ބުނަން ބޭނުމޭ (ޓުރެއިލާ)

ވެހެމުންދިޔަ ތުނިފޮދު ވާރޭ ތިކިތައް އަައިސް ކުޑަދޮރުގައި ބީހިލާއިރު ބަލައިލަން ނިކަން ހިތްގައިމެވެ.ކޮޓަރީގެ ތެރެއަށް އެޅިފައިވާ މަޑު ފެހި ކުލައިގެ ލައިޓާއެކީގައި ލޯބި ރާގަކުން “ބޮޑުބުޅާ” ލަވަ ކިޔަމުން ދާއަޑު ހަތަރު ފާރުގެ ތެރޭގައި ވަނީ ހިފާލައިފައެވެ.
********
“މަންމީ ބަލަ މާޝީ އެޕަލްއެއް ކުލަހާލާފަ” ކޮޓަރިއަށް ވަދެގެންއަައި ޝުހާއާ ދިމާލަށް ދުއްވައި ގަންނަމުން މާޝީ ހަޅޭއްލަވައި ގަތެވެ.
“ނޯ މަންމީ އެއީ ދޮންބެ ކުރަހާފަ” މާޝީއަށް ތަޢުރީފުގެ ބަސްތައް އޮހުމުގެ ކުރިން ޝާން ހަޅޭއްލަވައިގަތެވެ.
********
“މައިޝަންއޭ!!!؟ ތިކިޔޭ އެއްޗެއް އެބައި އިނގޭތަ އައިރާ!!؟” ޝުހާގެ ހިތް އަވަސްވެ އަތްފައި ފިނވާން ފެށިއެވެ.
********
“އާން!!!! ޝުހާ ހީކުރީ މަށައް ނޭންގޭނެ ކަމައްތަ؟ އެއީ މަގޭ ލެއޭ ޝުހާ، މި މުހައްމަދު މައިޝަންގެ ލެއޭ!!!!!” މައިޝަން އޭނާގެ މޭމަތީގައި އަތް ޖައްސާލަމުން ޝުހާއާ ހަތަރުކަޅި ހަމަހަމަ ކޮއްލިއެވެ.
“ވާ ވާ!! މަގޭ ލެއޭ ބުނާއިރު އެކުދިންގެ އުމުރުން މިވީ ފަސް އަހަރުތެރޭގަ މައިޝަން އަކީ މާޝީއާ ޝާންގެ ބައްޕަކަން އެކުދިންނަށް އިނގޭތަ ބުނެބަލަ މައި-” ޝުހާގެ އަޑުނިކުތީ ކިރިޔާއެވެ. ވާހަކަ ދައްކާނެ ހިތްވަރު ނެތުމުން އަނގަ މަތީ އަތް އަޅައިގެން ކޮޓަރިން ނިކުންނަން ދުއްވައި ގަނެވުނެވެ.
*********
“އަބަދުވެސް މަގޯސްވަނީ ކައެ ބަހައްޓަ އަންހެންކުދިން އާކުރަން، އެކަމެއްނުވާތާ ހަފްތާއެއް ވީމައެއްނު މަށާ ދިމާލަށް ކަޑައޭ ތިބުނީ، އެހެންނޫނަސް ޝުހާއަކީ މަގޭ ދަރިންގެ މަންމަ ފަސްއަހަރު މަވެސް ކުދިންނާ ދުރުގަ އުޅެފީމެއްނު، ދެން އޭނަ ޖެހޭނީ އެކުދިންނާ ދުރުގަ އުޅެން މަ ބަލާނަމޭ ކާކައްތޯ އެންމެ ލޯބިދީގެން ދަރިން ގެންގުޅެވެނީ” ކޯކު ފުޅިއެއް ކަނޑައި ލަމުން މައިޝަން ބުންޏެވެ.
*********
” ** ކަލޭ މޮޔަވީތަ އެއީ މަގޭ އަންހެނުންނޭ” އައިކަން އައިއްސަ ހުރި ރުޅީގައި ލަމާން ގެ މޫނުމަތީގައި ގޮށް މުއްކަވާފަ އެތިފަހަރެއް ވީއްލާލިއެވެ.
އޭރު ފޯނުހިފައިގެން އެއްބަޔަކު ވީޑިއޯ ކުރުމައިގެން ކުރިއަށް ދިޔައެވެ.
*********
“ދޮންބޭ!!! ދޮންބޭ!!! ދޮންބޭ ޕްލީސް ކޮޓަރިން ނިކުމެބަލަ މިހާރު ތިތާ އޮންނަތާވެން އެއް މަސް މިވަނީ އެހެންނޫނީ އިރާ މިގުޅަނީ މަންމައަށް” ފޯނުނަގަމުން އައިރާ ވާހަކަ ދެއްކިއެވެ.
*********
އެކަމު މާނޫ ސިސްމެން ތަފާތޭ، ސިސްއާ މައިބެއަށް ކިޑްސް ލިބުނީ މޭރީ ކުރިފަހުންނެއްނު، އެކަމު ލޫމެންނާށް ބޭބީ އެއް މި-” އޭނަގެ އަޑުނިކުތީ ކުރެހިގެންނެވެ.
“ޝްޝްޝްޝްޝް ލޫ ހުއްޓާލަ!! އަހަރެމެންވެސް ރަނގަޅު ގޮތުގަ ރައްޓެހިވެގެން ނޫޅެވުނީމަ ވީގޮތެކޭ އެއީ، އެހެންނޫނަސް ނެކްސްޓް ވީކްގަ މެރީ ކުރަމެއްނު އަދި އޮންލީ ފަސް ވީކްސް އެއްނު ބޭބީއަށް، އައިލްޓޭކް އޯލް ދި ރިސްޕޮންސި ބިލިޓީސްއޭ ލޫ” ނިއްކުރީގައި ބޮހެއްދެމުން އޭނާ ބުންޏެވެ.
******************
///އިންޝާ ﷲ މި ވާހަކައިގެ 1 ބައި 11ވާ ބުރާސްފަތިވާ ދުވަހު ކިޔާލަން ލިބޭނެ///