ވާނަމޭ އުމުރަށް އެކީ ޖާނާ………11

ހެނދުނު ގަޑިން އަށެއް ޖެހިއިރު ޒައިން ހުރީ އެސްއެން ކޮމްޕެނީގެ ކުރިމަތީއެވެ.އޭނާއަށްް ކާމިޔާބު ދެއްވުން އެދި ﷲއަށް ދުޢާދެންނެވުމަށްފަހު ޒައިން ގޮސް ކޮމްޕެނީގެ ތެރެއަށް ވަނެވެ.އެވަގުތު އޭނާ ސިހުނީ މީހެއްގެ ގައިގައި އޭނާ ޖެހުމުންނެވެ.

ދެބުމަ ކައިރި ކޮށްލަމުން ޒައިން އޭނާއާ ދިމާލަށް ބަލާލިއެވެ.”ކަލޭ؟؟”ދެމީހުނަށް އެއްފަހަރާބުނެވުނެވެ.”އާނ.މަ!ކިހިނެއްވީ؟މަށަށް ވިއްޔާ މިތާކަށް ނުވަދެވޭތަ؟”ދެބުމަ ގޮށްޖަހާލަމުން ނިހާ ބުނެލިއެވެ.”މަ ނުބުނަން ދޯ ތިހެނެއް؟އެހެންނޫނަސް ކަލޭ ޖެހޭތަ ފެންނަހަތާކުން އައިސް މަގޭ ގައިގަ ލައިގަންނަން.އުޅެންޏާ ރީއްޗަށް ތިމަންނަ އުޅެމޭ ބުނީމަ ވީނު!”ޒައިން އެއްފަހަރާ ފަތިވަރު ދަމާލިއެވެ.”ޗި! މަ ނޫޅެން ކަލެއާ އަޅާގަނެގެނެއް.”މޫނު ކުނިކޮށްލަމުން ނިހާ ދާން ހިނގާގަތެވެ.”އޭ ޗިޕްމަންކް!މަޑުކޮށްބެ!ކީއްކުރަނީ މިތާ؟”ޒައިންގެ ހިތުގައި އުފެދުނު ސުވާލު އޭނާ ނިހާއާ ކޮށްލިއެވެ.”އަމްމްމް.ޖޮބަށް!!”ފަސްއެނބުރިބަލާލަމުން ނިހާ ޖަވާބުދިނެވެ.”އޯހް.”ނިހާގެ ޖަވާބާއެކު މިތަނުން ވަޒީފާ ލިބިއްޖެއްޔާ ދެން މިޖެހުނީ މީނައާއެކީ މަސަތްކަތް ކުރާށޭ ޒައިން ހިތަށް އެރިއެވެ.

ކޮލެޖު ފެށިގެން ކުރިއަށްދަނީއެވެ.ޒައިނާ އިނީ ފޫހިވެގެން މޮޔަވާވަރު ވެފައެވެ.މިއަދު ބަލިވެގެން ޔޫލީ ކޮލެޖަށް ނާންނާތީ އޭނާ އިންނަން ޖެހުނީ އެކަނިވެފައެވެ.ބްރޭކް ގަޑިޖެހުމުން ދަބަސް ނަގައި ކޮނޑުގައި އަޅުވާލައިގެން ޒައިނާ މިސްރާބު ޖެހީ ކޮލެޖުން ނުކުންނާށެވެ.ދާނޭ މިސްރާބެއް ނެތި ހިނގަމުން ދިޔަ ޒައިނާ މަޑުކޮށްލީ އާޓިފިޝަލް ބީޗްގައެވެ.ޖެހެމުން ދިޔަ ފިނިވައިރޯޅިތައް އައިސް ގައިގައި ބީހިލުމުން ޒައިނާއަށް ލޯމަރާލެވުނީ އިޚްތިޔާރަކާއި ނުަލައެވެ.ޒައިނާ ގޮސް އެތަނުން ބެންޗެއްގައި އިށީންދެލަމުން ވަށައިގެން ވީ މާހައުލަށް ނަޒަރު ހިންގާލިއެވެ.

އިންޓަވިއު ނިންމާލުމަށްފަހު ޒައިން ދިޔައީ މާޢިޝްކައިރިއަށެވެ.”އެކްސް ކިއުޒް.ކޮންކަމަކު އައި ބޭފުޅެއްތޯ؟”ޒައިން ގޮސް ރެސިޕަޝަނުގައި މަޑުކޮށްލީރަށް އެތާއިން ކުއްޖާއަހާލިއެވެ.”މީ….މާޢިޝް ހޯދަން.”ޒައިން ބުނެލިއެވެ.”އަމްމްމްމް.މާޢިޝް ސަރ ވީ މީޓިންއެއްގަ.އިރުކޮޅަކުން ދުރުވާނެ.އެޕޮއިންޓްމެންޓެއް ހައްދަންވީނޫންތޯ؟”އެކުއްޖާ އަހާލިއެވެ.”އުހުން.ހެޔޮ ވާނެ ނުހެއްދިޔަސް.”މޭޒުގައި އަތް އަޅުވާލަމުން ޒައިން ބުނެލިއެވެ.”މާޢިޝް ސަރ އާ މީޓް ކުރަންޏާ އެޕޮއިންޓްމެންޓް ހަަދަން ޖެހޭނެ.”އެކުއްޖާ އަނެއްކަވެސް ބުނެލިއެވެ.”ނޫނެކޭ.ހެވޭ ނެހެދިޔަސް.”ޒައިން ބޯކަހާލަމުން ބުނެލިއެވެ.ޒައިން ހަމަ އުޅެއުޅެވެސް އެކުއްޖާ ކުރެއް ނުކުރިއެވެ.އެވަގުތުވީ މާޢިޝް ކޮމްޕެނީގެ ތެރެއަށް ވަދެގެން އައި ވަގުތަށެވެ.މާޢިޝް ފެނުނު އިރަށް ޒައިން ގޮސް މާޢިޝްއާ އަރާ ހަމަކޮށްލަމުން ކޮނޑުގައި ޖަހާލަން އަތްއުފުލާލިއެވެ.”ކީޕް ޑިސްޓެންސް ސަރ.”މާޢިޝްގެ ފަހަތުގައި ހުރި ރުހައިލް މާޢިޝްގެ ކުރިމަތީހުއްޓިލަމުން ބުނެލިއެވެ.”އިޓްސް އޯކޭ.އެއީ މަގޭ ބެސްޓީއޭ.”މާޢިޝް ބުނެލިއެވެ.ވަގުތުން ޒައިންއަށް ޖާގަ ދައްކަމުން ރުހައިލް ގޮސް އޮބާލިއެވެ.”ކަލޭ މިތާގެ މީހުނަށް މަމީ ކާކުކަން ނުވެސް ކިޔައިދެން ދޯ؟ހާދަ ހާލެއްގައޭ މިއުޅުނީ.މާޢިޝް ސަރ ކައިރިއަށް ދުރުވަން އެޕޮއިންޓްމެންޓް ހައްދަންޖެހޭނެ.”އަޑު އަންހެން ކޮށްލަމުން ޒައިން ބުނެލިއެވެ.

“ހެއި.ހާދަ އެކަނި ވެފަ؟”އެހެން އިންދާ ޒައިނާ ސިހުނީ ކައިރިން މީހަކު ވާހަކަ ދެއްކި އަޑަށެވެ.ޒައިނާ ހިނިތުންވުމަކުން ފުއްދާލި ނަމަވެސް އެޒުވާނާ ދާޙިޔާލެއް ނުކުރިއެވެ.ޖެހިގެން ހުރި ބެންޗުގައި އިށީންދެލަމުން އޭނާރަނގަޅަށް ޒައިނާއާ ދިމާލަށް ބަލާލިއެވެ.”ކީއްކޮށްލަނީ މިތާ؟”އަނެއްކާވެސް އެޒުވާނާ ވާހަކަދެއްކިއެވެ.ބަލާބެލުމަށް އޭނާއަކީ ރަނގަޅުމީހެއް ވައްތަރުޖަހައެވެ.”މީނީ ފިނިކޮށްލަން އައިސް.”ޒައިނާ އޭނާއަށް ބަލާލަމުން ޖަވާބުދިނެވެ.

ކަޅުކަންގަދަ ފަންއިސްތަށިގަނޑަކާއި އަލި ހަންގަނޑެއްގެ ވެރިއެކެވެ.އިސްކޮޅުންދިގުވެފައި ރީތިކަމަށްދައްކައެވެ.ލައިގެންހުރި އަތްދިގު ކަޅުކުލައިގެ ޖެކެޓް ހުޑީއާޢި ކަޅު ޖީންސްގައި އޭނާ ބަލާލަން ނުހަނު ރީއްޗެވެ.”އަހަންނަށް ކިޔަނީ ހިޝާން.”ހިޝާން ސަލާމަށް އަތް ދިއްކޮށްލަމުން ބުނެލިއެވެ.”ޒައިނާ”ހިނިތުންވެލަމުން ޒައިނާ ބުނެލިއެވެ.ދެމީހުން އެކުވެރިވެގެން ދިޔައީ ހީވެސް ނުކުރާހާ އަވަހަށެވެ.ނަމްބަރު ބަދަލުކުރެވިގެން ދިޔައިރު ޒައިނާއަށް މިވެއްޓެނީ ކިހާ ބޮނޑުއަނދަވަޅަކަށް ކަން އިޙްސާސްވެސް ނުވެއެވެ.

“ހޫން!މަ އަދި ނުބުނަމޭ މިތާ މުއައްޒަފުންކައިރީގައެއް.ދެން ސާބަހޭ.”ޒައިން މޫނުހަދައިގެން ހުރިތަން ފެނުމުން މާޢިޝް ބުނެލިއެވެ.”ތިއެއް ނޫނޭ.މިއައީ އިންޓަވިއު ނިންމާފަ.މަބުނީމެއްނު ޒައި ބުނިއޭ އެއްކަލަ ހަންޑިގަނޑު އައިސް އުޅޭވާހަކަ.އަދި އިންޓަވިއުއަށް ދިޔަތަނާ އެގޮލާ އައިސް މަގޭ ގައިގަ ލައިގަތީ.ހުވާ މިބުނީ އޭނާ ހީވަނީ މަށާ ދަމާ ބާރެއް ހުންނަނީހެން.އެހެންޏާ!ފެންނަ ކޮންމެ ފަހަރަކު އައިސް އެބަ ގައިގަ ލައިގަނޭ.”މާޢިޝްގެ ކެބިންއަށް ވަދެ އެތާހުރި ސޯފާއަށް ވެއްޓިގަންނަމުން ޒައިން ކިޔައިދިނެވެ.ޒައިންގެ ވާހަކަ އަޑުއަހާފައި މާޢިޝް ހުރީ ހިނިގަނޑު ހިފަހައްޓާލައިގެންނެވެ.ވާނީވެސް އެހެންތާއެވެ.ދައްކަމުންދާ ވާހަކައާ އެއްވަރަށް ޒައިން ދިޔައީ އެކްޓް ވެސް ދައްކަމުންނެވެ.

“އޭ އިނގޭތަ؟މިއަދު ދިމާވި ހިޝާން ކިޔާ މީހަކާ.ވަރަށް ފްރެންޑް.”ޒައިނާ ގެއަށް އައިގޮތަށް އެނދަށް ވެއްޓިގަންނަމުން ޔޫލީއަށް ބުނެލިއެވެ.”އެހެންތަ؟ހޫން ދެން އޭނައާ އަޅާގަންނާނީއެއްނޫން.މާޢިޝް ހާޓް ބްރޯކް ވެދާނެ.”ޔޫލި ދިމާކޮށްލާ ފާޑަކަށް ބުނެލިއެވެ.”ހޫން.މަ ނޫޅެމޭ މޮޔަވެގެނެއް.އެހެންނޫނަސް މާޢިޝް އިސް އޯލް މައިން.އޯ މައި ގޯޑް!ދެޓް ސްމައިލް……””ހޫން ހޫން.ތިހިރީ ހަމަ ރަނގަޅަށް އިޝްގީ ބަލި ޖެހިފަ.މަށަށް ފެނޭ ޑޮކްޓަރަށް ދައްކާލަން.”ޒައިނާގެ ވާހަކަ މެދުކަނޑާލަމުން ޔޫލީ ބުނެލިއެވެ.

“ކަލޯ.މަބުނަންތަ ވާހަކައެއް.މި މާއްޓެގެ ކޮމްޕެނީއަށް ނުވާނެ ވަންނާކަށް ވެސް.އެޕޮއިންޓްމެންޓާ އެހެން ހުރިހާ ހަޑިއެއް ހާވަންޖެހޭ.”ޒައިން ވާހަކަދެއްކީ ޝާއިމްމެންނާއެވެ.އެމީހުންތިބީ ކޮފީއަށް އަރައެވެ.”އޭބަލަ ޒޭން.މަބުނިން ދޯ ދެން އެހެނެއް ނުވާނޭ.ކަލޭ ހަމަ ކުޓުވާހިތުން ދޯ؟”މާޢިޝް ޒައިންއަށް ލޯއަޅާލަމުން ބުނެލިއެވެ.”ހޫން ދެން ތިއެއް ނޫނޭ.ހާދަ ވައޭ.މާދަމާ މަ އޮފިޝަލީ ޑިއުޓީ ފަށާނެ.ދެން އަވަހަކަށް ކަމެއް ވެސް ނުކުރެވޭނެ.ކޮފީއަށް އެރުން ފިޔަވާ.”ޝައިމް ބުނެލިއެވެ.”އާނ ދޯ؟އަހަރުމެންގެ އެމްއެންޑްއީއެފް އޮފިސަރު ދޯ މީ؟”ހިނިގަނޑެއް ޖަހާލަމުން ޔަޢީޝް ބުނެލިއެވެ.”އާނ އާނ.ހިނގާ މިރޭ ޖޫގޯ ބޯންދާން އެންމެން.”މާޢިޝް ބުނެލިއެވެ.

އޮށޯވެގެން އޮތް ޒައިނާ ސިހުނީ ފޯނު ވައިބްރޭޓްވި އަޑަށެވެ.ބަލާލިއެރު މާޢިޝްގެ މެސެޖެކެވެ.ހަލުވިކަމާއެކު އިންބޮކްސް ހުޅުވާލި ޒައިނާގެ މޫނުމަތި އުޖާލާވެގެން ދިޔައީ މާޢިޝްގެ އެމެސެޖުފެނިފައެވެ.މިއަދު ހަވީރު ދެމީހުން އެކީ ދުއްވާލަން ދާން ހިނގާށޭ ބުނެފައި މާޢިޝް ކޮށްފައި އިން މެސެޖު ތިން ހަތަރު ފަހަރު ޒައިނާ ކިޔާލިއެވެ.”ކޮން ހުވަފެނެއް ތިބަލަނީ؟”ކޮޓަރީ ދޮރު ހުޅުވާލި ޒައިންއަށް ހެވިފައި އޮތް ޒައިނާފެނި އަހާލިއެވެ.”ކި…ކީ…ކޭ؟”ސިހިފައި ޒައިނާ އަހާލިއެވެ.”ކޮން ހުވަފެނެއްހޭ ތިބަލަނީ؟”ހެވިފައި ޒައިން ބުނެލިއެވެ.”ދޮންބެ ދޮރުގަ ޓަކި ޖަހާ ޖަހާ ހާންތި ވީރުވެސް ތިއޮތީވިއްޔާ.”ޒައިން އައިސް އެކޮޓަރީގައި ހުރި ސޯފާގައި ޖައްސާލިއެވެ.”ހެހެހެ.ސޮރީ!!ކީއްވެއޯ ތިއައީ؟”ޒައިނާ އަހާލިއެވެ.”މިރޭ ޖޫގޯ ބޯންދާން މިއުޅެނީ އެންމެން.ނިހާ ގާތު ބުނާތި.”ޒައިން ބުނެލިއެވެ.ވަގުތުން ޒައިނާ އޭނާގެ އާއެކުވެރިޔާ ތަޢާރަފުކޮށްދޭން ބޭނުންވާ ވަހަކާބުނެލިއެވެ.ޒައިން އެއްބަސް ވުމުން ޒައިނާ އަވަހަށް ހިޝާންއަށާއި ނިހާއަށް މިރޭ އަށްގަޑިބަޔަށް އާޓިފިޝަލް ބީޗަށް އައުމަށް މެސެޖުކޮށްލިއެވެ.

ހަވީރެވެ.ޒައިނާ ރީތިވެގެން ނުކުތް އިރު ގޭތެރޭގައި މީހެއްގެ ހިލަމެއް ވެސް ނުވެއެވެ.މަންމަވީ ބޭރަށް ގޮސްކަން އެނގޭތީވެ ހަރުގަނޑުން ސަނީކާރޒް ނަގައި އަރައިގެން ޒައިނާ ގެއިންނިކުތެވެ.ނަމަވެސް އޭނާގެ ފިޔަވަޅުތައް ހުއްޓުނީ ދޮރޯށި ކުރިމަތިގައި ސައިކަލު ޕާކުކޮށްގެން އޭގައި ލެނގިލައިގެން ހުރި މާޢިޝް ފެނިފައެވެ.ކަޅިޖަހާލަން ނޭނގިފައި ޒައިނާއަށް ހުރެވުނު އިރު މަގުންދިޔަ އެތައް އަންހެންކުއަޖެއްގެ ނަޒަރު މާޢިޝްއަށް ހުއްޓޭކަން އެނގުމުން ޒައިނާގެ ހިތުގައި ހަސަދައިގެ އޮއިވަރެއް ހިނގާލިއެވެ.ލައިގެން ހުރި ހުދުކުލައިގެ ހުޑީއާއި ކަޅުކުލައިގެ ކާގޯޖިންސްގައި މާޢިޝް ބޭރުމޮޑެލްއަކަށްވެސް ދޫނުކުރާނެކަން ގައިމެވެ.ލޮލުގައި އަޅާފައި އިން “ރޭބޭން”ބްރޭންޑްގެ އަވިއައިނުން އެތޫނު ދެލޯ ފޮރުވާލެވިފައި ވީނަމަވެސް އޭނާގެ ނަަޒަރު ހުރީ ޒައިނާއަށް ކަން އެނގުމުން ޒައިނާ ލަދުން އިސްޖަހާލިއެވެ.

ޒައިނާ ނިކުމޭތޯ ދޮރޯށި ކުރިމަތީ އިން މާޢިޝްއަށް ޒައިނާ ނިކުތްތަން ފެނުމުން އެސްފިޔަ ޖަހާލަންވެސް ނޭނގިފައި އިނދެވުނެވެ.އެހާވެސް ޒައިނާ ރީއްޗެވެ.އެ މުށި ކުލައިގެ ބުޅިއިސްތަށިގަނޑު މައްޗަށް ނަގާ އައްސާލައިފައި ވީއިރު ތުންފަތުގައި ލިޕްގްލޮސްއެއް އުނގުލާލުން ފިޔަވާ އިތުރު މޭކަޕެއް ކޮށްފައި ނެތުމުން ނުލާހިކު ސާދާކަމަށް ދައްކައެވެ.ކަރުކެހިލަމުން މާޢިޝް ޒައިނާއަށް ސައިކަލަށް އަރަން އިޝާރާތް ކޮށްލިއެވެ.މަޑު ހިނގުމުގައި ޒައިނާ އައިސް އެރުމުން މާޢިޝް ސައިކަލު ދުއްވާލިއެވެ.

ރޭގަނޑެވެ.ހިޝާން ފިޔަވާ އެންމެން ތިބީ އާޓިފިޝަލް ބީޗްގައެވެ.އޭނާ މިިދަނީކަމަށް މެސެޖު ކުރުމުން ޒައިނާ އެވާހަކަ އެންމެން ގާތުބުނެލިއެވެ.އިރުކޮޅަކުން އެތަނަށް އައިސް މަޑުކޮށްލި ޒުވާނާފެނި ޔޫލީގެ ދެލޯ ބޮޑުވިއިރު ހިތްހީވީ އޭގެ މަޤާމުން ފުންމާލާފާނެހެނެވެ.

މިވާހަކައިގެ ދެންއޮތް އެޕިސޯޑުގެ ލިންކު ކޮމެންޓް ސެކްޝަންގެ ތިރީގައި ވާނެއެވެ.