އަބަދުވޭ ހިތުގާ މަގޭ 14

ނިދިފައި އޮތް ނިކާލް ދިޔައީ ފުރޮޅެމުންނެވެ. ދެލޯ ފިއްތައިގެން އޮތް އިރު، ނިތް ކުރިމަތީގައި އޮށްދާ ހިތްލަމުން ދިޔައެވެ. ހީވަނީ ހުވަފެނެއް ފެންނީހެންނެވެ. “މަންމާ… މަންމާ…” ފެންނަނީ އުމުރުން ފަސް ވަރަކަށް އަހަރުގެ ފިރިހެން ކުއްޖެކެވެ. ހަމަ އެކަނި ނެޕީއެއް ނަޖައިގެން ހުރި އިރު އެކުއްޖާއަށް ހުރީ ޕުއްޕު ލެވިފައެވެ. “މަންމާ… މަންމާ…”
ގިފިލި ދޮރުގައި އެކުއްޖާ ތަޅަމުން ދިޔައެވެ. އެހެން ދޮރުގައި ތަޅަން ހުއްޓާ އިރު އަރައިފިއެވެ. އޭރު އެކުއްޖާ ފަކީރު ވަނީ ރޮއެ ރޮއެ ހިނދިފައެވެ. ދެލޮލުން ކަރުނަ އަންނަމުން ދިޔަ ނަމަވެސް ކުއްޖާ އިނީ މަޑު ނެގިފައެވެ. ގިސްލެވެމުން ދިޔަ އިރު އެކުއްޖާގެ މޫނު މަތީގައި ހިތާމައިގެ ތަސްވީރެއް ކުރެހިފައިވާ ފަދައެވެ.
(14 ވަނަ ބައި)
ނިދިފައި އޮތް ނިކާލް ކޮޅަށް ޖެހުނީ ކުއްލި އަކަށެވެ. އޭރު ނިކާލަށްވެސް ވަނީ ރޮވިފައެވެ. ކުއްލި އަކަށް ކުޑަ އިރުގެ އެހަނދާން ވުމުން ރޮވޭ ގޮތް ވީއެވެ. އިންހޭލާރްގެ އެހީގައި އަމިއްލަ ނަފްސު ހަމައަކަށް އަޅުވާލިއެވެ.
އޭރު ގަޑިން 7 ޖެހީއެވެ. ފަތިސް ނަމާދަށް ނުހޭލެވުމުން ނިކާލް ދެރަވިއެވެ. ފެން ވަރާލައިގެން ނަމާދު ޤަޞާ ކޮއްލިއެވެ. ދެން ތައްޔާރުވެލީ ސްޓޭޝަނ…