ލޯބިވަން ޔާރާ އޭ 12

ލޯބިވަން ޔާރާ އޭ 12

ގެއަށް ދެވުމާއި އެކު ކާރުން ނުކުމެ އީތަން ދުއްވައިގަތީ ގޭތެރެއަށެވެ. އެތެރެއަށް ވަންއިރު މީހެއްގެ ހިލަމެއް ނެތުމުން އީތަން ހަލުވިކަމާއި އެކު ސިޑި ކަޑައްތުކޮށްލަމުން މައްޗަށް އެރީ މިޝެލް އަށް ގޮވަމުން ނެވެ. ނަމަވެސް ޖަވާބެއް ނައެެވެ. އީތަން ކޮޓަރި ހުޅުވައިލި އިރު ކޮޓަރީގައި ވެސް މިޝެލް ގެ އެއްވެސް ހިލަމެއް ނެތެވެ. އީތަން ބޮލުގައި ހިފަހައްޓައިލަމުން ވިސްނާލިއެވެ. ޔަގީނެވެ. މިޝެލް ދާނީ ނެހާ އެހެން ނޫނީ މިޝެލް މެން ގެއަށެވެ. އީތަން މާ ގިނަ އިރަކު މަޑު ކުރާކަށް ނަހަދައެވެ. އަވަހަށް ކޮޓަރިން ނުކުތީ މިޝެލް ހޯދަން ދާށެވެ.

ކާރަށް އަރާ ސްޓާޓް ކޮށްލަމުން އީތަން ފުލް ސްޕީޑް ގައި ދުއްވައިލީ މިޝެލް މެން ގެއަށް ދިއުމަށްޓަކައެވެ. ދިހަވަރަކަށް މިނިޓު ދުއްވުމަށް ފަހުގައި އީތަން އަށް އޭނާގެ މަންޒިލަށް ދެވުނެވެ. އަވަސްއަވަހަށް ކާރުން ނުކުމެގެން ގޮސް ފުރަތަމަ ބެލް ޖަހައިލެވުނީ ވެސް ނުބައި އެޕާޓްމެންޓެއްެގެ ދޮރުގަެއެވެ. ދޮރު ހުޅުވައިލި މުސްކުޅިޔާ ކައިރިން މާފަށް އެދެމުން އީތަން އަވަސް އަވަހަށް ގޮސް މިޝެލް މެންގެ އެޕާޓްމެންޓްގެ ދޮރު ގެ ބެލް ޖަހައިލިއެވެ. އެވަގުތު ގޭގައި އުޅެނީ ހަމަ އެކަނިި ދާއިން ކަމުން ދާއިން ދޮރު ހުޅުވިއެވެ. ދޮރުމަތީ ހުރި އީތަން ފެނި ދާއިން ހިނިތުން ވެލިއެވެ.

“އީތަން. އެކަނިތަ ތި އައީ؟ ކޮބާ މިޝް؟” ދާއިން އީތަން ގެ ގައިގައި ބައްދާލަމުން އަހައިލިއެވެ. އެގޭގައި މިޝެލް ނެތް ކަން އެ ޖުމްލައިން އީތަން އަށް އިނގުނެވެ. ނަމަވެސް ހާސް ކަން ފޮރުވަމުން ދާއިން އަށް ހިނިތުން ވެލިއެވެ.

“އިއްޔެ އަދި މާލެ އާދެވުނީ. އޮފީހުން ގެއަށް ދަމުން ހިތައް އެރީ މިގެއަށް ވަދެލާނީ އޭ. އަދި މިޝް ގެ މަންމަ އާ ވެސް މީޓް ނުވާތީ.” އީތަން ވާހަކައެއް ހަދައިލިއެވެ.

“ދެން އެކަމު މިޝް ގެ މަންމަ ނުކިޔަ އީތަން ވެސް މަންމަ ކިޔަން ވާނީ އިނގޭ. އޭރުން މަންމަ އުފާ ވާނީ. މަންމަ އަދި ނާދޭ ސްކޫލުން ގެއަކަށް. ސެވަން ހާއިރު އަންނާނެ. މަޑުކޮށްލަން ވީނު.” ދާއިން އީތަން ކޮޅަށް ހުންނަން ފެށުމުން ގޮނޑި އެއް ކައިރި ކޮށްދެމުން ބުންޏެވެ.

“ނޫނޭ. ވަރަށް އަވަހަށް ދާން ޖެހޭ އެބަ. މިޝް ވެސް އެކަނި ގޭގަ ހުންނާނީ. އެހެން ދުވަހަކުން މިޝް ގޮވައިގެން އަންނާނަން. މަންމަ އަށް ވަރަށް ސަލާމް ބުނާތި!” އީތަން ދާއިން އާ ސަލާމް ކޮށްލަމުން ދާން ހިނގައިގަތެވެ. އެ އަންހެން ކުއްޖާ އެ ދިޔައީ ކޮންތާކަށް ބާއެވެ.

އީތަން ކާރަށް އަރާފައި ދުއްވައިލީ މާޔޫސް ކަމާއި އެކު އެވެ. ނެހާ މެން ގެއަށް ދާން ވެސް އީތަން އަކަށް ނޭނގެ އެވެ.

“ޑޭމް އިޓް. އިޓްސް އޯލް ދެޓް ކްރީޕީ އާނާސް ފޯލްޓް” އީތަންއަށް އާނާ ގެ ނަން ހިތައް އެރުމާއި އެކު ދެބުމަ ގޮށް ޖަހައިލެވުނެވެ. ކާރު ދުއްވަން އިންދާ ފޯން ރިންގް ވާން ފެށުމުން އީތަން ކާރު މަޑުކޮށްލާ ފޯން ނަގައި ބަލައިލިއިރު ގުޅަނީ މަންމަ އެވެ. އެގެއަށް ނުދާތާ ހަތަރު ވަރަކަށް ދުވަސް ވިޔަސް ސޫޒަން އީތަން ގެ ހާލު ރަނގަޅު ތޯ ބަލަން ގުޅާނެ އެވެ.

“ހެލޯ މަމް” އީތަން މޫޑު ބަދަލު ކޮށްލަމުން މަންމަ އާއި ވާހަކަ ދެއްކީ އުފާ ވެލާފައެވެ.

“ދަރިފުޅު ރަނގަޅުތަ؟. މިހާރު މިގެއަށް އައިސް ނުލާ. ޔޫލީ ވެސް އައިތާ އަދި ގިނަ ދުވަހެއް ނުވޭ ވިއްޔަ. ތިހެން ހަދަންޏާ ޔޫލީ ކިހައި ދެރަވާނެ.” ސޫޒަން ގެ އަޑުގައިވާ ހިތްހަމަ ނުޖެހުން އީތަން އަށް ފާހަގަ ވުމުން ފުން ނޭވާއެއް ލަމުން ވާހަކަ ދެއްކިއެވެ.

“ސޮރީ މަންމާ. އޮފީސް ދަތުރަކު ލަންކާ އަށް ގޮއްސަ އައިސް މިއުޅެނީ. އިއްޔެ އާދެވުނީ. އަދި ނުދެވިފައެއް ނެތެއްނު.” އީތަން އޭނާގެ އުޒުރު ހާމަ ކުރުމުން ސޫޒަން އިތުރަކަށް ދެބަސް ވާކަށް ނޫޅުނެވެ.

“އެކަމު ދަރިފުޅު މިރޭ އައިސްލަން އެބަ ޖެހޭ. ޔޫލީ ބޯއީ ފްރެންޑް ޑިނާ އަށް އަންނާތީ އީތަން ވެސް އަންނަން ޖެހޭނެ ވާހަކަ ބުނަން މަންމަ މި ގުޅީ” ސޫޒަން ގެ ޖުމްލައިން އީތަން ހައިރާން ވީ ވަކި ވަރެއް ބަލާފައެއް ނޫނެވެ.

“ޔޫލީ ގެ ބޯއީ ފްރެންޑޭ؟ އަޅެ އަޅުގަނޑު ގާތު ޔޫލީ ނުވެސް ބުނޭ. ހުރެބަލަ ނިކަށް.” އީތަން ހައިރާންކަން މަތީ އިނދެ ވާހަކަ ދެއްކުމުން ސޫޒަން ހީލި އަޑު އިވުނެވެ.

“އޯކޭ މަމް. އަޅުގަނޑު ސީދާ ޓައިމް އަށް ދާނަން. ބާއި. ޓޭކް ކެއާ” އީތަން ފޯން ޖެހިގެން އިން ސީޓުގައި ބާއްވަމުން ކާރު ދުއްވާލީ ގެއަށް ދާށެވެ. ގެއަށް ދިޔަ އިރު ވެސް މިޝެލް ގެ ހިލަމެއް ވެސް ނެތެވެ.  އީތަން ބޮލުގައި ހިފައްޓައިލަމުން ސޯފާ އަށް ވެއްޓިގަތީ ވެފައިހުރި މާޔޫސް ކަމެއްގެ ބޮޑު ކަމުންނެވެ.

“އޯހް ވައިލްޑް ލޭޑީ.. އައި އެމް މިސިންގް ޔޫ ސޯ މަޗް” އީތަން ލޯ މަރައިލުމާއި އެކު ސިފަ ވެގެން ދިޔައީ ކައިވެނި ކުރި ރޭ ދެމީހުން ގެ ދޭތެރޭގައި ހިނގި ލޯބީ ގެ ކުޑަ ކުޑަ ވަގުތުކޮޅު މަތިންނެވެ. އެ އާއި އެކު އެ ތުންފަތުގައި ލުއި ލުއި ހިނިތުންވުމެއް ކުޅެލިއެވެ.

އަލްހާން ސިޓިންގް ރޫމް ގައި އިނީ އަށެއްގެ ޙަބަރު ބަލާށެވެ. އަލްހާން އަށް ކޮޅަށް ތެދުވެވުނީ އޭނާ ދާއިން އަށް ލަނޑު ދޭން ހަވާލުކުރި އާލިމް މަސްތުވާ ތަކެތީގެ މައްސަލައިގައި ހައްޔަރު ކުރި ޙަބަރު ލިބުމުންނެވެ. އަނެއްކާ ވެސް ނާކާމިޔާބު ވީ އެެވެ. އަދި ސަމާލުވެގެން އުޅެން ބުނުމުން އެ ފިރިހެނާގެ މޮޔަކަމުން އެ ބެދުނީ އެވެ. ދެން ހަދާނީ ކިހިނެއް ހެއްޔެވެ. ދާއިން މިރޭ އަންނާނެ ވާހަކަ ސޫޒަން ބުނުމުން ވެސް  އަލްހާން އެއްޗެކޭ ނުބުނެ ހުރީ ދާއިން ހައްޔަރު ކުރާނޭ ކަމުގެ ވަރަށް ބޮޑު ޔަގީން ކަމެއް އޮތުމުން ނެވެ. އަލްހާން ނިތްކުރީގައި އަތް ކާއްތާލަ ކާއްތާލަ އިންދާ ޔޫލީ އައި ތަން ފެނުމުން އިސްދަށަށް ޖަހައިލީ ވާހަކަ ނުދައްކާން ހުވާ ކޮށްގެން އިން މީހެއް ފަދައިން ނެވެ.

“ޑޭޑް. އިރުކޮޅަކުން ދާއިން އަންނާނެ. ޕްލީޒް ބީ ނައިސް ޓު ހިމް. ދާއިން އަކީ ގޯސް ކުއްޖެއް ނޫން. އަޅުގަނޑު އުންމީދު ކުރަން ބައްޕަ ނިންމާ ނިންމުން ރަނގަޅުވާނެ ކަމަށް” ޔޫލީ އަލްހާން އަނގައިން ނުބުނެ އިނުމުން އިރުކޮޅަކު ހުރެލާފަ ހިނގައިގަތީ ދާއިން އަންނަން ވާއިރަށް ބޭރުގައި ހުންނާށެވެ.

ދާއިން ގެ ސައިކަލު މަޑުކޮށްލުމާއި އެކު ޔޫލީ ހިނިތުންވެލިއެވެ. ދާއިން އޮފިޝިއަލް ކޮށް ހުރުމުން ވަކިން ރީތި ކަމަށް ދައްކައެވެ. މެރޫން ކުލައިގެ ގަމީހާއި އެކު ހުދާއި ކަޅުގެ ޓައީ އެއް އަޅައިގެން ހުރި އިރު އަތުކުރި ވަނީ ވަކި ހަމައަކަށް އޮޅައިލެވިފައެވެ. ކަޅު ފަޓުލޫނާއި އެކު ކަޅު ބޫޓަކަށް އަރައިގެން ހުރި އިރު ވަރަށް ވެސް ފިރިހެން ވަންތަ އެވެ.

“ޔޫ ލުކް ހޭންޑް ސަމް.” ދާއިން ހިނިތުން ވެލަމުން ދެޖީބަށް އަތް ޖަހައިލަމުން ބޯ އަރިކޮށްލައިގެން ހުރެ ޔޫލީ އަށްބަލައިލިއެވެ.

“އަހަންނަށް ވުރެ ޔޫލް މާ ފުރިހަމަ.” އީތަން ގެ ޖުމްލައަށް ހިނިތުން ވެލަމުން ޔޫލީ ދާއިންގެ އަތުގައި ހިފައިގެން ގޭތެރެ އަށް ވަނެވެ. ނަސީބަކުން އޭރު ސިޓިންގް ރޫމްަ ގައި އަލްހާން އެއް ނެތެވެ.

“މިތާ ސޯފާގައި އިށީނދޭ. އެބަ އަންނަން މަންމަ މެން ގޮވައިގެން” ޔޫުލީގެ ބަހަށް ކިޔަމަން ވަމުން ދާއިން ސޯފާ ގައި އިށީން އިރު އެ ގޭގެ އެކި ދިމާލަށް ބެލެމުން ދިޔައެެވެ. މުއްސަނދިކަން ނޫން ކަމެއް ނުފެނެއެވެ. އަގު ބޮޑު ބްރޭންޑް ތަކުގެ އެއްޗިއްސެވެ. ސޯފާ ސެޓަކަސް ޓީވީ އަކަސް ޗާންދަލިޔާ އަކަސް ވެހެވެ. ހަގީގަތުގައި ވެސް ދާއިން އާއި ޔޫލީ އެކަށީގެން ނުވޭ ކަންނޭނގެ އޭ ދާއިން ގެ ހިތަށް އެރިއެވެ. ނޫނެކެވެ. ލޯތްބަކީ ވަކި ގިންތި އަކަށް ވާކަމެއް ނޫނެވެ. އެހެން ނޫނަސް ޔޫލީ އެ އާއިލާގެ މުއްސަނދި ކަމުގެ ވާހަކަ ދައްކައިގެން ދާއިން ގާތު އެއްވެސް އެއްޗެއް ކިޔާފަކާ އެއް ނެތެވެ. އެއީ ޔޫލީ އަށް ވެސް މުއްސަނދިކަން އެހައި މުހިންމު ނުވީމަތާ އެވެ. އިރުކޮޅަކުން ޔޫލީ އާއި އެކު މެދު އުމުރު ގެ އަންހެނަކާއި ހަމަ އެހާކަށްހާވަރު ފިރިހެނެއް އަންނަތަން ފެނުނެވެ. ދާއިން ހިނިތުން ވެލަމުން ތެދުވީ އިހްތިރާމް ކުރުމުގެ ގޮތުން ނެވެ. ދާއިން ސަލާމް ކޮށްލުމަށް އަތްދިއްކޮށްލުމުން ސޫޒަން ހިނިތުން ވެލަމުން ސަލާމް ކޮށްލި ނަމަވެސް އަލްހާން ދާއިން އަށް ބަލައިވެސް ނުލާ އިށީނީ އެވެ. ފިރިމީހާގެ ކިބައިގައި މީގެ ކުރިން ނުހުންނަ ބޮޑާ ކަމުގެ ސިފަ ފެނުމުން ސޫޒަން އިންތިހާ އަށް ދެރަވިއެވެ. އަލްހާން އަކީ ފަޤީރުންނަށް ވެސް ވަރަށް ގިނަްއިން އެހީ ވާ މީހެކެވެ. ނަމަވެސް މިހާރު މި ފެންނަނީ އޭގެ ދިމާ އިދިކޮޅެވެ.

“ދާއިން ދޯ ކިޔަނީ؟ ކޮބާ ފެމިލީ؟” ސޫޒަން ހިޔާލުތައް އެއްފަރާތް ކޮށްލަމުން ހިނިތުން ވެފައި އަހައިލިއެވެ.

ދާއިން ވެސް ސޫޒަންގެ މޫނަށް ބަލައިލަމުން ހިނިތުން ވެލަމުން ވާހަކަ ދައްކަން ފެއްޓިއެވެ.

“މަންމަ އެބަ އުޅޭ ގޭގަ. ކޮއްކޮ މިހާރު މެރީ ކޮށްގެން އުޅެނީ ފިރިމީހާގެ ގޭގަ.” ދާއިން އަލްހާން ގެ ސަބަބުން ހާސް ވެފައި އިނަސް އެކަން ނުދައްކައި ވޭތޯ ބެލިއެވެ.

“ބައްޕަ ކޮބާ؟” ސޫޒަން ގެ ސުވާލުން ދާއިން ހިތާމަވެރި ގޮތަކަށް ހިނިތުން ވެލިއެވެ.

“މީގެ ހަތް އަހަރު ކުރިން ނިޔާ ވެއްޖެ” އީތަން ގެ ޖަވާބުން ސޫޒަން ހިތްވަރު ދިނުމުގެ ގޮތުން ދާއިން ގެ ބުރަކަށީގައި ފިރުމައިލިއެވެ.

“ޔޫލީ ބައްޕަ އާ ދާއިން ގޮވައިގެން ކާ ގެއަށް ދޭ އިނގޭ. މަންމައެބަ ދަން އިރުކޮޅަކުން.” ސޫޒަންގެ ޖުމްލަ އަށް ބޯ ޖަހައިލަމުން ޔޫލީ ތެދުވީ ދާއިން އާއި އަލްހާން އަށް ވެސް އަންނަން ބުނަމުންނެވެ. އަލްހާން ނުގޮސް އިންނަން ފެށުމުން ސޫޒަން އާދޭހުގެ ނަޒަރަކާއި އެކު އަލްހާން އަށް ބަލައިލި އެވެ. އެއާއި އެކު އަލްހާން ހިނގައިގަތީ ސޫޒަން އޭނަ އާއި ދެބަސް ވާން ބޭނުން ނުވާތީއެވެ. އަލްހާން ގޮސް އޮބައިލުމުން ސޫޒަން އަވަސް ވެ ގަތީ އީތަން އަށް ގުޅުމަށެވެ.

ސޯފާގައި ޖައްސައިލުމާއި އެކު އީތަން އަށް ނިދުން އިރެއްވެސް ނޭނގެ އެވެ. ސިއްސައިގެން ގޮސް ހޭލެވުނީ ފޯން ރިންަގް ވާ ތަން ފެނުމުން ނެވެ. ގުޅަނީ މަންމަ ކަން އިނގުމުން އީތަން އަވަސް އަވަހަށް ފޯނު ނަގަމުން މާފަށް އެދުނެވެ.

“ސޮރީ އޯ. އެކަމު ދަރިފުޅު ކައިރީ މަންމަ ބުނިން ދޯ އަންނަން. ދެންވެސް އަވަހަށް އާދެބަ” ސޫޒަން ގެ އަޑުން އޭނާ އީތަން ގެންދަން ބޭނުން ވެފައި ހުރި ވަރު ހާމަ ވިއެވެ.

“އަޅެ މޮމް. އަޅުގަނޑު ވެސް ދާހިތްވޭ ވަރަށް ޔޫލީ ގެ ބޯއީފްރެންޑާ ބައްދަލު ކޮށްލަން. އެކަމު ވަރަށް ބޮޑަށް ބޮލުގަ ރިއްސާ އެބަ. ޕްލީޒް އެހެން ދުވަހަކުން އަޅުގަނޑު ދާނަން އައި އެމް ސޮރީ” އީތަން ދެރަ ވެލާފައި ބުންޏެވެ.

“ދަރިފުޅު ބަލި ވާހަކަ ކުރިން ބުނި ނަމަ. ހޫމް ދެން މައްސަލައެއް ނެތް. ޑޮކްޓަރަށް ދައްކާތި އިނގޭ. ދެން ބާއްވަނީ” އީތަން ބަލިކަން އިނގުމުން ސޫޒަން ވެސް އިތުރަށް ގަދަހަދާކަށް ބޭނުމެއް ނުވިއެވެ. ސޫޒަން ފޯން ބޭއްވުމާއި އެކު އީތަން އަނެއްކާވެސް މުޅި ގެ ހޯދީ މިޝެލް އައިތޯ ބަލާށެވެ.

“އަދިވެސް ނާދޭ. ވަރަށް ބޮޑަށް ރުޅި އައީ ކަންނޭނގެ. ދެން މިރޭ ނައިއްސިއްޔާ ޖެހޭނީ މާދަން ކޮންމެވެސް ގޮތަކުން ނެހާ މެން ގެއަށް ދާން.” އީތަން ހިތާހިތުން ކިޔައިލިއެވެ.

ކެއުން ކުރިއަށްދިޔަ އިރު އެކި ވާހަކަ ދައްކަމުން ދިޔައީ ސޫޒަން އެވެ. ބައްޕަ އަނގައިން ނުބުނެ އިންނާތީ ޔޫލީ އަކަށް ވެސް ވާހަކަ ދައްކާކަށް ނުކެރުނެވެ. އިރުކޮޅެއް ފަހުން އަލްހާން އިސް އުފުލައިލަމުން ދާއިން ގެ މޫނަށް ފަރުވާތެރި ކަމާއި އެކު ބަލައިލިއެވެ.

“ދާއިން ވަޒީފާ އަދާ ކުރަނީ ކޮން ތާކު ތަ؟” އަލްހާން ސުވާލު ކޮށްލުމުން ސޫޒަން އާއި ޔޫލީ އަލްހާން ގެ މޫނަށް ބަލައިލީ ހައިރާން ވެފައި ތިބެއެވެ.

“އަޅުގަނޑު ވަޒީފާ އަދާ ކުރަނީ ޕްރައިވެޓް އޮފީހެއްގަ” ދާއިން ހިނިތުން ވެލަމުން ޖަވާބު ދިނެވެ.

“މުސާރަ އަކީ ކިހައި ވަރެއް؟” އަލްހާންގެ ޖުމްލަ އާއި އެކު ޔޫލީ އަށް ބައްޕާ އޭ ކިޔައި ގޮވައިލެވުނީ އަލްހާން އިން ފަހަނަ އަޅައިގެން ގޮސްދާނެހެން ހީވާތީ އެވެ. ނަމަވެސް ދާއިން ޔޫލީ ގެ އަތުގައި ހިފައިލަމުން ހިނިތުންވެލަމުން ލޮލުން އިޝާރާތް ކޮށްލީ ކަންބޮޑު ނުވުމަށެވެ.

“އަޅުގަނޑަށް ހުރިުހައި އެލެވެންސް ތައް އެއްކޮށް ލައިގެން ވިހިހާހާއި ތޭވީސް ހާހާއި ދެމެދު ލިބޭ” ދާއިން ގެ ޖަވާބުން އަލްހާން ތުންފަތަށް މަލާމާތުގެ ހިނިތުން ވުމެއް ވެރިވިއެވެ.

“ތިއަށް ވުރެ ގިނައިން ޔޫލީ އަށް ވެސް މުސާރަ ލިބޭ” އަލްހާން ގެ ޖުމްލައިން ޔޫލީ އަކަށް މަޑަކުން ނީނދެވުނެވެ.

“ޕްލީޒް ޑޭޑް. އަޅުގަނޑު ދާއިން ދެކެ ލޯބިވީ ދާއިން އަށް މުސާރަ ލިބޭ ވަރު ބަލާފަކާއެއްް ނޫނޭ. އެހެން ވީމަ ބައްޕަ އަށް ވެސް ތިގޮތަށް ދާއިން ދެރަވާ ހެން ވާހަކަ ދެއްކެވުމުގެ ހައްގެއް ނޯންނާނެ.” ޔޫލީ ވާހަކަ ދެއްކި އިރު އެތައް ޖަޒުބާތެއް އެކުވުމުގެ ސަބަބުން އެ ރީތި ލޮލުގައި ކަރުނަ ވިދަވިދާ ހުއްޓެވެ. ދާއިން އާއި ސޫޒަން އިސްޖަހައިގެން ތިބީ އެވެ. ހަގީގަތުގައި ޔޫލީ ގެ ބައްޕަ އެގޮތަށް ވާހަކަ ދެއްކުމުން ދާއިން އިނީ އިންތިހާއަށް ދެރަވެ ލަދުގެންފައެވެ.

“އަހަރުމެން ލޯބިން އެއްކަމެއް ވެސް އުނި ނުކޮށް ކިޔަވައިދީް ބަލާ ބޮޑުކުރީމަ ތީ ދޯ އަގު އަދާ ކުރަން އިނގުނު ގޮތަކީ” އަލްހާން ގެ އަޑުގައި ވަނީ ރުޅިވެރިކަމެވެ. ދާއިން އިނީ އެތަނުން ދާން ބޭނުން ވެފައެވެ.

“އަލްހާން ޕްލީޒް. ޔޫލީ އުފަލުގަ ހުންނާނީ ދާއިން އާއި އެކު.” ސޫޒަން ކެތް ނުވެގެން ވާހަކަ ދައްކަންފެށިއެވެ.

“މުސާރަ އަށް ބައި ރުފިޔާ ލިބޭ މީހެއް ޔޫލީ އަށް އަޅާލާނީ ކިހިނެތްތަ؟” ސޫޒަން ދާއިން ގެ ދިފާއުގައި ވާހަކަ ދެއްކުމުން އަލްހާން އިތުރަށް ރުޅި ގަދަވިއެވެ.

“ބައްޕަ އަށް އެހެން ހީވިޔަސް ދާއިން އާ ދޭތެރޭ ފުުރިހަމަ އިތުބާރު އަޅުގަނޑަށް އޮބެއް. ކޮންމެ ހާލަކައިގެން ވެސް އަޅުގަނޑު ބޭނުމީ ދާއިން. ބައްޕަ އަޅުގަނޑަށް ކިޔަވައިދޭން ކުރިު ހަރަދު އަޅުގަނޑު އަނބުރާ އަދާ ކޮށްފާނަން” ޔޫލީ އިން ތަނުން ތެދުވީ ހިތަށް ކޮށްފައިވާ އަސަރަކުން ނެވެ.

“ތި ކިޔޭ އެއްޗެއް އެބަ އިނގޭތަ؟ އަހަރެން ގެ ގަބޫލުގަ ދުވަހަކުވެސް ޔޫލީ އަކަށް މި ފިރިހެނަކާ ނީނދެވޭނެ” އަލްހާން ވެސް ކޮޅަށް ތެދުވީ ރުޅި އައިއްސައެވެ.

“ބައްޕަ ނުގަބޫލަސް އަޅުގަނޑު ދާއިން ދޫކޮށެއް ނުލާނަން. އެއްފަހަރު އަޅުގަނޑަށް ދާއިން ގެއްލުން އިތުރަކަށް އެފަދަ ހިތްދަތި ކަމެއް ތަހައްމަލެއް ނުކުރެވޭނެ.” ޔޫލީ ގެ ޖުމްލަ އާއި އެކު ސޫޒަން ދަރިފުޅަށް ބަލައިލީ ހަމްދަރުދީގެ ނަޒަރަކުން ނެވެ. ދާއިން އިސްޖެހި ގޮތަށް އިނީ އެވެ. އެ ހިތަށް ކުރަމުންދާ އަސަރަކުން ދެންމެ ދެންމެ ރޮވިދާނެހެން ހީވިއެވެ. މުއްސަނދިންގެ ދަރިން ދެކެ ލޯބި ނުވާންވީ ސަބަބަކީ މީ އެވެ. މަހަކު ލައްކަ އެއް އަތަށް ނާރަންޏާ އެމީހުނަކަށް ކަމަކުނުދާނެއެވެ.

” އަހަރެން ގެ ނުގަބޫލުގަ ތި ކައިވެނި ކޮށްފިއްޔާ ޔޫލީ ޖެހޭނީ މިގެއިން ނުކުންނަން. ވަލީވެސް ދޭނަަން. އެކަމު އެހާހިސާބުން މަށަކީ ޔޫލީގެ ބައްޕަކަމަށް ނުދެކޭތި!” އަލްހާން ފަހުބަސް އިވައިލަމުން ނުކުމެގެން ދިޔައީ ދާއިން އަށް ނަފުރަތުގެ ބެލުމަކުން ބަލައިލުމަށް ފަހު އެވެ. އަލްހާން ނުކުތުމާއި އެކު ދާއިން ތެދުވެ ޔޫލީ އަށް ބަލައިލި އެވެ.

“ހޭއި.ޑޯންޓް ކްރައި. ހުރިުހައި ކަމެއް ވެސް ރަނގަޅުވާނެ. އެކަމް ޔޫލް ގެ ޑޭޑް ޑޭން އަށް އެހައި ހޭޓް ކުރަންޏާ ކިހިނެއް މެރީ ކުރާނީ؟” ދާއިން ޔޫލީގެ ކަރުނަތައް ފޮހެދެމުން ވާހަކަ ދެއްކި އިރު ސޫޒަން އަށް ވެސް ހުރީ ރޮވިފައެވެ.

“އައި ޑޯންޓް ކެއާ. އަހަރެން ބޭނުމީ ވީހާ ވެސް އަވަހަކަށް މެރީ ކުރަން. ޕްލީޒް ޑޭން. އަހަރެންގެ ބައްޕަ ނުގަބޫލަސް އަހަރެން ދާއިން ބޭނުން” ޔޫލީ ރޮމުން ދާއިން ގެ މޭގައި މޫނު ފޮރުވައިލުމުން ދާއިން އަށް ބަލައިލެވުނީ ސޫޒަން އަށެވެ. ސޫޒަން މަޑު މަޑުން ގޮސް ދާއިން ގެ އަތުތެރޭ ހުރި ޔޫލީ ގެ ބޮލުގައި ފިރުމައިލި އެވެ.

“ދަރިފުޅު ބޭނުމިއްޔާ މެރީ ކުުުުުުުުރިިުޔަސް މަންމަގެ މައްސަލަ އެއް ނެތް. ކޮންމެ މީހަކީ ބައްޕަ ވަރުގެ މުއްސަންޖަކަށް ނުވިޔަސް ދިރިއުޅުން ކާމިޔާބު ވާނީ ލޯތްބާއި އަޅައިލުން ވެސް އޮވެގެން. މަންމަ އަށް ޔަގީން ދާއިން ދަރިފުޅަށް ދެރަ ގޮތެއް ނަހަދާނެ ކަން” ސޫޒަން ދާއިން އަށް ހިތާމަވެރި ހިނިތުން ވުމެއް ހަދިޔާ ކޮށްލަމުން ހިނގައިގަތީ އަލްހާން ކޮބައިތޯ ބަލައިލާށެވެ.

ހެނދުނުގެ ވަގުތެވެ. މިޝެލް ނެހާ އާއި އޭނާގެ ދައްތަ އާއި ދައްތަގެ ފިރިމީހާ އުޅޭ އެޕާޓްމެންޓް ގައި އިނީ ސައިބޯށެވެ. ފެނުނު މަންޒަރުން ހިތަށް ކުރި އަސަރެއްގެ ބޮޑު ކަމުން މިޝެލް ކާރަކަށް އަރައިގެން އައީ ނެހާ ގާތަށެވެ. ނަސީބަކުން ނެހާގެ ދައްތަ އާއި ފިރިމީހާ ޑޮކްޓަރަށް ދައްކަން ލަންކާއަށް ގޮސް އުޅޭތީ މިޝެލް އަށް އެގޭގައި ހުރެވޭ ގޮތްވީއެވެ. ނެހާ ސުވާލު ކޮށް ކޮށް ވެސް ވީ ގޮތެއް މިޝެލް ނުބުންޏެވެ.

“މިޝް ދެން އެކަމު މިހާރު ތި ސައިތަށި ކައިރީ އިންނަތާ ގަޑިއިރެއް ވީ ވިއްޔަ. މަށަށް ހީވަނީ ް މިޝް އަށް އެންމެ ސުކުންތު ކޮޅެއް ވެސް އީތަން އާ ދުރުގަ ހުންނަން ވީމަ ހަމަ ކެތް ނުވަނީހެން” ނެހާ މެޝިނަށް އެއްޗިހި އަޅަން އައި އިރު ވެސް މިޝެލް ސައި ތަށީގައި އަތްނުލައި އިނުމުން ދިމާ ކޮށްލިއެވެ.

“ދެން މި ނެހާ ވެސް ދޯ. އަހަރެން ނަށް ހުރެވޭނެތީ ދޯ ރޭގަ އައި ގޮތަށް މި ގޭގަ މި އިނީ. އެ އީތަން އަހަރެން ދެކެ ލޯބިވަންޏާ ހޯދަން އައިހެއްނު” މިޝެލް ތުން ދަމައިލަމުން ވާހަކަ ދެއްކި ގޮތުން ނެހާ އަށް ހެވުނެވެ.

“ދެން އެކަމު އެވަރުގެ ކޮން ކަމެއް އީތަން ކޮށްގެން ތަ ތިހާވަރެއް ތި އަރުވާލަނީ؟ މަށަކީ ބެސްޓް ފްރެންޑޯ އެކަމު މަގޭ ކައިރީ ވީ ގޮތެއް ބުނީކީ ނޫން. އައި ގޮތަށް އައިސް ރޯން ފެށީމަ މަ ހީކުރީ ހަމަ އަސްލު ވެސް ވަރި ކުރީ ކަމަށް.” ނެހާ މެޝިނު ޖައްސައިލަމުން ގޮސް މިޝެލްގެ ކައިރީ އިށީނދެ ޝަކުވާ ކޮށްލިއެވެ.

“ސޮރީ ނެހާ. އެކަމު އީތަން އަށް ވާ ވަރެއް ބަލައިލަން އަހަރެން ހަމަ އައީ. އަހަރެން އައި ސަބަބު އީތަން އަށް އިނގޭނެ. ސޯ އެހައިހިސާބުން އެ ނިމުނީ ނު. ދެން އެވާހަކަ ނުދައްކަބަލަ. އަހަރެން ނެހާ މަތިން ހަނދާން ވެގެން މިގެއަށް ހަމަ އައިސްލީ އޭ.” މިޝެލް ނެހާގެ އަތުގައ ހިފައިފިއްތައިލަމުން ބުންޏެވެ. ނެހާ މިޝެލް އަށް ހިނިތުންވެލަމުން އަވަހަށް ސައިބޯން ބުންޏެވެ.

ހެނދުނު ހޭލެވުން އިރު ވެސް މިޝެލް ނާންނާތީ އީތަން ކަންބޮޑު ވިއެވެ. އަނެއްކާ މިޝެލް އަށް ކަމެއް ވީ ބާއެވެ. އެފަދަ ހިޔާލުތަކުން އީތަން ގެ ހިތައް އުނދަގޫ ކުރަން ފެށިއެވެ. ނަމަވެސް އޮފީހަށް ދިއުން އީތަން އަށް ވަރަށް މުހުންމެވެ. އެހެން ކަމުން އޮފީހުން އައިސް މިޝެލް ހޯދަން ދިއުމަށް ނިންމަމުން އީތަން ތައްޔާރު ވާން ފެށިއެވެ.

ދާއިން ހެނދުނު ހޭލި އިރު ހުރީ ބޮލުގަ ރިއްސާ ގޮތްވެފައެވެ. އަލްހާން ދާއިން ދެކެ އެހައި ރުޅި އަންނަން ވީ ސަބަބެއް ދާއިން ވިސްނާ ވިސްނާ ވެސް ހަމަ އެއް ގޮތަކަށް ވެސް ނޭނގުނެވެ. ޔޫލީ އޭނަ އާ ކައިވެނި ކުރަން ހުރިކަމަށް ވަންޏާ ދާއިން ގެ މައްސަލައެއް ނެތެވެ. ނަމަވެސް މާއިރާގެ ހިޔާލެއް ހޯދައިލުން އީތަން އަށް މުހިންމު ކަމުން ތަންމަތީގައި ނޯވެ ކޮޓަރިން ނުކުތީ މާއިރާ ޑިއުޓީ އަށް ދިއުމުގެ ކުރިން އެވާހަކަ ދެއްކުމަށެވެ. ދާއިން ނިދާ ހޭލިގޮތަށް އައިސް ކުރިމަތީގައި އިށީނުމުން މާއިރާ ހައިރާން ވިއެވެ.

“ދަރިފުޅު ކީއްވެ ތިހެން ތިހިރީ؟ އޮފީހަށް ދާ ގަޑި ޖެހެނީނު” މާއިރާ ދާއިން ގެ މޫނަށް ފަރުވާތެރި ކަމާއިއެކު ބަލައިލިއެވެ.

“މިއަދު އަޅުގަނޑުގެ އޮފް ދުވަހެއްނު މަންމާ. އަސްލު އަޅުގަނޑު މި އައީ މަންމަ ގާތު ވާހަކަ އެއް ދައްކަން ވެގެން” ދާއިން އިސްޖަހައިގެން އިނީ ދުވަހަކުވެސް އަދި މާއިރާ ގާތު އެފަދަ ކަމެއްގެ ވާހަކަ ދާއިން ދައްކާފައި ނުވާތީ އެ ވާހަކަ ބުނާނޭ ގޮތަކާއި މެދު ވިސްނާށެވެ. މާއިރާ ކޮށަން އިން ފިޔާ އެތި ބަހައްޓަމުން ދާއިން ގެ ވާހަކަ އަށް ސަމާލުކަންދިނެވެ.

“މަންމާ އަޅުގަނޑު މި އުޅެނީ މެރީ ކުރަން” ދާއިން ބޭކާރު ވާހަކަ ތަކެއް ނުދައްކާ ސީދާ ބުނަން ބޭނުންވާ ވާހަކަ އިއްވައިލިއެވެ. ދާއިން ގެ ޖުމްލަ އާއި އެކު މާއިރާގެ ތުންފަތަށް ހިނިތުން ވުމެއް ވެރިވިއެވެ.

“މިހާރު ވެސް ތިކަން ކުރަން ލަސް ވެއްޖެ. މިޝް ވެސް މެރީ ކުރީ ވިއްޔަ ދަރިފުޅު ތިހެން ހުއްޓަ. ކޮންކުއްޖަކާ ތަ ދަރިފުޅު އިންނަން ތި އުޅެނީ؟ މަންމަ އަށް ވެސް ދައްކާލަބަލަ” މާއިރާ އެހެން ބުނެލި އިރު އެ އަޑުގައި ލާނެއް ކަމެއް ހުއްޓެވެ. ދާއިން ހިނިތުން ވެލަމުން އަތުގައި އޮތް ފޯނުން ޔޫލީ ގެ ފޮޓޯ އެއް ދައްކައިލަމުން ޔޫލީގެ ވާހަކަ ތައް ކިޔައިދޭން ފެށިއެވެ.

“ވަރަށް ރީތި. ވަރަށް ހިތްހެޔޮ ވައްތަރު ޖަހާ. އަދި ޑޮކްޓަރެކޭ ބުނީމަ މަންމަ ހަމަ އަޖައިބު ވެއްޖެ.” މާއިރާ ޔޫލީ އަށް ތައުރީފު ކޮށްލިއެވެ.

“އެކަމަކު ޔޫލީ ގެ ބައްޕަ ގަބޫލެއް ނޫން މަންމާ” ދާއިން ގެ ޖުމްލަ އާއި އެކު މާއިރާގެ ހިނިތުން ވުން ފަނޑުވެގެން ދިޔައެވެ. ދާއިން ރޭގެ ހާދިސާ މާއިރާއަށް ކިޔައިދިނީ މަންމަގެ ހެޔޮ ބަހެއް ބޭނުން ވެފައި އިން ވަރުންނެވެ.

“މަންމަ ތީގަ ކީކޭ ބުނާނީ؟ ޔޫލީ ދަރިފުޅުދެކެ ލޯބިވަންޏާ އަދި ކިތަންމެ ނުރުހުނަސް އޭނާ ގެ ބައްޕަ ވަލީ ދޭން ހުރިއްޔާ ކައިވެނި އަވަސް ކުރޭ. ނޫނީ މާ ދެރަގޮތެއް ވެދާނެ. ދާއިން ގެ ކޮންމެ ނިންމުމެއް މަންމަ އުފަލާއިއެކު ގަބޫލު ކުރާނަން” މާއިރާ ދާއިން ގެ ބޮލުގައި ފިރުމައިލަމުން ހިނިތުން ވެލިއެވެ.

މިޝެލް އިރު އޮއްސެން ކައިރި ވުމުން ޓެކްސީ އެއްގައި ގެއަށް ދިޔައީ ނެހާ ގެ އެދުމުގެ މަތިން ނެވެ. ފިރިމީހާ އަށް ކިޔަމަން ވާނެކަން ނެހާ މިޝެލް އަށް ވިސްނައިދިނީ ލޯބިވާ އެކުވެރިއެއްގެ ހައިސިއްޔަތުން ނެވެ. ގޭތެރެއަށް ވަންނަން ހުންނަ ބިއްލޫރި ފުޅާ ދޮރު ހުރީ ތަޅުލާފައި ކަމުން މިޝެލް އަތުގައި އޮތް އަންހެން ވޮލެޓް ހުޅުވައިލަމުން އޭގެތެރެއިން ތަޅުދަނޑިއެއް ނެގިއެވެ. ދޮރުހުޅުވައިލި އިރު ގޭތެރޭގައި ވަނީ ހަމަ ހިމޭން ކަމެވެ. މިޝެލް އެތެރެ އަށް ވަދެ ދޮރު ލައްޕައިލަމުން ކޮޓަރިއަށް ދިޔައީ ފެން ވަރާ ތާޒާވެލާށެވެ.

ފެަން ވަރަން މާގަނޑު ދޮށުގައި ހުރި އިރު ކުރިން ދުވަހު ފާހާނާތެރޭ އީތަން އާއި އެކީ ޖެހުން ސަކަރާތް ހިތައް އަރާފައި ބޭ އިހްތިޔާރުގައި ހިނިތުން ވެވުނެވެ. ހިތްހަމަ ޖެހޭ ވަރުވުމުން މިޝެލް ގައި ހިއްކަމުން ކޮޓަރި އަށް ނުކުތީ އީތަން ހުންނާނެ ކަމަކަށް ނޫނެވެ. ކުރިމަތީ އައިސް ހުއްޓުނު އީތަން ފެނިފައި މިޝެލް އަށް ހަޅޭއް ލަވައިގަނެވުނީ އަތުގައި އޮތް ހުދު ތުވާލިން ގައި ނިވާ ކުރަން މަސައްކަތް ކުރަމުން ނެވެ. އީތަން މިޝެލް އާއި ގާތަށް ޖެހެން ފެށުމުން މިޝެލް ހާސް ވީ އީތަން ހުރީ ރުޅިއައިސްފައި ކަމަށް ހީކޮށެވެ. އީތަން ކައިރިވާ ވަރަކަށް މިޝެލް ފަހަތަށް ޖެހެމުން ޖެހެމުން ގޮސް ތަތް ވީ ފާރުގައެވެ.

“އީތަން ލެޓް މީ..” މިޝެލްގެ ޖުމްލަ ފުރިހަމަ ނުވަނީސް އީތަން މިޝެލް ގެ ތުންފަތުގައި ބޮސްދޭންފެށީ ކަރުހިއްކައިގެންފައިވާ މީހެއް ފަދައިން ނެވެ.

ނުނިމޭ

މިވާހަކައިގެ ދެންއޮތް އެޕިސޯޑުގެ ލިންކު ކޮމެންޓް ސެކްޝަންގެ ތިރީގައި ވާނެއެވެ.