ތިޔައީ ހަނދޭ-6

ރަޝްނާން ފަސް އެނބުރި ބަލާލުމުން ޒަހްރާ ހަނާ އަޅާލިއެެވެ. ރަޝްނާން ވެސް ހަނާ އަޅާލާފައި ދިޔައެވެ. ރަޝްނާން ސައިކަލުގައި ދިޔަތަން ބަލަން ހުރެފައި ޒަހްރާ ވަނީ ގޭތެރެއަށެވެ. އޭރު އޭނާގެ ހިތް ދިޔައީ ބާރަށް ތެޅެމުންނެވެ. މިވަނީ ކިހިނެއް ހެއްޔެވެ.

*ޕާރޓް-6*

ފިލާވަޅު ހަދައި ފޮތް ކިޔާ ނިއްމާގެން ޔޫރާ ނުކުމެލީ ގޯތިތެެރެެއަށެވެ. ގަނޑިން އަދި ނުވަގަނޑި ބައިނުވާތީ އޭނާ ގޮސް ޖޯލީގައި އޮށޯވެލިއެވެ. އުޑުމަތި ހާމައަށް ފެންނަން އޮތީރު އެތަކެއް ތަރިތަކެއް ވިދާ ބަބުޅަމުން ދާތަން ފެނެއެވެ. ހަނދުގެ އަލިކަމެއް ނުވިއަސް އުޑުމަތި އޮތީ ރީއްޗަށެވެ. މަޑުމަޑުން ވައި ޖެހެމުން ދިޔައިރު ގައިގައި ބީހިލާ ވައި ރޯޅިތަށް ފިންޔެވެ.

ގުދުރަތީ ރީތި މަންޒަރަށް ގެއްލިފައި އޮތް ޔޫރާ ތެދުވެގެން ހިގައިގަތީ ގޭތެރެއަށެވެ. އޭރު ރާނިޔާ އިނީ ޓީވީ ބަލާށެެވެ. ޔޫޝައު އެއް ފެންނާކަށް ނެތެވެ. ޔޫރާ ގޮސް ކޮޓަރިއަށް ވަދެ އެއްޗެހި ބަދަލު ކޮށްލިއެވެ. މިހާރު އޭނާ ލައިގެން ހުރީ ވަރަށް ގަދަ ނޫކުލައިގެ ގަމީސް ކޮޅަކާއި ބޭގީ ޖިންސް އެކެވެ. މޫނުގައި ކުޑަ ފުއްކޮޅެއް ޖަހައި ގަޔަށް ސެންޓް ކޮޅެއް ބުރުވާލައިފައި އޭނާ އިސްތަށިގަނޑު ގައި ދަތްޗެއް ޖެހިއެވެ. ތައްޔާރު ވެނިއްމާލާފައި އޭނާ ނުކުތީ ބޭރަށެވެ.

“މަންމާ ބޭރަށް ދިޔައަސް އޯކޭތަ..؟” ސިޓިން ރޫމް އާއި ހަމައައިސް އައި ޔޫރާ އަހާލިއެވެ.

“އޯކޭ.. އެކަމު ބުނެބަލަ ކޮންތާކަށް..؟” ރާނިޔާ އަހާލިއެވެ.

“އަޅުގަނޑު އައިސްކީމް ކާހިތުން އެހެންވެ..” ޔޫރާ ބުނީ ހަޤީޤަތެވެ. އޭނާ އަސްލަށްވެސް އައިސްކްރީމް ކާހިތްވެގެން ނުހުރެވިގެން އެއުޅެނީ ދާށެވެ.

ރާނިޔާގެ ހުއްދައާއި އެކު ބޭރަށް ނުކުއް ޔޫރާ ފޯނުބަލަމުން ހިގަމުން ދިޔައީ ގެޔާއި މާދުރުނޫން ތަނެއްގައި ހުރި ހަޓަކަށެވެ. އެތަނުން އައިސްކްރީމް ގަނެގެން ޔޫރާ މިސްރާބުޖެހީ ލައިބްރެރިއަށެވެ. މަގުތަށްމަތި އަދިވެސް ވަރަށް ބާރުބޮޑެވެ. ޕޭމެންޓް މަތިން ހިގައިފައި ގޮސް ލައިބްރެރީ އަށް ދާން ވެގެން މަގުހުރަސްކުރަން ދިޔަ ޔޫރާ ދިޔައީ ވަރަށް ބަލަމުންނެވެ. އެކަމަކު ވެސް އޭނާ ސިއްސައިގެން ދިޔައީ ވަރަށް ކައިރިން ބަރުގޮން އަޅައިލި އަޑަށެވެ. ސިއްސައިގެން ދިޔަވަރުން އޭނާގެ އަތުގައި އޮތް އައިސްކްރީމް ވެސް ވެއްޓުނެވެ. ބަލައިލިއިރު ޔުރާ އާއި ވަރަށް ގާތުގައި ހުރީ ހެލްމެޓް އަޅައިގެން އެކަމަކު އޭގެ “ޝީލްޑް” މަތިކޮށްލައިގެން ހުރި ޒުވާން ފިރިހެނެކެެވެ. އޭނާގެ މަޑު ފެހިކުލައަކަށްދާ ދެލޮލާއި ޔޫރާގެ ދެލޯ ހަމަވިއެވެ. އެމީހާގެ ދެލޮލުން ފެނުނީ ރުޅިވެރިކަމެވެ.

“މަންޖެ ބަލައިގެން ދޭބަލަ.. މަގޭ ގަޔަށް ތިޔަ އައިސްކްރީމް ވެސް އަޅާލާފި.. ބޮޑު އުދަގުލެއްް..” އެމީހާ މަގުމެދުގަ ހުރެފަ ހަޅޭލަވައިގަތެވެ. ޔޫރާ އިނީ ހުއްޓުން އަރާފައެވެ. މިވީ ކިހިނެއް ހެއްޔެވެ؟ އޭނާގެ އައިސްކްރީމް އެވެ. އެމީހާ އާއި ހެދި އެއޮށްވަރުން ގަތް އައިސްކްރީމް ވެސް އިސްރާފަށް ދިޔައީއެވެ. އަދި ވެސް އެމީހާ ހަޅޭލަވަައިގަތީ ކޮންބޭނުމަކު ހެއްޔެވެ؟ އޭނާ ހަމަ ރީއްޗަށް ހިގައިފައި ދަނިކޮށް އެމީހާ ބަރުގޮން އަޅަން ޖެހޭހެއްޔެވެ؟ ޔޫރާ ވެސް ރުޅި އައެވެ.

“އެކްސް ކިއުޒްމީ.. ބަލަ އަހަރެންގެ ކަމެއްތަ އެއީ..؟ ކަލޭ ދޯ މަ ހަމަ ރީއްޗަށް ހިގައިފައި ދަނިކޮށް މިތާގަ ކޮން މޮޔައެއް ވެގެން ކަމެއް ނޭނގެ ބަރުގޮން އަޅާފި.. ދެން އައިސްކްރީމް ގަޔަށް އެޅުނީ އޭ.. ތިމަންނަގެ ލޯބިވާ ޓީޝާޓް ހަޑިވީއޭ ކިޔާނެ ކަމެއް ނެތް.. އަމިއްލަ ކަމެއްދޯ..” ޔޫރާ ވެސް އެއްމެ ތަންފުކެއް ވެސް ދޫނޮކޮށް ކިޔައިގަތެވެ. އެފިރިހެން ކުއްޖާ ހުރީ ޔޫރާ އަށް ބަލަހައްތައިގެންނެވެ. ރުޅި އައިސް އެވެ.

“ކަލޭގެ ލަދުކޮބާތަ މަށާ ތިވައްތަރަށް ވާހަކަ ދައްކާކަށް.. މަ މީކާކުކަން އެނގޭތަ ތިޔަ ވައްތަރަށް ތިވާހަކަ ދައްކަނީ..” އެކުއްޖާ ވެސް ހީވަނީ ރުޅި އަރައިގެން ދެއްމެ ދެއްމެ ޔޫރާގެ ކަރުގައި ހިފާފާނެ ހެންނެވެ.

ޔޫރާ ލޯ އަނބުރާލާފައި މަގުހުރަސް ކޮށްފައިި ގޮސް ލައިބްރެރީ އަށް ވަނީ އޭނާ އާއި ހެދި މަގުގައި ތިބި އެހެންމީހުންނަށް އުދަގޫ ވެދާނެ ތީއެވެ.

ސައިކްލް ދުއްވާލާފައި އައިސް ލައިބްރެރީ ކާރިއަށް ހުއްޓާލާފައި އަޝްވާން އެތެރެ ބަލާލިއެވެ. އޭރު ޔޫރާ ވަދެގެން ދަނީއެވެ. އަޝްވާން ހުރީ ވަަރަށް ބޮޑަށް ހިތްހަމަ ނުޖެހިފައެެވެެ. އޭނާގެނައި ފެންފުޅިން އޭނާ ލައިގެން ހުރި ޓީޝާޓް ދޮވެލައިފައި އަޝްވާން ހެލްމެޓް ނެގިއެވެ. އެގަޑީގައި އެތާ ތިބި އަންހެން ކުދިންގެ ދެލޯ ބޮޑުވިއެވެ. އަޝްވާން އަށް އެކަންވެސް އެނގެއެވެ. އޭނާގެ ދޮން މޫނާއި މަޑު ފެހި ކުލައިގެ ދެލޮލުން ވެސް އަންހެން ކުދިންގެ ހިތްތަށް ދަމައިގަންނާނެކަން ގައިމެވެ. ތޫނު ކަތުރުކަށިގަނޑެކެވެ. ކަޅުކަންގަދަ ބޯފަންއިސްތަށި ގަނޑުތެރެއިން އަތް ހިންގާލާފައި އަޝްވާން ބަލައިލީ އެތާ ތިބި އަންހެން ގްރޫޕް އާއި ދިމާއަށެވެ. އޭރު ވެސް އެކުދިން ތިބީ އަނގަނަގާ އަތަށް ލައިގެން ބަލާށެވެ. ވަރަށް ފްލާޓީ ގޮތަކަށް އަޝްވާން އެކުދިންނާއި ދިމާއަށް އެއްލޯ މަރާލިއެވެ. އެއަންހެން ކުދިންތަށް ހީވީ ކެކިގަތް ފެންއެއްޗެއް ހެންނެވެ. ހަޅޭ ލަވައޮގަނެފައި ތުއިވެލިއެވެ.

އަޝްވާން ވެސް ލައިބްރެރީ ތެރެއަށް ވަދެގެން އައިރު ޔޫރާ އިންތަން ފެނުނެވެ. ނަމަވެސް ޔޫރާ އަކަށް އަޝްވާން އެއް ނުފެންނާނެއެވެ. އޭނާ އިނީ ކިޔަން އިން ވާހަކަ ފޮތަށް މާބޮޑަށް ގެއްލިފައެވެ. މީހަކު އައިސް ކައިރީގައި އިށީންކަމެއް ވެސް އޭނާ އަކަށް ނޭނގޭނެއެވެ. އަޝްވާން އިނީ ޔޫރާ އަށް އޭނާ މިތާ އިންކަން އެނގެން ދެކަށެވެ. އެކަމަކު އެއް މިނެޓް ފާއިތުވެ ދިޔަފަހުން ވެސް ޔޫރާ އެއް އަޅައެއް ނުލިއެވެ. އެއްމެ ފަހުން އަޝްވާން މޭޒުގެ ފައިގައި ފައިން ޖަހާލިއެވެ. ޔޫރާ ދިޔައި ސިއްސައިގެންނެވެ.

“ކަލޭ އަނެއްކާ.. މޮޔަވީތަ..” ޔޫރާ ގާތަށް އިތުރަށް ރުޅި އެރީ އަޝްވާން އަނެއްކާ ވެސް އައީމައެވެ.

“އާން.. މަ އަނެއްކާ.. ބުނަން.. ކަލޭ މަށަށް ސޮރީ އޭ ނުބުނާހާ ހިދަކުއެއް މަށެއް މިތަނަކުންނެއް ގުޑައެއް ނުލާނަން..” އަޝްވާން ބުނެލީ ވަރަށް ޔަޤީން ކަމާއި އެކުއެވެ. ޔޫރާ ދެލޯ އަނބުރާލާފައި ތެދުވިއެވެ.

“ހެޔޮ ކޮންމެ އެއްޗެކޭ ކިޔަސް މަށެއް ސޮރީ އެކޭ ނުބުނާނަން..” ޔޫރާ އެހެން ބުނެ ބާރަށް ހިގައިގަތެވެ. އަޝްވާން ބަލަން ހުރެފައި ޔޫރާ ފަހަތުން ދިޔައެވެ.

“މަންޖެ ހީއްކުރަނީ ތިހާ ފަސޭހައިން މަންޖެއަށް ބެޗޭނެ ކަމަށްތަ..؟” ލައިބްރެރީއިން ނުކުމެފައި އަޝްވާން ގޮވާލިއެވެ. އަޑު އިވޭ ކަަމަށް ވެސް ހަދައިނުލާ ޔޫރާ ގޮސް އަނެއް މަގަށް އަޅާލިއެވެ.

އަޝްވާން ވެސް ވަކި ދޫނުކުރަން ވެގެން ސައިކަލަށް އަރައި ދުއްވާލިއެވެ. އަޝްވާން ފަހަތުން އަންނަކަން އެނގެހުރެ ޔޫރާ ދިޔައީ ގެޔަށެވެ. ޔޫރާ ގޮސް ގެޔަށް ވަންނަން ދެކަށް ބަލަން ހުރި އަޝްވާން އަށް މަޖުބޫރުވީ އަނބުރާލާފައި ދާށެވެ.

އޮފިސް ކަންތަށް ނިއްމާލާފައި ގެޔަށް ދިޔުމުގެ ބަދަލުގައި ރަޝްނާން މިސްރާބު ޖެހީ ބީޗް އާއި ދިމާއަށެވެ. އެއީ އޭނާ ކޮންމެރެއަކު ވެސް އާދަކޮށް އަންނަތަނެވެ. އެކަމު މިރޭ ކުޑަކޮށް ލަސް ވެއްޖެއެވެ. ބީޗް އަށް ފައިބައިފައި ރަޝްނާން ދެކޮޅު ހޯދާލީ އެކަކު ވެސް އުޅޭތޯ ބަލާށެވެ. އޭނާ އެއްލި ކަލީ އަކުން ފެނުނީ ރާޅު ޖަހާ ހިސާބުގައި ހުރި އަންހެން ކުއްޖެކެވެ. އެކުއްޖާ ލައިގެން ހުރީ މަޑު ނޫކުލައިގެ ކަކުލާ ހަމައަށް އަރާ ޕާކިސްތާނީސްޓައިލަށް ފަހާފައިވާ ހެދުމެއް ލައިގެންނެެވެ. ހަމަ އެކުލައިގެ ފުޅާ ހަރުވާޅެއް ލެވިފައިވީރު އެހެނދުން އޭނާ އަށް ކިތައްމެހާ ވެސް ގުޅެއެވެ. ރާޅު ބާނި އެ ކުރު އިސްތަށިކޮޅު ވަނީ ދޫކޮށްލެވިފައެވެ.

އިރުކޮޅަކު ހުއްޓުން އަރައިފައި ބަލަން ރަޝްނާން އަށް ހުރެވުނެވެ. އަނެއްކާ މިއީ އިންސާނެއް ބާއޭ ވެސް އޭނާ ހިތަށް އެރިއެެވެ. ރަޝްނާން ބިރުން ހުރެފާ ވެސް އެއަންހެން ކުއްޖާ އާއި ކައިރިއަށް ހިގައިގަތެވެ. އޭނާ އަށް ހިސާބަކަށް ދެވުނީރަށް މަޑުމަޑުން އެއަންހެން ކުއްޖާ އެނބުރެން ފެށިއެވެ. ރަޝްނާން އަށް ނޭވާ ހިފާއްޓާލާން މަޖުބޫރު ވިއެވެ.

*ނުނިމޭ*

މިވާހަކައިގެ ދެންއޮތް އެޕިސޯޑުގެ ލިންކު ކޮމެންޓް ސެކްޝަންގެ ތިރީގައި ވާނެއެވެ.