(ރޯދަ ހަދިޔާ) އާއެކޭ ލޯބިވޭ… ފުރަތަަމަ ބައި ( މިއީ އަޝްބާގެ އެކަނިވެރި ދިރިއުޅުމޭ)

ވިސްނުންތޫނުކަން އެއީ އަހަރެންގެ ނަމުގެ މާނައެވެ. ނަމަކީ އަޝްބާއެވެ. އަހަންނަކީ ހަނދާން ހުންނަ ފެށީން ސުރެއް ވާހަކަ ލިޔާ މީހެކެވެ. ފޮތް ފޮތުގައެވެ. ގޭގައި އެކި އުމުރު ފުރާއާ ގުޅޭ ވާހަކަ ހުރެއެވެ. ވާހަކަ ފޮތްތަކަކީ އަހަރެންގެ އެންމެ ގާތް މިތުރުންނެވެ. ދުވާލަކު ފޮތެއް ކިޔާ ނިންމަމެވެ.

މައިންބަފައިން ވަނީ އަހަރެން ވަރަށް ކުޑައިރު ނިޔާވެފައެވެ. އުމުރުން ސައުވީސްވަނަ  އަހަރުގެ ދުވަސްތައް މި ގުނަނީ މަލޭގެ  ހަލަބޮލި މާހައުލުގައި އެކަނިމާ އެކަންޖެއެވެ.  ހަޔާތަށް ބައިވެރިޔަކުވެސް ލިބުނެއެވެ.  އެއީ އަހަރެން އެންމެ ބޭނުންވި މީހާއަށް ނުވުމުން އެކަން ކުރަން ފޫހިވީއެވެ. އޭނާވީ ހިސާބެއް ވެސް އަހަންނަށް މިހާރަކު ނޭނގެއެވެ. އެކަން މުހިންމު ކަމަކަށް ނުވެސްދެކެވެ.

މި ހާތަނަށްވެސް މިހުރީ އިންތިޒާރެއްގަ އެވެ. ދިގު އިންތިޒާރެއްގައެވެ. ދެން އެވާހަކަ އިހަށް ބާއްވަމާ ދޯއެވެ. އެއްވެސް ސިފައެއްގައި ކިޔުންތެރިންގެ ހަމްދަރުދީއެއް ނޭދެމެވެ. މިހެން އުޅޭތާ ލައްކަ ދުވަސް ފާއިތުވެގެން ހިނގައްޖެއެވެ.

ވާހަކަ ލިޔާ އިރުވެސް އެއްވެސް އިތުބާރެއް އަހަންނަކަށް ނޯވެއެވެ. ވާހަކަ ރީތިވާނެ ކަމުގެ ކުޑަވެސް ޔަޤީންކަމެއް ނީދެއެވެ. އެކަމަކު ވާހަކަ ފޮތެއް ލިޔުމަކީ އަހަރެންގެ ދުވަސްވީ ހުވަފެނެކެވެ. އެކަން މިއަހަރު ނިމުމުގެ ކުރިން ކުރަން މިހިރީ ހިތުލައިގެންނެވެ. އަހަންނަށް އެކަން ވުން އަދާ ހުރިހާ ކިޔުންތެރިންވެސް ދުޢާކޮށްދެއްޗެވެ.

ލޯތްބަށްޓަކައި މި ކުރެވޭ ދިގު އިންތިޒާރަށް ފޮނި ނިމުމެއް އަންނާނެ ނަމަ ކޮންފަދަ ހެއްޔެވެ؟ އަހަރެންގެ ހަޔާތުގެ ނަވު އައިސް އޭނާ އާއި އާރާ ހަމަވާން މިހާރު ވެއްޖެއެވެ.

މޮޅު ލިޔުންތެރިއަކަށް ވުމަކީ އަހަރެން ދެކެމުން އަންނަށް ފޮނި އުއްމީދެކެވެ. ނޫހެއްގެ ބޭރު ގަނޑުން އަހަރެންގެ ތަސްވީރާއެކު އެއީ ރާއްޖެ ދުން ކުޅަދާނަ ލިޔުންތެރިއެކޭ ޖަހާފަ އިންނަށް ތަން ނުހަނު ދެކޭ ހިތްވެއެވެ.

ސިއްރެއް ބުނަން ހެއްޔެވެ؟ އަހަންނާއި ވައްތަރު އިތުރު މީހަކު އުޅޭނެއެވެ. އެއީ އަހަރެންގެ ކޮއްކޮ އިޞްބާއެވެ. އޭނާ އުޅޭނީ ހއ ދިއްދޫގައެވެ. ބައްޕަ ފަރާތު ބޮޑުދައިތައެއްްގެ ކައިރީއެވެ. ހަޔާތުގެ ޒުވާން އުމުރު އެޅުނު ޅައްއެއްޗެއްގެ ސަބަބުން ކޮއްކޮގެ މުޅި ދިރިއުޅުންވަނީ އަނދިރިވެ ފައެވެ.

ފޮތެއް ލިޔަން ބޭނުންވާ މައިގަނޑު ސަބަބަކީ ވެސް އެއެވެ. ކޮއްކޮ އަށް ރަނގަޅު ފަރުވާ އެއް ކޮށް ދިނުމެވެ. މިހެން ބުނުމުން ކިޔުންތެރިން ސުވާލު އުފެދޭނެކަން ގައިމެވެ. އެކަމަކު އެއީ އަހަންނަށް ދައްކަން ފަސޭހަ ވާހަކަތަކެއް ނޫނެވެ. މާ ބޮޑަށް ތަފްސީލުކޮށް ކިޔައި ނުދެވުނަސް ކުޑަ ޚުލާސާއެއް ކިޔައިދެވޭތޯ އެބަ ބަލަމެވެ. ވަރަށް ކެތްކުރަމުން މިކިޔައިދެނީއެވެ. އަޑުއަހާށެވެ.

މިއީ އިޞްބާއެވެ. އުމުރަކީ 18 އަހަރެވެ. މިއުޅެނީ ލޯބިވެރިޔާއާއި ކައިވެނިކޮށްގެން އޭނާގެ ރަށް ދުއާފަރުގައެވެ. ދެ މީހުންގެވެސް މިއީ އަލަތު ކައިވެންޏެވެ. ވަރަށް ލޯބިވެގެން ކައިވެނި ކުރިޔަސް މިކުރެވުނީ މާ ރަނގަޅު ކަމެއްކަމަކަށް އަހަރެން ނުދެކެވެ. އެއީ އަތް އިސްކުރާ ރުޅިގަދަ މިޒާޖެއްގެ މީހެކެވެ. ލޯބިވެގެން އުޅުން އިރު ނުފެންނަށް އެތައް ސިފަތަކަކުން އޭނާ ހުރީ ޒީނެތްތެރިވެފައެވެ. އެވަރަށް ދުން ބޮއެވެ. އޭނާއަކީ ވާޒީފާއެއް އަދާ ކުރާ މީހަކަށް ނުވެއެވެ.  އެކަމަކު ހުސްނުވެ ލާރި ގެންގުޅެއެވެ. އެކަމާ ސުވާލެއް ކުރިޔަސް ދޭނީ ވަރަށް ރުންކުރު ޖަވާބެކެވެ. އޭނާގެ ކަންކަމާ ބެހުމުގެ ހައްޤެއް އަހަންނަށް ލިބިގެން ނުވެއެވެ. އަބަދުވެސް ބައްޕަގެ ބޮޑު ފިހާރައިން ލިބޭ ފައިސާކަމަށް  އޭނާ ދައުވާކޮށް ހަދައެވެ.

ފަހަރުގައިވެސް އަހަރެން ހިޔެއް ނުކުރަމެވެ.  ސިނގިރޭޓް ބުޔަސް އޭނާ މަސްތުވާތަކެތި ވިއްކާ ބޭނުންކޮށް ހަދާނެ ކަމަށް އުންމީދުވެސް ނުކުރަމެވެ. މިކަމެއް އަހަންނަށް އިނގުނީ ކައިވެންޏަށް އަހަރެއް ވީރެއެވެ. އަލަތު ކައިވެންޏަށް އަހަރެން ފުރުމުން  އެކަމުގެ އުފަލުގައި އޭނާއަށް މީރުވާނެހާ އެއްޗެއް ކެއްކީމެވެ. ކުކުޅު ބިރިޔާނިއާ ލޮނުމެދު “އިސްޕެކެޓީ” އެވެ. ހަލުވާ އާއި މެގުނަމް ޕުޑިންއެވެ. ކޮންމެ މީހަކަށް ވެސް މީރުވާނެކަން ޔަޤީނެވެ. ވަރަށް ކުޑައިރުން ފެށިގެން އަހަރެން ކައްކާ އުޅެމެވެ. އެހެންކަމުން މިއަދު ކައްކަނީ ވަރަށް ސައުޤުވެރިކަމާއެކުއެވެ. ދެން ކޮއްކޮގެ ވާހަކަ ދައްކަނީ ފަހުންނެވެ. އިހަށް އަހަރެން ނެރެން މިއުޅޭ ފޮތުގައި ލިޔާނެ ވާހަކެއް ނިންމަމާހެވެ. ހަމަގައިމުވެސް ބިރުވެރި ވާހަކައެއް އަހަންނަކަށް ނުލިޔެވޭނެއެވެ. ޖިންނިން ދެކެ އަހަރެން އިންތިހާއަށް ބިރުގަނެއެވެ. ވާހަކަ ލިޔަމުން ދަނިކޮށް ޖިންނިއެއް ސިފަ ވިޔަސް ކޮޅަށް ދިޔައީއެވެ. އެހީވާނެ މީހަކުވެސް ނުހުއްނާނެއެވެ.

އަހަންނަށް އަބަދުވެސް އެންމެ ކަމުދަނީ ލޯބީގެ ވާހަކަތަކެވެ. ލިޔަންވެސް ބޭނުމީ އެފަދަ ވާހަކައެކެވެ. ނަމަވެސް ލޯތްބަކީ މީހުން ލިޔެ ފޫހި ކޮށްފައި އޮތް ސުރުޚީ އެކެވެ.

މިއަހަރު އަހަރެންގެ ކިޔެވުން ނިމޭނެއެވެ. އަހަންނަކީ ނަރުހެކެވެ. ނަރުހަކަށްވީ ހަމަ އެންމެ މީހަކަށްޓަކައެވެ. ލޯބިވާ ކޮއްކޮއަށް ޓަކައެވެ. ސުކޫލުގައި އުޅުނު އިރު ނަރުހަކަން ވާނެކަމަށް ވަރަށް އަޒުމުގައި ކޮއްކޮ ބުނާނެއެވެ. އަހެރެން ވާން ވޭނުންވީ ދިވެހި މުދައްރިސަކަށެވެ. ކުދިންނަށް ކިޔަވައިދީ ތަފާތު ލިޔުން ލިޔެ ހެދުމަކީ އަހަރެން ވަރަށް ކުރާ ހިތްވާ ކަންކަމެވެ. ދެން އެދުވަހެއް ނާއްނާނެވެ. މިއަދު އަހަންނަކީ ނަރުހެކެވެ. މީހެއްގެ ކުލަނުވި ހުވަފެނެއްގައި ކުލަޖެއްސުމަށްޓަކައި އަހަރެންގެ ހުރިހާ އުފާތަކެއް މިހުރީ ދޫއްކޮށްލައިގެންނެވެ. ކޮންމެ ކަމެއްވެސް ކުރާނީ އަހަރެންގެ ލޯބިވާ ކޮއްކޮއަށް ޓަކައެވެ. އެއީ މި ދުނިޔޭގައި އަހަރެންގެ ހުރި ހަމައެކަނި އާއިލާއެވެ. ތަޤުދީރުގައި މައިންބަފައިންގެ ލޯބިން ލިބެން ނެތުމަކީ  ފަހެ އަހަރެންގެ ކުށެއް ހެއްޔެވެ؟ ކޮއްކޮގެ ދެ ލޮލަށް ނުފެނުން އެއީވެސް އަހަރެންގެ  ނާޤާބިލްކަމުން ވީ ކަމެއްހެއްޔެވެ؟ އަހަރެން މީ އެހާވެސް ފިޑި ދޮންތައަކީތާއެވެ.

ނުނިމޭ