ސާރާ 09

“ކޮންމެސް ތާކުން ފެނުނު ވަޅިއެއް.. ކޮން ތާކުންބާ؟” ޝިޔާން ހިތާއި ހިތުން އަމިއްލަ ނަފްސާއި ސުވާލުކުރަމުން ދިޔައީ ޝައްކުގެ ނަޒަރުން އެ ވަޅިއަށް ބަލަން ހުރެއެވެ.
“ގައިމުވެސް ކޮންމެސް ގޮތަކަށް މަށާ ގުޅުން ހުރި މީހެއް. އެހެން ނޫންނަމަ މި ވަޅި ކިހިނެއް…؟” ވިސްނާ ވިސްނާ ވެސް ޝިޔާންގެ ސިކުނޑިއަށް ހިލަމެއް ނުވިއެވެ. އެހެންވެ ޝިޔާންގެ ފޯރިގަނޑު އިތުރަށް ގަދަވެ ޖޯޝުގައި ދަބަސް ހާވަން އަވަސްވެ ގަތެވެ. އެންމެ ފަހުން ޝިޔާން ނެގީ ކުޑަ ވަރެއްގެ ފޮއްޓެކެވެ. އެ ފޮށި ހުޅުވާ ޝިޔާން ރަނގަޅަށް ބަލައިލިއެވެ. އާނ އެކެވެ. އެއީ ޝިޔާންގެ އެއްޗެއްސެވެ. އެއިން ކޮންމެ އެއްޗެއްގައި ޝިޔާންގެ ނަން ޖަހާފައިވެއެވެ.
“އޯހް މައި ގޯޑް. އައީތަ؟” މިފަހުގެ ތާރީޚެއްގައި ޝިޔާނަށް ހިނިތުން ވުމުގެ ފުރުސަތު މުޅިން އަލަށް ލިބުނު ފަދައެވެ.
ކުއްލިޔަކަށް ޝިޔާންގެ ހަނދާނަށް އައީ މާޒީގެ ދުވަސްތަކެވެ. އުންމީދެއް ނެތި ނެގި ފިޔަވަޅަކުން ކުރިޔަށް ދިޔުމުގެ ބާރު ޝިޔާނަށް ލިބުނީ އެދުވަހުއެވެ.
“ހައި! އިޒާން ފޮނުވައިގެން މި އައީ.. މީ ޝިޔާން.” ސަލާން ކުރަން އަތް ދިއްކޮށްލަމުން ޝިޔާން ބުނެލިއެވެ.
އެއީ ޝިޔާނެވެ. އިޒާންގެ ދޮންބެއެވެ. އިޒާން އާއި ޝިޔާ…