އެއް އިނގިއްޔާއި ދެއިނގިލި

ޕަޓޯއަކީ ވަރަށް އާދައިގެ މުއަށްޒަފެކެވެ. މީނާ މަސަކަތް ކުރަނީ ރައީސް އޮފީހުގައެވެ. އެއްދުވަހަކު ޖެހުނު މައްސަލައެއްގައި ޕަޓޯ އޮފީހުން ވަކިވެއްޖެއެވެ. އައިސްފަހުރި ރުޅީގައި އޮފީހައި ވައިއެޅޭ ހިސާބައްވެސް އަންނާކައް ބޭނުމެއް ނުވިއެވެ. އޮފީސް ހުންނަ އަވަށުންވެސް ނިކުމެގެން ހިގައްޖެއެވެ.
ޕަޓޯ ދިއުމުން ރައީސް ވަރަށް ދެރަވެ ކަންބޮޑުވެއްޖެއެވެ. މީނާ އަނބުރާ ގެނައުމަށް ރައީސް މަސައްކަތް ފައްޓަވައިފިއެވެ. މިގޮތުން، ރައީސްގެ އަރިސް ބޭފުޅަކު ފޮނުވައި ވަޒީފާއަށް އައުމަށް ވަރަށް އާދޭސް ކޮއްފިއެވެ. ޕަޓޯ ހަމަ ކަހާތަން ހިރުވާވެސް ނުލައެވެ. ރައީސް އަދި މިވަރަކުން ދުލެއްނުކުރިއެވެ. ރައީސްގެ ކުޑަވަރެއްގެ ވަފުދެއް މީނާ ގާތަށް ގޮސް ވަރަށް ތަފާތު ގިނަ ހުށައެޅުންތައް ހުށައަޅައިފިއެވެ. ޕަޓޯ ހަމަހިލާ އެެ އަވަށަށް ވެސް އަރަން ބޭނުމެއް ނުވިއެވެ.
ކޮންމެއްކަސް ޕަޓޯ ގެނާ މީހަކަށް ރައީސް ވަރަށް ބޮޑު އިނާމެއް ހުށައަޅައިފިއެވެ. ވަރަށް ގިނަ މީހުން މިކަމަށް މަސަކަތް ފަށައިފިއެވެ. މިގޮތުން ރައީސް އަރިހުގައި މަސަކަތްކުރާ މުޖައްރިބު ވެސް މިކަމާ ދިމާ ކޮއްފިއެވެ. މުޖައްރިބަކީ ކުދިކުދި “ކިޔެވެލި” ކިޔަވާ ކަމަށް ބުނާ މީހެކެވެ.
މުޖައްރިބު ޕަޓޯ ގާތަށް ދިޔައިރު ޕަޓޯ ވަނީ ރައިސްގެ އެއްވެސް މީހަކު އޭނައާއި 50 ފޫޓައްވުރެ ކައިރި ނުވުމަށް މުޅިސަރައްދުގައި އިއުލާން ކޮއްފައެވެ. ޕަޓޯ އައިސްފަ މިހިރީކީ އާދައިގެ ރުޅިއެއް ނޫނެވެ. މުޖައްރިބުވެސް މިއަށް އިހުތިރާމް ކުރުމުގެގޮތުން ހުރީ 50 ފޫޓައްވުރެ ދުރުގައެވެ. ޕަޓޯ ފެނުމާއި އެކު މުޖައްޖިބު ޝަހާދަތް އިނގިލި މައްޗަށް ހިއްލާލިއެވެ. މުޖައްރިބު އިނގިލި ހިއްލާލުމާއެކު ޕަޓޯ ދެ އިނގިލި (ފޮޓޯގައި ވާގޮތަށް) މައްޗަށް ހިއްލާލިއެވެ. މުޖައްރިބު ބިންމަތީގައި ވަށްބުރެއް ކުރަހާލުމުން ޕަޓޯ އެއަށްވުރެ ބޮޑުބުރެއް ކުރަހާލިއެވެ. އެކަކުވެސް ވާހަކައެއް ނުދައްކައެވެ.
ކޮންމެއަކަސް އެއްކަލަ ޕަޓޯ އަނބުރާ އަތުވެއްޖެއެވެ. ރައީސާއި އެހެންމީހުންވެސް މިކަމާއި ވަރަށް ހައިރާން ވެއްޖެއެވެ. އެތަށް ހުށައެޅުންތަކަކުންވެސް ނުގެނެވުނު މިމީހާ ގެނާގޮތެއް ބަލަން ރައީސް ބޭނުންވެއްޖެއެވެ. މިހެންވެ ރައީސް މުޖައްރިބު ގާތަށް ގޮސް އެހިއެވެ.
ރައީސް: “ކަލޭ ކީކޭ ކިޔާފަތަ އެސޮރު ތިޔަ ގެނައީ… އަނެއްކާ މަށަށް ކޮށްދެވޭވަރު ކަމެއްގެ ވާހަކަތަ ބުނީ”
މުޖައްރިބު: “އަހަރެން ޝަހާދަތް އިނގިލި ހިއްލާލާފައި ނިޔަތްގަތީ ﷲ އެއްކައުވަންތައެވެ. އެހިނދު ޕަޓޯ 2 އިނގިލި ދައްކާލިއެވެ. އޭގެ މާނައަކީ އުޑައި ބިމުގަވެސް ﷲ އެއްކައުވަންތައެވެ. އަހަރެން ބިންމަތީގައި ބޮޅެއް ކުރަހައި ހިތަށް އެރުވީ މިބިމުގެ ވެރިފަރާތަކީ ﷲ އެވެ. އެހިނދު ޕަޓޯ އެއަށްވުރެ ބޮޑު ބޮޅެއް ކުރެހި…މާނައަކީ މުޅިކާއިނާތުގެ ވެރިފަރާތަކީ ﷲ އެވެ.”
ރައީސް ހިތާހިތާ ބުނެލިއެވެ. “އެހެންވީމާ މުޖައްރިބެއްވުރެ ޕަޓޯ މާމޮޅުތާއެވެ….އެއޮއް ހުރިހާ ފައިސާއަށްވެސް ނައިމީހާ ހަމައެކަނި އެހެން ހަދާލައިގެން އަތުވެދާނެބާ…ރުޅިގަނޑު މައިތިރިވީބާ….”
ކޮންމެއަކަސް ރައީސް ނިންމެވީ ޕަޓޯގާތަށް މުޖައްރިބު ބުނީ ކީކޭތޯ ބަލާށެވެ.
ރައީސް ގޮސް ޕަޓޯގާތު އެހިއެވެ. ” ކަލޯ، މުޖައްރިބު ކީކޭތަ ބުނީ، ކަލޭ ތިޔައައީ…ރުޅިގަނޑު މައިތިރިވީތަ؟..”
ޕަޓޯ: ” މުޖައްޖިބު އިގިއްޔެއް ދެއްކި…ބުނިކަހަލަ މަގޭ ލޮލަށް އިނގިލި ކޮއްޕާލާނަމޭ…މަދެއްކިން 2 އިނގިލި” މިހެންކިޔާ ރައީސްގެ ދެލޮލަށް ޕަޓޯ 2 އިނގިލި އަމުނާލަފިއެވެ. މިކަލޭގެ އައިސްފަހުރި ރުޅި ހަމަ ކުޑަތަންކޮޅެއްވެސް މަޑެއްނުވެއެވެ.
އެ ކުރެހި ވަށް ބުރުން ޕަޓޯއަށް ދޭހަވި މާނަ ކޮމެންޓަށް ދޫކޮއްލާނަމެވެ.