” ޖިންނީންގެ ވާހަކަތަކީ މުޅިން “ފުލޯކު” ވާހަކަ ތަކެއް ކަމަށް ގަބޫލު ކުރާ މީހުން މިޒަމާނުގައި މަދެއް ނޫނެވެ. ޖިންނީންގެ ސަބަބުން ދިމާވެފައިވާ ހާދިސާތަކަކީ މީހުން ބިރުގަންނަވަން ހަދައިގެން އުޅޭ އެއްވެސް ހަގީގަތެއް ނެތް ވާހަކަ ތަކެއް ކަމަށް ވަނީ ވެފައެވެ. ނަމަވެސް ހެއްދެވި ފަރާތް ގަބޫލު ކުރާ ފަދައިން ޖިންނީން ނަކީވެސް އުޅޭ ބައެއްކަން ގަބޫލު ކުރަން ޖެހެއެވެ.
ސިހުރަކީވެސް މިޒަމާނުގައި އާންމުވެފައިވާ ބޮޑު ފާފައެކެވެ. މީހުންގެ ހައްގުތަކަށް އަރައި ގަތުމަށާ، މީހުނަށް ގެއްލުން ދިނުމުގެ ބޭނުމުގައި ސިހުރު ހަދަމުން ދާ ވަރަށް ގިނަމީހުން އުޅެއެވެ. އެމީހުން ހަދާ ސިހުރުގައި އެހީވުމުގެ ގޮތުން ޖިންނީން ގެންގުޅެއެވެ. އެމަހުލޫގުންގެ ބާރު ބޭނުން ކުރުމަށް އެ މަހްލޫގުން އަޅުވެތިކޮށްގެން ގެންގުޅުމަކީ އާކަމެއް ނޫނެވެ. ނަމަވެސް އެމީހުން އަޅުވެތިކޮށްގެން ގެންގުޅެން ވަކި މިންގަނޑެއް އޮވެއެވެ. އެމީހުންގެ މަސައްކަތަށް އުޒޫރަވެސް ދޭން ޖެހެެވެ. ސިހުރުވެރިން ޖިންނީންނާ މެދު ކުރެވޭ މުއާމަލާތުގެ ތެރެއިން ކުޑަވެސް ކުށެއް ކުރެވިއްޖެ ނަމަ އޭގެން ހިތި ނަތީޖާއެއް ނުކުމެ ދާނެއެވެ. ކުރެވޭ މޮޔަ ކަމަކުން މައުސޫމު އެތަށް ބައެއްގެ ދިރިއުޅުން އަނދަވަޅަކަށް ވެގެން ދެއެވެ. ކުށެއް ނެތް އެތަށް ބައެއްގެ ދިރިއުޅުމަށް ބަދުނަސީބުގެ ހިޔަނި އެޅިގެން ދެއެވެ. ”
މި ވާހަކައަކީ އަޅުގަނޑުގެ އަމިއްލަ ހިޔާލާއި ސިފަކުރުމުގެ މައްޗަށް ބިނާކޮށް ލިޔެވޭ ބިރުވެރި ވާހަކައެކެވެ. މިވާހަކައިގެ ބައެއް އެޕިސޯޑު ތަކުގައި ކުޑަކުދިންނާ ނުގުޅޭ މަންޒަރުތަށް ސިފަކޮށްދީފައި ވާތީ މިއީ 18 އަހަރުން މަތީގެ ކިޔުންތެރިންނަށް ހާއްސަ ކުރެވިފައިވާ ވާހަކައެއް ކަމަށް ބުނެލަމެވެ.
ވާހަކައިގެ ފުރަތަމަ ބައި ވަރަށް އަވަހަށް ކިޔާލަން ލިބޭނެ ވާހަކަ ދަންނަވާލަން. ވާހަކައަށް އިންތިޒާރު ކޮއްލަށްވާ!!
Other Articles
ލޯބިވާ ޔާރާ 1
ކުރުވާހަކަ
