އަހަރެން މަރުވަނީ!!!

އަހަރެންނަކީ އަހަރެންގެ މަންމައާއި ބައްޕަގެ ހުރި ހަމައެކަނި ދަރިއެވެ. ބައްޕަވަނީ އަހަރެން ވަރަށް ކުޑައިރު ނިޔާވެފައި ކަމަށް މަންމަ ބުނެއެވެ. އަހަރެން ބޮޑުވެގެން އައީ ހަމައެކަނި މަންމައެއްގެ ލޯބި ލިބިގެންނެވެ. މަންމަ އަހަރެންނަށް ބައްޕައެއްގެ ލޯބި ދިނުމަށް ކިތަންމެ މަސައްކަތް ކުރިޔަސް އެ ލޯތްބެއް އަހަންނަކަށް ނުލިބުނެވެ. އަބަދުވެސް ބައްޕައެއްގެ ލޯތްބައް އެދި ގޮވަމެވެ. ބައްޕަ މިތާ ހުރިނަމައޭ ބުނެވެއެވެ. ނަމަވެސް ނަމައަކުން ކެއްކޭނެ ރިހައެއް ނޯންނާނެއެވެ. މަންމަ ބައްޕަދެކެ ވަރަށް ރުޅިއާދެއެވެ. އަހަރެންނަކަށް ސަބަބެއް ނޭނގުނެވެ. އަހާ އަހާ ނުވެސް ބުންޏެވެ. އަހަރެން ކުރިމަތީ އަހަރެންގެ ބައްޕައަށް އޭތި މީތި ގޮވަމުން ދަނީ ސަބަބެއް ނެތިއެއް ނޫންކަން އަހަރެންނަށް އިނގެއެވެ. އަހަރެންގެ ނަމަކީ ޝާނާ ވަހީދު އެވެ. އަހަރެންގެ ނަމުގެ ފަހަތަށް ބައްޕަގެ ނަން އަންނާތީވެސް މަންމަ ވަރަށް ޝަކުވާ ކުރެއެވެ. ނަމަވެސް ދެން ކުރާނީ ކީއްހެއްޔެވެ. ނަންއޮތީ ކިއިފައެވެ. ބަދަލު ކުރާކަށް އަހަރެން ބޭނުމެއް ނުވެއެވެ.

ހަޤީޤަތުގައި މަންމަވެސް ބޭނުމެއް ނުވާނެކަން އިނގެއެވެ. އަހަރެން ކުރިމަތީ އެކަން ދައްކަނީއެވެ. އަހަރެން ކުރިމަތީ މަންމަ ބައްޕައޭ ކިޔައިގެން އެގޮތަށް ވާހަކަ ދެއްކި ކަމުގައިވިޔަސް މަންމަ ބައްޕަ ދެކެ ވަރަށް ލޯބިވެއެވެ. އެތަށް ދުވަހަކު އެބައްޕައަށް ޓަކާ ސިއްރު ސިއްރުން ކަރުނަ އޮހޮރާތަން އަހަރެންގެ މި ދެލޮލުން ދެކުނީމެވެ. މަންމައާއި ބައްޕަގެ މި ކަންތައް ގަނޑަކީ ވަރަށް ވެސް ބޮޑަށް އޮޅުން އަރާފައިވާ ސިއްރެކެވެ. އަހަރެންނަށް ނޭނގުނަސް އަހަރެން އެކަން ހޯދާނަމެވެ.

މަންމަ އަހަރެންދެކެ ވަރަށް ލޯބި ވެއެވެ. މަންމަ އަކީ އަހަރެންގެ އެކުވެރިއެކޭ ބުންޔަސް ދޮގަކަށް ނުވާނެއެވެ. އަހަރެން ހުރިހާ ވާހަކައެއް މަންމައަށް ވެސް ކިޔައިދެމެވެ. ނަމަވެސް މަންމައެއް ނުކިޔާދެއެވެ. މަންމަ ދިރިއުޅުމުގައި ހިނގާ ހާދިސާތައް އެނގެން އަހަރެންވެސް ބޭނުންވެއެވެ.

އަހަރެން ރަށުގައި ތައުލީމީ ފެންވަރު އެހާ ރަނގަޅު ރަށަކަށް ނުވުމުގެ ސަބަބުން އަހަރެން ޖެހުނީ ގުރޭޑް 8 ކިޔަވަން ކައިރީގައި ހުރި އަތޮޅު ވެރިކަން ކުރާ ރަށަށް ބަދަލުވާށެވެ. އަހަރެންގެ މަންމަގެ ރައްޓެއްސެއްގެ ގެއެއްގައި އަހަރެން ހުންނަން ހަމަޖެއްސީ މަންމައެވެ. މަންމަ ރަށުގައި ހުންނަން ޖެހުނީ މަންމަގެ ވަޒީފާގެ ސަބަބުންނެވެ. އެ ވަޒީފާ ގެއްލިއްޖެނަމަ އަހަރެމެން ދެމީހުން ޖެހޭނީ ބަނޑަށް ތިބޭށެވެ. މަންމައަކީ ރަށުގެ ހެލްތް ސެންޓަރގައި މަސައްކަތް ކުރަމުންއަންނަ ހެލްތް ވޯކަރެކެވެ.

10 ނިންމާ 11ށް ދިޔައީ ވަރަށްވެސް ރަނގަޅު ނަތީޖާއަކުންނެވެ. މަންމަގެ ލޯ ކަރުނުން ތެންމާލި ފުރަތަމަ ފަހަރަށް މިފަހަރު ވިއެވެ. އަހަރެން ވަރަށް އުފާވިއެވެ. އަނެއްކާވެސް ސުކޫލް ފެށުމުން އަހަރެން މަންމަ ދޫކޮށް އެރަށަށް ދާން ޖެހުނެވެ. އެހިސާބުން އަހަރެންގެ ދިރިއުޅުމަށް ބޮޑު ތޫފާންގަނޑެއް އެރިއެވެ. އެ ތޫފާނަކީ އެންމެ މީހެއްގެ ސަބަބުން އެރި ތޫފާންގަނޑެކެވެ.

އަހަރެންގެ އެންމެ އެކުވެރި ޝިފާ ގެ ދެބެންގެ ދެދަރި ބޭބެ އަހުމާން އަހަރެންގެ ގާތު ރައްޓެހި ވާން އެހި ފަހުންނެވެ. “ސޮރީ.. އެކަމު ޝާ ބޭނުމެއްނޫން ރައްޓެހިވާކަށް.” އަހަރެން އޭނަ އާއި ވަރަށް ރީއްޗަށް ވާހަކަދައްކަމެވެ. ބަލާބެލުމަށް އޭނަ އަކީ ގޯސް މީހެއް ހެނެއް ހިޔެއް ނުވެއެވެ. އެކަމުވެސް އަހަރެން އޭނަ ދެކެ ވަރަށް ރުޅިއާދެއެވެ. ފަހަތުން ގެއާއި ހަމާލަށް އައުމާއި އަހަރެންގެ ޖަވާބު އެނގި ހުރެވެސް އަހަރެންނާއި ތަކުރާރުކޮށް ރައްޓެހިވާން އެހުން ވީ އަހަރެންގެ ސިކުނޑިއަށް އުނދަގޫތަކެއް ކުރިމަތި ވީކަމެކެވެ.

 “ހެޔޮނުވާނެ އަހަރެން ފަހަތުން ނައިސްބަލަ.. އަހަރެން ބުނެފީމެއްނު ރައްޓެހު ވާކަށް ބޭނުމެއް ނުވެޔޭ ދެން ކީއްކުރަން މޮޔައެއްހެން ފަހަތަން ތިޔަ އަންނަނީ.. އަހަރެންގެ ޖަވާބު ނީނގެނީތަ.. އަދި އެއްފަހަރު ބުނަން ވީތަ؟؟ އަހަރެން ޝާނާ ވަހީދު ކަލޭ އާނ! ކަލޭ އަހުމާން އިބްރާހިމް އަކާއި ރައްޓެހި އެއް ނުވާނަން.. މިހާރު ޖަވާބު ވަރަށް ސާފު ދޯ.” އަހަރެން އެދުވަހު އައީ އަމަށަކު ރުޅިއެއް ނޫނެވެ. ނަމަވެސް ވާހަކަ ދެއްކީ މަޑުންނެވެ. ހިނގާފަ ދާ މީހުންނަށް އަޑު އިވިދާނެ އަތީއެވެ. މިއީ އަހަރެން މީހަކާ ދިމާލަށް މިފަދަ ގޮތަކަށް ރުޅިއައިސްގެން ވާހަކަ ދެއްކި ފުރަތަމަ ފަހަރެވެ. ރުޅި ކޮންޓްރޯލް ނުވީއެވެ. އަހުމާން އަހަރެންނާއި ދިމާލަށް ބަލަން ހުރެފައި މަގުގެ އެފަޅިން އައި ޕިކަޕެއްގެ ކުރިމައްޗަށް އެރިއެވެ. އޭރުވެސް ހުރީ އަހަރެންނާއި ދިމާ ބަލަހައްޓައިގެންނެވެ.

“އަހުމާން.. ކަލޭ މޮޔަވީތަ.. ޕްލީސް ދުރައްދޭ ތިތަނުން” އަހަރެން އެހެން ބުނިއިރު މާ ލަސްވެއްޖެއެވެ. ޕިކަޕް އައިސް އޭނާގެ ގައިގާ ޖެހުނެވެ. އޭނާ ދިޔައީ ވިއްސައިގެންނެވެ. އަހަރެން ވަރަށް ބިރުގަތެވެ. އަހަރެންގެ ސަބަބުން އެހެން މީހެއްގެ ފުރާނަ ދުއްވާލާކަށް އަހަރެން ބޭނުމެއް ނޫނެވެ. އަހަރެން ދުވެފައި އަހުމާން ކައިރިއަށް ދިޔައީމެވެ. މަގުން ހިނގާފަ ދިޔަ ދެމީހަކުވެސް އެތަނަށް އައެވެ. ޕިކަޕް ދިޔަގޮތަށް ދިޔައީއެވެ. މީހެއްގެ ސައިކަލެއްގެ ފަހަތަށް އަރުވައިގެން އަހުމާން ގެންދިޔައީ ހޮސްޕިޓަލަށެވެ. އޭނާގެ ހެޔެއް އޭރަކުވެސް ނެތެވެ. އަހަރެން ދުވެފައި ދިޔައީ ޝިފާ މެން ގެއަށެވެ. އަދި އޭނާއަށް ހުރިހާ ވާހަކައެއް ކިޔައިދިނީމެވެ. “ޝާނާ… އޭނައާއި ރައްޓެހިވެބަ.. ޕްލީސް.. އަހަރެންނަށް އިނގޭ ޝާނާ އައީ އެހެންމީހަކަށް ހިތް ދީފަކަން.. އެކަމަކުވެސް ޝާހާން ޝާނާ އަކަށް ލިބޭނެ ކަމެއް ނޭނގެ އެއްނު.. ޝާހާން ގެހިތުގައި އޮތް އެއްޗެއްވެސް ނޭނގެއެއްނު.. އަހަރެން ބޭބެ މަރުވެދާނެ ޝާނާގެ ލޯބީގެ ހައްޤުޤައި… ހެޔޮނުވާނެ ޝާނާ އޭނާ އާއި ރައްޓެހިވޭ” އަހަރެންނަށް ރޮވުނެވެ. އަހަރެން ޝާހާން ދެކެ ވަރަށް ލޯބިވެއެވެ. އެއީ އަހަރެންގެ ރަށު ކުއްޖެކެވެ. އަހަރެން އޭނާ ދެކެ ލޯބިވާނެ ފެށީ ކޮންދުވަހަކުން ފަށައިގެން ކަމެއް ނޭނގެއެވެ. އެނގޭހާވެސް އެއްޗަކީ އޭނަދެކެ އަހަރެން ވަރަށް ލޯބިވާ ކަމެވެ. “އަހަރެން ވިސްނާލާނަން.. ހޮސްޕިޓަލް އަށް ގޮސް ވާނުވާ އަންގާލާތި. އަހަރެން ގެއަށް މިދަނީ..”

އަހަރެން ޝިފާ ކައިރިއަށް ދިޔައީ އޭނައާއި އެކު ހޮސްޕިޓަލަށް ދިޔުމުގެ އުންމީދުގައެވެ. ނަމަވެސް ޝިފާ ދެއްކި ވާހަކަ އަކުން އަހަރެންގެ ބޮލުގަ ރިއްސައިގަތީއެވެ. ވިސްނާލަން ބޭނުންވީއެވެ. ތެދެކެވެ. ޝާހާން އަހަރެންނާއި ދޭތެރޭ ދެކޭ ގޮތެއް ހުދު އަހަންނަކަށް ވެސް ނޭނގެއެވެ. އަހަރެން އޭނަދެކެ ލޯބިވިޔަސް އޭނަ ނުވެދާނެއެވެ. އަހަރެން އަހުމާން އާއި ރައްޓެހި ނުވެއްޖެނަމަ ހަމައެކަނި އަހުމާންގެ ފުރާނައަށް ގެއްލުންވާނީކީ ނޫނެވެ. އަހަރެންނާއި ޝިފާގެ ގުޅުމަށްވެސް ބުރުއަރާނެއެވެ. އެ ދެކަމަކީވެސް އަހަރެން ވާން ބޭނުން ކަމެއް ނޫނެވެ. އަހަރެން މަންމައަށް ގުޅާލީމެވެ. ހަދާނެ ގޮތް ހުސްވީމައެވެ. ޝާހާންގެ ވާހަކައަކީ މަންމަގާތު ނުދައްކާ ވާހަކައެކެވެ. ނަމަވެސް އެނޫން ހުރިހާ ވާހަކައެއް މަންމައަށް ކިޔައިދެމެވެ.

“މަންމާ ޝާ ކިހިނެއްތަ ހަދަންވީ ދެން؟” “ދަރިފުޅާ.. މަންމައަށް ފެންނަނީ އޭނައާއި ރައްޓެހިވާން. އޭނަ ކޮންމެ ކަމެއްވެސް ކޮށްފާނެ.. އަނެއްކާ ތިބުނީ ޝިފާ ގެ ދެބެންގެ ދެދަރި ބޭބެއޭ. އެއި ވަރަށް ރަނގަޅު އާއިލާއެއް.. މަންމަ ބުނާނީ އޭނަ ބޭނުންވާ ކަންތައް އޭނައަށް ކޮށްދޭށޭ.. ދަރިފުޅާ ދެން މަންމަ ބާއްވަނީ ފަހުން ގުޅާނަން. މިއިނީ މަރުކަޒުގަ.. ރަނގަޅަށް ކިޔަވަންޗޭ” “އޯކޭ މަންމާ.. ބައި” އަހަރެން ފުންނޭވައެއް ޖައްވުގެ ތެރެއަށް ދޫކޮށްލީމެވެ.

އަހަރެން އަހުމާން އާއި ރައްޓެހިވާނީއެވެ. އެނޫން ގޮތެއް ނެތެވެ.

-ނުނިމޭ-

މިވާހަކައިގެ ދެންއޮތް އެޕިސޯޑުގެ ލިންކު ކޮމެންޓް ސެކްޝަންގެ ތިރީގައި ވާނެއެވެ.