ދުރުވާން ޖެހުނަސް 02

ޕާޓް 1 ގެ ހުލާސާ:
ޒީނިޔާއަކީ އޭނާގެ އާއިލާއާ އެކު ލަންޑަންގައި ދިރިއުޅެމުންދާ ކުއްޖެކެވެ. ޒީނިޔާއާއި އޭނާގެ ދައްތަ ޒައިނާއާ ދެމެދު އޮންނަ ގުޅުން އެހާ ރަނގަޅެއް ނޫނެވެ. ޒައިނާގެ ފަރާތުން ފެންނަ ބައެއް އަމަލުތަކުގެ ސަބަބުން ޒީނިޔާ ހުންނަނީ ހިތްހަމަނުޖެހިފައެވެ. އެއްދުވަހަކު ގެއިން ނިކުމެގެން ދިޔައިރު، ޒީނިޔާގެ ކަންފަތުގައި އިން ހެޑްސެޓުން އިވެމުންދިޔަ “ނޯ ޕްރޮމިސަސް” ލަވައަކީ އޭނާގެ ހިތާ ވަރަށް ބޮޑަށް ގުޅިފައިވާ ލަވައެކެވެ.

—

ޕާޓް 2

“ހޫމް… މިޔޮއް އައީ މިގޭގައި އުޅޭ ރާނީ… އަވަހަށް ވަޑާގަންނަވާ،” ޒައިނާ މޫނު ހަދާލުމަށްފަހު ފާޑަކަށް ބުނެލިއެވެ. ޒައިނާގެ އެ ބަސްތަކަށް މާބޮޑު ސަމާލުކަމެއް ނުދީ ޒީނިޔާ ބަލާލީ އޭނާގެ މަންމަ އަށެވެ.

“މަންމާ، މަށެއް ސައެއް ނުބޯނަން،” ޒީނިޔާ އެހެން ބުނުމަށްފަހު އަވަސް އަވަހަށް ގެއިން ނިކުންނަން ހިނގައިގަތެވެ. އޭރު ޒީނިޔާގެ ކަންފަތުގައި އިން ހެޑްސެޓުން ލޯބީގެ މަޑުމައިތިރި ލަވައެއް އިވެމުން ދިޔައެވެ. އެ ލަވައިގެ ނަމަކީ “ނޯ ޕްރޮމިސަސް” އެވެ. އެއީ ޒީނިޔާއަށް އަބަދުވެސް ވަރަށް ރީތި ލަވައެކެވެ. އެ ލަވައިގެ ކޮންމެ ބަހެއް އަތުރާލެވިފައިވާ ގޮތުން، އެއީ ހީވަނީ އޭނާގެ ހަޔާތުގެ ސަފުހާއެއްހެންނެވެ.

ޒީނިޔާ އުޅެމުންދާ ގެއާ ކޮލެޖާ އެހާ ދުރެއް ނޫނެވެ. ފައިމަގުގައި ހިނގާލާފައި 15 ނުވަތަ 30 މިނެޓުން ކޮލެޖަށް ދެވެއެވެ. ކޮލެޖަށް ވަދެވުމާއެކު ޒީނިޔާ ބޮލުގައި އަޅުވައިގެން ހުރި ކޯރި ނަގައި ރީތިވެލިއެވެ.

އިރުކޮޅެއް ފަހެވެ.

“އޭ ބެސްޓީ! ހާދަ ވަރަކަށް މެސެޖު ކޮށްފީމޭ. ކޮބައިތޯ ބަލާލަން މި އައީ ބްރޭކް ގަޑި ވީމާ،” ރާނިޔާ އައިސް ޒައިނާގެ ކޮނޑުގައި ހިފާ ކޮއްޕާލިއެވެ. ޒައިނާއަކީ ރާނިޔާގެ އެންމެ ގާތް އެކުވެރިޔާއެވެ.

“އޭ… އައިގެ ފޯން އޮންނާނީ ‘ޑޫ ނޮޓް ޑިސްޓާބް’ ގަ. އެހެންވެ ނޭނގުނީ،” ޒައިނާ ހިނިތުންވެލަމުން ޖަވާބު ދިނެވެ. މި ދެކުދިންނަކީ ރާއްޖޭގައި އުޅުނު އިރުވެސް އެއް ކުލާހެއްގައި އުޅެ، އެކުގައި ސުކޫލު ނިންމި ދެ ކުދިންނެވެ. ނަމަވެސް މިހާރު ކިޔަވަމުންދަނީ ދެ ދާއިރާއަކުން ކަމަށްވާތީ، ދެމީހުން ބައްދަލުވުމަކީ ކުޑަކޮށް އުނދަގޫ ކަމެކެވެ.

“އާރ ޔޫ އޯކޭ؟ ކަމަކާ ވިސްނަނީތަ؟” ރާނިޔާ ސުވާލު މައްޗަށް ސުވާލު ކުރަމުން ދިޔައީ ޒައިނާގެ މޫނުމަތިން ފެންނަން ހުރި މާޔޫސްކަމެއްގެ ސަބަބުންނެވެ.

“ޔެސް، އައި އެމް އޯކޭ،” ޒައިނާ ގަދަކަމުން ހިނިތުންވެލަމުން ބުނެލިއެވެ.

މިވަގުތު ލަންޑަންގެ ފިނިހޫނުމިން ހުރީ 0 ޑިގްރީގައެވެ. ދެ ކުދިން އެއްފަހަރާ ހިނގައިގަތީ ކެންޓީނާ ދިމާއަށެވެ. އެއީ ހޫނު ކޮފީ ތައްޓެއް ބޯލުމުގެ ބޭނުމުގައެވެ. މަގުމަތީގައި ދިޔައިރު އެތަކެއް ވާހަކައެއް ދެކެވުނެވެ. ޒައިނާ ބުނި ގޮތުގައި އޭނާ މިހާރު އަނބުރާ ރާއްޖެއަށް ދާކަށް ބޭނުމެއް ނުވެއެވެ. އެތައް ހަނދާންތަކެއް ރާއްޖެއާ ގުޅިފައިވާތީ އެކަމުން ދުރުވާން އޭނާ ބޭނުންވަނީއެވެ.

“މިހާރުވެސް އޭނާ އަހަންނަށް މެސެޖުތައް ކުރަމުންދޭ. އެކަމަކު މަ މެސެޖުތަކަށް ޖަވާބު ނުދީ މަޑުން މި ހުންނަނީ މަގޭ ކިޔެވުމަށް ހުރަސް އެޅިދާނެތީ،” ޒައިނާގެ އަޑުގައި ވަނީ ކުރަކި ކަމެކެވެ. ހިތާމައިގެ އަސަރެވެ.

ކޮފީ ބޮއެގެން ދެކުދިން ދިޔައީ ކުލާހަށެވެ. ޒައިނާ ކުލާހަށް ވަނުމުން ރާނިޔާ ހިނގައިގަތީ އޭނާގެ ކުލާހަށެވެ. ނަމަވެސް ރާނިޔާގެ ބޮލުގައި އެނބުރެމުން ދިޔައީ ދެންމެ ޒައިނާ ދެއްކި ވާހަކަތަކެވެ. ޒައިނާގެ ހިތުގައި ސިއްރުވެފައިވާ އެތައް ސަފުހާތަކެއް ހުރިކަން ރާނިޔާއަށް ޔަގީންވިއެވެ.

ލަންޑަން ގަޑިން ހަވީރު 5 ޖަހަނީއެވެ. ކޮލެޖު ނިންމާލުމަށްފަހު ޒައިނާއާއި ރާނިޔާ ހިނގައިގަތީ ގެއާ ދިމާއަށެވެ. ނަމަވެސް ރާނިޔާ ބޭނުންވީ ޒައިނާމެން ގޭ ކައިރީގައި އޮތް ޕާކަށް ވަންނާށެވެ. ޒައިނާގެ ހިތުގައިވާ އުދާސްތައް އޮޅުންފިލުވުމުގެ ބޭނުމުގައެވެ. އެއީ ދެންމެ ދެއްކި ވާހަކައިގެ އިތުރު ތަފްސީލު ހޯދުމަށެވެ.

ދެކުދިންނަކީ އެންމެ ގާތް ދެ އެކުވެރިން ކަމަށްވުމުން، އެކަކު އަނެކަކަށް ހުރިހާ ކަމެއް އެނގެން ޖެހޭނެ ކަމަށް ރާނިޔާ ގަބޫލުކުރެއެވެ. ފިނިކަން ގަދަވުމުން ނޭވާލާއިރު އަދި ވާހަކަ ދައްކާއިރު އަނގައިން ދުން ނިކުންނަމުން ދިޔައެވެ.

އިރުކޮޅެއް ފަހެވެ. ދެ ކުދިން ޕާކަށް ވަދެ، ހުސްކޮށް ހުރި ބެންޗެއްގައި އިށީނެވެ.

“މިއަދު ހާދަ ބޮޑެތި ވާހަކަތަކެއް ތި ދެއްކީ. އަހަންނަށް ކަމެއް ސިއްރު ކުރަނީ ދޯ؟” ރާނިޔާ ލޯ ބޮޑުކޮށްލަމުން ސުވާލު ކުރިއެވެ.

ޒައިނާ ލަދުވެތި ގޮތަކަށް ބޯ ޖަހާލިއެވެ. އޭނާ ހުރީ ކޮންމެވެސް ވާހަކައެއް ބުނަން ބޭނުންވެފައިކަން މޫނުމަތިން އެނގެއެވެ. “ސޮރީ ރާނިޔާ… މަށަށް ރާނިޔާއަށް މި ހުރިހާ ވާހަކައެއް ސިއްރުކޮށްގެން މިހާ ދުވަހު ހުރެވުނީ. އަހަރެންގެ އަމިއްލަ ނަފުސު ބުނަމުން ދިޔައީ މިކަންތައް ސިއްރުކޮށްގެން ހުންނަން،” ޒައިނާގެ އަޑު ބެދެމުން ދިޔައެވެ.

އެވަގުތު ޒައިނާގެ ފޯނު ރިންގްވާން ފެށިއެވެ. ބަލާލިއިރު އެއީ މަންމައެވެ. “ދަރިފުޅާ ކޮންތާކު؟ އަދިވެސް ކޮލެޖު ނުނިމޭތަ؟” ޒުލޭހާ ސުވާލު ކުރިއެވެ.

“މޮމް… ތަންކޮޅެއް ލަސްވެދާނެ. ރާނިޔާއާއެކު މި އިނީ،” ޒައިނާ ކަރުގައި އަޅައިގަންނަމުން ބުނެލިއެވެ. ފޯނު ބޭއްވުމަށްފަހު އޭނާ ފުން ނޭވާއެއް ލިއެވެ. އޭނާ ރޮއެފިކަން މަންމައަށް ނޭންގުމަށްޓަކައި މޫނުމަތި އޮމާންކޮށްލަން މަސައްކަތް ކުރިއެވެ.

“ޒައިނާ… ކޮންމެވެސް ދުވަހަކުން މަންމައަށްވެސް މިކަން އެނގޭނެ،” ރާނިޔާ ހަމްދަރުދީއާއެކު ބުނެލިއެވެ. ޒައިނާ އިސްދަށަށް ޖަހާލައިގެން އިނީ ކުރިމަތީގައި އޮތް ބޮޑު ސިއްރު ފާޅުކުރަން ނުކުރެވިފައެވެ.

(ނުނިމޭ)

މިވާހަކައިގެ ދެންއޮތް އެޕިސޯޑުގެ ލިންކު ކޮމެންޓް ސެކްޝަންގެ ތިރީގައި ވާނެއެވެ.