބަލިވެއިން ފަހުންނެވެ. ބަލިވެ އިންތާ މާ ގިނަ ދުވަހެއްނުވެ ވިސާމް ފުރައިގެން ދާންޖެހުނެއްކަމަކު އޭނަ ޝަފަޤާއި ބަރާބަރަށް ގުޅުން ދެމެހެއްޓިއެވެ. ދޭތެރެދޭތެރެއިން ޝަފަޤްގެ ޙާލު ބަލައި ޝަފަޤަށްޓަކައި ހަދިޔާތައްވެސް ފޮނުވަމުން ދިޔައެވެ. ޝަފަޤަށް ދެންވެސް އެކަނިވެރިކަން އިޙްޞާޞް ކުރެވިދާނެތީ ވިސާމް އަނެއްކާވެސް އޭނަގެ މަންމައާއި ގުޅުން ބަދަހިކުރަން ބޭނުންވިއެވެ. އެހެނަސް މަންމައާއި މެދު ކަންތައް ކުރެވިފައިވި ގޮތުން މަންމައާއި ވާހަކަ ދެއްކުމުގެ ހިތްވަރެއް އަދިވެސް ލިބިފައި ނުވަނީއެވެ. އެކަމަށްޓަކައި ވެސް އޭނަ ޖެހޭނީ އިތުރަށް ޝަފަޤްގެ ނަޞޭޙަތްތައް ހޯދަންކަން ވިސާމަށް އެނގެއެވެ. އެކަން އުފަލާއެކީ ކުރަން އޭނަ އެހެރީ ތައްޔާރަށެވެ.
ޝަފަޤްގެ މެސެޖުތައް ހުއްޓުމުން ވިސާމް ވައިބާރ ހުޅުވާލިއެވެ. ވޭތުވެ ދިޔަ ދުވަސްތައް އަވަދިނެތިވެފައިވުމުން އޭނަ އޮންލައިން ވެފައިވަނީ މަދު ފަހަރަކުއެވެ. އޮންލައިން ވީ އެންމެ ފަހު ފަހަރުވެސް އޭނައަށް އައިމަންގެ މެސެޖެއް ފެނިފައިވިއެވެ. އެއީ ފޮޓޯ މެސެޖަކަށްވުމުން ވިސާމް އެއަށް މާ ބޮޑު ސަމާލުކަމެއް ނުދިނެވެ. އެވާނީ އައިމަން ފޮނުވި ކޮންމެވެސް އިންޓަރނެޓް ޖޯކެއް ކަމަށް ނިންމުނީތީވެއެވެ. ކޮންމެއަކަސް އެވަގުތު ވިސާމް އޭތި ބަލާލަން ބޭނުންވިއެވެ. އޭނަ އައިމަން ގެ ޗެޓް ލޮގް ހުޅުވާލިތަނާހެން ކޮންމެވެސް ފިރިހެނަކު އައިސް އޭނަގެ ކައިރީގައި އިށީނެވެ.
“އަނހަ! ވިސާމް ދޯ؟” އެ ފިރިހެން މީހާ ހެވިފައިހުރެ ސަލާމަށް އަތްދިއްކޮށްލިއެވެ. އެއީ ކާކުކަން ދެނެގަންނަން ވިސާމަށް ވަގުތުކޮޅެއް ނެގިއެވެ. އެއީ އޭނަގެ ފުރަތަމަ އަލްބަމް ރިލީޒްކުރަން އެހީވި ކުންފުނީގެ ވެރިމީހާކަން ނަގައިގަނެވުމުން ވިސާމް ލުއި ހިނިތުންވުމަކާއެކީ އެ އަތުގައި ހިފިއެވެ.
“ނިހާލް ކިހިނެއް؟” ވިސާމް އަހާލިއެވެ.
“ދެން އެކަހަލަ ގޮތެއް…..ދުވަސްކޮޅެއްވެއްޖެ އަލްބަމެއް ނުނެރޭތާ. އެހެންވެ ވަރަށް ޓައިޓްކޮށް މިއުޅެނީ. އެކަމަކު މިފަހަރު ކުޑަކޮށް ތަފާތުކޮށްލަންވެގެން މިއުޅެނީ. މެހެނާޒްގެ ހުރިހާ ލަވަތައް އެއްކޮށްފަ އަލްބަމެއް ހަދަން މި ވިސްނަނީ. އޭރުން އޯޑިއެންސް ވަރަށް އެކްސައިޓްވާނެ، ދޯ؟” ނިހާލް ހެވިފައިހުރެ ދޯދިނެވެ. ވިސާމް ގަދަކަމުން ހިނިތުންވުމެއް ފަތުރަމުން މެހެނާޒްގެ ނަމާއި ގުޅިފައިވި އޭނަގެ ހިތާމަތަކާއި ރުޅިވެރިކަން ފޮރުވޭތޯ މަސައްކަތް ކުރިއެވެ. އޭނަ އެއްޗެކޭ ނުބުނެ އިންދާ ނިހާލް އަނެއްކާވެސް ވާހަކަ ދެއްކިއެވެ.
“އަލްބަމް ނެރެން ވިސާމްގެ ވެސް އެހީ ބޭނުން. ވަރަށް މަޝްހޫރު ކޮންސާރޓްއެއް އެބައާދޭ. ކޮންސާރޓްގެ ތެރެއިން އަލްބަމް ނެރުނީމަ ބޮޑަށް އެޓެންޝަން ލިބޭނީ. އަހަރެން ބޭނުމީ އެ އޮކޭޝަންގަ ވިސާމް ކޮންމެވެސް އެއްޗެކޭ ބުނެލަން މެހެނާޒްއާ ބެހޭގޮތުން. ޔޫ ނޯ…..ސަމްތިންގް އިމޯޝަނަލް، އޭރުން ވަރަށް ސަޅިވާނެ. އިޓް ޑަޒްންޓް ހޭވް ޓު ބީ ޓްރޫ. އަހަރެން…..ފައިސާ ދީފާނަން.” ނިހާލް ވިސާމަށް ބަލާލަމުން ބުނެލިއެވެ. ވިސާމް އިނީ އެއްދިމާލަކަށް ނަޒަރު ހުއްޓައިގެން ހިތްހަމަ ނުޖެހިފައެވެ. އެއްޗެކޭ ބުނަން ވެސް ބޭނުމެއް ނުވެފައެވެ. ދެމީހުން ތިބިގޮތަށް ތިއްބާ އެމީހުންގެ ފްލައިޓްގެ ވާހަކަ އެނައުންސް ކުރެވެން ފެށިއެވެ. އެއާއެކު ނިހާލް އަނެއްކާވެސް ވާހަކަ ދެއްކިއެވެ.
“ވިސާމްގެ ޑެސިޝަން އަހަންނަށް އަންގާލާތި. މިއޮތީ އަހަރެންގެ ކޮންޓެކްޓް.” ނިހާލް އެހެން ބުނެ ވިސާމަށް ކާޑެއް ދިއްކޮށްލިއެވެ. ވިސާމް ނިހާލްއާއެކީ ތެދުވެ އެ ކާޑު އަތުލީ ކޮންމެވެސް އެހެން ކަމެއް ހިތުއަޅަމުންނެވެ. އެއަށްފަހު ނިހާލްއާއި އިތުރަށް ވާހަކަ ދެއްކުމެއްނެތި ކުރިއަށް ދިޔައެވެ.
ގެއަށް ދެވުނުތަނާހެން ވިސާމް ނިހާލްގެ މަތިންނާއި އޭނަގެ ކާޑުގެ މަތިން ވެސް ހަނދާން ނެތުނެވެ. ޝަފަޤާއި މިޝްކާ ފެނުމުން އޭނައަށް އޭނަގެ ހުރިހާ ނޭދެވޭ އިޙްޞާޞްތަކުން ދުރުވެވުނެވެ. 3 މަސްފަހުން ވިސާމް އަނބުރާ އައިއިރު ޝަފަޤްގެ ބަނޑު ކުޑަކޮށް އުފުލިފައިވިތަން ފެނިފައި އޭނަގެ ހިތް ލޯބިން ފުރިގެން އައެވެ. އޭނަ ޝަފަޤްގެ ގައިގައި ބައްދައިގެން މާ ގިނައިރު ވަންދެން ހުންނަން ފެށުމުން މިޝްކާ ރުޅިވެރިކަމާއެކީ ޝަކުވާ ކުރިއެވެ. އެއާއެކު ޝަފަޤާއި ވިސާމް ވެގެން މިޝްކާގެ ގައިގައި ބައްދާލިއެވެ. ކުޑަކުޑަ ޢާއިލާގެ އެ އުފާވެރި ވަގުތަށް ހުރަހެއް އެޅިގެން ދިޔައީ ގޭގެ ބެލް ޖަހާލި އަޑަށެވެ. ވިސާމް ގޮސް އެ ދޮރު ހުޅުވާލިއެވެ.
“އައިމަން؟” ދޮރުމަތިން ފެނުނު މީހަކުން ވިސާމަށް ޙައިރާންކަމެއް ލިބުނެވެ.
ނުނިމޭ
މިވާހަކައިގެ ދެންއޮތް އެޕިސޯޑުގެ ލިންކު ކޮމެންޓް ސެކްޝަންގެ ތިރީގައި ވާނެއެވެ.
Other Articles
ވޭނީ ލޯބި (3)
ވޭނީ ލޯބި(2)
48 Comments!
Comments are closed.
Fainally shafaq ge baeh athuvehjje. Shafaq n visham ge bai enme reethee. Masha allah v reethi jana ge stories… n vrh iburaiytheri… jazakallah khair jana
Vaahaka eba rangalhuvey…..
Jazaaikallah Hiran.!!
Shafag tha shagaf tha
I’m confused
Anyway
Story is nice as always ماشاءالله
Ukhthaa uh maai Allah rahmaiilavvaashi
Aameen
Oh yeah its shafag
Varah dhuvaskohfa keema odd gotheh hunnanee
Hehe
Shagaf aky visaam shafag ah enme furathama kiyunu nan dho ??
Maai Allah alhamen emmennah heyo rahmaiy lavvaashi. Ameen!
Oh yes Saj! XD
Wow!!!! Avahah aneh part up kollaa Jana.
Story is awesome.
އޭޒް ޔޫޜުއަލް ވވވވވ ރީތި!! ވާހަކަ ނިމެން ކައިރިވާތީ ވ ދެރަވޭ! މިވާހަކަ ނިމުނީމަ ޖަނާގެ އާ ވާހަކައެއް ކިޔަން ލިބޭނީ ކިހާދުވަހަކުން؟
Varah reethi. Aneabai Koniraku up koadheynee???
Wow. Masha allah. Varah reethi. Me first dhw
V salhi. Maasha allah
emme naice hissabun e nimunii
Vr reethi
v furihama.
V reethi
Vaahaka varah reethii.. Masha allah.. Mi vaahaka fothehge sifaiga fenidhaanetho?? Jana kndhuhukun next part up vaany??
Maasha Allah! V furihama.. Dhn anna hama adhi miah vure furihama vaane kamah ummeedh kuran.. Jazaakallah Khairan
Masha Allah.
Maasha allah v reethi story.i luv dis story??. Nxt part knirakun?
Vaahaka varah reethi. Adhi haasakoh azaan ah rangalhugoy visnunima varah salhi. Dhen enmey inthizaaru kureyveni aiman ah ves visneyney dhuvahakah.
Varah gina dhivas kohlaafa mi comment kuri. Aslu mirey azaan ge vaakah aiyma varah bodah Janna ge hijura vaahaka mathin handhaanvi.
Unmeedhu kuran mi vaaka nimuni ma adhives Janna ge iburaytheri vaahaka ey libeynekamah.
Varah avahah next part up kohdheyne kamah unmeedhu kuran. ?
And Janna adhives nubunamey nu mivaahaka ah minan ki sababu ?
May Allah bless you jana!!
hey i need help!
do you know a dua we can say when we are not keen on studying??
a site is also okey!!
my exams are getting near and i’m struggling really hard!
May Allah bless us all. Ameen!
oh…..may Allah grant you success in the exams and may He empower you to excel in everything you do. Ameen! here are some duas i used to make when studying for exams.
https://islamgreatreligion.wordpress.com/2011/05/07/prayers-dua-for-studies-and-exams/
I also have my exams coming up. so i kinda feel you 🙂 there is one more golden advice i can give you. something i learned when i was turning towards deen. Stay conscious of Allah and Allah will teach you. This is something that Allah Himself tells us in the Quran. (Suratul Baqarah, ayah 282). Try your best to remember that Allah is watching you no matter what you do. Try your best to stay in obedience to Allah. And try to live according to whatever good you learn about. Even if you fall once in a while, keep turning back to Allah for He loves those who repent again and again. Then….Allah will facilitate your learning In Sha Allah. Once again may Allah send you His help. Ameen!
PS. this is not just an advice for exams. This is an advice for life In Sha Allah 🙂
Jazakallha khairan jana,???
May Allah Bless you
Alhey enme rythi hisaabun thi nimmaaly ??
Next part kn dhuvahakun
Nice.. Masha Allah
Vaahaka v reethi… Adhi kiriyaa mihisaabah ekkoh mi kiyaalevuny… Dheythere dheytherein medhuken’deythy nimendhen madu kollaigen hury… Ekam mihaaru anekkaa qavaaidhun up vaathy kiyamun kiyamun gos ekkoh mi kiyaaly… Keep it up!!
V salhi.. avahah aneiba nerey.. kiyaa hithun kehvanii ki nunnn… ?☺?
awahah thi letter dhen thyge weri faraathah pls foaru kohdhybala..:/
aan ekey miulheny havaalu kuran 😛
V v v riiiiithi
Y no comment frm jana?
las vi kamattakai maafah edhen ingey? hendhunu gadeega jana hunnaany occupy vefa. dhen dhemme aku fb post thah liyuny 🙂
mee dhuvahakuves nimey vahaka eh noon tha den ninman ulhey bodu hasaru bondi vv foohi
hama aslu ves dho? vaki anonymous buneethee ve ehnoon ingey? mi vaahakaiga irrelevant kanthah ginakan khudhu jana ahves faahanga vey. this is seriously not my best. I could have done better. Aslu jana ah vaahaka genesdhevifa huri gothun hen jana ah heevany consistent koh mihen kiyuntheringe khiyaaluthah annany. Ekamaku anonymous e haasaru tolerate koggen mihaahisaabah aeethee anonymous ah thaureefu kuran 😀 Adhi anonymous ah vaahakain kudaves faidhaa eh kurikamah ummeedhu kuran. Anonymous ah faidhaa eh nukuri hama ekani sababaky jana ah vaahaka genesdhevunu goiy kamah vaanama maai Allah mi alhaage faafathah fussavaashi. Adhi Anonymous ashaai Jana ah ves hidhaayaiy ithuru kohdhevvaashi. Ameen!
Vaahaka varah reethi konirakun next part
V nice story …
Story vv rythi
jana I need help too. this is a bit embarrassing to say.. wen I ever I make the intention to pray all prayers and start doing it some hw it dsnt work. huriha namaadheh gavaidhun nukurevey. may b im v goas but I try and want to b a person who pray all prayers. dhn y sometimes my heart make all kind of excuses. hurihaa namaad he h dhuvas kolheh vandhen kurevemun ais medhu kendi dhaane. dhn dhuvas kolheh fahun anekka axum kanda alhaigen ehen viya nudhinumah fashanee but again same thing happens nd this continues…
Subhaanallah…
Emme furathama ves bunelan beynunvany thee hama ekani thi akh/ukhthaa ge struggle eh nooney. Jana ah hama yageen mi comment kiyamun dhaa gina kiyuntheringe thereygai ves thi struggle ga ulhemun dhaa akhunnaai ukhthun vaanekan. E hurihaa akhunnaai ukhthun kaireega ves bunelan beynunvany adhives ummeedhu kandaalaakah nuve ey. Adhives namaadhu kuran masakkaiy kuramun dhaashey. Eheny Allah swt aharumennah angavaafavany dhe ehchekun ehy hoadhan. Ey “Sabr” aa “salaah”. Sabr ge maana aky hama ekani kehtheri vumeh noon. Sabr ge maanaige thereyga himeney heyo kanthah kurumugai dhemi hurumaai nubai kanthah kurumuge furusathu libumun ves ekamun dhuruvegathun. Jana mihen bunaa iru ves eba ingey kihaa dhathivaane kan. Ekamaku kithamme dhathiviyas thimaa ah kurevemun dhaa faafathakaai dhuruvaane masakkaiy kuranvy. Adhi faafa eh kurevunas hama komme thaneggai hureves faafa fussevumah edhi Allah ah dua dhannavanvy. Adhi kithamme dhthiviyas namaadhukurumugai dhemi hunnanvy. handhaan kohdhinumegge gothun namaadhu gadithakuge 5 min kurin alarm ah laafa hurumun ves eheeakah vedhaane.
Dhen jana dheyn oiy naseyhathaky veehaaves ginaginain naseyhaiythah adu ahaashey. Jana miadhu mihen buneema faharegga mi vaguthah thiya akh/ukhthaa inspire vedhaane. Ekamaku insaanunnaky abadhuves handhaan nethey baeh. Allah swt handhaan kohdhinumegge gothuga Quran baavailevvy ehenve. jana bunaany miadhun feshigen ves Quran aai gulhumeh baavvan masakkaiy fashaashey. kithamme kuda minvarakun viyas heyo. Azaan hedhihen hama emme kolhun feshigen Quruaanuge tharujama kiyan fashaa. Adhi thibaage veri raskalaange thibaa ah handhuma kohdhey kanthahthah dhenegannan masakkaiy kurey. Quruaanun bunaa ehcheh mivaguthu maa rangalhah neygunas komme dhuvahakuves eygein kommes minvareh kiyavaa. komme dhuvahaku bai safhaage minvarun feshiyas heyo. Adhi dhuvahuge kommeves vagutheggai Quruaan adu ehun aadhayakah hadhaa. Aharumenge therein gina meehunnah haqeeqathugai ves neyngey kihaa powerful impact eh kan aharumenge ulhumah ves annany mifadha gothakah Quruaanaai gulhun badhahi kuran masakkaiy kureema. you just have to experience it. it can’t be described or explained.
tanzil.net aky Quruaanuge varah simple translation eh hunna site eh 🙂 meege ithurun Quraanuge thafseer videos thah hunnaane youtube ga. Thafseer aky Quruaanuge aayaithakun bunaa ehcheh tafseel koh bunedhey ilmeh. Search Ustad Nouman tafseer and you will find it In Sha Allah. Let me send you a link for you to get started In Sha Allah
https://www.youtube.com/watch?v=WtuyLKLXSXs
May Allah make us of those who are consistent with their prayers. Ameen!
*Sorry for the long comment*
Jana knirakun next part??
FB Post:
When you are truly proud to be muslim, you don’t have to say it. Because your personality will scream that out loud! 😀
FB Post:
Dua made by Musa (AS) when he was told to go to Fir’aun.
Subhaanallah this dua has helped me on many occasions. Especially when I had to explain something to someone in a situation where I am overwhelmed with nervousness or any other negative emotion. And why wouldn’t it help? What would be a more difficult task than going in front of a powerful king and tell him to worship only Allah when the king is arrogant enough to call himself a god? This dua helped Musa (AS) in that situation.
Rabbish rahlee sadhree, wa yassirlee amree, wahlul ‘uqdhathan min lisaanee, yafqahoo qaulee
[Moses] said, “My Lord, expand for me my chest (25) And ease for me my task (26) And untie the knot from my tongue (27) That they may understand my speech. (28) Surah Ta Ha, ayat 25-28
FB Post:
“If you knew the true value of yourself, you will never allow yourself to be humiliated by commiting sins.” Ibn Qayyim (rahimahullah)
No matter what we do in disobedience to Allah, it humiliates us in one way or the other without even us realizing it.
#Selfreminder
FB Post:
“Transforming yourself means, that you hold on to hope when facing disaster, courage when facing opposition, honesty when facing your flaws, and trust in Allah when facing seemingly impossible odds. When enough of us are working on this transformation, without us realizing it, Allah is actually transforming the world around us.” – Ustadh Nouman
FB Post:
Inna salaathee wa nusukee wa mahyaaya wama maathee lillaahi rabbil ‘aalameen.
“..Indeed my prayer, my sacrifice, my life and my death are for Allah, the Master of all people.” Surah Al-An’aam, ayah 162
How mindlessly do we say these powerful words in prayer? And then go back to the disobedience of Allah? May Allah forgive us. Ameen!
Assalam’alaikum. next part wednesday ga In Sha Allah. dhen onnaany dhe bai. 🙂 jana ah miadhu hurihaa commentakah reply kuran vaguthu dheveykah neh. hurihaa commentakah hen eh reply eh thaa annaany dho? 🙂 Alhamdhulillah! (All praise and thanks belong to Allah.) meege ithurah ehchekey bunan jehey comment thakah reply eba kuran In Sha Allah 🙂 hurihaa kiyuntherinves fb post thah kiyaalumaky jana ge varah bodu edhumeh. Adhi vaahakainnaai fb post thakun ves thiya kiyuntherinnah faidhaa eh kuraakamah ummeedhukuran In Sha Allah 🙂 Jazakumullah Khairan!
https://www.facebook.com/Asr-1445208739121696/
Jazakumullah khairan
Jana, kudakamana ge dhondhoonyaa, aslu varah dhuvas vejje dho evves contact eh nukureveny, aslu hama varah miss vey ingey jana mathin, dhen you know dho why i really dhuru vee, bt al hamdh lillah, mirey ki ijje mi hurihaa parteh ves, masha allah varah reethi mi hurihaa parteh ves, dhen allah ge iraadha fulhun dhuniyeyga huriyyaa aneh part ves kiyeyne kamah mi balanee, salaam hurihaa kudhin….