އަބަދުވޭ ހިތުގާ މަގޭ 2 (6)

~މިހާ ހިސާބުން މިވާހަކަ ގެނެސްދޭނީ ކޮންމެ ހޯމަ ބުރާސްފަތި އަދި ހޮނިހިރު ދުވަހުއެވެ~
ރޭގަނޑުގެ ހިތްގައިމު ވަގުތެވެ. ރެއަކީ ފަނަރަ ވިލޭރޭ ނަމަވެސް ކަޅު ބޯވިލާ ތަކުގެ ސަބަބުން ހަނދުގެ ރިހި އަލިވަނީ ވަންހަނާ ވެފައެވެ. ޖެހެމުން ދިޔަ ފިނި ވައިރޯޅި ތަކުގެ ސަބަބުން ހީކަރުވާހާ ވެޔެވެ. ކިލާހުގައި އިން ރައިޒެކް، ނަވާން، ނިޝްވާއަދި އެލީކާ ޓީޗަރު ދައްކަމުން ދިޔަ ވާހަކަ އެހުމަށް ތިއްބެވެ.
“އަހަރެމެން ގާތިލުން ދިރާސާކުރާއިރު، އަހަރެމެންނަށް ގިނައިން ހީވަނީ ފެންނާނީ ޖަނަވާރުން ކަހަލަ ބައެކޭ. ނުރައްކާތެރި ގޮތަކަށް ފެންނަ، ނުރައްކާތެރި ގޮތަކަށް އަމަލު ކުރާ ބައެކޭ. އެހެނަސް ހަގީގަތަކީ އެއަށް ވުރެ މާ ބިރުވެރި އެއްޗެއް. ގިނަ ގާތިލުންނަކީ ބޭރުފުށުން އާދައިގެ ބައެއް. ހިނިތުންވެ، ރައްޓެހިން ހޯދާ، ލޯބިވެރިންވެސް ހޯދާ. ދެން ސުވާލަކީ އަހަރެމެން އެމީހުން ވަކި ކުރާނީ ކިހިނެތް ތޯ؟ އަހަރެމެން ސައިކޯޕެތްސް ފާހަގަ ކުރާނީ އެމީހުންގެ އަމަލު ތަކަކުން ނޫން. އެމީހުންގެ ވިސްނުމުން. އެމީހުނަށް ޖަޒުބާތުތަށް ނަކަލު ކުރެވިދާނެ ނަމަވެސް ސައިކޯޕެތްސްއަކަށް ހަގީގަތުގައި އެއްވެސް އިހުސާސެއް ނުކުރެވޭނެ. އެމީހުންނަށް ކްލާހުގައި ތިބާގ…