ލޯބިވެވުން އެއީ ކުށަކަށް ވާނަމަ….

ޓްރުތް… އޯރ ޑެއަރ؟؟ ކުޅޭމުން ދިޔަ ގޭމުގެ ތެރެއިން ނާވީ އޭނާ އާއި ޖެހިގެން އިން މިންޝާ ކައިރިން އަހާލިއެވެ. “ޓްރުތް”. ވިސްނާލުމެއްނެތި މިންޝަ ބުނެލިއެވެ. އޯކޭ.. މައްސަލައެއް ނެތް. ލޯތްބާއި މެދު މެގީ ދެކެނީ ކިހިނެތް؟ ނާވީ ލިބުނު ފުރުސަތު ގެ ބޭނުން ހިފަމުން އަހާލިއެވެ. ހަހަހަހަހަ… ދެން އިވިގެންދިޔައީ ފަސްކުދިން ހިމެނޭ އެ ގްރޫޕްގެ އެންމެން އެއްްފަހަރާ ހޭންފެށި އަޑެވެ.

“އަޖައިބު… ކީއްވެތަ އެންމެން ތި ހޭންފެށީ؟” މޫނަށް ވައްތަރެއް ޖައްސާލަމުން މިންޝާ އަހާލީ ކުޑަކޮށް އަޑަށް ބާރު ލަމުންނެވެ. “ހޭނެ ދޯ!! މެގީ ކައިރިން ލޯތްބާ ބެހޭ ގޮތުން ސުވާލު ކުރީމަ. އަދި ރަނގަޅަކަށް ބޮޑެއްވެސް ނުވޭ ވިއްޔަ. މި ގްރޫޕް ގަވެސް ހުރި އެންމެ ކުޑަ ކުއްޖާ ކައިރީ ނާވީ ލޯތްބާއި ބެހޭ ގޮތުން އެހީމަ ހިނި ނާއްނާނީ ކާކު ކައިރިއަށްތަ؟” ސަކަ މިޒާޖެއްގެ ވެރި ފައިޒަން މިންޝާގެ ދިގު އިސްތަށިގަނޑާ ކުޅޭލަމުން ބުނެލިއެވެ. ތެދެކެވެ. މިންޝާ އަކީ މުޅި ކޮލެޖްގަވެސް އިސްކޮޅުން އެންމެ ކުރު ކުދިން ތަކުގެ ތެރެއިން އެކަކެވެ. އިސްކޮޅުން ކުރުކޮށް ހިކިކޮށް ހުއްޓަސް މިންޝާ އަކީ  ބަލާލަން ރީތި ކުއްޖެކެވެ. އަޅި ކަޅި އާއި ދޮން އޮމާން ހަންގަޑެއްގެ ވެރި މިންޝާ ބޮޑަށް ވައްތަރީ ޔޫރަޕް ހިސާބު ކުއްޖަކާއެވެ. އެސިފަތަށް މިންޝާއަށް އަށް ލިބިފައިވަނީ  ހުވަދު އަތޮޅަށް އުފަން އޭނާގެ މާމަގެ ފާރާތުންނޭ އާއިލާގެ އެންމެންވެސް ކިޔައެވެ.  ބޮޑު  ދެލޮލާއި ރާޅުބާނި އިސްތަށިގަނޑަކީ މިންޝާގެ ރީތިކަން އިތުރުކޮށްދޭ ސިފަތަކެވެ. ނަމަވެސް އުމުރުން ވިހި އަހަރުވީއިރުވެސް މިންޝާގެ އުޅުން ހުންނަނީ ފަނަރަ ސޯޅަ އަހަރުގެ ކުއްޖަކާ އެއްގޮތަށެވެ.

“ހޭއި މެގީ؟ ކޮބާ ޖަވާބު؟” މިންޝާ މޫނު ކުނިކޮށްލާފައި އިންގޮތް ފެނި މާޖާވެލާފައި ނާވީ އަހައިލިއެވެ. މިންޝާ ފެނުނު ފުރަތަމަ ދުވަހުން ފެށިގެން ވެސް ނާވީ ގެ ހިތުގައި މިންޝާ އަށް ވަނީ ޙާއްސަ މަޤާމެއް ދެވިފައެވެ. ނަމަވެސް މިންޝާގެ އެހުންނަ ޅަ ގޮތްގަނޑުގެ ސަބަބުން ލޯތްބާ ބެހޭ ގޮތުން އެއްވެސް ވާހަކައެއް މިންޝާ ގާތު  ދައްކަން ނާވީ ފަސްޖެހެއެވެ. ގޭމެއްގެ ސިފައިގައި މިސުވާލު މިންޝާއާ ކުރަން ޖެހުނު މައިގަނޑު ސަބަބަކީ ވެސް އޭއި އެވެ. ނާވީ ލޯބިން މިންޝާއަށް އަށް މެގީ ކިޔަން ފެށިފަހުން އެކުގައި އުޅުނު އެހެން ކުދިން ވެސް މިހާރު އެނަމުން ގޮވާ އެންވަނީ އާންމު ނަމަކަށް ވެފައެވެ. ނާވީ އެކޭ އެއްގޮތަށް މިންޝާގެ ހުރިހާ ރަޙުމަތް ތެރިންވެސް މިންޝާއަށް މުހާތަބުކޮށް އުޅޭނީ އެނަމުންނެވެ.

“ލޯބި ދޯ……………….

އިންތިޒާރު ކޮށްލައްވާ …. ވަރަށް އަވަހަށް އަންނަނީ…..!!

މިވާހަކައިގެ ދެންއޮތް އެޕިސޯޑުގެ ލިންކު ކޮމެންޓް ސެކްޝަންގެ ތިރީގައި ވާނެއެވެ.