
ހިތުގެ މަގުތައް-12

ކައިވެނީގެ އުފާވެރި މާހައުލަށް ކުއްލި ސިހުމެއް ގެނުވީ ދޮރުމަތީގައި ހުރި ލިވީ ފެނުމުންނެވެ. ޔައިޝްގެ ހިތް ބާރަށް ތަޅިގަތްއިރު، ލިޔުޝާ އޭނާގެ އަތުގައި ބާރަށް ހިފަހައްޓާލިއެވެ. އެންމެންގެ ނަޒަރު ލިވީގެ އަތުގައި އޮތް ބޮޑު ސިޓީއުރައަށް ހުއްޓުނެވެ. އަފްލާޒް ކުރިއަށް ޖެހިލަމުން ލިވީއަށް ބަލައިލިއެވެ.
“ލިވީ…އަނެއްކާ މިތާ ކީއްތިކުރަނީ؟ މިއީ އުފާވެރި ވަގުތެއް، އަނެއްކާވެސް މައްސަލައެއް އުފައްދަން ނޫޅޭތި،” އަފްލާޒްގެ އަޑުގައި ސީރިއަސްކަން ހުއްޓެވެ.
ލިވީ ދެފަރާތަށް ބޯހޫރާލިއެވެ. އޭނާގެ ދެލޮލުން ކަރުނަ ފައިބަމުންދިޔަ ނަމަވެސް، އެ މޫނުމަތިން ފެންނަނީ މާފަށް އެދޭ ފަދަ ކުލަވަރެކެވެ. “ނޫން އަފްލާޒް… އަހަރެން މިއައީ އެއްވެސް މައްސަލައެއް ޖައްސާކަށް ނޫން. އަހަރެން މިއައީ ޔަޝްމީގެ ބޭބެއަށް އެހީވާން.”
ލިވީ ހިނގާލާފައި ގޮސް އެ ސިޓީއުރަ ސާޖިދުގެ އެނދުކައިރީގައި ހުރި މޭޒުމަތީގައި ބޭއްވިއެވެ. “ސާޖިދުބޭ… އަހަރެން މާލެ މިއައީ ކިޔަވަން ކަމަށް ބުނެފައި ވިޔަސް، ހަގީގަތަކީ އަހަރެންގެ ބައްޕައަކީ އިންޑިއާގެ އެންމެ ބޮޑު އެއް ހާޓް ހޮސްޕިޓަލުގެ މެނޭޖިންގް ޑިރެކްޓަރު. އަހަރެންނަށް އަފްލާޒްމެންގެ ފަރާތުން ބޭބެގެ ބަލީގެ ވާހަކަ އިވުމުން، ބައްޕައަށް ގުޅައިގެން ބޭބެގެ ހުރިހާ މެޑިކަލް ރިޕޯޓްތަކެއް ފޮނުވައިފިން. މިއޮތީ ބޭބެގެ އޮޕަރޭޝަނަށް އެކޮޅުން ފޮނުވި ހުއްދައާއި، އެންމެ މޮޅު ހާޓް ސާޖަންގެ އެޕޮއިންޓްމަންޓް.”
ލިވީގެ ބަސްތައް އިވުމާއެކު މުޅި ކޮޓަރީގައި ތިބި އެންމެންގެ ދެލޯ ބޮޑުވެގެންދިޔައެވެ. ޔަޝްމީއަށް ރޮއެގަނެވުނެވެ. އޭނާ ދުވެފައި ގޮސް ލިވީގެ ގައިގައި ބާރަށް ބައްދާލިއެވެ. “ލިވީ… ވަރަށް ބޮޑަށް ޝުކުރިއްޔާ!
“އަހަރެން ކުރިން ކުރި މޮޔަކަންތަކަށް މާފުކުރޭ،” ލިވީ ޔައިޝް އަށާއި ލިޔުޝާއަށް ބަލައިލަމުން ބުންޏެވެ. “އަހަރެން ބޭނުންވީ ދާއިރުވެސް ތިޔަ އެކުވެރިންނަށް ހެޔޮކަމެއް ކޮށްދީފައިދާން. ބޭބެގެ އޮޕަރޭޝަން ވަރަށް ކާމިޔާބުވާނެ އިންޝާ ﷲ” އަހަރެންގެ ހެޔޮ ދުއާ ވާނީ އަބަދުވެސް ތިޔަ ހުރިހާ ކުދިންއާއެކު. ތިޔަ ހުރިހާ ކުދިންނަށް ބާއްޖަވެރި ދިރިއުޅުމަކަށް އެދެން! ލިވީގެ މި ހެޔޮ އަމަލުން އޭނާއާއި މެދުގައި އޮތް ހުރާސްތައް ފިލައި، އެންމެންގެ ހިތްތަކުގައި އޭނާއަށްޓަކައި ގަދަރާއި ލޯބި އުފެދުނެވެ.
ލިވީ ހަމަޖައްސައިދިން ކަންތައްތަކާއެކު، ޖެހިގެން އައި ދުވަހުގެ ހެނދުނު ސާޖިދު އިންޑިއާއަށް ފުރުވަން އެންމެން އެއާޕޯޓަށް ދިޔައެވެ. އަފްލާޒް އާއި ޔަޝްމީވެސް ބޭބެއާއެކު ދާން ތައްޔާރުވިއެވެ. ޒައިން، ޝައިހާ، ޔައިޝް އަދި ލިޔުޝާ ތިބީ އެމީހުން ފުރުވަން ގޮސް ފްލައިޓް ބޯޑިންގް ގޭޓު ކައިރީގައެވެ.
“ޔަޝް… ކަންބޮޑުނުވޭ. ބޭބެ ސަލާމަތުން އެނބުރި އަންނާނެ. އަހަރެމެން މިކޮޅުން ދުއާކުރާނަން،” ޝައިހާ ޔަޝްމީގެ އަތުގައި ހިފާލަމުން ބުންޏެވެ.
“އަފްލާޒް، ބޭބެއަށް ރަނގަޅަށް ބަލާތި. ކޮންމެ ކަމެއް ބޭނުންވިޔަސް އަހަރެމެންނަށް ގުޅާ،” ޒައިން އަފްލާޒްގެ ކޮނޑުގައި ޖަހާލިއެވެ.
ޔައިޝް ކުރިއަށް ޖެހިލާ އަފްލާޒްގެ ގައިގައި ބައްދާލިއެވެ. “ބްރޯ… އިންތިޒާރު ކުރާނަން.”
ބޭބެ ގޮވައިގެން އަފްލާޒް އާއި ޔަޝްމީ ފްލައިޓަށް އެރިއިރު، އެމީހުންގެ ހިތްތަކުގައި ވަނީ ބިރުވެރިކަމަށްވުރެ ބޮޑަށް އުންމީދެވެ. އެކުވެރިންގެ ފަރާތުން ލިބުނު ލޯތްބާއި ހިތްވަރަކީ އެމީހުންގެ އެންމެ ބޮޑު ބާރެވެ.
އަފްލާޒްމެން ފުރައިގެން ދިއުމުން، މާލޭގައި ބާކީވި ހަތަރު އެކުވެރިންގެ ދިރިއުޅުން ކުޑަކޮށް ފަޅުވިއެވެ. ނަމަވެސް އެމީހުން ކޮންމެ ދުވަހަކު ކޮލެޖުން ބައްދަލުވެ، އަފްލާޒްމެންގެ ޚަބަރު ބަލަމުންދިޔައެވެ. އިންޑިއާއަށް ދިޔަ ދުވަހުގެ ރޭ ސާޖިދު ހޮސްޕިޓަލުގައި އެޑްމިޓްކުރެވި، އޮޕަރޭޝަންގެ ތައްޔާރީތައް ފެށުނު ޚަބަރު ލިބުނެވެ.
ކޮލެޖުގެ ހަވީރުގެ ވަގުތެވެ. ޒައިން އާއި ޝައިހާ ކޮލެޖުގެ ގޯތިތެރޭގައި ތިއްބާ، ޒައިންގެ ފޯނަށް އާ މެސެޖެއް އައެވެ. އެއީ އޭނާގެ ބައްޕަ ޤާސިމްގެ މެސެޖެކެވެ. ނަމަވެސް މިފަހަރުގެ މެސެޖުގައި އޮތް އެއްޗަކުން ޒައިންގެ މޫނުމަތިން އުފާވެރިކަން މުޅިން ފިލައިގެންދިޔައެވެ.
“ޒައިން، ބައްޕަގެ ވިޔަފާރީގެ ބޮޑު އެކައުންޓަކުން ގިނަ އަދަދެއްގެ ފައިސާ މަދުވެގެން މިއުޅެނީ. އަދި ބޭންކުން ބުނަނީ އެ ފައިސާ ޓްރާންސްފާ ކޮށްފައިވަނީ ޝައިހާގެ ބައްޕަ، އަޙްމަދުގެ ކުންފުނީގެ އެކައުންޓަށް ކަމަށް! ބައްޕަ މިހާރު މިއުޅެނީ ޕޮލިހަށް މައްސަލަ ހުށަހަޅަން.”
ޒައިންގެ އަތުން ފޯނު ދޫނުވީ ކިރިޔާއެވެ. އޭނާ ޝައިހާގެ މޫނަށް ބަލައިލިއިރު، ޝައިހާ އިނީ ހިނިތުންވެލައިގެންނެވެ. އޭނާއަށް މިކަމުގެ އެއްވެސް ރޭކާލުމެއް ނެތެވެ. ދެ އާއިލާގެ މެދުގައި މި އުފެދުނީ ކޮންފަދަ ބޮޑު ތޫފާނެއް ހެއްޔެވެ؟ ޝައިހާ އާއި ޒައިންގެ ގުޅުމަށް ދެންވާނީ ކިހިނެތް ހެއްޔެވެ؟
ނުނިމޭ!
މިވާހަކައިގެ ދެންއޮތް އެޕިސޯޑުގެ ލިންކު ކޮމެންޓް ސެކްޝަންގެ ތިރީގައި ވާނެއެވެ.
Comments (6)
Comments are closed.
Heyy lovely readers! 🥹🫶🏻 Here’s Part 12 of the story! 📖💗
We’re only at Part 12, so don’t think the story is ending anytime soon! 👀😂 There’s still so much left to happen, and trust me, you haven’t seen everything yet. 🥹✨
I’d love to know what you guys think about the story so far. Are you enjoying it? 👀 Do you have any guesses about what’s coming next? 🤭💭
Go read Part 12 and don’t forget to leave your thoughts in the comments! Your support honestly means the world to me. 🥹🤍
Stay with me… the best is yet to come. 👀📖✨
Shaba haadha curious kohlaafa thi nimmaali….
Mi part vess vrh rythi MA 😍💯
Curiously waiting for the next part…..
Whn nxt??????
Lysm and Tc my lwbi siss 💗✨
By the way mee first 🤭
Happy to know that you enjoyed 🥰
Alhey vrh curious kohlaafa dhw mi ninmaalevuny
Next part soon IA stay tuned
Yh congrats you first 👏
Lym u also tc darlls 🫀💌
Woww nice MA <3 💗
Happy to know that you enjoyed 🥰
Thank youuu 💌
Mi part ves vrh Reethi 💗
When’s next sory buxy vma ehaa Dhigu koh nukohleveny 😞currently waiting for the next part When’s next?
Ly