ލާރާ :(5)

ޕާޓް 4 ގެ ނިމޭ ބައި: ކޮންމެ ގޮތެއްވިޔަސް އެ ޒުވާނާގެ ހަޤީޤަތް ހޯދުމަކީ މިއަދު އަހަރެންނަށް މަޖުބޫރު ކަމެކެވެ.

ޕާޓް:(5): މަގުގެ އެއްފަރާތުގައި ހުރި ފާރު ބުރިއެއްގެ މަތީގައި އިށީނދެލައިގެން އިން ލާރާ އިނީ ޓެކްސީއެއްގެ އިންތިޒާރުގައެވެ. އޭރު ވެސް ޔުނިވަރސިޓީގެ ގޭޓުދޮށުން ހީ ސަކަރާތް ޖަހާ އަޑު ކެނޑިނޭޅި ދިޔައީ އިވެމުންނެވެ. އެއީ ހަމަ ޔަގީނުންވެސް އަންހެން ކުދިންތަކެއްގެ ހުނުމުގެ އަޑެވެ.

މަޑު ހިނގުމެއްގައި އައިސް ކުރިމަތީގައި މަޑުކޮށްލިީ އެއް ފުރާވަރެއްގެ 3 އަންހެން ކުދިންނެވެ. “ކިހިނެއް ވެފަ ތީނީ” އެތަނުން އެއްކުއްޖަކު ސުވާލު ކުރިއެވެ. ” ޓެކްސީއެއް ނުލިބިގެން މިއުޅެނީ ” ލާރާ ބުންޏެވެ.

ހާސްކަނޑާލާ އަހަރަމެން ކުރިމަތީގައި ޓެކްސީ ނުވާނެ ސޯޅަޔަށް ވެސް . މި ކުދިން ގެ ސަކަ މިޒާޖު ހުރި ގޮތުން ލާރާގެ މޫޑު މުޅި އެކު ބަދަލުވި ކަހަލައެވެ.  “ހިނގާ ދަމާ އަހަރުމެނާއެކު މިތާ ކައިރި ކޮފީ ޝޮޕަށް “. ކޮންމެ ގޮތެއްވިޔަސް މިތަނުގައި ރުންކުރުވެފައި އިނުމަށް ވުރެ މި މީހުންނާއެކު ދިޔުން ރަނގަޅުވާނެ ކަމަށް ބުނެ ހިނގައިގަތެވެ.

މީ ހަމަ ޔަގީނުންވެސް ތަފާތު މިޒާޖެއްގެ ބައެކެވެ. ލާރާ އަކީ މީހުންގެ ކުރި މަތީގައި ވަރަށް ބަސްމަދު ކުއްޖެކެވެ. ނަމަވެސް މި މީހުންނާއެކު ވާހަކަ ނުދައްކާ އުޅެން އެއީ ހަމަހިލާ ފަސޭހަކަމެއް ނޫނެވެ. އިރުކޮޅަކަށް މަޑު ޖެހިލައިގެން އިނުމަށް ފަހު ލާރާ ބުންޏެވެ.

“ކޮބާ އިންޓޮރޮޑިއުސް ވެލަން ވީނު” ބޮލުގައި އަޅާފައިވާ ބުރުގާގެ ދޮޅި ވަޅު ރަނގަޅު ކޮށްލުމަށްފަހު ތިން މީހުން އެކީ އެއް ރާގަކަށް އަނެއްކާ ވެސް ހޭން ފެށިއެވެ. ބޭ އިހުތިޔާރުގައި ލާރާ  ކިހިނެއް ވީތޯ ސުވާލު ކުރިއެވެ.” ސޮރީ ސޮރީ” އަހަރެންގެ ނަމަކީ ނަތާޝާ ، ކުރުކޮށް ނަމަ ނަތާ. ދެން މިތިބީ ހަމަ އަހަރުމެންގެ އެއް ނޭވާ ހިނގާ ނާޒް އާއި މިޒްނާ ، މި ދެމީހުން މާދަން ފުރާނެ ޗައިނާއަށް ދެ އަހަރުގެ ކޯހަކަށް.

“މިދެމީހުން ނެތަސް އަހަރުމެންނަށް ހަމަ އާދެވިދާނެ އެއްނު ކޮފީ އަށް” ނަތާ ބުންޏެވެ. ލާރާގެ މޫނުމަތިން ފެންނަމުން ދިޔަ އެކަނިވެރި ކަމުގެ ތަސްވީރަށް ނިމުން އައި ކަހަލައެވެ. މިހާ ހިތްހެޔޮ ސަކަ މިޒާޖެއްގެ އެކުވެރިއެއް މި ރާއްޖެ އިން ހޯދަން ލިބޭނެ ހެއްޔެވެ.؟

ނަތާޝާ އަކީ ކޮންމެ އަކަސް ތަފާތު އެކުވެރިއެކެވެ. މޫނުގައި ހާކައިފައި ހުންނަ ފައުންޑޭޝަން ގެ ސަބަބުން ބައެއްފަހަރު ކާކުކަން ވަކިކުރަން ނޭނގޭ ފަހަރު ވެސް ދެއެވެ. ތުންފަތުގައި ޖައްސާފައިވާ ލިޕްސްޓިކް ގަނޑެކޭ ރަތް އަންނާރެކޭ ތަފާތެ ނުހުންނާނެއެވެ. ކޮންމެ ތަނަކަށް ދިޔަކަމުގައި ވިޔަސް އޭނާގެ ތުންފަތުން ރަތްކުލަ ނުފެނުމަކީ އެހާމެ ނާޒުކު ކަމެކެވެ. ދުވާލު ދެ ދަޅައަށް ޖިމަށް ދިޔަ ކަމުގައި ވިޔަސް ނަތާގެ ރީތި ކަމުގެ އަސްލަކީ ލިޕްސްޓިކޭ ބުނާ މީހުން މަދެއްނޫނެވެ. ޔުނިވަރސިޓީގެ ކޮންމެ ފިރިހެން ކުއްޖެއްގެ ހިތުގެ ރަނިކަން ހޯދުމަކީ ، ނަތާއަށް މާކަ ބޮޑުކަމެއް ނޫނެވެ. ކަޅި ރަވައިން ކޮށްލެވޭ ކުޑަ ކުޑަ އިޝާރާތަކުން ވެސް މީހެއްގެ ހިތް ކަތިލުމުގެ ބާރު މި ކަމަނާއަށް ލިބިގެންވެއެވެ.

އެތައް އިރެއްވަންދެން ވާހަކަ ދައްކަމުން ގޮސް ގަޑި ބަލާލިއިރު ، ކަމަކުދާކަށް ނެތެވެ. މެންދަމުން އަނބުރާ އެކެއް ޖަހާ ބޮޑުވެއްޖެއެވެ. ނަމަވެސް މާލޭގެ މަގުތަކުގައި ދުއްވާ އެއްޗެހީގެ އަދަދަކަށް ބަދަލެއް ނާދެއެވެ. މާދަމާ އަކީ ކިޔަވަން ދާންޖެހޭ ދުވަހެއް ކަމުން އެންމެން ވެސް އަވަސްވެގަތީ ގެޔާ ދިމާލަށް މިސްރާބު ޖެހުމަށެވެ. މަގުގެ އެއްފަރާތުގައި ހިނގަމުން ދިޔަ ލާރާގެ ފަހަތުން ނަތާ ވެސް ބާރު ހިނގުމެއްގައި އައިސް ބުންޏެވެ. ކޮންތާކު އުޅެނި ؟

ލާރާގެ ގެޔާ ހިސާބަށް ހަމަ ޔަގީނުންވެސް އިތުރު ފަނަރަ މިނެޓް ހިނގާފަ ނޫނީ ނުދެވޭނެ ކަމަށް ލާރާ ބުންޏެވެ. “އެހާ ދުރުގައި ގެ ހުންނަން ޔާ ހިނގާ މިރޭ އަހަރުމެން ގެޔަށް ދާން ” ނަތާ ބުންޏެވެ. “އަހަރުމެން ގޭގަ އުޅެނި މިވަގުތު ހަމައެކަނި މަށާ ، މަގޭ ދޮންބެޔާ އެކަނި ، ލާރާ އަށް އޮވެވޭނެ މަގޭ ރޫމްގަ”

މޫނުމައްޗަށް ވެރިވަމުން ދިޔަ ނިދި ބަރު ކަމުގެ ސަބަބުން ނަތާ މެން ގޭގައި މަޑު ކުރުމަށް ނިންމިއެވެ. ގެޔާ ހިސާބަށް އާދެވުނުއިރު ލާރާގެ ކުރި މަތީގައި ހުރީ ކަނޑުވަރެކޭ ވެސް ބުނެވިދާނެ އެވެ. ދިހަ ބުރިޔަށް ނަގާފައިވާ މި ބޮޑު ގޭގެ ތިރީގައި ޕާރކް ކޮށްފައިވާ ބީއެމްޑަބްލިއު މަރުކާގެ ކާރަށް ލާރާގެ ސަމާލުކަން ހުއްޓުނެވެ. “ވާއު” ލާރާ ބުންޏެވެ. މީހަމަ މިގޭ ކާރެއްތަ ؟

މި ސުވާލާ އެކު ނަތާޝާގެ ހިނިގަނޑު ކޮންޓްރޯލް ވެސް ނުވިއެވެ. ” އަދި އަލަށްތަ މީގެ ކާރެއް ތި ފެނުނީ” ނަތާޝާ ބުންޏެވެ. ތިހާވަރަށް ކާރު ދެކެ ލައިކް ވަންޏާ ގޮސް ދޮންބެ ގާތު ބުނެބިލަ !! ދޮންބެ އިންނާނެ މިވަގުތު ހޭލާ ..

އައިސްފައިވާ ނިދީގެ ސަބަބުން މާ ވާހަކަ ދިގު ނުކޮށް ލިފްޓާ ދިމާލަށް ހިނގައި ގަތް ވަގުތު ލާރާގެ ނަޒަރު ހުއްޓުނީ ކާރުގެ ފަހަތުގައި ޕާރކް ކޮށްފައިވާ ކަޅު ކުލައިގެ ސައިކަލާ ދިމާލަށެވެ. އެއީ ހަމަ ޔަގީނުންވެސް މިރޭ އަހަރެން ގޮވައިގެން ޔުނިވަރސިޓީއަށް ދިޔަ މީހާގެ ސައިކަލު ބާއޭ ހިތާ ހިތާ ސުވާލު ކޮށްލެވުނެވެ. ލާރާގެ ހިތު ތެރެއިގައި ދިޔައީ ސުވާލުތައް ފުނި ޖެހެމުން ނެވެ. އަނެއްކާ އެ މީހަކީ މިގޭ މީހެއް ބާއެވެ.؟

ސައިކަލާ ދިމާލަށް ބަލަހައްޓައިގެން ހުރި ލާރާގެ ހިތަށް ސިހުމެއް ލިބުނީ ނަތާޝާ ގޮވާލި އަޑަށެވެ. ” އަޅެ ވަރުގަދަ ކަމެއްނު މި ލައިގަންނާނި ” ނަތާޝާގެ އަޑުގައި ވެސް ވަނީ ރުޅިވެރިކަމުގެ އުދާސްތަކެވެ. ކޮންމެ ގޮތެއްވިޔަސް ލާރާ އެހާ ފަސޭހައިން އެ ސައިކަލަށް ނަޒަރު ހުއްޓުނީ ކޮންމެވެސް ސަބަބަކާ ހުރެ ކަން ނަތާޝާއަށް ފާހަގަ ކުރެވުނެވެ.

ނަތާޝާގެ އެޕާޓްމަންޓް އަށް ދިއުމަށްޓަކައި ލިފްޓް އަށް އަރާ ހުރެ ލާރާ ކޮށްލި ސުވާލުގެ ސަބަބުން ނަތާޝާ  ހިތް މުޅިން ހުއްޓުނު ކަހަލައެވެ. އެ ސައިކަލު އެއީ ކާކުގެ ސައިކަލެއް ހޭ ލާރާ ސުވާލު އެކުރީ ހަމަ ޔަގީނުންވެސް ލާރާ އަށް މީގެ ކުރިން އެ ސައިކަލު އެތައް ފަހަރެއްގެ މަތިން ފެނިފައިވާތީ ކަން ޔަގީނެވެ.

(ނުނިމޭ)!!!