ނޭނގި ޔާރު ވަކިވީ (1)

ފަތިހުގެ ތެތް ފިނިކަމުގެ ތެރޭގައި މާމެލާމެލި ވަނީ ޝަބްނަމްގެ ތިކިތަކުން ޖަރީ ކުރުވާފައެވެ. އިރުގެ ދޯދިތަށް ވިލާތަކުގެ ނިވަލުން ޖައްވަށް މަރްހަބާ ކިޔަމުން ދިޔައިރު ދޫނު ސޫފާސޫފީގެ ހިތްގައިމު ރާގުން ހިތްތަކަށް ފިނިކަން ގެނުވައެވެ. ކުޑަދޮރު ކައިރީގައި ތުމުން މަޑު ރާގެއް އަޅުވާލައިގެން ރައިނާ ހުރީ ކޮފީ ތައްޓެއް ހިފައިގެންނެވެ. ކަޅު ކަންގަދަ ބޯ އިސްތަށިގަނޑު ފަހަތަށް ދޫކޮށްލެވިފައި ވީއިރު ލައިގެން ހުރީ އަތް ހާމައަށް އޮތް ކުރު ނައިޓީއެކެވެ.

އެދޮންފައި ހާމައަށް އޮތް އިރު ޖެހިލާ ފިނި ވައިރޯޅިތަކުން ގައިން ހީބިހި ނަގުވާލައެވެ. “ހޫމް.. މޯނިން ބޭބީ.” ބާރުގަދަ އަތަކުން އެ ހިމަ އުނަގަނޑު ވަށާލަމުން ކައިރީގައި ހުއްޓެލި ޒުވާނާ ބުނެލިއެވެ. ރައިނާ އިސްތަށިގަނޑު އެއްފަރާތަށް ޖައްސާލަމުން އޭނާ ތުންފަތުން އެ އޮމާން ކޮނޑުގައި ބޮސްދެމުން ގޮސް ކަނދުރާއާއި ހަމައިން ދަތް އަޅާލިއެވެ.

“އައުޗް.. ދެން އިއާން..” ރައިނާ ހެމުން ދުރަށް ޖެހެމުން ބުނެލިއެވެ. “ޝޫޝް.. އާދެބަ.” އިއާންގެ ނިދި އަޑު ބަރުވެފައި އެހާމެ މަސްތީއެވެ. “ނޫން.. މިހާރަކު ނޫން.” ރައިނާ ކޮފީޔަށި ހުސްކޮށްލަމުން ބުނެލިއެވެ. “ޕްލީޒް..” އިއާން މިހެން ބުނެފައި ރައިނާގެ އެމަޑު ތުންފަތުގައި ބޮސްދިނެވެ. “ހޫމް.. ކޮފީރަހަ ލަނީ.. އައި ލައިކް އިޓް.” އިއާން ހީލަމުން އިތުރަށް ރައިނާ ގެނެސް އެމޭގައި ފޮރުވާލިއެވެ.

ޕިޖާމާ ހަރުވާޅެއް ލައިގެން ހުރިއިރު އެކަސްރަތީ ހަށިގަނޑު ވަނީ ހާމައަށްށެވެ. ކުރުކޮށް ކޮށާލެވިފައި އޮތް އިސްތަށި ކޮޅު ހޭވިފައި ވީއިރު ކަރުގައި ކުޑަ ރިހި ފަށެއް އޮތެވެ. “ރެއަށްފަހު އަދިވެސް ހިތް ނުފުރެނީތަ..” އިއާން ކަނދުރާގައި އަތް އަޅުވާލަމުން ރައިނާ ބުނެލިއެވެ. “އޯ ކަމް އޯން ބޭބީ.. މި އިއާންގެ ހިތެއް ދުވަހަކުވެސް ނުފުރޭނެ. އައި ވޯންޓް މޯ.” އިއާން މިހެން ބުނެފައި ރައިނާ އަތް ދަނޑި މައްޗަށް ލައިގެން ގެންގޮސް އެ ތަނަވަސް އެނދުގައި ބާއްވާލިއެވެ.

“އެހެން ނޫނަސް އަދި ރަނގަޅަށް އިރެއް ވެސް ނާރާ.. އެންޑް އައި ނީޑް މޯނިން ސެ..” އިއާންގެ ވާހަކަ ރައިނާ މެދު ކަނޑާލިއެވެ. “އޯ ޝަޓް އަޕް.” އިއާން މޭމަތީގައި ޖަހާލަމުން ރައިނާ ބުނެލިއެވެ. އިއާން ހެމުން އޭނާ ލައިގެން ހުރި ޕިޖާމާ ހަރުވާޅުގެ ވާގަނޑު މޮހާލި ވަގުތު ކޮޓަރީގައި އޮތް ޓެލެފޯނު ރިންގު ވިއެވެ.

“ޑޭމް އިޓް!” އިއާން މިހެން ބުނެފައި ހަރުވާޅު މަތި ކޮށްލަމުން ފޯނު ނަގަން ތެދުވިއެވެ. އޭރު ރައިނާ ހެވިފައި އެނދުގައި ތެދުވެ އިށީނެވެ. “ހަލޯ.. މޯމް؟” އިއާން މޫނު ހަދާލަމުން ވާހަކަދެއްކިއެވެ. “ޔާ.. ތިރިއަށް މިދަނީ އިރުކޮޅަކުން. ހަތެއް ޖަހާއިރު ޗެކިން ފެށެނީ.. މޯމް އިނގެޔޭ..” އިއާން ފޯނުން ވާހަކަ ދެއްކިއިރު ރައިނާ އޭނާ ލައިގެން ހުރި ކުރު ނައިޓީ ބާލަމުން ހުސްގަޔާ ހުރެ ފާޚާނާއަށް ވަންނަން ދިޔައެވެ.

ރައިނާ ލާނަތް ގޮތަކަށް އަންނާށެ ބުނެ އިނގިލިން އިޝާރާތް ކުރަމުން ދިޔައެވެ. އޭރު އިއާން އިނީ ކަޅި ޖަހާނުލައި ރައިނާއަށް ނަޒަރު ހުއްޓާލައިގެން އޭނާގެ މަންމަ ފޯނު ނުބާއްވައިގެންނެވެ. “ހޫމް.. އޯކޭ ދެން.” އިއާން އަވަސް އަރުވާލާފައި ފޯނު ބައްވާފައި އެހުރި ގޮތަކަށް ގޮސް ރައިނާ އުރާލައިގެން ފާޚާނާއަށް ވަނެވެ.

****

“ކޮބާތަ އިއާން؟ އަދިވެސް އަންނާކަށް ނޫޅޭ. މިރުޝާލް ވެސް އެއައީ.” ތަސްލީމާ ކާ މޭޒު ކައިރިގައި އިނދެ ކުދި ކިޔަމުން ދިޔައެވެ. ގޭގެ ދެ ނޯކަރުން ސައިބޯ ތަކެތި ސުފުރާމަތީ ބަހައްޓަމުން ދިޔައިރު ޖާބިރު އަތުގައި އޮތް ޓެބްލެޓުން ނޫސް ކިޔަމުން ދިޔައެވެ. “ދެން އަންނާނެ އެއްނުން.. އަދި ކިރިޔާ ހައެކޭ އެޖެހީ.” ޖާބިރު ކައިރީގައި ހުރި ކޮފީތަށި ބޮމުން ބުނެލިއެވެ.

“މޯމް ސީރިއަސްލީ. ހީ އިޒް މެރީޑް.. މަންމަ ކިޔާ ވަރުންނުން އިނީ ވެސް. ދެން އެމީހުން އަންނަން ވީމަ އަންނާނުން.” މިރުޝާލް ޕާން ފޮޗެއް ކަމުން ބުނެލިއެވެ. “ދެން މިރޫ ހުރޭ އަދިވެސް މީހަކާ ނީދެ.. އަމިއްލަ ކޮއްކޮ އިން އިރުވެސް..” ތަސްލީމާގެ ވާހަކަ މިރުޝާލް މެދު ކަނޑާލިއެވެ. “މަންމަ ބުނާއިރަށް އިއާން އިނީނުން އެ.. އަހަރެންނުން ބަސް ޤަބޫލު ނުކުރަނީ އަބަދުވެސް. މަންމަ ބުނީމަ އޭނަ އެހުރި ޑޮކްޓަރަކަށް ވެސް ވެފައި.. އަހަރެންނުން އެކަން ނުކޮށް އާކިޓެކްޗަރ އަކަށްވީ. އައި އެމް އޯލްވެސް ދަ ބްލެކް ޝީޕް އޮފް ދިސް ފެމެލީ.” މިރުޝާލް ހިތްހަމަ ނުޖެހިފައި އިނދެ ވާހަކަ ދެއްކިއެވެ.

“މިރުޝާލް! އަހަރެން ކުރިމަތީގައި ތިވައްތަރަށް ވާހަކަ ދައްކާނެ ކަމެއް ނެތް.. ޖާބިރު.. އަޑު އިވޭތަ އެކިޔާއެއްޗެއް.” ތަސްލީމާ މޫނު ކުނިކޮށްލަމުން ބުނެލިއެވެ. “ދޮގެއްތަ އެހަދަނީ؟ އަހަރެން އެއްބަސް ނުވާ ވާހަކައެއް މިރުޝާލް ބުނެފިއްޔާ އަންގާލާނަން.” ޖާބިރު މިހެން ބުނުމުން ދުރުގައި ހުރި ޖޫލް ގާތަށް ހިނިއައެވެ. އަތް ދަބަހަށް ލެޕްޓޮޕް ލަމުން ޖޫލް އައިސް ކާމޭޒު ކައިރީގައި އިށީނދެލަމުން އެ ފަން އިސްތަށި ކޮޅު މައްޗަށް ނަގައި އައްސާލިއެވެ.

“މޯނިން ޑޭޑް.. މަމް..” ޖޫލް ހިނިތުން ވެލަމުން ބުނެލިއެވެ. “ރޭގައި ކޮންތާކަށް ގޮއްސަ އެހައި ލަހުން އައީ؟” ތަސްލީމާގެ ސުވާލުން ޖޫލް އަނގަޔަށް ލާން ނެގި އޮމްލެޓް ކޮޅު ތިރިކޮށްލިއެވެ. “އަޅުގަނޑު ދިޔައީ ބިޒްނަސް މީޓިންއަކަށް. ޑޭޑްއަށް އެނގިލައްވާނެ.” ޖޫލް މިހެން ބުނުމުން ތަސްލީމާ ޖާބިރުއަށް ލޯ އަޅާލިއެވެ.

“ދެން ރޭގަނޑު އެކެއް ޖަހަންދެން މީޓިން ކުރިއަށްދޭ؟” ތަސްލީމާ މިހެން ބުނުމުން ޖޫލް އަތުން ނިއްކުރީގައި ހިފައްޓާލިއެވެ. “މަންމައަށް ފެނުނޭ ރޭގަ އެ ޖޯޖީ އަކާއި އެކު ކާރުގައި އައިތަން.” ތަސްލީމާ ސައިބޮމުން ބުނެލިއެވެ. “ގޯޑް މޯމް.. އިޓްސް ޖޯން.” ޖޫލް މޫނު ކުނިކޮށްލިއެވެ.

“އަހަންނަށް ހެވޭ ޖޯނަކަސް ހޯނަކަސް. ކީއްކުރަން އެ ދޮން މީހުންނާއިއެކު އުޅެނީ.. ޖޫލް ވެސް ދެން މީހަކާއި އިންނަވީ އަވަހަށް.” ތަސްލީމާ އެއްފަހަރާ ފަތިވަރެއް އަމުނާލިއެވެ. “ހިއާ ވީ ގޯ އަގައިން.. މޮމް މެރިޖް އޭޖެންސީއެއް ހުޅުވަން ވީއެއްނުން ދޯ. ޝިމްލާ އާންޓީއާއި ދެމީހުން ޕާޓްނާޝިޕް ހަދައިގެން.. ސަޅި ވާނެ” މިރުޝާލް މިހެން ބުނުމުން ޖޫލް ވެސް އޭނައާއި އެއްބައިވެ ހޭން ފެށިއެވެ.

“ކޮން އޭޖެންސީ އެކޭ؟” އެތަނަށް ނިކުއިން އިއާން ބުނެލިއެވެ. “ޑެނީ.. އަވާ ބޭގްސް އާ އިން ދަ ރޫމް. ބްރިންގް ދެމް ޑައުން.” އިއާން މިހެން ބުނެފައި ރައިނާއާއި އެކު މޭޒު ކައިރީގައި އިށީނދެލިއެވެ. “މިކިޔަނީ މޯމް..” ޖޫލް މިހިސާބަށް ބުނިތަނާ ތަސްލީމާ އެވާހަކަ މެދު ކަނޑާލިއެވެ. “ސްޓޮޕް އިޓް.. ޝިމްލާ މެން މިހާރު އެއާޕޯޓަށް ދާން ނައްޓާލިއްޔޯ.. އަވަސް ކޮށްލައިގެން ހިނގާ އަހަރެމެން ވެސް ދާން. ޖާބިރު ފައިރޫޒުއަށް ގުޅިންތަ؟” ތަސްލީމާ ބުނެލިއެވެ.

“އާނ.. މިހާރު ދުވަސްކޮޅަކު މާލޭގައި މަޑުކޮށްލާފައި ރަށަށް ގޮސްލަން ބައްޕަ ނިންމައިފިން.” ޖާބިރު މިހެން ބުނުމާއިއެކު އިއާން ކޮފީތަށި ބޯން އިނދެފައި ކޮށިއެރިއެވެ. “ޑޭޑް ކީއްކުރަންތޯ ރަށަށް ދަނީ؟” އިއާންއަށް ލޯ އަޅާލަމުން މިރުޝާލް އަހާލިއެވެ.

“ބައްޕަމެން އުޅެބޮޑުވީ އެރަށުގައި.. ދެން މިހާރު މެލޭޝިއާއަށް އައިސް ވިޔަފާރިގައި ކިތަންމެ ކުރިއެރިއަސް އަމިއްލަ އުފަން ރަށް މަތިން ހަނދާން ނައްތާލައިގެން ނުވާނެ. އެހެންނޫނަސް ތިމައިގެ މީހުން ކައިރިއަށް ވެސް ގޮސްލަން ވާނުން. މިހާރު އަށް އަހަރު މިވަނީ އެ ފަސްގަނޑަށް ނުދާތާ. އަދި ރައިނާ ވެސް އެމީހުނަށް ތަޢާރަފް ކޮށްދޭންވާނުން.” ޖާބިރު މިހެން ބުނުމުން ރައިނާ ލަދުން އިސްޖަހާލިއެވެ.

“ދަރިފުޅުމެން މެރީ ކުރިތާ ވެސް ކިތަށް އަހަރު މިވަނީ. ވެޑިން ވެސް އެކޮޅުގައި ބާއްވާން އިއާން ޤަބޫލު ނުވީ.. ދެން މިފަހަރު ބައްޕަމެން ބޭނުންވާ ގޮތް ހަދާލާ. މާލެ ވެސް ދާން އިއާން އެއްބަސް ތިވީ އެހާ ވަރުން” ޖާބިރު މިހެން ބުނުމުން އިއާން ވަކި އެއްޗެކޭ ނުބުނެއެވެ. އުލުން ތަށީގައި އޮތް ބިސްގަނޑު ފަޅި ކުރަމުން ދިޔައިރު އެމޫނުމަތިން ފާޅުވަނީ މުޅިން އެހެން ކުލަވަރެކެވެ.

“އިއާން.. ހޭ ބްރޯ.” މިރުޝާލްގެ އަޑަށް އިއާން ސިހިފައި އިސްނެގިއެވެ. “ޔާ.. ވަޓް؟” އޭނާ ބުނެލިއެވެ. “ބައްޕަ ބުނީ އޯކޭހޭ.” ޖާބިރުގެ ސުވާލަން އިއާން ބޯ ޖަހާލިއެވެ. “އައި އެމް ޑަން.. މިދަނީ ޑެނީއާއި އެކީ ފޮށިތަށް ނެރެން. ޑެނީ.. ޑެނީ ކަމް.” ގޭގެ ނޯކަރަށް ގޮވާލަމުން މިރުޝާލް ބޭރަށް ނިކުތެވެ. “ރައި އެކްސައިޓެޑް ތަ؟ އައި ކާންޓް ވެއިޓް. ހަމަ ދާގޮތަށް މޫދަށް އެރިލާ ހިތްވަނީ.. ކޮންދުވަހެއް މިހާރު ރާއްޖެ ނުދާތާ.” ޖޫލް ހެވި ދިލިފައި އިނދެ ބުނެލިއެވެ.

****

އިބްރާހިމް ނާސިރު އިންޓަނޭޝްނަލް އެއާޕޯޓަށް ޖެއްސި މެލޭޝިއަން އެއާ ލައިން އިން އެއްފަހަރާ ފަތުރުވެރިން ފައިބައިގަތެވެ. އިއާންގެ އަތުގައި ހިފައިގެން ހުރެ ރައިނާ އެރައިވަލްސް ގޭޓުން ވަދެގެން އެތަނުގައި މަޑުކޮށްލިއެވެ. އޭރު މިރުޝާލް ހެޑްސެޓް ޖަހައިގެން ހުރެ ޖޫލް އާއިއެކު އިމިގްރޭޝަންއަށް ޕާސްޕޯޓް ދައްކަން ދިޔައިރު ޖާބިރު ވެސް އެމީހުން ފަހަތުން ދިޔައެވެ. އެމީހުންނާއި އެކު ޝިމްލާގެ ހަގު ދަރިފުޅު ނާވިކް ވާހަކަ ފޮތެއް ކިޔަމުން ދިޔައެވެ.

“އަހަރެމެން ދާނަން ފާޚާނާއަށް ގޮސްލާފައި.. ރައިނާ ދަރިފުޅު ދާނަން؟” ޝިމްލާ މިހެން ބުނުމުން އާނއެކޭ ބުނެ އޭނާގެ މަންމަ ފަހަތުން  ހިނގައިގަތެވެ. “އަހަރެމެން ރަށަށް ގޮސްލަންވާނެ އިނގޭ” ތަސްލީމާ އޭނާ އަޅައިގެން ހުރި ޝޯލް ރަނގަޅު ކުރަމުން ބުނެލިއެވެ. އޭރު ރައިނާ ފާޚާނާގައި ވީއިރު ޝިމްލާ ސިންކުން އަތް ދޮންނަން ހުއްޓެވެ. އެމީހުންގެ އިތުރުން ފާޚާނާގައި ދެން ތިބީ ދެ ގެސްޓުންނެވެ.

“ހަމަ ދާންވީ.. ނާވިކް މިހާރު ގާލްފްރެންޑެއް ނަގައިފި އެއްނުން.” ޝިމްލާ މިހެން ބުނުމުން ތަސްލީމާ މޫނު ހަދާލިއެވެ. “ހުވާ؟ ދޮން ކުއްޖެއްދޯ.” ތަސްލީމާ ބުނެލިއެވެ. “ހޫމް. ކޮންމެސް އެޑްރީނާއެއް ކަމެއް ނޭނގެ ކިޔަނީ.. ދެން ވަރަށް ފޫހިވޭ. މަންމައަށް ވީތީ އަހަރެން ކައިރި ބުނެލަން ކީއްވާނީ. ރައިނާ ބުނީމަ އިނގުނީ ވެސް.” ޝިމްލާ ކުދި ކިޔަމުން ދިޔައެވެ.

ފާޚާނާއިން ނިކުއިން ރައިނާ ސިންކުން އަތް ދޮވެލަން ހުއްޓެލިއެވެ. “ދަރިފުޅާ އެބައޮތްތަ ކުޑަ ސެންޓު ފުޅިއެއް ކަހަލަ އެއްޗެއް؟” ތަސްލީމާ އަހާލިއެވެ. ރައިނާ އާނއެކޭ ބުނެ ކައިރީގައި އޮތް ދަބަސް ނަގައި ތަސްލީމާ އަތަށް ދިނެވެ. ދަބަސް ތެރެ ހާވަނިކޮން އޭގައި އޮތް އެއްޗެއް ފެނި ތަސްލީމާގެ މޫނުގެ ކުލަވަރު ބަދަލުވިއެވެ. އެއެއްޗެއް ނަގައި ބަލައިލުމަށްފަހު އޭނާގެ ނަޒަރު ރައިނާއަށް ހުއްޓުނެވެ. ތަސްލީމާ ނިކަން ސިއްރުން ޝިމްލާ ގައިގައި ކޮއްޓާލަމުން ދަބަސް ތެރެއިން އޭތި ދައްކާލުމުން ޝިމްލާ ވެސް ދެބުމަ ގޮށްޖެހުނެވެ.

“ދަރިފުޅާ.. އަން ދަބަސް.” ތަސްލީމާ ދަބަސް ޒިބު ދަމާލަމުން އެ އަނބުރާ ރައިނާއަށް ދިނެވެ. ތިން މީހުން އެކުގައި ފާޚާނާއިން ނިކުއިން އިރު ތަސްލީމާ ހުރީ ރުޅި އައިސް ރަތްވެފައެވެ. “އަހަރެން ނުބުނަންތަ ޝިމްލާ ކައިރިއަކު.. އަހަންނަށް އޭރުވެސް އިނގޭ. މިހާރު އިނދެގެން އުޅޭތާ ވެސް ހަތަރު އަހަރު ވަނީމި. ޝިމްލާ އެވާހަކަ ނުދައްކަންތަ ރައިނާ ކައިރިއަކު؟” ތަސްލީމާ ހިތްހަމަ ނުޖެހިފައި ހުރެ ވާހަކަދެއްކިއެވެ. އޭރު ރައިނާ ގޮސް އިއާންއާއި އެކު ޕާސްޕޯޓް ދައްކަން ލައިނުގައި މަޑުކޮށްލައިގެން ހުއްޓެވެ.

“ދެއްކިން.. ބުނި ކުރާނަމޭ ވެސް. އެކަމަކު އަދިވެސް ބާތް ކޮންޓްރޯލް ޕިލްސް ނަގަނީ އެ..” ޝިމްލާ ބުނެލިއެވެ. “ރައިނާގެ މައްސަލައެއް އުޅެންޏާ ވެސް ހަމަ ޑޮކްޓަރަށް ދެއްކީމަ ދޯ އިނގޭނީ. އަނެއްކާ އިއާން އެއީ ގައިނިކޯލޮޖިސްޓެއް.. ކިހައި ފަސޭހައިން ވާނެ ކަމެއް މީދެން. ޝިމްލާ އޭނައާއި ވާހަކަދައްކަބަލަ. އަހަރެން ބޭނުން މާމަ ދަރިއެއް. މިހާރު ރައްޓެހިން ވެސް ދިމާ ކުރަނީ މާމަ ދަރިއެއް ނުލިބޭތީ.. އިނގޭތަ އެ ޝެހެނާޒްއަށް ވެސް ކުރީދުވަހަކު މާމަ ދަރިއެއް ލިބިއްޖެ. ދެން އަހަރެން ކައިރި އަހަނީ އަނެއްކާ އިއާން މައްސަލައެއް އުޅެނީހޯ. އަހަރެން ލަދުން ކިރިޔާ ހަލާކު ނުވީ..” ތަސްލީމާ ޕާސްޕޯޓް ހިފައިގެން އިމިގްރޭޝަން ކައުންޓަރު ކައިރިއަށް ޖެހިލަމުން ބުނެލިއެވެ.

ޝިމްލާ ނިމިގެން އައިސް ފޮށިތައް އަންނަތާ މަޑުކޮށްލަމުން ތަސްލީމާ ކައިރިއަށް ޖެހިލިއެވެ. “ކިހިނެއް އިނގެނީ ނޫން ކަމެއް ވެސް؟” ޝިމްލާ އަހާލިއެވެ. “ކޯއްޗެއް؟” ތަސްލީމާ އޮޅުން ނުފިލުމުން ބުނެލިއެވެ. “ކިހިނެތްހޭ އިނގެނީ އިއާންގެ މައްސަލައެއް ނޫން ކަމެއް ވެސް. ހަމަ ވަކި ރައިނާ މައްސަލައެއްތަ ހުންނަން ޖެހެނީ؟” ޝިމްލާ މިހެން ބުނުމުން ތަސްލީމާ އިތުރު އެއްޗެކޭ ނުބުނެއެވެ. ދުރުގައި ހުރި އިއާންއާއި ރައިނާއަށް ނަޒަރު ހުއްޓާލިއިރު އެ މޫނުމަތިން މާޔޫސްކަން ފާޅުވިއެވެ.

****

އާއިލާ މީހުން ބޭރުގައި މަޑުކޮށްގެން ތިބިއިރު އެންމެން ތިބީ އިއާންމެން ނުފެނި ކެތްމަދުވެފައެވެ. “މިތިބަ އަންނަނީނުން.. ޖާބިރު އާދޭ އާދޭ.. އަމިއްލަ ފަސްގަނޑަށް މަރުޚަބާ.” ފައިރޫޒު ހިނިގަނޑެއް ޖަހާލަމުން ޖާބިރު ގައިގައި ބައްދާލިއެވެ. އެތަށް ދުވަހަކަށްފަހު ބޭބެ ޤައުމަށް އެނބުރި އައިސްލީތީ އޭނާ އުފަލުގެ ކޮޅެއް ނެތެވެ.

“ފަހަރީ ކޮބާ ކިހިނެތް؟” ތަސްލީމާއާއި ސަލާމް ކޮށްލަން އަތްދިއްކޮށްލަމުން ފައިރޫޒު ބުނެލިއެވެ. އޭރު ޖޫލްއާއި މިރުޝާލް އާއިލާގެ އެކި މެމްބަރުންނާއި ވާހަކަ ދައްކަމުން ދިޔައިރު ނާއިކް ކައިރީގައި ރައިނާ ބަސްމަދުވެފައި ހުއްޓެވެ. “އިއާން.. ބަލާބަލަ މިހާރު ހަށިގަނޑާއި އެއްޗެހި ބޮޑުވެލާފައި ހުރިވަރު.. އަހާ ރައިނާ ހާދަ މަޑުން ތިހުރީ. އާދެބަލަ..” ފައިރޫޒުގެ ދޮށީ ދަރިފުޅު ދިމްނާ ހިނިތުން ވެލަމުން ވާހަކަދެއްކިއެވެ.

“ހެހެހެ.. އެއްކަލަ ދޮންތަ.. ކޮބާ ނުއްނު؟” އިއާން މިހެން ބުނުމާއި އެކު ދުރުން ކުޑަކުއްޖެއް ދުވެފައި އަންނަތަން ފެނުނެވެ. “ދޮންބެ..” ނޫހް އެއައި ގޮތަށް އައިސް އިއާން ގައިގައި އޮޅުލާގަތެވެ. “ހޭއި.. ހާދަ ބިގް ވެއްޖެޔޭ މިހާރު..” ނޫހްގެ ކޮލުގައި ހިފާލަމުން އިއާން ބުނެލިއެވެ.

“ޔެސް.. ނުއްނުއަށް މިހާރު އެއިޓް އިޔާޒް ވެއްޖެ.. ދޮންބެހެން ސްޓްރޯންގް ވާނެ މިހާރު.. މިހިރީނުން މަސަލް..” ނޫހް ދެއަތް މައްޗަށްނަގައި ދައްކާލަމުން ބުނެލިއެވެ. “އާނ ދޯ.. މިހާރު ދޮންބެއަށް ވުރެ ސްޓްރޯންގެއޭ..” އިއާން ނޫހުއާއި އެކު ހީ ސަމާސާ ކުރަމުން ދިޔައިރު ޝިމްލާ އާއި ތަސްލީމާ އެހެން މީހުންނާއި އެކު ފެރީއާއި ދިމާއަށް މިސްރާބު ޖެހިއެވެ.

“ވަރަށް ކަންތައް ރާވާލާފައި އޮންނާނީ.. ދޯ ޖަޒްލީން.” ދިމްނާ މިހެން ބުނުމުން މިރުޝާލް ކައިރީގައި ހުރި ޖަޒްލީން ހީލިއެވެ. “ދޮންބެދައްތަ ޖާޒްއަށް ކައްކަން ދަސްކޮށްދޭން ވާނެ.. ދޮންބެ ބުނީ ވަރަށް މޮޅޯ ކައްކަން.” ޖަޒްލީން އޭނާގެ ދޮންތައާއި އެއްބައި ވެލަމުން ބުނެލިއެވެ. “ތިއެއް ނޫނޭ.. ޖާޒްގެ އޯލެވެލް ކިހިނެތް؟” ނޫހް އަތުގައި ހިފައިގެން ހުރި ޖޫލް އަހާލިއެވެ.

“ވަރަށް ސަޅި. ޔަޤީން ޓޮޕް ޓެންއަށް އަރާނެކަން.. އޭރުންނުން ޖޫލްދައްތަމެން ކައިރިއަށް މެލޭއަށް ދެވޭނީ ދޯ..” ޖަޒްލީން މިހެން ބުނުމުން އިއާން އެކަމާއި އެއްބަސް ވެލިއެވެ. ކަނޑުގެ ލޮނުގަނޑު ކަފަމުން ފެރީ މިސްރާބު ޖަހަމުން ދިޔައީ މާލެއަށްށެވެ. މާލޭގެ މަލަމަތި ފެންނައިރަށް އިއާންގެ ހިތް ނުތަނަވަސް ވީކަމަކު އެކަން ފާޅު ނުކޮށް އޭނާވެސް އެންމެންގެ ވާހަކައިގައި އެއްބައި ވިއެވެ.

****

އިރުއޮއްސި އަނދިރިވެގެން އައި ވަގުތު ރަތްވިލާގެ ދަޅައިން އުޑުމަތި ފަވާލެވިފައި ވީއިރު ގޭގެ ބެލްކަނީގައި އިއާން ސިނގިރޭޓެއް ޖަހާލައިގެން އިނެވެ. ހެނދުނު އެމީހުން އުޅޭ އެޕާޓްމެންޓަށް އައިގޮތަށް އަދި އޭނާ ބޭރަކަށް ނުނިކުމެއެވެ. ޖޫލްއާއި މިރުޝާލް ޖަޒްލާންމެނާއި އެކު ހަވީރު ބޭރަށް ދިޔައިރު ނާއިކް އުޅުނީ އިއާންމެންނާއި އެކު ގޭގައެވެ.

މާލޭގެ ހަލަބޮލު މަގުތަކަށް ނަޒަރު ހުއްޓާލައިގެން އިންއިރު އޭނާގެ ޚިޔާލު ވަނީ މިކަންކަމާއި މާ ދުރުގައެވެ. “އިއާން.. އިއާން.” ރެއިލިންގައި އަތް އަޅުވާލަމުން ރައިނާ ދެފަހަރަކު ގޮވާލުމުން އިއާން ސިހިފައި އަތުގައި އޮތް ސިނގިރޭޓު ބެލްކަނިން ބޭރަށް ވައްޓާލިއެވެ. “ހޭއި..” އިއާންގެ އަޑުގައިވީ ވަރުބަލި ކަމެވެ.

“ކިތަށްފަހަރު ބުނާނީ ސިނގިރޭޓު ނުބޯށޭ.. ތިއީ ޑޮކްޓަރެކޭ.” ރައިނާ މިހެން ބުނުމުން އިއާން ނިކަން ލޯބިން އޭނާގެ އުނަގަނޑުގައި އަތް އަޅުވާލަމުން ގަޔާއި ކައިރި ކޮށްލިއެވެ. “ސޯ؟” އިއާން މިހެން ބުނުމުން ރައިނާ މޫނު ކުނިކޮށްލިއެވެ. “ދެން ސިނގިރޭޓު ވަސް ދުވަނީ.. ދޭ ފެންވަރަން.” ރައިނާ ބުނެލިއެވެ.

“ހިނގާ ދާން..” އިއާން މިހެން ބުނެ ކައިރި ވެލިތަނާ ދުރުން މީހަކު ކަރުކެހެލި އަޑަށް އޭނާ ސިހިފައި ވަގުތުން ރައިނާ ގައިން ދޫކޮށްލިއެވެ. އޭރު ޝިމްލާ ކޮފީތައްޓެއް ބޮމުން އެތަނަށް ނިކުއިން އިރު ފަހަތުން ފައިރޫޒްގެ އަންހެނުން ނާދިރާ ވެސް އާދެއެވެ. “އިއާން ދޭބަލަ ކޮފީތައްޓެއް ބޯލަން ބައްޕަމެންނާއި އެކު.. އެބަތިބި ސިޓިން ރޫމުގައި.. އާނ އަދި ތިރިއަށް ގޮސް ނާއިކް ގޮވައިގެން އަންނައްޗޭ.. އޭނާ ވެސް އެއީ ކޮޓަރިން ނިކުންނަ ފިރިހެނެއް ނޫން.” ޝިމްލާ އައިސް އެތަނުގައި ހުރި ގޮނޑިއެއްގައި އިށީނދެލަމުން ބުނެލިއެވެ.

އިއާން ރަކިވެފައި ހުރެ އަވަސް އަވަހަށް އެތަނުން ދިއުމުން ރައިނާ އައިސް ޝިމްލާމެންނާއި އެއްބައި ވެލިއެވެ. “ރައިނާ.. ކޮބާ ކިހިނެތްތަ މިހާރު ކަންތައްތައް؟” ނާދިރާ އައިނު ލޮލުގައި އަޅާލަމުން ބުނެލިއެވެ. “ރަނގަޅު..” އިރުއޮއްސެމުން ދިޔަ މަންޒަރަށް ނަޒަރު ހުއްޓާލައިގެން އިނދެ ރައިނާ މިހެން ބުނެލި އިރު ފަހަތަށް ދޫކޮށްލެވިފައި އޮތް އިސްތަށިގަނޑަށް ވައިގެ ކުދި ގޯނާތަށް ލިބެމުން ދިޔައެވެ.

ސިޓިން ރޫމުގައި ނޫހުއާއި އެކު ބޯޅަ ކުޅެމުން ދިޔަ އިއާން ފެނި ރައިނާ ހެވިފައި ފޯނުގައި އެ މަންޒަރު ފޮރުވާލިއެވެ. މިތަން ބަލަން އިން ނާދިރާ އިޝާރާތް ކޮށްލުމުން ޝިމްލާ ބޯ ޖަހާލަމުން ވާހަކަ ފެށިއެވެ. “އިއާން ނިކަން ފޯރި ހުރޭ ދޯ ނުއްނުއަށް.” ޝިމްލާ ބުނެލިއެވެ. “އާނ.. މެލޭގައި ވެސް ސްކައިޕް ކޮށްގެން ތިބެދާނެ އެތަށް އިރަކު..” ރައިނާ ހިނިތުން ވެލިއެވެ.

“އެހެންނުން ވާނީ.. އަންހެނުންގެ ޑޮކްޓަރަކަށް ވީމަ އަބަދު ކުޑަކުދިން ބެލުމުގައި ވިއްޔަ އެއުޅެނީ.. ދެން ދަރިފުޅުމެން ކޮންއިރަކުންތަ ކުއްޖެއް ހޯދަނީ؟” ޝިމްލާގެ ސުވާލުން ރައިނާގެ މޫނު ކުލަ ވެއްޓުނު ކަހަލައެވެ. އެހިނިތުންވުން ފިލައިގެން ދިޔައިރު އޭނާގެ ފަރާތުން އެއްވެސް ޖަވާބެއް ނުލިބުނެވެ.

“ތެދެއް ރައިނާ.. ދެން އެހާގިނަ ދުވަހު ތިހެން ތިބޭކަށް ނުވާނެ. ތަސްލީމާ ވެސް މާމަ ދަރިއެއް ނިކަން ބޭނުން ވާނުން..” ނާދިރާ މިހެން ބުނުމުން ރައިނާ ނުތަނަސް ވިއެވެ. “އަމް.. އަދި ކުޑަކޮން އަވަސްވީމަ.” ދެއަތް ދެއަތާއި މޮޑެމުން ރައިނާ ބުނެލިއެވެ.

“އަވަހޭ.. އަންހެންނުން ވާނެ މާ ލަސްނުކޮށް ކުދިން ހޯދަން.. އުމުރުން ދުވަސް ވާ ވަރަކަށް އެކަން އުނދަގޫވާނީ. އެހެންވެ ހައްތަހާ ވެސް މި ބުނަނީ.. އިއާންއަށް ވެސް މިހާރު ދެން ތިރީސް އަހަރު ވަނީ އެޔޮށް.. މަންމައަށް ފެންނަނީ ތިދެކުދިން މިކަމާއި ވިސްނާލަން.” ޝިމްލާ މިހެން ބުނުމުން ރައިނާގެ ނަޒަރު އިއާންއަށް ހުއްޓުނެވެ. އެހިތުގައި ވީ އުދާސްތައް ފޮރުވައިގެން ދެން އުޅެވޭނީ ކިހާ ދުވަހަކު ކަމެއް ނޭނގެއެވެ.

-ނުނިމޭ-