ކަނޑު ފުރޭތަ

އޮއްސެމުން ދިޔަ އިރާ އެކު ފުރައިގެން އެ ދިޔަ ލޯންޗަކީ ރަށުން މާލެ ދާން ފުރި ލޯންޗެކެވެ. އާދިލް އެ އައީ އާދިލްގެ މަންމަ ކަމަށްވާ ދީނާ އާއި ބައްޕަ މޫސާ އާއި ކޮއްކޮ ޝާހިދާ މާލެ ދާން ފުރުވާލާފައެވެ.

ވެފަ ހުރި  ވަރުބަލިން ބަންގި ގޮވި ކަން ވެސް ނޭންގި ކޮޓަރި އެނދުގައި ޖައްސާލި ގޮތަށް ނިދުނެވެ. “އާދިލް…. އާދިލް….” އާދިލް އަށް ހޭލެވުނީ މީހަކު އޭނަގެ ނަމުން ގޮވާ އަޑަށެވެ. ވަރަށް ނިދި ބަރު ވެގެން ހުރެ ވެސް އޭނާ ތެދުވުމަށްފަހު ކޮޓަރި ދޮރު ހުޅުވާލިއެވެ. ކުރި މަތީ ހުރި މީހާ ފެނުމުން ހީވީ އޭނާގެ މެޔަށް ފިނި އެއްޗެއް އޮއްސާލެވުނު ހެންނެވެ. ކުރިމަތީ ހުރީ އާދިލް އަށް ދުވަހަކުވެސް ފެނިފައި ނުވާ ކުއްޖެކެވެ. ކަޅު ކަން ގަދަ އިސްތަށިގަނޑެކެވެ. ހިތި ފަތު ބުމައަކާއި އަޅި ކުލައިގެ ތަރި އެއް ފަދަ ދެ ލޮލެއެވެ. މަޑު ރަތް ކުލަ އަކަށް ދާ ރީތި ތުންފަތެކެވެ. ހަމުގެ ކުލަ ދޮނެވެ. ލާފައި ހުރީ އައް ކުރު ފިޔާ ތޮށި ކުލައިގެ ޓޮޕް ކޮޅެކެވެ. ތިރިން ލާފައި ހުރީ ނޫކުލައިގެ ޖިންސް އެކެވެ. މީ ހާދަ ރީތި ކުއްޖެކޭ އާދިލް ހިތަށް އެރިއެވެ. އާދިލް އަށް ހުރެވުނީ އެ ކުއްޖާ އާ ދިމާލަށް ގެއްލިފައެވެ. ގެއްލިފަ ހުރިވަރުން އެ ހަނދެއް ފަދަ ރީތި ކުއްޖާ ދެ ފަހަރަކު ކަރު ކެހިލިމުން ވެސް އާދިލް އަކަށް ނޭންގުނެެވެ. ތިންވަނަ ފަހަރަށް އެ ކުއްޖާ ކަރު ކެހިލީ ތަންކޮޅެއް ބާރަށެވެ. މި ފަހަރު ހަމަ ޔަގީނުން ވެސް އާދިލް އަށް ހިޔާލީ ދުނިޔެއިން އާދެ ވިއްޖެއެވެ. “ހާއި… އަހަންނަށް ކިޔަނީ މީޝާ… ތީ އާދިލް ދޯ…” އެކުއްޖާ ރީތި ހިނިތުން ވުމަކާ އެކު ބުނެލިއެވެ. އާދިލް އަށް ހުރެވުނީ ބުނާނެ އެއްޗެއްވެސް ނޭންގިފައެވެ. ހާދަ ރީތި އަޑެކެވެ. އާދިލް ގެ ދުލުން އެންމެ ލަފްޒެއް ވެސް ނުބުނެވުނެވެ. އެހެން ނަމަވެސް ބޮލުގެ އިޝާރާތުން އާނ އެކޭ ބުނެލިއެވެ.

“ތި… ތީ… ކާކު؟؟” އާދިލް ވަރަށް އުނދަގުލުން ބުނެލިއެވެ. “ހެހެ… އަހަންނަކީ މީޝާ… ކުރިން ވެސް މިހެން ބުނެވުނު ދޯ!! ހެހެ… ތި ބުނީ އަހަންނަކީ ކޮން ތާކުން އައި ކާކު ހެއްޔޭ ދޯ؟؟ އަހަރެންގެ މަންމަ އަކީ އާދިލް ގެ މަންމަ ގެ ވަރަށް ގާތް އެކުވެރިއެއް… އަހަރެން ބޭނުންވަނީ މޮޅަށް ކިޔަވަން… އެހެންނަމަވެސް އަހަރެންގެ އާއިލާ އަކީ އެހާ ތަނަވަސް ބައެއް ނޫން… އެހެންވެ އާދިލްގެ މަންމަ އަހަރެންނަށް ކިޔަވާއި ދެވޭނެ ވަރަށް އަހަރެންގެ މަންމަ އަތަށް ފައިސާ ދިން.. އާދިލް ގެ މަންމަ ބޭނުންވީ މިގޭގަ އެކަަކުވެސް ނެތު މާއެކު އާދިލް ގެ ކަންތަށް ބެލެހެއްޓުމަަށް އަހަރެން މި ގޭގައި ހުންނަން… އެހެންވެ އަހަރެން މި ރަށު ކޮލެޖަށް ވަނީ… އިތުރު ސުވާލެއް؟؟؟” މީޝާ އާ ބެހޭ ހުރިޙާ މައުލޫމާތެއް އާދިލް އަށް ދިނުމަށް ފަހު ދެން އެ ކުރި ސުވާލުން އާދިލް އަށް ކުޑަކޮށް ހެވުނެވެ. “ހެހެ… ނޫނޭ ނެތް އިތުރު ސުވާލެއް…” އާދިލް މިހެން ބުނެލުމަށްފަހު މީޝާ އާ ދިމާލަށް މާނަ ވީ ގޮތަކަށް ބަލައިލިއެވެ. މީޝާ ލަދުން އިސް ޖަހާލިއެވެ. އެ ދޮން މޫނަށް މަޑު ރަތް ކުލައެއް ވެރިވެގަތުމުން އާދިލް ގެ މޫުގައިވާ ހިނިތުން ވުނ އިތުރަށް ފުޅާ ވިއެވެ. “މީޝް… މީ…. މީޝް އަހަންނަށް ކޮންމެހެން ނުޖެހޭނެ  ކަމެއް ކޮށްދޭކައް… މަށަށް އިނގޭ އަމިއްލަ އަށް ގަމީހާއި އެއްޗެހި އިސްތިރިކޮށް ހަދަން. ކައްކަން އިނގޭ… ކާން ވެސް އިނގޭ…”މިހެން އާދިލް ބުނެލުމާއެކު މީޝާ އަށް ހެވުނެވެ. “ނޫނޭ… މަށަށް ވެސް އިނގޭ އާދިލް އަށް ކާން އިނގޭނެކަން. އެކަމް އާދިލް ބޭނުމިއްޔާ މަ އާދިލް އަށް ކާން ދީފާނަން…. ހެހެ..” މިހެން ބުނުމަށް ފަހު މީޝާ އަށް ހީލެވުނެވެ. “ހާދަ ރީތި ހީލުމެކެވެ…” އާދިލް ގެ ހިތަށް އެރިއެވެ.

އާދިލް ފެންވަރާލައިގެން ނުކުއިން އިރު އެނދު މަތީ ރަތް ކުލައިގެ ގަމީހަކާއި ކަޅު ކުލައިގެ ޖިންސެއް އޮތެވެ. މީ މީޝާ ގެ ކަމެއް ކަން އާދިލް އަށް ވަރަށް ފަސޭހައިން އިނގުނެވެ. އާދިލް ތައްޔާރު އެ ވަނީ އޭނާގެ ކޮލެޖް ގައި އޮތް އިތުރު ހަރަކާތަކަށް ދާށެވެ. ތައްޔާރު ވަމުން ދިޔައިރު އާދިލް އަށް މޫޝަން ގެ “ރީތިކަން” މި ލަވަ ކޔެމުން ދިޔައެވެ.

“ރީތިކަަން ބަޔާން ކޮށްދޭ މަލާއޭ…

އަޖައިބު ވާ ހަރަކާތް ތަކޭ ތިއީ…”

“ހީލުމުން ހީވޭ ފުރިދާ ހިތް މަގޭ…

ދުނިޔެ މަތިން ނުދެކޭހާ ފުރިހަމަ ވީ ހީލުމެކޭ…” މިތަން ކޮޅު ކިޔާލުމަށްފަހު އަނެއްކާވެސް އާދިލް އަށް ހިނިތުންވެލެވުނެވެ. “ދުނިޔެ މަތިން ނުދެކޭހާ ފުރިހަމަ ވީ ހީލުމެކޭ…” އާދިލް އަށް އަނެއްކާވެސް މިތަންކޮޅު ކިޔާލެވުނެވެ. “ﷲގެ ކުޅަދުންވަތަ ކަމާއޭ… ހާދަ ރީއްޗޭ މީޝާ…. އެހާ ރީތި ކުއްޖެއް ދުވަހަކުވެސް ނު ދެކެން… ވާއު..” އާދިލް އަށް ހައްތަހާވެސް ވިސްނެމުން ދަނީ މީޝާ އާ މެދުއެވެ. ކީއްވެގެން ކަމެއް ނޭންގުނެވެ. ގޮތް ނޭންގޭ އިހުސާސް ތަކެއް ވަނީއެވެ.

ރޭގަނޑު ނުވައެއް ޖަހައިފިއެވެ. މިގަޑިއަކީ އާދިލްް އާންމު ކޮށް ރޭގަނޑު ކާ ގަޑިއެވެ. އެހެނަސް މިރޭ އާދިލް އެ އޮތީ އެނދުމަތީ ހިޔާލަކަށް ގެއްލިފައެވެ. ފޯނު ހިފައިގެން އޮތެއް ކަމަކު އާދިލް އޮތީ ފޯނަށް ސަމާލުކަން ދީގެންނެއް ނޫނެވެ. އިރުކޮޅަކުން އާދިލްގެ ކޮޓަރީގައި މީހަކު ޓަކި ޖަހާ އަޑަށް އާދިލް ތެދުވެ ދޮރު ހުޅުވާލިއެވެ. އެއީ މީޝާ އެވެ. “އާދޭ ކާން…” މީޝާ ހިނިތުން ވެލަމުން  ބުންޏެވެ. އާދިލް މީޝާ ގެ ފަހަތުން ބަދިގެ އަށް ވަނެވެ. “ކޯއްޗެއް ހުރީ ކާން؟؟” އާދިލް ގޮނޑީގައި އިށީންނަމުން އަހާލިއެވެ. “ގަރުދިޔަ އާއި ބަތާއި  އަސާރަ އަދި ލޮނުމިރުސް…” މީޝާ އަވަހަށް ބުނެލިއެވެ. “އެެހެންތަ؟؟ މީޝާތަ ކެއްކީ؟؟” އާދިލް މީޝާ އާ ގިނައިން ވާހަކަ ދައްކަން ވެގެން ބުނާނެ އެއްޗެއް ނޭންގިގެން އަހާލިއެވެ. “ހްމްމް… މަ ކެއްކީ… ކިހިނެއްވީ؟؟ މަ ނުކައްކަންވީތަ؟؟” މީޝާ އަހާލިއެވެ. “ހެހެ… ނޫން ދެން އެހެނެއް ނޫން…” އާދިލް  ވެސް ހީލަމުން ބުނެލިއެވެ. މީޝާ ސިންކުން ތަށްޓެއް ދޮވެލައިގެން އައިސް އާދިލް ގެ ކުރިމަތީ ބަހައްޓާލިއެވެ. އެއަށް ފަހު ގަރުދިޔަ އަޅަފައި ހުރި ތަށްޓެއް ކާ މޭޒު މަތީ ބަހައްޓާލިއެވެ. އާދިލް ތަށްޓައް ބަތް އަޅަން ފެށުމުން މީޝާ ވެސް ތަށްޓެއް ހިފައިގެން އައިސް އާދިލް އާ ތަންކޮޅެއް ދުރުގައި އިން ގޮނޑިއެއްގައި އިށީންދެލިއެވެ.

އެ ގޮތެއް އާދިލް އަކަށް ކަމަކު ނުދިޔައެވެ. “މީ…. މީޝާ… މީނަ ގޮނޑީގައި އިށީންދެ ބަލަ…” އާދިލް ކުރިމަތީ އިން ގޮނޑި ދައްކާލަމުން ބުނެލިއެވެ. “އެއީ އަނެއްކާ ކިހިނެއްވީ؟؟” މީޝާ ކުޑަކޮށް ހާސް ވެގެން އިނދެ އަހާލިއެވެ. ނަމަވެސް އޭނާގެ މަންމަ އާއި އެހާ ގާތް މީހެއްގެ ދަރިއެއް އެ ކަހަލަ ކަމެއް ނުކުރާނެއޭ އޭނާގެ ހިތަށް ވިސްނައިދެމުން ދިޔައެވެ. “އެއީ ވަރަށް ފަޅު ވާނެ އެއްނު މަށަށް ވެސް މަންމަ އާއި ބައްޕަ އާއި ކޮއްކޮ ނެތީމަ ދޯ… ދެން… ޝާހިދާ އަބަދު ކާ އިރު މި ގޮނޑީގަ އިންނަނީ… އެހެންވެ މީޝާ ޝާހިދާ ގެ ފަޅު ފިލުވާލަ ދޭންވީނު…” އާދިލް ހުރީ މާ ކުރިން މީޝާ އެހެން އަހައިފިއްޔާ ދޭނެ ޖަވާބަ ކަމާ މެދު ވިސްނައި ގެން ކަމުން ވަރަށް އަވަހަށް ޖަވާބު ދިނެވެ. މީޝާ ތަށި ހިފައިގެން އައިސް އާދިލް ބުނި ގޮނޑީގައި އިށީންދެލިއެވެ. މީޝާ އަށް އެހާ ފަސޭހައިން އާދިލް ބުނި ވާހަކަ ގަބޫލް ކުރެވުނީ އެއީ އާދިލް އަކީ މީޝާ އިތުބާރު ކުރާ މީހަކަށް ވެފައި އަދި އާދިލް ދިން ޖަވާބު ހަމަ ޖެހޭތީއެވެ.

ކަމުން ދިޔައިރު ވެސް އާދިލް އަށް ހަމަ ބެލެނީ މީޝާ އާ ދިމާލަށެވެ. މިކަން ބައެއް ފަހަރަށް މީޝާ އަށް ފާހަގަ ކުރެވިގެން ކިހިނެއް ވީތޯ ވެސް އަހާލައެވެ. ކޮންމެ ފަހަރަކު އާދިލް ފުއްދާލަނީ ކަމެއް ނުވެއޭ ބުނެލަމުންނެވެ. ކައި ނިމިގެން އާދިލް ދިޔައީ ޓީވީ ބަލާލާށެވެ. އާދިލް އާ އެކު މީޝާ ވެސް ޓީވީ ބަލަން ޖައްސާލިއެވެ. “ހޭ…. މަ ދާން ވެއްޖެ… ޓުމޯރޯ އިޒް މައި ފަސްޓް ޑޭ އެޓް ކޮލެޖް…. ޔޭ… ހެހެ… ސޯ އައި ހޭވް ޓު ސްލީޕް އާރލީ… ގުޑް ނައިޓް އާދިލް… ސީ ޔޫ ޓުމޯރޯ..” އިރުކޮޅަކު މީޝާ ޓީވީ ބަލާލަން  އިނުމަށް ފަހު ތެދުވަމުން ބުނެލިއެވެ. އާދިލް ވެސް މީޝާ އަށް ގުޑް ނައިޓް އޭ ބުނެލުމަށްފަހު ކޮޓަރި އަށް ވަނެވެ.

ނުނިމޭ (:-

މިވާހަކައިގެ ދެންއޮތް އެޕިސޯޑުގެ ލިންކު ކޮމެންޓް ސެކްޝަންގެ ތިރީގައި ވާނެއެވެ.