ރޫބީ

ރޫބީ އަކީ ގައިގެ ކުލަ ދޮން އަންހެނެކެވެ. އުމުރުން ސާޅީސް އަހަރަށް ވުރެ ދޮށި ވާނެއެވެ. ޒުވާންދުވަސްވަރު ކުރި ކައިވެންޏަށް ދެތިން އަހަރު ނުވަނީސް މަސްތުވާތަކެތީގެ މައްސަލައެއްގައި ރޫބީގެ ފިރިމީހާ ޖަލަށް ލެވުނެވެ. އޭރު ރޫބީގެ ކުޑަ ފިރިހެން ކުއްޖަކު ވެސް ހުއްޓެވެ.
ކޮންމެއަކަސް ފިރިމީހާ ސަލާމަތްވާނެ ދުވަހަކަށް އިންތިޒާރު ކުރުމުގައި ރޫބީ ދުވަސްތައް ގުނަމުންދިޔައެވެ. ހަތަރުވަރަކައް އަހަރަށް ފަހު ރޫބީގެ ފިރިމީހާ ޖަލުން ސަލާމަތް ވެގެން އައިސް ރޫބީއާއެކު އުފަލުގައި ދިރިއުޅެމުން ދިޔައެވެ. އޭނާގެ ފިރިމީހާ މަސްތުވާތަކެތީގެ ވަބާއިން ސަލާމަތް ވެގެން މަހަށްދާން ފެށިއެވެ.

ދެން އައީ ސިޔާސީ ޕާޓީ ތައް އުފެދިގެން އައި ދުވަސްވަރެވެ. އެންމެ ފުރަތަމަ އުފެދުނު ސިޔާސީ ޕާޓީގެ މެމްބަރުންގެ ތެރޭގައި ރޫބީ އާއި އޭނާގެ ފިރިމީހާ ވެސް ހިމެނެއެވެ. ޕާޓީގައުޅޭ ބައެއް އަންހެނުންގެ ޖަގަހައިގެ މީހުންނާއެކު ރޫބީ ވަރަށް ގިނައިން އުޅެއެވެ. ރޫބީއާއެކު އުޅޭ މި މީސްމީހުން ރޫބީގެ ގައިން ބަބުރުވަސް ދުވާތީ އަބަދު އެވާހަކަ ދައްކައެވެ. ނަމަވެސް ރޫބީ އަށް ސިއްރުން ނެވެ. ރޫބީގެ ފިރިމީހާ އަށް ރޫބީ ގައިން ބަބުރުވަސް ނުދުވާ ހެއްޔެވެ. ؟ ކިހިލިފަތް ދަށަށް ޖަހާ ސްޕްރޭ ބޭނުން ނުކުރަނީބާއެވެ. ؟ މިއީ އަބަދުވެސް އެމީހުން ހިތަށް އަރާ ފައިބާ ސުވާލުތަކެވެ.

އެއް ދުވަހަކު އަންހެން ވެރީން މަޝްވަރާ ކުރުމަށް ފަހު ރޫބީގެ ފިރިމީހާއަށް ސިޓީއެއް ލިޔުނެވެ. އެ ސިޓީ ގައި ރޫބީގެ ގައިން ނުބައިވަސް ދުވާ ވާހަކަ އާއި އަތްދަށަށް ޖަހަން ރަނގަޅު ޑިއޯޑޮރެންޓް ފުޅި އެއް ގަނެދިނުމަށް އެދިފައިވެއެވެ. ސިޓީ ފޮނުވީ ކާކުކަމެއް ލިޔެފައެއް ނުވެއެވެ. ދެން މިސިޓީ ގޮސް ރޫބީގެ ފިރިމީހާ ގެއަށް ވަންނަ ގަޑިއާއި ކައިރިކޮއް އެ ގޭގެ ގޭޓުގައި ހަރުކޮށް ލިއެވެ. ރޫބީގެ ފިރިމީހާ ގެއަށް ވަންނަން ދިޔައިރު ސިޓީ ފެނިގެން ސިޓީ ނަގައިގެން ކިޔަމުން އެތެރެއަށް ވަނެވެ.
އޭގެ ފަހުން ރޫބީގެ ގައިން ބަބުރުވަހެއް ނުދުވައެވެ. ދުވާ ސެންޓުވަހުން މުޅި ތަން ހުންނަނީ އެއް ވަސްވެފައެވެ.  ކޮންމެއަކަސް ރޫބީގެ ފިރިމީހާ އަށް ޝުކުރު ހައްގެވެ.