ގެންދާށެ މިހިތް ލޯބިން ކަލާ.. 1

ރޭގަނޑުގެ ހަމަހިމޭންވަގުތެވެ. އަރާމު ނިންޖަކުން ނިދާލާފައި އޮތް ލިވްޔާ ސިއްސައިގެން ދިޔައީ ކައިރީގައި ބާއްވާފާ އޮތް ފޯނު ރިންގުވާންފެށުމުންނެވެ. ދެލޯ އުނގުޅާލުމަށްފަހު ކައިރީގައި އޮތް ފޯނުނަގައި ހަލޯ އޭ ބުނެލުމާއެކު އެކޮޅުން އިވުނު އަޑަކުން ލިވްޔާގެ ދެލޯ ތަންމިނަށް ހުޅުވިގެންދިޔައެވެ. ފުޅާ ހިނިތުންވުމަކާއިއެކު ފޯނު ކަނޑާލުމަށްފަހު ލިވްޔާ އޭނާގެ ހޭވިފާވައި ދިގު ދިގު އިސްތަށިގަނޑު އަތުން ރީތި ކޮއްލިއެވެ. އަދި ދުވަމުން ކަހަލަ ގޮތަކަށް ގޮސް ގޭގެ މައިދޮރު ހުޅުވާލިއެވެ.

ފޯނާ ކުޅެންހުރި ނާއިކް ދޮރުހުޅުވިގެން ދިޔަ އަޑަށް އިސްއުފުލާ ބަލާލިއެވެ. އުފާވެރި ހިނިތުންވުމެއްގައި ހުރި ލިވްޔާ ފެނުމުން ކުޑަކޮށް ހިނިތުންވެލުމަށްފަހު އެއްވެސް އެއްޗެކޭ ނުބުނެ ދަބަސްތަށް ހިފައިގެން ނާއިކް ގޭތެރެއަށް ވަދެގެން ދިޔައެވެ. ނާއިކް ވަދެގެން ދިޔަ ދިމާއަށް ބަލަހަށްޓައިގެން ހުރި ލިވްޔާ ގެ މޫނުމަތީގައި މިހާރު ކުރިން ހުރި ހިނިތުންވުމެއް ނެތެވެ. އެ މޫނުމަތި ވަނީ މިލާ މޯޅިވެފައެވެ. އެ ރީތި ދެލޮލުގައި ކަރުނަތަށް ވިދަމުން ދިޔައެވެ.

ދޮރުމަތީގައި މި މަންޒަރު ބަލަންހުރި އިޔާން ގެ ހިތަށް އެތަށްއެއްޗެއް އަރާފައިބަމުން ދިޔައެވެ. ނަމަވެސް ބޯ ހޫރުވާލުމަށްފަހު ކަރުކެހިލީ ލިވްޔާއަށް އޭނާ އެތާހުރިކަން އަންގާލަންށެވެ. އިޔާން ގެ އަޑަށް ލިވްޔާ ސިއްސައިގެން ދިޔައެވެ. ކަރުނަތަށް ފުހެލުމަށްފަހު އިޔާންއަށް ބަލާލުމެއްވެސް ނެތި ކުޑަމިނުން ވަންނާށޭވެސް ނުބުނެ ލިވްޔާ އޭނާގެ ކޮޓަރިއާއި ދިމާލަށް ހިނަގައިގަތެވެ . ދެކޮނޑު އަރުވާލުމަށް ފަހު އިޔާންވެސް ދޮރުލައްޕާލުމަށްފަހު ދަބަސް ހިފައިގެން ނާއިކް ގެ ކޮޓަރިއާއި ދިމާއަށް މިސްރާބު ޖެހިއެވެ.

ކޮޓަރިއަށްވަދެ ދޮރުލައްޕާލުމާއިއެކު ލިވްޔާ ހިފަހައްޓައިގެން ހުރި ކަރުނަތަށް އޭގެ މަގާމު ދޫކޮށް ފައިބާގަތެވެ . ނާއިކް ކަންތަށް ކުރި ގޮތުން ލިވްޔާގެ ހިތް ޝަކުވާއިން ފުރެމުން ދިޔައެވެ.އޭނާ ހީކުރީ އޭނައަށް ނާއިކް މައާފުކުރާނެކަމަށްށެވެ.ނާއިކްގެ ކުއް އިހްސާސްވާނެ ކަމަށްށެވެ.ނަމަވެސް އެއީ ކުއްހީއެއްކަން ނާއިކް ގެ ދުރުހިލޭ ކަމުން ސާބިތުކޮއްދީފިއެވެ. އެރޭ ލިވްޔާއަށް ނިދުނީވެސް ރޮއެ ރޮއެ އޮއްވައެވެ.

——————-

ގަދަނިދީގައި އޮތް ލިވްޔާއަށް ހޭލެވުނީ ފޯނު އެލާމްވާ އަޑަށްށެވެ. މޯޅިއަކަށް ދެމިލުމަށްފަހު އެނދުން ތެދުވެ ލިވްޔާ ފާހާނައަށް ވަދެ ފެން ވަރާލިއެވެ . ފާހާނައިން ނުކުމެ ރީތިވެލައިގެން އެންމެ ފުރަތަމަ ކަމަކަށްވެސް ލިވްޔާ ކުޑަދޮރުތަށް ހުޅުވާލިއެވެ. އޭރު ވަރަށް ބޯކަށް ވާރޭ ވެހެމުން ދިޔައެވެ. ހިނިތުން ވެލުމަށްފަހު ލިވްޔާ ވެހެމުން ދިޔަ ވާރޭ ތެރެއަށް އަތްދިއްކޮއްލިއެވެ.

އިރުކޮޅެއްވަންދެން އެހެން ހުރުމަށް ފަހު ލިވްޔާ ކޮޓަރިން ބޭރަށް ނިކުންނަން ހިނގައިގަތެވެ .  ކޮޓަރިން ނުކުންނަން އެޅި ފުރަތަމަ ފިޔަވަޅާއެކު މީހެއްގެ ގައިގާ ޖެހިފަ ވެއްޓެން ދިޔައެވެ. ވެއްޓުނު ގޮތުން ލިވްޔާއަށް ތަދުވި ނަމަވެސް އަވަސް އަވަހަށް ތެދުވެ ލިވްޔާ ކުރިމަތީގައި ހުރި އިޔާން އަށް އަވަސް ނަޒަރެއް ދިނުމަށްފަހު ފަސްދީފާ ބަދިގެއާއި ދިމާއަށް ހިންގައިގަތެވެ . ” އައި އެމް ސޮރީ ” ބަދިގެއަށް ވަންނަންދިޔަ ލިވްޔާ ގެ ފިޔަވަޅުތަށް ހުއްޓުނެވެ. ” އިޓްސް އޯކޭ ” ފަސްއެންބުރި ބަލާލުމެއްނެތި ލިވްޔާ އެހެން ބުނެލުމަށް ފަހު ބަދިގެ ތެރެއަށް ވަދެގެން ދިޔައެވެ.

އެންމެން ކާންތިބި އިރު އެކިވާހަކަ ދައްކަމުން ދިޔައިރު އިޔާން ގެ ކަޅި ހުރީ ކުރިމަތީގައި އިން ލިވްޔާއަށް ހުއްޓިފައެވެ. އޭނައަށް ފާހަގަ ކުރެވުނީ ކާން އިންއިރު އެންމެ ފަހަރަކު ވެސް ލިވްޔާ އިސްއުފުލާ ބަލާނުލިކަމެވެ. އެންމެން ކައި ނިމުމުން ތަށިތައް ދޮވެ ލުމަށްފަހު ލިވްޔާ ބެލްކަންޔަށް ނިކުމެލިއެވެ. ވެހެމުން ދިޔަ ވާރޭ ތެރޭގައި ހުރިއިރު އެ ދެލޮލުން ހުއްޓުމެއްނެތި ކަރުނަ އޮހެމުން ދިޔައެވެ.

ބެލްކަނި ކުރިމަތިން ހުރަސް ކަނޑާލި އިޔާން އަށް ބޯވާރޭ ތެރޭގައި ހުރި ލިވްޔާ ފެނުމުން ހުއްޓެވުނެވެ. ޔަގީން ކޮއްލުމަށް އިޔާން ބެލްކަންޔާ ދިމާއަށް ބަލާލިއިރު ހަމަ އެ ހުރިތާ ގުޑިވެސް ނުލާ ލިވްޔާ ހުއްޓެވެ. މަޑު މަޑުން ހިނގާލާފަ ގޮސް އިޔާން ލިވްޔާގެ ފަހަތުގައި ހުއްޓިލިއެވެ. އިޔާން ހައިރާން ވީ އޭނައަށް ގޮވާލަމުން ލިވްޔާ ވާހަކަ ދައްކަން ފެށުމުންނެވެ. އޭނާ އެތަނަށް އައިކަން ލިވްޔާއަށް އިނގުނީ ކިހިނެއް ބާއޭ އިޔާން ގެ ހިތަށް އަރަމުން ދިޔައެވެ. ” ޔާން އަހަރެންގެ ކުށަކީ ކޮބާ؟.. ލަމް ވަކިވެގެން ދިޔައިމަ އަހރެންވެސް ދެރަވެޔޭ .. އެކަމަކު އަހަރެން ކީއްތަ ކުރާނީ؟.. ދޮންބެ އަހަރެންގެ ބޮލުގައި އެފަދަ ބޮޑު  އިލަޒާމެއް އެޅުވީ ކީއްވެތަ؟.. ލަމް ވަކިވެގެން ދިޔައީ އަހަރެންގެ ސަބަބުން ތަ؟.. އެ ދުވަސް ބަދަލު ކުރެވޭނެ ނަމަ.. 3 އަހަރު .. މިއަދު މިވީ ތިން އަހަރު ލަމް ހޭނާރާ ކޯމާއެއްގަ އޮންނަތާ.. ހޭއަރާނެ ކަމުގެ އެއްވެސް އުންމީދެއްނެތޭ ޑޮކްޓަރު ބުނުމުން ދޮންބެއަށްވުރެ ބޮޑަށް އަހަރެން ދެރަވި.. އެއީ އަހަރެންގެ އެންމެ ގާތް ރަހަމަތްތެރިޔާ އަދި ދައްތައެއްފަދަ ކުއްޖެއް.. އެވާހަކަ ލަމް ގާތު ބުނެވުނީމާ އަހަރެން ކޮންމެ ދުވަހަކު އަމިއްލަ ނަފްސު ކުއްވެރި ކުރަން..އެއީ އަހަރެންގެ ހަޔާތުގައިވެސް ހެދުނު އެންމެ ބޮޑު ގޯސް.. އެވާހަކަ ނުބުނެވުނު ނަމައޭ ހިތަށް އަރާ .. އެކަމަކު ލަމް ގެ ހަޔާތް ބަރުބާދުވެގެން ދާތަން ބަލަން އަހަންނަށް ނުހުރެވުނީ .. ”

އެހުރިހާ ވާހަކަ އެއް ދެއްކުމަށްފަހު އެނބުރި ލުމުން އެ މޫނުމަތީގައި ވާ ބަޔާންނުކުރެވޭ ފަދަ އަސަރުތަށް ފެނިފައި އިޔާން ގެ ހިތަށް އެތަށް ގޮތެއް ވެގެން ދިޔައެވެ. ” ޔާން .. އަހަރެން ..” ލިވްޔާ ބުނަންއުޅުނު ޖުމްލަ މެދު ކެނޑުނީ އިޔާން ވާހަކަ ދައްކަން ފެށުމުންނެވެ. ” ވީ ކަމެއް ނުވާ ކަމަކަށް ނެހެދޭނެ .. އެހެންނޫނަސް ކާކު ބުނީ އެއީ ލިވް ގެ ސަބަބުން ވީ ކަމެކޭ ؟؟ .. މިއީ ތަގްދީރު .. ދުނިޔޭގައި އުޅޭއިރު ހިތާމަވެރި ކަންކަމާވެސް ދިމާވާނެ .. ލިމް އަށް މިވަގުތު ބޭނުންވަނީ ހެޔޮ ދުޢާ .. އިރާދަކުރެއްވިއްޔާ ނިކް އަށް އަދި ވިސް ނޭނެ ލަމް އެހާލުގައި އެއޮތީ ނިކް ގެ ސަބަބުން ކަން .. ”

އިޔާން ގެ ވާހަތަށް އަޑުއިވުމުން ލިވްޔާގެ ހިތަށް ކުޑަނަމަވެސް ހިތްހަމަ ޖެހުމެއް ލިބިގެން ދިޔައެވެ. އަދި ހިނިތުން ވެލަމުން ލިވްޔާ  މައުލޫ ބަދަލު ކޮއްލީ އެވާހަކަ ދައްކައިގެން ހިތްދަތިވުން ނޫންކަމެއް ނުވާނެކަން އިނގޭތީއެވެ. އަދި ދެމީހުން އެކި ވާހަކައިގަ ތިބެގެން ގޭތެރެއަށް ވަންނަށް މިސްރާބު ޖެހިއެވެ. އޭރު ދެމީހުންވެސް ތިބީ ތެމި ފޯވެފައެވެ.

ލިވްޔާ އާއި އިޔާން އަކީ ކުޑައިރުއްސުރެ ދެ ރަހްމަތްތެރިންނެވެ. ޗުއްޓީގައި އެ ރަށަށް އައިސް އުޅޭއިރު އިޔާން ހުންނަނީ ލިވްޔާމެން ގޭގައެވެ. ދެމީހުންވެސް އެކަކު އަނެކަކު ދެކެ ލޯބި ވާއިރުވެސް ރަހްމަތްތެރިކަމަށް ބުރޫއަރާފާނެތީ އެ އިހްސާސް ތަށް ފާޅު ކުރާކަށް ދެމީހުން ކުރެ އެކަކަށްވެސް ނުކެރެއެވެ.

ފެންވަރާލައިގެން ތެތްއެއްޗެހި ބަދަލު ކޮއްލައިގެން ދެމީހުންވެސް ހިޔާ ކޮއްފައިވާ ޓެރެސްއަށް އަރާ އެތާ ބަހައްޓާފައިވާ ސޯފައިގައި އިށީންދެލިއެވެ. އެކި ވާހަކަ ދައްކަމުން ގޮސް ލިވްޔާ ރޭގަ ކަންތަށް ކުރެވުނު ގޮތުން މައާފަށްވެސް އެދުނެވެ. ދެމީހުން ދައްކަމުން ދިޔަ ވާހަކަ މެދު ކެނޑުނީ ލިވްޔާގެ ފޯނު ރިންވާ އަޑަށްށެވެ. ފޯނު ނަގާ ހަލޯ އޭ ބުނުމުން އެ ކޮޅުން ބުނި އެއްޗެއް އަޑު އިވިފައި ލިވްޔާގެ އަތުން ފޯނު ދޫވެގެން ވެއްޓުނެވެ. އޭރު އެދެލޯ ވަނީ ކަރުނުން ފުރިފައެވެ.

( ނުނިމޭ )