ވަކިވުމަށް ފަހުވެސް[1]

ސުކޫލު ނިމުމާއެކު ރަނގަބީލުގެ އަނޑު މުޅި ޖަމާލުއްދީނުގެ ތެރެއަށް އިވިގެން ދިޔައެވެ. ހުރިހާ ކުދިން އަވަސް ވެގަތީ ސުކޫލުން ނިކުމެ ދިރިއުޅުމުގެ އެހެނިހެން ކަންތައްތަ އަަވަހަށް ފައްޓާށެވެ. ނަމަވެސް ރޮޒޭ ސުކޫލު ނިމުމުން އެންމެ އުފާވީ އޭނަގެ ބެސްޓީ ޖަންކޫކް އާއެކު ހިނގާފަ ގެއަށް ދެވޭތީއެވެ.

ރޮޒޭ ޖަންކޫކް އަންނަން ދެން މަޑުކޮށްލައިގެން ހުރީ އެތާކައިރީ ހުރި ނިކަ ގަހެއްގެ ދަށުގައެވެ. ރޮޒޭ އެތާ ހުރިތާ  15 ވަރަކަށް މިނިޓު ފަހުން ޖަންކޫކް އެތަނަށް އައެވެ. “ގަޑި ޖެހިގެން ތިއައީ” ޖަންކޫކްއަށް ޖެއްސުމަށް ރޮޒޭ ބުނެލިއެވެ. ޖަންކޫކް ހީގަތެވެ.”މާބޮޑަށް މިސްވީ ދޯ”.

އާދައިގެ މަތިން އެދެ ކުދިން ހިނގާފާ ގެއަށް ދިޔައެވެ. ދިޔަ މަގުމަތީ ދެކުދިން އެކެއް އަނެކެކަށް ދިމާކޮށް ، ހީ ، ސަކަރާތްޖަހަމުން ދިޔައެވެ. އެދެކުދިން އަބަދުވެސް އުޅެނީ ވަރަށް ގާތްކޮށެވެ. އެއްްވެސް ބީރައްޓެހި ކަމެއް ނޯވެއެވެ. އެދެކުދިންގެ އެކުވެރި ކަމަކީ އެންމެން ވެސް ބޭނުންވާ ނަމަވެސް ކިޔައިދޭން އުނދަަގޫ އެކުވެރިކަމެއް އޮންނަ ދެ ކުދިންނެވެ.

އެހެން ދުވަސް ދުވަހާ ހިލާފަށް ޖަންކޫކް މާ މަޑުމަޑުން ހުންނަކަން ރޮޒޭ އަށް ފާހަގަވިއެވެ. “ތި ފޮރުވާ ކަންތަށް ބުނޭ” ރޮޒޭ ޖަންކޫކް އާއި ހަތަރު ކަޅިހަމަކޮއްލިއެވެ.

ޖަންކޫކް ވަރަށް ފުން ނޭވާއެއް ލިިއެވެ. “މަށެކަށް ނޭންގުނު މިވާހަކަ ބުނާނެ ގޮތެއް…..އެކަމު މަމިއުޅެނީ އެއްމަސް ފަހުން ކެނެޑާއަށް ބަދަލުވަން. ބައްޕަގެ ޖޮބު ހަމަޖެހުނީ އެތަނުން”

ރޮޒޭ ބަނޑުމަތީގަ އައްއަޅާ ބާރަށް ހީގަތެވެ.”ސަމާސަ ކުރަނީ ދޯ ؟” ޖަންކޫކް ނޫނެކޭ ބުނުމުގެ ގޮތުން ބޯ ދެފަރާތަށް ތަޅުވާލިއެވެ. ދުވަހަކުވެސް ނާންނަ ވަރުގެ ހަމަހިމޭން ކަމެއް އެވަގުތު އެދެކުދިންގެ މެދަށް އައެވެ. “ކިހާ ދުވަހަކަށް ؟” ރޮޒޭ އަހާލިއެވެ.

“މުޅި އުމުރު ދުވަހަށް” ޖަންކޫކް ޖަވާބު ދިނެވެ.

ރޮޒޭގެ މެއަށް ކުއްލިއަކަށް ތަދެއް އެރިއެވެ.”އެކަމަކު އެކޮޅަށް ގޮއްސަވެސް ވާހަ ދައްކާނަން ދޯ ؟ކޮންމެ ދުވަހަކުވެސް؟”

ޖަންކޫކް ހީލިއެވެ.” ޔަގީނެއްނުން”. މިހެން ބުނި ނިންމާލި އިރަށް ރޮޒޭ ޖަނކޫކް ގައިގަ ބައްދާލިއެވެ. އަދި ޖަންކޫކް ކެނެޑާއަށް ގޮއްސަވެސް ރޮޒޭ އާއި ފޯނުން ވާހަކަ ދައްކާނެކަމަށް ރޮޒޭ ގަބޫލުކުރިއެވެ.

ޖަންކޫކް ކެނެޑާއަށް ފުރާ ދުވަސް ޖެހުނެވެ. ފުރަން މަތިންދާ ބޯޓަށް އަރަން ޖަންކޫކް ދިޔަ އިރު ރޮޒޭ އާއި ހަތަރު ކަޅި ހަމަވިއެވެ. އެވަގުތު އެދެކުދިންގެ ހިތަށްވެސް ބުނެދެން ނޭންގޭ ގޮތެއްވެގެން ދިޔައެވެ. އަދި ރޮޒޭ އެއޮށް ހުރިހާ އިރު ހިފަހައްޓައިގެން ހުރި ކަރުނަތަށް ނުހިފެއްޓިގެން ކޯތާފަތްމައްޗަ ފައިބައިގަތެވެ.

=ނުނިމޭ=

[މިވާހަކަ އާމެދު ތިބޭފުޅުން ދެކެނީ ކިހިނެއްތޯ؟]

މިވާހަކައިގެ ދެންއޮތް އެޕިސޯޑުގެ ލިންކު ކޮމެންޓް ސެކްޝަންގެ ތިރީގައި ވާނެއެވެ.