ޝިރާތް 12

“ކޮން’ނީޗިވާ ބޮސް” (އައްސަލާމު އަލައިކުމް ބޮސް) ކެންޒޯ އަހިސް ހުޝާލް ފުރަގަހުގައި ހުއްޓުނެވެ. އިސްޖަހާލައިގެން ކެންޒޯ ހުރި ގޮތުން ކެންޒޯ ދޭން އެއުޅެނީ ހުޝާލް އަހަން ބޭނުންވާނެ ޙަބަރެއް ނޫންކަން އެނގިގެން ދެޔެވެ.
“ކިޔާބަލަ” ތުމުގައި އިން ސިނގިރޭޓުގެ ދުންތައް ފަޒާޔަށް ދޫކޮއްލަމުން ހުޝާލް ބުނެލިއެވެ. “ކަނޯޖޯ ވަޑޮކޯނީ މޯ މިއާޓަރީމަސެން” (އޭނަ މިރަށަކުން، އަދި މިއަތޮޅުންވެސް ލޮކޭޓެއް ނުކުރެވުން” ކެންޒޯގެ ޖަވާބާއި އެކު ހުޝާލް ހަޅޭ ލަވައިގަތެވެ. އަދި ކެންޒޯ މޫނު މަތީގައި އިން ހެލްމެޓް ނަގާ ހޫރުވާލިއެވެ. އެއާއި އެކު އެޒުވާނާގެ މޫނު ކަޝްފު ވެގެން ދިޔައެވެ. އިސްޖަހައިގެން ހުރި ހައުޒާން ހުޝާލްއާއި ދިމާލަށް ބަލައިލިއެވެ.
(12 ވަނަ ބައި)
ގެއަށް އެނބުރި އާދެވުމުން ޝިރާތް ފެންވަރާ ތާޒާ ވެލިއެވެ. ދޫ ހަރުވާޅަކާއި އެކު ދޫ ޓީޝާޓެއް ލައިގެން އެނދު މައްޗަށް ވެއްޓިގަތީ ނިދާލުމަށެވެ. ނަމަވެސް ޝިރާތުގެ ލޮލަކަށް ނިންޖެއް ނައެވެ. ރޭސް ޖަހާ ކާރެއްހެން ޝިރާތްގެ ސިކުނޑީގައި އެނބުރެމުން ދިޔައީ ހައުލާ ދެއްކި ވާހަކައެވެ.
***
“އަން.. މިއޮތީ 80 ހާސް ރުފިޔާ. މީގެ ބަދަލެއް މަންމަ ބޭނުމެއް ނޫން. ހައުޒާން ދަރިފުޅުދެކެ މިހާރ…