އަބަދައް-2

ދުރުގައި މި މަންޒަރު ބަލަން ހުރި އަރަންގެ ލޭ ކެކިގަތެވެ. އެހެން ފިރިހެނަކު މާހީ ގައިގައި އިގިލި ކުރި ޖައްސާލިއަސް އެއީ އަރަން އައް ކެއްވާ ވަރު ކަމެއް ނޫނެވެ. ނަމަވެސް ސުކޫލު ކަމުން އޭނާ މަޑުން ހުރީ އެވެ. ނޫންނަމަ އަރަން މިހާރު ދާއިން މަހާ ކައްޓާ ވަކި ކުރީސްކަން ޔަގީނެވެ.

ސުކޫލު ނިމިގެން މާހީ ގެޔަށް ދިޔައިރު އޭނާގެ ބޮޑުދައިތަ ފަހާފޮށި ކައިރީ އުޅެއެވެ. މާހީ ފެނުމުން އޭނާ ލުއި ހިނިތުންވުމެއް ރައްދުކޮށްލިއެވެ. މާހީ ކޮޓަރިއައް ވަދެ ފެނަވަރާ ހަދައިގެން އައިސް އިށީނީ ފޮތް ކިޔާށެވެ. ނަމަވެސް އޭނާ އައް ފޮތަކަށް މާބޮޑު ސަމާލު ކަމެއް ނުދެވެ އެވެ. ވިސްނެމުން ދިޔައީ މައިންބަފައިންނާއި މެދުގައެވެ. މާހީ އައށް އެންމެ 10 އަހަރުގައި އޭނާ ބަންދަކަށް ބޮޑުދައިތަ ކައިރިއަށް އައިސް އުޅެނިކޮށް ހަބަރު ލިބުނީ އޭނާގެ މައިންބަފައިން މަރާލައިފައި ވާ ކަމުގެ ހަބަރެވެ. އެދުވަހު މާހީ ރޮއިރޮއި ދެލޯ ދުޅަދުލަވެ މުޅި ކުއްޖާ ބަލިވިއެވެ. ބޮޑުދައިތަގެ ހާސް މަސަތްކަތުން އަމިއްލަ ފައި މައްޗަށް ތެދުވެވުނެވެ.

“މާހީ ދަރިފުޅާ.. އާދޭ ކާން..” ސިއްސައިގެންގޮސް މާޒީން ބޭރުވެވުނީ ބޮޑުދައިތަ ޒަހީނާ ގޮވާލުމުންނެވެ.  ކަރުނަތަށް ފުހެލައިފައި ނިކުމެގެން ދިޔައީ ބަދިގެޔަށެވެ.

ހަވީރުގެ ވަގުތެވެ. އަރަން އާއި ޖައިޝް ތިބީ ކުރިންދުވަހު ތިބި ޖޯލީގަ އެވެ.

“އެ ދާއިންގެ އެއްވެސް ލަދެއް ހަޔާތެއް ނެތެއްނު.. ގޮސް އޮތީ މާހީ ގައިތެރެ އައް ވަދެ..” އަރަންގެ ހުރީ ހިތްހަމަ ނުޖެހިފަ އެެވެ.

“ކައޭ އަކަށް ކަމެއް ނުކުރެވޭނު އެއީ ކައޭ ބިޓެއްވެސް ނޫން..” ޖައިޝް ބުނެލިއެވެ.

“އޭނާ އައް ޖެހޭނީ ވާހަކަ ދައްކާލަން.. ފުރަތަމަ ފަހަރު ކަމަށް މި ދޫކޮށްލީ..” އަރަން އަތާ އަތް މޮޑެލިއެވެ.

މާހީ އޮތީ އެދުގައި ވާހަކަ ފޮތެއް ހިފައިގެންނެވެ. އެހެން އޮށްވައި ލަވްޔާ އައެެވެ.

“އޭތް ކޮބާ.. ހިގާބަލަ ބޭރަށް ގޮސްލަން..” ލަވްޔާ އައިސް މާހީ އަތުން އެވާހަކަ ފޮތް އަތުލިއެވެ.

“ދެން ވަރަށް ވަރުބަލި.. ނުދެވޭނެ..” މާހީ އެދުމަތީ ފެތުރިލިއެވެ.

“ޕިސް ހިގާބަ.. ގޮސް އުޅެނިކޮށް އަރަން ވެސް ފެނިދާނެ..” ލަވްޔާ ބުމަ އަރުވާލައިފައި ބުނެލިއެވެ.

“ތިހެންވީރު ނުވެސް ދާނަން..؟” މާހީ ބުމަ ގޮށްޖަހައި ލިއެވެ. އަރަން ދެކެވާ ފޫއްސެއްގެ ބޮޑުކަމުން އޭނާގެ ނަންއިވުނަސް މާހީ ފޫހިވެއެވެ.

“ދެން ހިގާބަ.. ރާޔާ އުޅެނީ ބޮލުގަ ރިއްސާތީ.. ދަޅުވެސް ދޭނަން..” ލަވްޔާ މާހީގެ އަތުގައި ހިފައި ދަމައިގަތެވެ.

ދެކުދިންވެސް ގޮސް އަތިރި މަތީ ގަސް ދަށެށް ގައި އިށީނެވެ. މަޖާ ވާހަަކަ ތަކުގައި ތިބެ އިރު އޮތްސޭން ގާތް ވުމުން ގެޔަށް ދާން ތެދުވިއެވެ. ފައި އެޅުނު ގޮތަކުން ތޫނު ގާގަޑެއް މައްޗަށް މާހީ އައް އެރުނެވެ. މާހީ އައް މަޑު އާހެއް ބޭރު ކޮށްލެވުނެވެ.

“ކިނެއްވީ..؟” ލަވްޔާ ހެދުން ރީތި ކޮށްލަމުން ބުނެލިއެވެ. މާހީ ފައި ބަލާލިއެވެ. އޭރު ހޯސްލައިފައި ފައިން  ލޭ އަންނަނީއެވެ.

“އަޅޭ.. އަވަހަށް ހިގާ އެތަނަށް.. ފަތަކުން ލޭތަށް ފުހެލާނީ..” ލަވްޔާ މާހީގެ އަތުގައި ހިފައިގެން އެތާ އިން ދިއްގާ ގަހެއް ކައިރީބެއިންދިއެވެ. ހަމަ އެވަގުތު އަރަން އާއި ޖައިޝް ވެސް ގަސް ގަނޑު ތެރެއިން ނިކުތެވެ. ގަސްގަނޑު ތެޅިގަތުމުން މާހީ އެދިމާ އައް ބަލާލިއެވެ. އެވަގުތު އަރަން އައްވެސް މާހީ އައް ބަލާލެވުނެވެ. އެވަގުތު ދެމީހުންގެ ހަތަރު ކަޅި ހަމަ ވިއެވެ.

*ނުނިމޭ*

މިވާހަކައިގެ ދެންއޮތް އެޕިސޯޑުގެ ލިންކު ކޮމެންޓް ސެކްޝަންގެ ތިރީގައި ވާނެއެވެ.